Morgunblaðið - 28.02.1984, Blaðsíða 15

MORGUNBLAÐIÐ, ÞRIÐJUDAGUR 28. FEBRÚAR 1984
15
„Farið með okkur eins
og heilaga dýrlinga!u
Spjallaö við Kristínu Ingvadóttur um Miss Europe keppnina
„Minnisstæðast? Ég get varla
sagt að mér finnist eitt minnis-
stæðara en annað, ferðin var stór-
kostleg út í gegn,“ sagði Kristín
Ingvadóttir þegar Mbl. ræddi við
hana um nýafstaðna Austurríkis-
ferð. Til Badgestein í Austurríki
fór Kristín fyrir tveimur vikum og
keppti þar sem fulltrúi fslands í
fegurðarsamkeppni um ungfrú
Evróputitilinn, Miss Europe, sem
kom í hlut fulltrúa Tyrklands.
„Við vorum tuttugu og fjórar
sem tókum þátt í keppninni og
það var á allan máta farið með
okkur eins og heilaga dýrlinga!
Allavega af aðstandendum
keppninnar. Sumar stelpnanna
máttu þó þola það að vera teknar
heldur hressilega í gegn í skrif-
um blaðamanna sem þær féllu
ekki í kramið hjá. Blaðamenn og
ljósmyndarar voru náttúrulega
þarna eins og mý á mykjuskán
og það tók sinn tíma að venjast
því.
Annars var ekki mikill tími
aflögu fyrir okkur, þvi að frá
fyrsta degi var skipulagt stíft
æfingaprógram allan dáginn og
heimsóknir eða boð á kvöldin.
Hópurinn kom fram við öll
möguleg tækifæri, til dæmis á
pelsasýningu í Vín. En þessi tími
var hreint frábær. Það var farið
með okkur í skógarferð á hesta-
sleðum og eitt sinn var hópnum
boðið í fjallahótelsveislu. Þar
máttum við sýna húsmóðurhæfi-
leikana í matargerðarlist og til
að kóróna kvöldið var skorað á
okkur í jóðlkeppni. Það má eig-
inlega segja að þar hafi hver
jóðlað „með sínu lagi“ enda fáar
okkur búnar jóðlhæfileikunum.
Sumar komu sér undan jóðlinu
með því að gera eitthvað allt
annað, eins og ungfrú Tyrkland
sem tróð upp með magadans —
og viti menn hún vann!
Keppnisdagurinn byrjaði með
general-prufu og þar þurfti ég að
troða upp í skó á vinstra fæti og
með teygjubindi á þeim hægri.
Þetta kom að vonum vel út við
sundbol. Ástæða fyrir teygju-
bindinu var sú að tveimur dög-
um fyrir keppnina steig einhver
ofan á hægri fótinn. Náttúrulega
var sá hinn sami eða sú, réttara
sagt, á háhæluðum skóm og fyrir
vikið vaknaði ég daginn eftir
með tífaldan fót. Á keppnisdag-
inn sat ég síðan með fótinn um-
vafinn ís þann tíma sem ég var
ekki uppi á sviði og fjórum tím-
um fyrir keppni mætti læknir á
svæðið og gaf mér kvalastillandi
sprautu. Þegar við komum fram
um kvöldið hafði ég fengið lán-
aða skó sem hægri fóturinn
komst í. Það var svo sem gott og
blessað, ef skórnir hefðu ekki
verið númer 40, því að ég átti
fullt í fangi með að halda skón-
um á vinstri fæti. Skiljanlega,
mitt skónúmer er 38.
En þetta hrakfall breytti því
ekki að kvöldið var stórskemmti-
legt og um leið og keppninni lauk
kristín Ingvadóttir, fulltrúi fs-
lands í Miss Europe keppninni.
Ljósm. Mbl./Friöþjófur.
rukum við allar stelpurnar upp á
hótel, skiptum um föt og fórum á
diskótek — með leyfi forráða-
manna keppninnar, enda komu
þeir með. Reyndar fengum við
ekkert að fara nema með slíku
leyfi.
Þessar tvær vikur voru mjög
skemmtilegar, en erfiðar og það
var mjög gott að koma heim aft-
ur,“ sagði Kristín Ingvadóttir að
lokum. vv
Reykjavíkurdeild RKÍ:
Námskeið í
skyndihjálp
REYKJAVÍKURDEILD RKÍ heldur
námskeið í almennri skyndihjálp
sem hefst miðvikudaginn 1. mars.
Námskeiðið verður haldið í húsnæði
RKÍ að Nóatúni 21.
Á námskeiðinu verður kennd
skyndihjálp við ýmis konar slys.
Auk þessa verður kennd blásturs-
aðferðin og sýndar myndir um
skyndihjálp.
Nú er gott tækifæri til að afla
sér undirstöðumenntunar eða
rifja upp fyrri þekkingu í þessum
efnum og læra til hlítar meginat-
riði skyndihjálpar.
Námskeiðinu lýkur með verk-
efni sem hægt er að fá metið í
fjölbrautaskólum og iðnskólum.
Allir þátttakendur fá skjal til
staðfestingar á þátttöku sinni.
Einnig má geta þess að Reykjavík-
urdeildin tekur að sér að halda
námskeið í skyndihjálp fyrir fé-
lagasamtök, fyrirtæki og alla aðra
sem þess óska á starfssvæði deild-
arinnar sem er Reykjavík. En
þetta gera aðrar deildir RKÍ einn-
ig hver á sínu starfssvæði.
Styrkjum úr sjóði
Þjóðhátíðargjafar
Norðmanna úthlutað
ÚHLUTAÐ hefur verið styrkjum úr
sjóðnum Þjóðhátíðargjöf Norðmanna á
þessu ári. Norska stórþingið sam-
þykkti í tilefni ellefu alda afmælis ís-
landsbyggöar 1974 að færa íslending-
um 1 milljón norskra króna að gjöf f
ferðasjóð. Samkvæmt skipulagsskrá
sjóðsins skal ráðstöfunarfénu, sem eru
vaxtatekjur af höfuðstólnum, en hann
var varðveittur í Noregi, varið til að
styrkja hópferðir íslendinga til Noregs.
Styrkir voru fyrst veittir ú sjóðn-
um 1976 og fór nú fram áttunda út-
hlutun. Ráðstöfunarfé sjóðsins var
að þessu sinni 370 þúsund krónur. 33
umsóknir bárust um styrki, en sam-
þykkt var að styrkja eftirtalda aðila:
Ófaglærða starfsmenn við þjón-
ustumiðstöðvar aldraðra við Dal-
braut og Múlabæ, Flugbjörgunar-
sveitina í Reykjavík, samstarfshóp á
Akureyri um fyrirbyggjandi starf
vegna fíkniefnaneyslu unglinga, Fé£
lag skólasafnvarða, Samtök gegn
astma og ofnæmi, námstjóra í tón-
list og tónfræðslu, Styrktarfélag
vangefinna, Norskunema Háskóla
Islands, Reykjalund (heilsuþjálfun),
Björgunarhundasveit íslands.
FrétUtilkynning.
Formannafundur ASÍ:
Mótmælir
niðurskurði
til Verka-
mannabústaða
Morgunblaðinu hefur borist eftir-
farandi ályktun, sem samþykkt var
einróma á formannafund Alþýðusam-
bands fslands þann 21. febrúar sl.:
„Formannafundur Alþýðusam-
bands íslands, haldinn 21. febrúar
1984, mótmælir harðlega þeim 25%
niðurskurði á nýbyggingafram-
kvæmdum á vegum stjórna verka-
mannabústaða, sem nú hefur verið
fyrirskipaður. Þessi niðurskurður
nær til allra þeirra framkvæmda,
sem þegar hafa verið gerðir samn-
ingar um, og eru í gangi.
Einnig varar fundurinn eindregið
við því að fjármagn til nýverkefna á
þessu sviði verði skorið niður, eða
jafnvel fellt algerlega niður, eins og
raddir hafa heyrst um.
Hér er um alvarlega aðför að
launafólki að ræða, sem skerðir
verulega möguleika þess til að koma
sér upp þaki yfir höfuðið, og krefst
fundurinn þess, að staðið verði að
fullu við áður gefin fyrirheit um að
félagslegar ibúðabyggingar nemi H
af heildarbyggingamagninu og að
fjármagn verði trýggt til þess.“
FRÍSKk
/MÍN
Nýr heilsuvökvi
fyrir böm og fulloröna.
Frískamín er blanda rík af A-, B-, C-
og D-vítamínum. Hæfilegur
skammtur uppfyllir vítamínþörf
allraaldurshópa. Dagleg notkun
Frískamíns kemur í veg fyrir
vítamínskort á vaxtarskeiði barna
og unglinga.
Frískamín með fersku ávaxta-
bragði fæst í næstu matvöruverslun.