Morgunblaðið - 28.02.1984, Blaðsíða 12
12
MORGUNBLAÐIÐ, ÞRIÐJUDAGUR 28. FEBRÚAR 1984
Háskólatón-
leikar á
morgun
Á FIMMTU lláskólatónkikuni
vormisseris 1984, sem verða í
Norræna húsinu, miðvikudaginn
29. febrúar, þá leika Einar Jó-
hannesson og David Knowles
saman á- klarinettu og píanó.
Þeir flytja Sónatínu eftir
Arthur Honegger, Andantino
eftir Florent Schmitt og Sónötu
eftir Francis Poulenc.
Tónleikarnir hefjast kl. 12.30
og standa u.þ.b. háiftíma.
o
INNLENT
Ók á 2
ljósa-
staura
ÞRÍTUGUR maður, sem
grunaður er um ölvun við
akstur, reyndi að flýja eft-
ir að hafa ekið bifreið
sinni á tvo Ijósastaura á
gatnamótum Hamrahlíðar
og Stakkahlíðar laust eftir
klukkan 20 á laugardag.
Lögreglan fékk tilkynn-
ingu um undarlegt ökulag
og var komin á slóð öku-
mannsins, þegar óhappið
átti sér stað. Maðurinn
var tekinn á hlaupum í
Bogahlíð.
Bifreið hans var illa
útleikin eftir árekstur-
inn. Hún lenti á tveimur
ljóstastaurum og járn-
grindverki við gang-
braut sem þarna er.
MorgunblaAiA/Júllus.
Sjálfstæðisfélag Mosfellinga:
Þróttmikið starf
á síðastliðnu ári
Reykjum, 21. febrúar.
AÐALFUNDUR Sjálfstæðisfélags Mosfellinga var haldinn að Hlégarði í
Mosfellssveit mánudaginn 20. febrúar sl. og var hann vel sóttur. Gestir
fundarins voru alþingismennirnir Matthías Á. Matthiesen, Ólafur Ein-
arsson og Salóme Þorkelsdóttir. Formaður félagsins, Jón Bjarni Þor-
steinsson læknir, setti fund og kvaddi Guðjón Hjartarson til þess að vera
fundarstjóra en Halldór Sigurðsson sem ritara.
Formaður flutti skýrslu skeiðum, skemmtunum og ýmsu
stjórnar og kom það fram að
starfsemi var með mesta móti.
Stjórnarfundir eru haldnir viku-
lega og fjallað er þar um alls
kyns mál er varða félagið og vel-
ferð þess og störf en einnig ýmis
hagsmunamál héraðsins sem
uppi eru á hverjum tíma. Hann
gerði grein fyrir störfunum í
sambandi við kosningarnar þar
sem sjálfstæðismenn fögnuðu
miklum sigri í kjördæminu. Þá
voru haldnir nokkrir almennir
fundir og voru þeir vel sóttir.
Ýmsum ræðumönnum var boðið
til þessara funda en einkum var
mikill áhugi fyrir fundi þar sem
Sverrir Hermannsson kom og lét
gamminn geisa. Það voru orku-
mál, byggðamál og ráðstöfun
ríkisfyrirtækja o.fl.
Tvö stórfyrirtæki í eigu hins
opinbera eru hér á svæðinu.
Annað er Álafoss en sala þess
mun ekki vera á döfinni. Hins
vegar var á það bent að vel færi á
því að heimamenn sætu í stjórn
þar með öðru ágætisfólki enda
miklir atvinnuhagsmunir þar í
húfi. Hitt, sem nefnt var, er Lax-
eldisstöðin á Kjalarnesi en þar
situr t.d. enginn heimamaður í
stjórn. Þessi mál mun ráðherr-
ann hafa í huga á næstunni. Þá
beitti félagið sér fyrir ræðunám-
Vitni óskast
Miðvikudagsmorguninn 8. febrú-
ar sl. um kl. 8.30 varð árekstur á
Vesturhólum, skammt frá Dúfnahól-
um, milli Ijósbrúnnar Datsun fólks-
bifreiðar og vörubifreiðar.
Kona sem ók næst á eftir fólks-
bifreiðinni og gaf sig á tal við öku-
mann hennar, svo og önnur vitni
ef einhver eru, eru vinsamlegast
beðin að gefa sig fram við Slysa-
rannsóknadeild lögreglunnar eða
hringja í síma 76668.
fleiru sem ekki verður talið hér
nánar.
Stjórnarkjör fór þannig að Jón
Bjarni Þorsteinsson var endur-
kjörinn formaður ásamt þeim
Vigfúsi Aðalsteinssyni, Björk
Bjarkadóttur og Hanney Sig-
urðsson. Nýir menn í stjórn eru
Þorsteinn Ragnarsson og Mar-
grét Ólafsdóttir en til vara Jón
Zimsen og Þórarinn Jónsson. í
kjördæmisráð voru kjörin þau
Helga Ricther og Þorgrímur
Októsson en til vara Sigsteinn
Pálsson og Jóel Jóelsson. í full-
trúaráð félagsins voru svo kjörn-
ir 35 menn en það kýs sér for-
mann úr sínum hópi.
Fráfarandi gjaldkeri, Þor-
grímur Októsson, gerði grein
fyrir fjárhag félagsins og var
hann allgóður en árgjald var nú
ákveðið 100 krónur á mann fyrir
næsta starfsár.
Gestir fundarins fluttu stutt
ávörp en að þeim loknum urðu
almennar umræður með góðri
þátttöku fundarmanna og bar
þar margt á góma s.s. skattfrelsi
hlutafjár, sala ríkiseigna, virðis-
aukaskattur, stjórnarsamstarfið,
stjórnarskrá, kosningalög o.fl.
Urðu menn margs vísari um
þjóðmálin og fleira er snertir
pólitík flokksins í ýmsum mál-
um.
Augljóst er af fundi þessum að
sóknarhugur er í sjálfstæðis-
mönnum í héraðinu og hinn ungi
dugmikli formaður lætur ekki
deigan síga.
Fréttaritari.
mmm
W ER UPPfl SKFTTTHNFIHENNRR, SMLOReU. HVORT 60RGRR 5I6BETUR
FYRIR HRNR R9 ÉG GRNGIST VIE) ÞVÍ EÐR HUN VERÐI BRRR EINSTÆPMÖDIR?"
Guðjón B. Qlafsson, forstjóri Iceland Seafood Corporation:
Reikna með lágu verði fram eftir árinu
en það lagast vonandi síðari hluta ársins
„EG VERÐ að segja alveg eins og
er, að fyrir tveimur mánuðum átti ég
ekki von á því að þorskblokkin
myndi lækka á þessum tíma, en það
sýnir kannski hversu erfitt er að spá
í þetta,“ sagði Guðjón B. Ólafsson
forstjóri Iceland Seafood Corpora-
tion, er Mbl. ræddi við hann um
lækkun á verði þorsk- og karfa-
blokka á Bandaríkjamarkaði. Guð-
jón sagði ástæðu þess helsta þá, að
vegna styrkleika dollara miðað við
Evrópumynt bærist mikið magn
sjávarafurða á markaðinn, þá ættu
fiskafurðir í harðri samkeppni við
aðrar matartegundir, t.d. væri verð á
nautakjöti mjög lágt um þessar
mundir. Guðjón sagðist reikna með
að verðið yrði lágt framan af árinu,
en myndi vonandi lagast aftur síðari
hluta ársins.
Guðjón sagði m.a.: „Þetta fram-
boð frá Evrópu, sem er að mestu
frá Danmörku kemur til vegna
þess hversu dollarinn hefur verið
sterkur. Sterkur dollari laðar að
sér meiri fisk heldur en kannski
annars hefði orðið og hefur leitt af
sér að Bandaríkjamarkaður hefur
þrátt fyrir allt boðið upp á betri
kjör heldur en Evrópumarkaður-
inn. Þessi veiking á verðinu núna
er komin til vegna þessa og vegna
birgðasöfnunarinnar, eins vegna
þess að neyslan hér hefur ekki
verið í samræmi við þennan aukna
innflutning."
Guðjón sagði ennfremur: „Ég
held að ýmsir hafi nú gert ráð
fyrir, að það yrði ekki svona mikil
birgðasöfnun og að þetta myndi
jafnast út, en nú erum við að
koma inn t aðalframleiðslutíma-
bilið, bæði á íslandi og í Evrópu og
eins í Kanada og þegar við byrjum
aðalframleiðslutímabilið með
svona miklum birgðum þá er auð-
vitað útlit fyrir vaxandi framboð á
næstu mánuðum sem veikir verð-
ið.
Þá er ekki aðeins um að ræða
mjög harða samkeppni á þessum
markaði heldur eiga fiskafurðir í
mjög harðri samkeppni við aðrar
matvörur. Eins og ég hef áður
bent á er nautakjöt mjög ódýrt
hér nú. Og ég á fremur von á því
að blokkarverðið verði mjög veikt
næstu mánuði. Það er varla hægt
að spá miklu um verðið seinni
hluta ársins. Hvernig ástandið þá
verður fer m.a. eftir stöðu dollar-
ans gagnvart Evrópumynt, en bú-
ist er við því almennt að kjötverð
fari hækkandi og einhver von á
því að þetta lága verð á fiskinum
núna hvetji til aukinnar neyslu."
Varðandi verðlag á öðrum fisk-
tegundum sagði Guðjón, að ýsu-
blokkin stæði enn fyrir sínu, verð
á henni hefði ekki lækkað, en hann
vissi ekki hvernig það yrði næstu
mánuði. Ufsablokkin sagði Guðjón
að væri á mjög lágu verði og hefði
verið síðustu mánuði. Þá sagði
hann að karfinn hefði lækkað, eins
og komið hefði fram, og einvörð-
ungu væri hægt að vona að hann
lækkaði ekki meira.