Morgunblaðið - 22.02.1984, Blaðsíða 16

16
MORGUNBLAÐIÐ, MIÐVIKUDAGUR 22. FEBRÚAR 1984
MORGUNBLAÐIÐ, MIÐVIKUDAGUR 22. FEBRÚAR 1984
17
IKwgmiHaMfr
Utgefandi
Framkvæmdastjóri
Ritstjórar
Fulltrúar ritstjóra
Fréttastjórar
Auglýsingastjóri
hf. Árvakur, Reykjavik.
Haraldur Sveinsson.
Matthías Johannessen,
Styrmir Gunnarsson.
Þorbjörn Guömundsson,
Björn Jóhannsson.
Freysteinn Jóhannsson,
Magnús Finnsson,
Sigtryggur Sigtryggsson,
Ágúst Ingi Jónsson.
Baldvin Jónsson.
Ritstjórn og skrifstofur: Aöalstræti 6, sími 10100. Auglýsingar: Aö-
alstræti 6, sími 22480. Afgreiösla: Skeifunni 19, sími 83033. Áskrift-
argjald 250 kr. á mánuöi innanlands. I lausasölu 20 kr. eintakiö.
Hræðsla Kremlverja
Frá því var skýrt í Morg-
unblaðinu fyrir skömmu
að framkvæmdastjórn Lista-
hátíðar í Reykjavík hefði
ákveðið að skrifa sovéskum
yfirvöldum og láta í ljós von-
brigði sín með „að sovésk
menningaryfirvöld hafi látið
eins og sovéski leikstjórinn
André Tarkowski væri ekki
til“ eins og það var orðað.
Kvikmyndadeild mennta-
málaráðuneytisins í Moskvu
hefur hundsað öll tilmæli
héðan varðandi Tarkowski.
Thor Vilhjálmsson, rithöf-
undur, sagði ástæðuna þessa:
„Þeir eru hræddir við hann,
hann er svo mikið skáld."
Á Reykjavíkurskákmótinu
keppir Lev Alburt, landflótta
frá Sovétríkjunum og nú bú-
settur í Bandaríkjunum. Þeg-
ar Alburt keppti á samskonar
móti 1982 þýddi hann fyrir
Morgunblaðið viðtal við Boris
Gulko, skákmeistara í Sovét-
ríkjunum, sem smyglað var
úr landi, en Kremlverjar hafa
svipt Gulko ferðafrelsi eins og
Tarkowski. Frá því í janúar
1979 hefur Gulko verið at-
vinnulaus, eða síðan hann
sótti um brottfararleyfi frá
Sovétríkjunum og var neitað
um það. Fyrir tveimur árum
sagði Lev Álburt hér í blaðinu
og eiga orð hans enn við:
„Boris Gulko, stórmeistari,
kona hans Anna og þriggja
ára sonur, David, eru í hræði-
legri aðstöðu. Þau liggja á
bæn í von um að fá brottfar-
arleyfi til Vesturlanda þar
sem þau geta verið frjáls.
Reynslan sýnir, að líkurnar á
því að þau ferðist austur á
bóginn, til Síberíu, eru marg-
falt meiri.“
Hræðsla Kremlverja teng-
ist þannig tveimur snillingum
sem komið hefðu hingað til
Reykjavíkur, annar vegna
kvikmyndahátíðar og hinn til
að tefla, ef þeir hefðu mátt
um frjálst höfuð strjúka.
Væru talin nöfn allra þeirra
sem eru í sömu eða svipaðri
aðstöðu vegna ofsókna harð-
stjóranna í Sovétríkjunum
myndu allar síður Morgun-
blaðsins ekki duga undir þann
lista. ■ Tveir einstaklingar
skulu þó nefndir: Andre
Sakharov og Júrí Orlov. Síð-
astliðið sumar sagði Elena
Bonner, eiginkona Sakharovs:
„Þeir ætla að drepa okkur og
þegi Vesturlandabúar áfram
líður brátt að endalokunum."
Fréttir af Sakharov-hjónun-
um hafa síðan verið litlar sem
engar.
Hinn 10. febrúar síðastlið-
inn voru 7 ár liðin frá því að
Júrí Orlov, eðlisfræðingur,
var fangelsaður í Sovétríkj-
unum fyrir að hafa unnið að
miðlun upplýsinga um Hels-
inki-samþykktina og brot
Kremlverja á henni. Orlov er
farinn að heilsu og fangaverð-
ir hafa neytt allra ráða til að
brjóta andlegan styrk hans á
bak aftur. Strjálar upplýs-
ingar um Orlov benda til að
hann sé enn óbugaður og bíði
þess eins að fá frelsi að nýju.
Líkurnar á því eru minni en
áður því að í október 1983 var
refsilögum Sovétríkjanna
breytt á þann veg að nú geta
fangelsisstjórar lengt refsi-
vist fanga um 5 ár án mála-
ferla.
Allir þeir sem losnað hafa
úr greipum Kremlverja eru
sammála um að þrotlaus bar-
átta fórnfúsra einstaklinga,
samtaka þeirra og opinberra
aðila á Vesturlöndum hafi
sömu áhrif og dropinn sem
holar steininn gagnvart harð-
stjórunum. Hér hafa nokkrir
einstaklingar verið nefndir
sem þurfa allir á hjálp okkar
að halda.
Hræðsla
Þjóðviljans
Þjóðviljinn kemst að þeirri
niðurstöðu í forystugrein
í gær að gagnrýni Morgun-
blaðsins á Sovétstjórnina og
útsendara hennar eigi upp-
runa sinn að rekja til KGB!
Það hefur margoft sýnt sig að
síst af öllu er þess að vænta
að unnt sé að eiga skynsam-
legar rökræður við Þjóðvilj-
ann. Fjarstæðukenndar skoð-
anir blaðsins eru þess eðlis.
Með því að saka Morgunblað-
ið um þjónkun við KGB er
Þjóðviljinn að reyna að svara 1
leiðara og samantekt hér í
blaðinu á laugardag, þar sem
enn einu sinni var leitt í ljós
að Þjóðviljinn og forystu-
menn Alþýðubandalagsins
eru helstu heimildarmenn
lygafréttamiðlunar sovéska
sendiráðsins og KGB í
Reykjavík hvort heldur hún
er stunduð annars staðar á
Norðurlöndunum eða í mál-
gagni Rauða hersins í
Moskvu. Hvernig væri að full-
trúar viðskiptaráðuneytisins
tækju leiðarabút Þjóðviljans
um Morgunblaðið með sér
næst þegar þeir þurfa að
semja við Sovétstjórnina? Ef-
ist menn í Moskvu um sann-
leiksgildi skrifa Þjóðviljans
er starfsmönnum í sendiráði
íslands þar bent á að safna
öllum tilvitnunum Novosti í
Þjóðviljann, Ólaf R. Gríms-
son og Svavar Gestsson og
senda til Kremlarkastala.
Kannski trúa Kremlverjar þó
ekki frekar Novosti en íslend-
ingar Þjóðviljanum?
Skiotar skoðanir um samkomulagið á formannafundi ASI
Nær þriðjungur fundarnianna
sat hjá við atkvæðagreiðsluna
Dagsbrún og rafiðnaðarmenn á móti
ÁBERANDI margir formenn sátu hjá við
óformlega atkvæðagreiðsiu um samkomu-
lag Alþýðusambands íslands og Vinnuveit-
endasambands íslands þegar það var borið
undir atkvæði í lok formannafundar ASÍ í
gærkvöld. Fimm fulltrúar greiddu atkvæði
gegn samkomulaginu, fulltrúar Dagsbrún-
ar, Rafiðnaðarsambandsins, Félags ís-
lenskra rafvirkja, Félags íslenskra skrift-
vélavirkja og Sveinafélags rafeindavirkja.
Samkvæmt upplýsingum Morgunblaðsins
sat allt að þriðjungur fundarmanna hjá við
atkvæðagreiðsluna en atkvæði voru ekki
talin af fundarstjóra, Birni Þórhallssyni,
varaforseta ASÍ. Meðal þeirra, sem sátu
hjá, voru fulltrúar Sambands bygginga-
manna og Sambands málm- og skipasmiða.
Nokkrir fundarmanna létu í ljós þá
skoðun við blaðamann Mbl. að fundinum
loknum, að full hratt hafi verið „keyrt“ í
afgreiðslu samkomulagsins, aðrir sögð-
ust að vissu leyti geta tekið undir það en
töldu jafnframt, að frekari umræður eða
t.d. nafnakall í atkvæðagreiðslu hefði
engu breytt um niðurstöðu formanna-
fundarins.
Talsverðar umræður urðu um sam-
komulagið á fundinum, sem hófst kl. 16
í fundarsal rafvirkjafélagsins í Borgar-
túni 22. Fyrstur til að andmæla sam-
.íomulaginu var Guðmundur J. Guð-
mundsson, formaður Dagsbrúnar og
Verkamannasambands íslands. Eftir
kaffihlé lifnaði yfir umræðunum og
dróst fundurinn fram yfir kl. 19; upp-
haflega hafði verið áætlað að honum
lyki upp úr kl. 18, því kl. 18:30 var búið
að boða til sameiginlegs blaðamanna-
fundar samninganefnda ASÍ og VSÍ, þar
sem kynna átti samkomulagið. Það var
fyrst kynnt miðstjórnarmönnum ASÍ í
fyrrakvöld.
Aðalheiður Bjarnfreðsdóttir,
formaður Sóknar:
Fæ ekki séð
betri lausn
í stöðunni
„Ég greiddi þessu samkomulagi mitt
atkvæði á miðstjórnarfundi ASÍ á mánu-
dagskvöldið, þegar samkomulagið var
fyrst kynnt okkur," sagði Aðalheiður
Bjarnfreðsdóttir, formaður Sóknar.
„Þótt hækkun tekjutryggingarinnar
sé spor í rétta átt, þá tel ég hana ekki
vera nægilega mikla. Og ég vil gjarnan
fá að sjá nánari útfærslu á fyrirhug-
uðum ráðstðfunum ríkisstjórnarinnar
áður en ég treysti mér til að mæla með
samkomulaginu við mína félagsmenn.
Bókun stjórnarinnar er ekki nógu
skýr.
En þótt hér sé ekki gengið nógu
' vngt, þá kem ég ekki auga á aðra betri
iusn í stöðunni. Ef við viljum fá
íeira, þá verður fólk að vera tilbúið
* leggja harðar að sér í baráttunni.
Eg vil taka það sérstaklega fram, að
samninganefnd okkar hefur unnið
mjög vel, hún hefur farið eins langt og
hún hefur getað. Það hefur verið í
samræmi við þann stuðning, sem hún
hefur fengið — og sá stuðningur hefði
mátt vera meiri. En þegar tekið er
tillit til þess, að ríkisvaldið hefur
gengið á alla kjarasamninga, sem
gerðir hafa verið á síðustu árum, þá er
varla von að fólk sé fýsandi að fara í
harða kjarabaráttu á þessum tíma.
Þetta samkomulag verður lagt fyrir
félaga í Sókn á félagsfundi einhvern
næstu daga, þeir munu ákveða hvort
við samþykkjum þetta eða ekki,“ sagði
Aðalheiður Bjarnfreðsdóttir.
Ásmundur Stefánsson,
forseti ASÍ:
Skynsamlegt
mat í stöðunni
„ÉG TEL að þeir samningar sem við
höfum gert séu skynsamlegt mat á þeirri
stöðu sem við erum í í dag. Ég lít ekki á
þá sem mat á réttmætum hlut okkar í
þjóðartekjum, eða að við fáum sann-
gjarnt skiptahlutfall á railli launafólks og
atvinnurekenda, en ég tel hins vegar að
miðað við þá samningsstöðu sem við höf-
um í dag þá sé skynsamlegra að gera
þennan samning en stefna í átök, sem
hlyti þá að vera hinn kosturinn, ef við
ekki vildum semja,“ sagði Ásmundur
Stefánsson forseti Alþýðusambands ís-
lands vegna kjarasamninganna.
Hann sagði ennfremur: „Með þess-
um samningi er viðmiðunin sú að
halda að meðalltali kaupmætti sem
var á fjórða ársfjórðungi sl. árs, þann-
ig að það er ekki sótt fram á við heldur
stefnt að því að stöðva það hrap kaup-
máttar, sem við höfum staðið frammi
fyrir. Við fáum með þessum samningi
15xk% hækkun á lágmarkstekjum
fyrir þá sem eru á lægstu tekjum og
vinna aðeins dagvinnu. Þá höfum við
lagt fyrir ríkisstjórnina tillögur um
Ásmundur Stefánsson um afstöðu
Guðmundar J. Guðmundssonar:
Samningarnir skyn-
samlegri kostur
en aðildarfélögin
hljóta að meta það
hvert fyrir sig
„ÞAÐ ER í valdi hvers félags innan
okkar raða að taka þá afstöðu sem það
kýs í sambandi við samningsgerð. Al-
þýðusambandið hefur ekkert samn-
ingsforræði fyrir einstök aðildarfélög
og aðildarfélögin hvert fyrir sig hljóta
að verða að meta það, hvernig þau taka
á þessum málum,“ sagði Asmundur
Stefánsson forseti Alþýðusafflbands ís-
lands, er Mbl. spurði hann álits á yfir-
lýsingum Guðmundar J. Guðmunds-
sonar, formanns Dagsbrúnar, og af-
stöðu hans til kjarasamninganna, en
hann hefur lýst því yfir að hann muni
ekki greiða samningunum atkvæði sitt.
Ásmundur sagði ennfremur: „Við
ákváðum á vettvangi Alþýðusam-
bandsins að ganga frá þessum samn-
ingum og á fundi formanna í dag var
samþykkt að mæla með því við aðild-
arfélögin, að þau gengju inn á þenn-
an samning. Eg get ekki gert annað í
þessu sambandi en endurtaka það,
að ég tel samningana skynsamlega
með tilliti til þeirrar stöðu sem við
erum í í dag. Við teljum að það sé
skynsamlegri kostur en að stefna í
átök.“
tilfærslur til þeirra sem hafa lágar
tekjur og framfærslubyrði, sem styrk-
ir töluvert aðstöðu þeirra."
— Er þarna þá að þínu mati veru-
lega komið til móts við þá lægstlaun-
uðu og þá sem eru verst staddir, eins
og forustumenn verkalýðshreyfingar-
innar hafa lengi sagst stefna að?
„Það er að mínu viti mikilsverður
áfangi, bæði sú sérstaka samningslega
hækkun sem verður, og jafnframt sú
úrbót sem þeir tekjulægstu fá í þess-
um samningi, bæði hvað snertir samn-
ingshækkunina sjálfa og þær tekju-
tilfærslur sem koma frá því opinbera."
Guðmundur J. Guðmundsson
formaður Dagsbrúnar:
Óttast að
kaupmáttur
haldi áfram
að rýrna
„Við hvetjum félaga í Dagsbrún til að
leggja niður vinnu á fimmtudaginn og
koma á félagsfundinn í Austurbæjarbíói,
þar sem samningurinn verður skýrður og
kynntur," sagði Guðmundur J. Guð-
mundsson, formaður Dagsbrúnar, einn
þeirra, sem greiddu atkvæði gegn sam-
komulaginu á formannafundi ASI.
„Kostirnir við þennan samning eru
helst þeir að dagvinnutekjutryggingin
hækkar laun þeirra lægst launuðu um
einar sextán hundruð krónur. Til-
færslur í tryggingakerfinu hækka
mæðralaun, barnabætur, ellilífeyri og
örorkubætur, þótt allt sé það nú tekju-
bundið,“ sagði Guðmundur. „Ég hef
haft áhyggjur af því, að allt fram á
síðustu stundu átti að afla fjár í ráð-
stafanir ríkisstjórnarinnar með lækk-
un niðurgreiðslna á landbúnaðarvör-
um um þriðjung. Það er náttúrlega
ekkert annað en tilfærsla á milli laun-
þega. Mín skoðun er sú, að ríkið hefði
átt að taka þessar 330 milljónir með
auknum sparnaöi í ríkisrekstrinum —
það getur ekki verið sérstaklega drjúg
kjarabót að hækka brýnustu lífsnauð-
synjar um ein sjö prósent. En þetta er
ekki lengur í samkomulaginu — það er
nú á valdi ráðherra og ríkisstjórnar,
hvort sem það er gott eða vont.“
Guðmundur sagðist telja mikla
bjartsýni, að launahækkanirnar í
samkomulaginu tryggðu óskert kaup á
árinu 1984; að gera ekki ráð fyrir
nema 10% hækkun á verðlagi frá 1.
janúar 1984 til 1. janúar 1985. „Ég ef-
ast mjög um að þessi spá standist,"
sagði hann. „Það er gert ráð fyrir 5%
gengisbreytingum á árinu, menn hafa
sterkan grun um hækkun landbúnað-
arvara — ekki síst vegna frumvarps
viðskiptaráðherra um nýja fram-
færsluvísitölu, þar sem landbúnaðar-
vörur vega minna en áður — og svo er
óvissa á alþjóðlegum gjaldeyrismark-
aði. Þessar verðhækkanir fara allar út
í verðlagið og ég óttast, að kaupmáttur
ráðstöfunartekna haldi áfram að
rýrna.“
Okosti samkomulagsins gagnvart
Dagsbrúnarfélögum sagði Guðmundur
t.d. vera þá, að yfirvinna væri ekki
miðuð við tekjutryggingu heldur
launataxta, sem væru margir mun
lægri en 12.660 krónur. „Þetta þýðir að
yfirvinnuálag á 9. taxta Dagsbrúnar
lækkar úr 40% í 17% og næturvinnu-
álag lækkar úr 80% í 50%. Þegar við
féllumst á það, í harðærinu 1969, að
lækka þetta tímabundið úr 50% og
100%, þá ætluðumst við ekki til að það
yrði haldið áfram að ganga á þessi
réttindi okkar. Ef við tökum þessu, þá
gætu liðið árin tvenn áður en okkur
tekst aftur að ná þeim réttindum, sem
við létum eftir „tímabundið" fyrir
hálfum öðrum áratug," sagði hann.
Formaður Dagsbrúnar bætti því við,
að sér þætti súrt í broti að sjá hvergi
tilraun til lagfæringar á töxtum Dags-
brúnarmanna til samræmis við ýmis
önnur félög, t.d. félög opinberra
starfsmanna. „Það eru menn að moka
á sama bilinn á mismunandi kaupi og
bílstjóri hjá okkur getur verið á allt að
12 króna lægra tímakaupi en opinber
starfsmaður á nákvæmlega eins bíl.
Við viljum flytja til ýmsa taxta, sem
eru óeðlilega lágir, við viljum fá veru-
legar flokkatilfærslur. Lægstu taxt-
ana vildum við klippa alveg af, við er-
um nefnilega meira á töxtunum en
menn halda."
— Það má gefa sér, að róðurinn geti
orðið ykkur erfiður verði samkomu-
lagið fellt á félagsfundi Dagsbrúnar.
Hvað kemur þá til greina — verkfalls-
aðgerðir eða yfirvinnubann, eins og
um árið?
Guðmundur J. Guðmundsson fékk
sér í nefið um leið og hann kvaddi:
„Lélegur hershöfðingi," sagði hann og
dró seiminn, „lélegur hershöfðingi fer
að undirbúa síðasta stríð: Það æthan
við ekki að gera ... “
Magnús Gunnarsson,
framkvæmdastjóri VSÍ:
Þýðir 6—7%
kostnaðarauka
fyrir atvinnu-
reksturinn
„í ÞESSUM samningum settu aðilar sér
það markmið að reyna að ná samkomu-
lagi sem hefði í för með sér kjarabætur
fyrir þá sem verst eru settir, jafnframt
því að hækka laun hinna lægstlaunuðu
umfram önnur laun,“ sagði Magnús
Gunnarsson, framkvæmdastjóri VSI, um
samningana sem undirritaðir voru í gær.
„Miðað við þær aðstæður sem nú
ríkja í þjóðfélaginu er ljóst að
atvinnureksturinn á mjög erfitt með
að taka á sig kauphækkanir. Hins veg-
ar mat VSÍ það þannig að það sé rétt
að finna friðsamlega lausn á vinnu-
markaðinum, þannig að menn geti ein-
beitt sér að því á þessu ári að efla
atvinnureksturinn í landinu án þess að
þurfa að óttast ófrið á vinnumarkað-
inum. Þessir samningar þýða á milli
6—7% kostnaðarauka fyrir atvinnu-
reksturinn. Það er erfitt að segja til
um það hver áhrif þessa samnings
verða á þróun efnahagsmála, en við
vitum að allar launahækkanir um-
fram eðlilega aukningu í verðmæta-
sköpun leiða til aukins þrýstings á
gengi krónunnar og auka því hættuna
á auknu verðbólguskriði. Við þekkjum
hins vega öll óvissuna í þróun efna-
hagsmála, hvort sem rætt er um afla-
magn, verð á afurðum okkar erlendis
eða gengisþróun bandaríkjadollars,"
sagði Magnús.
— Ertu ánægður með þetta sam-
komulag?
„Auðvitað er maður aldrei ánægður
að öllu leyti. Þegar staðið er í samn-
ingaviðræðum er ljóst að menn mæt-
ast á miðri leið, þar sem hvorugur að-
ilinn hefur allt fram, sem hann hefur
viljað út úr samningunum. Ég tel hins
vegar miðað við aðstæður í þjóðfélag-
inu að þetta sé ábyrgur samningur og
að hann tryggi betur en flestir aðrir
sem gerðir hafa verið á undanförnum
árum kjör þeiraa sem verst eru settir
án þess að það hafi þá afleiðingu að
launaskalinn springi og hættan á óða-
verðbólgu stóraukist. Þessir samning-
ar koma til með að skapa ákveðna
spennu en það hlýtur að vera sameig-
inlegt markmið okkar allra að halda
verðbólgunni í skefjum," sagði Magn-
ús.
— Nú er ljóst að allir aðilar eru
ekki jafn ánægðir með samningana.
Mun VSl semja öðru vísi við þá en
ASÍ?
„VSÍ hefur gert heildarsamning við;
ASÍ. f þessu samkomulagi hefur VSÍi
samþykkt allar þær kauphækkanir
sem það telur mögulegar í þessum
samningum. Það skal vera öllum Ijóst
að VSÍ mun ekki semja á annan hátt
við aðra aðila. Við gengum frá þessum
samningum á þann hátt að þeir
tryggðu hinum verst settu mestar
kjarabætur. Þeir hafa verið undirrit-
aðir af samninganefnd ASÍ og sam-
þykktir í miðstjórn. Ég vil trúa því að
um þá verði samstaða á vinnumarkað-
inum í heild,“ sagði Magnús að lokum.
Magnús L. Sveinsson,
formaður VR:
Abyrgðarhluti
að mæla gegn
þessum
samningum
„ÞAÐ ER þýðingarmikið í þessu sam-
komulagi, að með því er stefnt að stöðv-
un launahrapsins, sem verið hefur allt
frá síðari hluta ársins 1982. Með samn-
ingnum er stefnt að því að kaupmáttur
launataxta í ár verði ekki lakari en á
fjórða ársfjórðungi 1983,“ sagði Magnús
L. Sveinsson, formaður Verzlunar-
mannafélags Reykjavíkur, að loknum
formannafundi ASÍ í gær, þar sem samn-
ingur ASÍ og VSf var samþykktur með
þorra greiddra atkvæða gegn fimm. Allt
að þriðjungur fundarmanna sat hjá við
atkvæðagreiðsluna.
„Því er ekkert að neita," sagði
Magnús L. Sveinsson, „að þrátt fyrir
þennan samning eru launataxtar Al-
þýðusambandsins lágir. Én kosturinn
við samninginn er fyrst og fremst sá,
að hann færir hinum lægstlaunuðu til-
tölulega mestu kjarabæturnar. Það er
í samræmi við það sem menn hafa
mest talað um.
Spurningin er, þegar þetta er metið,
hvað annað kom til greina. Það verða
menn að gera upp við sig. Þetta snýst
ekki aðeins um það hvort menn eru
ánægðir. Ég er sannfærður um, að það
var ekki hægt að ná meiri launahækk-
unum nema með verkfallsaðgerðum
eða þessháttar og þó er ég ekkert viss
um, að það hefði borið tilætlaðan
árangur. Atvinnuástand í landinu er
víða slíkt, samanber óvissuna í sjávar-
plássum og með tilliti til útfærslu
kvótakerfisins, að margir atvinnurek-
endur væru því vafalítið fegnastir að
geta lokað fyrirtækjunum. Og þá
skiptir engu máli hversu launahækk-
anir hefðu verið miklar. Mitt mat er
því að lengra hafi ekki verið komist án
aðgerða. Eg tel að launþegar almennt
séu ekki reiðubúnir til að fara út í
aðgerðir til að knýja fram hugsanlega
eitthvað meira.
Stjórn VR mun því mæla með á fé-
lagsfundi að samningurinn verði sam-
þykktur. Það er ábyrgðarhluti að
mæla gegn honum, því þá væru enn
óbætt kjör þeirra sem eru á lægstu
laununum," sagði Magnús L. Sveins-
málum haldið, þá á að vera hægt að
koma í veg fyrir að hún fari á fulla
ferð aftur. Ég tel að allir aðilar hafi
staðið skynsamlega að þessum hlut-
um, lagt sig fram um að ná samkomu-
lagi og unnið vel. Við vonumst til að
þessir samningar geti orðið til fyrir-
myndar svo heildarsamningar náist í
öllu landinu. Auðvitað er maður aldrei
fullkomlega ánægður, þannig er það í
samningum að það verður að gefa eftir
til að ná samkomulagi. En ég vona að
stjórnvöld fái með þessum samningi
frið til að halda áfram starfi sínu,
þannig að í framtíðinni verði hægt að
búa atvinnuvegunum þannig grund-
völl að þeir geti greitt seinna meir
raunverulega hærri laun,“ sagði Páll
Sigurjónsson, formaður VSÍ, að lok-
Páll Sigurjónsson,
formaöur VSÍ:
Nokkuð skyn-
samlegur
samningur
„ÉG TEL að þetta sé nokkuð skynsam-
legur samningur miðað við aðstæður. Að
vísu er farið fram á ystu nöf í honum, en
ég vona að það verði öllum til góðs að
vinnufriður sé tryggður fram í aprfl á
næsta ári,“ sagði Páll Sigurjónsson,
formaður Vinnuveitendasambands Is-
lands, um samning ASÍ og VSÍ.
„Samningurinn felur í sér hættu á
að verðbólgan aukist, en ef rétt er á
Kristján Thorlacius,
formaður BSRB:
Geymi mér
ummæli þar
til síðar
„Ég vil ekki segja neitt á þessu stigi
málsins um samning ASÍ og VSÍ. Ég vil
geyma mér nokkur ummæli þar til við
höldum umræðum okkar áfram," sagði
Kristján Thorlacius, formaður BSRB, að-
spurður um samning ASÍ og VSÍ í gær.
Fundi var frestð með samninganefnd
BSRB og ríksivaldsins þar til kl. 10 á
morgun, flmmtudag, og 60 manna samn-
inganefndarfundur BSRB hefur verið
kallaður saman þá um kvöldið klukkan
20.
Kristján sagði að ekkert hefði mið-
að: „Við vorum að ræða önnur atriði
en sjálf launin og það má segja að það
hafi ekkert gengið," sagði Kristján.
Kristján var einnig spurður hvort
samningur ríkisstarfsmanna innan
BHM og ríkisins, sem undirritaður var
á laugardaginn, hefði áhrif á
samningagerð BSRB við ríkisvaldið.
„Ég tel ekki að þeir hafi nein áhrif.
BHM hefur viðmiðunarrétt, en við er-
um með sjálfstæðan samningsrétt
með verkfallsrétti. Þeir geta farið
fram á endurskoðun á samningnum í
samræmi við hvernig umsemst hjá
öðrum, svo ég tel að þeir séu bara að
semja upp á það sem aðrir fá. Þeir
semja um eina launaprósentu 1. mars
án nokkurar kaupmáttartryggingar og
ég tel því að þetta sé marklaus samn-
ingur. Þeir geta krafist endurskoðunar
og ég tel þetta því ekki alvörusamn-
ing,“ sagði Kristján.
Samningur ASÍ og VSÍ fer talsvert
út fyrir þann ramma sem settur er í
fjárlögum, sem er 4%.
Guðmundur J. hafði 2 vikur til að koma
athugasemdum sínum á framfæri
— segir Magnús Gunnarsson framkvæmdastjóri
„Ég verð að lýsa furðu minni á þeirri
afstöðu sem kemur fram hjá Guð-
mundi J. Guðmundssyni í tengslum við
þessa samninga," sagði Magnús Gunn-
arsson, framkvæmdastjóri VSÍ, að-
spurður um ummæli Guðmunds J. þess
efnis að hann muni mæla gegn sam-
þykkt þessara samninga.
„Hann hefur margoft lýst því yfir
að hann telji forsendur fyrir samn-
ingum þær, að þeir sem lægst hafa
launin fái kjarabætur umfram aðra
launþega á vinnumarkaðinum. Hann
hefur jafnframt tekið undir þá skoð-
un, sem flestir sem nálægt þessum
málum koma hafa, að tryggja þurfi
betur kjör þeirra sem verst eru sett-
ir. Nú þegar ASÍ og VSl hafa gert
samning sem felur í sér raunhæfari
kjarabætur fyrir þessa aðila en
flestir samningar sem gerðir hafa
verið á undanförnum árum, lýsir
hann sig í andstöðu við niðurstöð-
una.
Hann segir jafnframt að það séu
atriði í samningum sem Dagsbrún
hafi ekki fengið leiðrétt. Nú er það
svo að í dag er hálfur mánuður lið-
inn frá því samninganefnd VSl kom
til sérstaks fundar fyrir tilstilli ASl
með Guðmundi til að ræða sérstak-
lega þau mál er vörðuðu Dagsbrún.
Niðurstaða þessa fundar var sú að
VSÍ fór fram á að hann setti hug-
myndir sínar niður á blað og kæmi
þeim til VSÍ. Á þeim tíma sem liðið
hefur síðan hefur ekki örlað á þess-
um hugmyndum, og Guðmundur
hefur ekki reynt að hafa samband
við einhvern samninganefndarmann
VSÍ. Guðmundur hafði því tvær vik-
ur til að koma hugmyndum sínum
formlega á framfæri við VSÍ. Hann
notaði ekki þetta tækifæri og eru því
viðbrögð hans og málflutningur með
öllu óskiljanlegur.
Ég skil því ekki hvernig Guð-
mundur getur í dag snúist með þess-
um hætti gegn þessum samningi sem
raun ber vitni og ég trúi því ekki fyrr
en á reynir að hann komi til með að
stofna þessum heildarsamningi í
hættu og komi þannig í veg fyrir að
þær kjarabætur sem hann hefur í
för með sér fyrir lágtekjufóik og þá
sem við erfiðastar aðstæður búa nái
fram að ganga með því að fella
hann,“ sagði Magnús Gunnarsson að
lokum.