Morgunblaðið - 04.02.1984, Blaðsíða 37
MORGUNBLAÐIÐ, LAUGARDAGUR 4. FEBRÚAR 1984
37
Ólafur Friðriks-
son — Minning
Fæddur 29. ágúst 1911.
Dáinn 26. janúar 1984.
í dag, 4. febrúar 1984, er ólafur
Friöriksson, Grænuvöllum 1, Sel-
fossi, kvaddur hinstu kveðju frá
Selfosskirkju, aðeins fjórum mán-
uðum seinna en kona hans, Hall-
dóra Pálsdóttir, en hún lést 28. ág-
úst síðastliðinn.
Ólafur var fæddur að Rauðhálsi
í Mýrdal á höfuðdaginn 1911, kom-
inn af sterkum skaftfellskum ætt-
um. Foreldrar Ólafs voru Þórunn
Sigríður Oddsdóttir og Friðrik
Vigússon Þórarinssonar frá Selja-
landi í Fljótshverfi. Þórarinn
flutti að Sólheimum í Mýrdal, þar
sem Friðrik, faðir Óiafs, fæddist.
Aðeins 5 ára gamall missti Ólaf-
ur föður sinn, í nóvember 1916. Þá
gekk Þórunn Oddsdóttir, eins og
móðir hans var kölluð, með sautj-
ánda barnið. Það missti hún strax
við fæðingu, en áður höfðu þau
hjón misst tvö ungbörn, en 14
komust upp. Allur varð hópurinn
hinn mannvænlegasti, með sterku
ættarmóti.
Um vorið brá móðir Ólafs búi,
flest börnin fóru til frændaliðs, en
hún sjálf fluttist með þrjú að Pét-
ursey til móðursystur sinnar, Þór-
unnar Sigurðardóttur, þar sem
hún dvaldist næstu þrjú árin, en
þá fluttist hún til Vestmannaeyja
til næstelsta sonar síns, Sigurðar
Friðrikssonar, verkstjóra. Þangað
safnaðist nærri allur hópurinn,
smátt og smátt, undir verndar-
væng móður sinnar. Það má segja
að Sigurður hafi gengið systkina-
hópnum í föður stað.
Ari eftir að Þórunn missti mann
sinn mátti hún sjá á eftir elsta
syni sínum, Vigfúsi, 21 árs göml-
um, sem hún hjúkraði í Vest-
mannaeyjum seinasta skeiðið, en
hann hafði veikst af berklum.
Þegar Þórunn brá búi, fór ólaf-
ur í fóstur til frænku sinnar, Elín-
ar Árnadóttur, og Jóns Pálssonar í
Hrífunesi og var þar í góðu yfir-
læti til 14 ára aldurs, er hann
fluttist til Vestmannaeyja til móð-
ur sinnar og systkina og átti þar
heima til 19 ára aldurs. Þá fluttist
hann til foreldra minna að Uxa-
hrygg á Rangárvöllum.
Ég man vel eftir því þegar ólaf-
ur kom fyrst, vinnumaður til for-
eldra minna árið 1931, 11. maí, 19
ára gamall. Þá var ég 6 ára og
tveir yngstu bræður mínir ný-
fæddir. Við minnumst þess hvað
þessi nýkomni glaðlegi, vasklegi
og frjálsmannlegi ungi maður
varð hissa þegar móðursystir mín,
Þórunn Böðvarsdóttir, hafði lokið
við að baða Magnús og lagði hann
frá sér við hlið móður minnar og
tók Matthías upp til þess að baða
hann. Hver ... eru þeir tveir?
Ólafur sagði okkur bræðrunum
marga skemmtilega söguna frá
árum sínum í Hrífunesi, en honum
var einkar lagið að segja skemmti-
lega frá og minna frásagnir hans
mig oft á snillinginn Þórberg
Þórðarson, enda höfðu báðir alist
upp meðal huldufólks og sagna-
þula í Skaftafellssýslu.
Þjóðbjörg
Þau mistök urðu hér í blaðinu í
gær, er birt var minningargrein
um Þjóðbjörgu Þórðardóttur, að
nafn hennar misritaðist í fyrir-
sögninni og stóð þar Þórbjörg.
Hlutaðeigandi eru beðnir velvirð-
ingar á þessum mistökum.
Sá siður var á heimili foreldra
minna að lesið var upp á vetrar-
kvöldum. Skiptust þeir oft á að
lesa Ólafur og faðir minn, en
þeirra stunda er gott að minnast
eins og margra annarra.
Ólafur varð síðan ár eftir ár hjá
föður okkar, en var þó að mig
minnir tvö sumur hjá Guðmundi
Jóhannssyni, vini okkar í Háfs-
hóli, til þess að standa við gamalt
loforð. Það var engin tilviljun því
ein af mörgum dyggðum Ólafs var
orðheldni og áreiðanleiki. Hann
lagði mikla áherslu á að standa
ávallt við sitt og bregðast aldrei í
neinu. Ekki hefi ég þekkt betri
starfsmann en ólafur var.
ólafur var eins og hann á ætt til
að rekja mikill skapfestumaður,
hreinskilinn, glaðlyndur, velvilj-
aður og hrókur alls fagnaðar, þar
sem hann naut sín í góðum vina
hópi, ekki síst á góðum hestum,
sem hann átti löngum meðan
hann átti heima í sveit.
Á næsta bæ við Uxahrygg var
um þessar mundir glæsileg heima-
sæta, Halldóra Pálsdóttir í Fróð-
holti. Felldu hún og Ólafur hugi
saman. Þau giftu sig 6. júní 1943,
hófu búskap í Vestmannaeyjum og
bjuggu þar fyrsta árið, en þar
hafði Ólafur stundað sjóróðra
margar vertíðir með aflaskipstjór-
anum Þorvaldi Guðjónssyni, mági
sínum, á Leó VE 294.
Vorið 1945 fluttust þau hjónin
frá Vestmannaeyjum að Skálavík
á Stokkseyri, en Ólafur stundaði
þá húsasmíði hjá Guðmundi Á.
Böðvarssyni á Selfossi. Árið 1947
fluttu þau svo á Selfossi þar sem
þau síðan byggðu sitt eigið hús að
Tryggvagötu 1, í félagi við for-
eldra mína 1949. Þar bjuggum við
í góðu sambýli við þessi ágætu
hjón í nærri 15 ár, þangað til leiðir
minnar fjölskyldu lágu frá Sel-
fossi. Auk þess unnum við saman í
mörg ár hjá Kaupfélagi Árnes-
inga.
Á þessum stað undu þau ólafur
og Halldóra sér vel, enda um
margt svipað æskuslóðum þeirra.
Þarna sköpuðu þau sér fallegt
heimili, Halldóra og ólafur, heim-
ili, sem alltaf var jafn notalegt að
koma á. Þar leið manni vel, hjá
þessum hressu samhentu hjónum,
en bæði áttu þau við langvarandi
heilsuleysi að stríða, en aldrei
kvörtuðu þau en báru sig alltaf
eins og ekkert amaði að.
Haildóra og Ólafur eignuðust
eina kjördóttur, Öldu, hún er gift
Ragnari Wessman matreiðslu-
manni á Hótel Sögu og eiga þau
tvær ungar dætur, og voru þær
augasteinar afa og ömmu. Alda og
fjölskylda hennar veittu Haildóru
og Ólafi marga gleðistund og
ómetanlega hjálp í erfiðleikum
seinustu árin.
Sambúð Ólafs og Halldóru var
með þeim hætti að til fyrirmyndar
má telja. Þau voru vel samrýnd og
samhent, r bæði sérstök snyrti-
menni. Vildu alltaf öllum gott
gera. Ég minnist þess þegar ólaf-
ur var hjá okkur á Uxahrygg, þá
tíðkaðist að fullorðna fólkið færi
lengri eða skemmri leið til
skemmtunar á hestum um helgar.
Við bræðurnir gátum reitt okkur á
að aldrei gleymdi Óli að kaupa
eitthvað til þess að gleðja okkur
þegar hann kom heim.
Eftir langa samveru frá barn-
æsku og fyrir heilsteypta vináttu
lítum við bræðurnir nánast á Ólaf
sem bróður okkar.
Við ásamt foreldrum okkar, eig-
inkonum og börnum kveðjum nú
góðan vin og samferðamann með
virðingu og þökk fyrir það, sem
hann var okkur, og samfélaginu.
Við vottum Öldu, dóttur hans,
tengdasyni, börnum þeirra og
vandamönnum samúð okkar. Við
vitum að Ólafur Friðriksson mun
uppskera vel, því þannig sáði
hann. Blessuð sé minning hans.
Jón Þ. Sveinsson
t
Maöurinn minn og faðir okkar.
EINAR SIGURÐSSON,
Odda,
Fáskrúösfiröi,
lést í Landakotsspitala 3. febrúar.
Unnur Pétursdóttir,
Guörún Einarsdóttir,
Síguröur Einarsson,
Guölaugur Einarsson.
t
Þökkum af alhug auösýnda samúö við andlát og útför móöur
okkar, tengdamóöur, ömmu, langömmu og systur,
LAUFEYJAR MARKÚSDÓTTUR,
Tunguseli 8.
Sérstakar þakkir færum viö læknum og hjúkrunarliöi á deild 11-A
Landspítalanum.
Markús Sigurgeir,
Höröur Sævar,
Hálfdén,
Jóhanna Halldóra,
Svanfríöur Guörún,
Bára Magnúsdóttir,
Lilja Sigurgeirsdóttir,
Vigdls Olafsdóttir,
Gísli Sigurjónsson,
Eyþór Oskarsson,
barnabörn, barnabarnabarn
og systkini hinnar látnu.
t
Móðursystir mín,
SESSELJA KATRÍN HALLDÓRSDÓTTIR
frá Sauöholti,
síöast til heimilis á Grettisgötu 66,
andaöist á Elli- og hjúkrunarheimilinu Grund fimmtudaginn 2.
febrúar.
Fyrir hönd vandamanna,
Þórir Þóröarson.
t
Hjartkær eiginmaöur minn og faöir okkár,
MAGNÚS ÁRMANN,
stórkaupmaöur,
Gilsárstekk 8, Reykjavík,
lést fimmtudaginn 2. febrúar.
Margrét Ármann,
Arndís Ármann,
Ágúst Már Ármann.
Bróöir okkar, t BRAGI JÓHANNSSON
frá Akureyri,
lést 19. janúar í Gautaborg. Jaröarförin hefur fariö fram.
Lilja Jóhannsdóttir, Þórstína Jóhannsdóttir, Hjördfs Jóhannsdóttir og vandamenn.
t
BRYNDfS ELÍASDÓTTIR,
Reyníhvammi 34,
Kópavogi,
sem andaöist 27. janúar, veröur jarösungin frá Fossvogskirkju,
þriöjudaginn 7. febrúar kl. 15.00.
Kristján Þór,
Kristrún Kristófersdóttir,
Kristján Ólafsson
og aörir vandamenn.
t
Þökkum innilega öllum þeim sem sýndu okkur hluttekningu viö
andlát og útför móöur okkar og tengdamóður,
GUÐRÚNAR KALDAL.
Jón Kaldal, Steinunn Kaldal,
Dagmar Kaldal, Ágúst Friðriksson,
Ingibjörg Kaldal.
t
Þökkum af alhug þá vináttu og samúö sem okkur var sýnd viö
andlát og útför móöur okkar, tengdamóöur, ömmu og langömmu,
ARNDÍSAR KJARTANSDÓTTUR.
Sigrún Elíasdóttir,
Guövaröur Elíasson, Vilfríöur Guönadóttir,
Kjartan Elíasson, Hulda Hafnfjörö,
Hanna Elíasdóttir, Ingvar Sveinsson,
barnabörn og barnabarnabörn.
t
Þökkum hjartanlega auösýnda samúö og vinarhug viö andlát og
útför móöur okkar, tengdamóöur, ömmu og langömmu,
LÁRU KRISTÍNAR GUÐJÓNSDÓTTUR
frá Kirkjulandi, Vestmannaeyjum.
Alda Björnsdóttir, Petrónella Ársælsdóttir,
Birna Björnsdóttir, Vernharöur Bjarnason,
barnabörn og barnabarnabörn.
/HIKLIG4RDUR
MARKADUR VIÐSUND