Morgunblaðið - 11.03.1984, Blaðsíða 46

46
MORGUNBLAÐIÐ, SUNNUDAGUR 11. MARZ 1984
UE tiEIMI l\VII\AiyNDANNA
Einu sinni
í Ameríku
— fyrsta mynd Sergio Leones í 10 ár
Céra una Volta in America (Once
Upon a Time in America) er fyrsta
kvikmyndin sem „faðir spagetti-
vostranna" Sergio Leone hefur gert í
tíu ár. Hún er endapunkturinn á tíu
ára erfiðri vinnu og leyndardómur
hefur umlukið upptökur á myndinni
í Róm, Feneyjum, New York, Tor-
onto og París með alþjóölegu leikar-
aliði eins og Robert De Niro, James
Woods, Treat Williams og Elizabeth
McGovern.
Síðasta sumar birtust mjög svo
spennandi ljósmyndir í ítalska
tímaritinu Gente, af De Niro í
svörtum leðurjakka með mafíu-
hatt og dökk sólgleraugu, þar sem
hann hrifsaði myndavél af ljós-
myndara í Rómaborg miðri og
reyndi að ná filmunni úr vélinni
hans. Ljósmyndaragreyið hafði þá
verið að smella á leikarann fræga,
sem lýsti yfir hrifningu sinni á
þennan hátt. En þrátt fyrir allan
leyndardóminn hafa upplýsingar
lekið til blaðanna og eftir því sem
næst verður komist hófst ævintýr-
ið árið 1973 þegar Leone reyndi að
komast yfir kvikmyndaréttinn á
lítið þekktri bandarískri bók sem
heitir The Hoods. Höfundurinn
var gyðingur og fyrrverandi glæp-
on í New York sem gekk undir
nafninu Goldberg og hafði reynt
að segja allan sannleikann um
glæpalýðinn í landinu.
Leone heimsótti Goldberg og
eftir mikið stríð við bandaríska
kvikmyndaframleiðendur keypti
hann kvikmyndaréttinn að bók-
inni og fór að leita fyrir sér að
framleiðanda og byrjaði að skrifa
handritið í samvinnu við rithöf-
undinn Norman Mailer. ítalski
framleiðandinn Alberto Grimaldi
sýndi áhuga en dró sig í hlé þegar
kostnaðaráætlunin var orðin í
kringum 30 milljónir dollara. Á
meðan hafði handritið verið skrif-
að og endurskrifað af þónokkrum
mönnum.
„Tíu ár er virkilega langur
tími,“ segir Leone, „og oft fékk ég
athyglisverð boð, lokkandi sögur
og vönduð verkefni, en ég var nógu
latur til að halda mér við Once
Upon ... “ Á endanum lét Arnon
Milchan, 34 ára gamall ísraelskur
framleiðandi The King of Comedy,
25 milljónir dollara í fyrirtækið og
Once Upon a Time in America var
loksins komin á skrið.
Myndin segir frá tveimur gyð-
ingum sem eru glæpamenn, annar
er rómantískur anarkisti, Noodles
(De Niro) að nafni og hinn er
valdasjúkur og blygðunarlaus,
Max (Woods) að nafni og gerist
myndin í New York og annars
staðar á árunum 1920 til 1968.
Leone lítur á myndina sem
endapunkt í trilogíu um Ameríku
Robert
De Niro
sem hófst með Once Upon a Time
in the West og Duck, You Sucker
(eða Fistful of Dynamite, eins og
dreifingaraðilinn í Bandaríkjun-
um endurnefndi hana). „Söguleg"
mynd en alls ólík þeim heimi sem
Coppola vísaði okkur á, í The God-
father. „Hans persónur eiga fátt
sameiginlegt með mínum og hans
kringumstæður eru ólíkar. Mynd-
in mín er saga um vináttu og er í
grundvallaratriðum ævintýri,"
segir Leone.
I sumar var búið að taka 37
stundir af filmu og sum atriðin
höfðu verið tekin 50 sinnum. Einn
úr tækniliðinu lýsti því þegar tek-
ið var þar sem Noodles var vakinn
af vekjaraklukku en fyrir hverja
nýja töku bað De Niro um nýja
vekjaraklukku til þess að viðhalda
hinum óvænta þætti í atriðinu.
Þrátt fyrir mikil tengsl við
Bandaríkin er Leone fyrst og
fremst ítalskur leikstjóri og þegar
honum bauðst að ganga í banda-
ríska leikstjórafélagið, afþakkaði
hann. „Ég er ekki Bandaríkjamað-
ur, ég er ekki gyðingur og ég er
ekki meiri glæpon en flestir aðrir
kollegar mínir. Mín Ameríka er sú
sem Evrópumann dreymir um,
land draumanna ... Ameríka
Kennedys og Martin Luther
Kings, Lucky Luciano og Jimmy
Hoffer, kynþáttafordóma, stóriðn-
aðar og orkuleitar, friðarumræðu
og Seinbecks, Playboys, Griffiths
og Spielbergs, frumkvöðla og hug-
sjóna, westurs og stríða, dans-
leikja og jass og glæpamanna og
ofbeldis og hrikalegra mótsagna
sem gerir hana að einstæðri þjóð.
Á nokkurn hátt eru Noodles og
Max allt þetta.“
Fréttapunktar
• Þau hjónakornin, John og Bo
Derek, eiga í miklum vandræðum
með að koma nýjasta afkvæmi
sínu, kvikmyndinni Bo-lero,
skammlaust á markaðinn. Fram-
leiðandinn og dreifingaraðilinn,
Cannon og MGM, eru mjög
óánægðir og segja myndina
klámmynd.
Derek-hjónin halda því hinsveg-
ar fram að þessir aðilar hafi ein-
mitt óskað eftir því að útkoman
yrði slík, sem raun ber vitni, en
þau dveljast samt þessa dagana í
Rómaborg þar sem þau eru önnum
kafin við að slípa grófustu kant-
ana af myndinni. Og þykir sjálf-
sagt mörgum miður ...
• Egyptar hafa nýlega sett bann
á sýningar allra mynda frá Col-
umbia Pictures þar í landi. Ástæð-
an er sjónvarpskvikmynd sem
fyrirtækið lét gera um ævi Sadats
heitins forseta. Þykir ráða-
mönnum hún ónákvæm og gefa al-
ranga mynd um hinn fallna þjóð-
höfðingja.
• Ein af bestu myndunum sem
gerðar voru vestanhafs á síðasta
ári er Tender Mercies, er það dóm-
ur margra helstu gagnrýnenda. Sá
magnaði leikari, Robert Duvall
fer þar á kostum í hlutverki
country-söngvara en Ástralinn'
Bruce Beresford leikstýrir af
kunnri smekkvísi. Gott ef Duvall
er ekki tilnefndur til Oscarsverð-
launanna í ár. Myndinni er farið
að bregða fyrir á myndbanda-
leigum höfuðborgarinnar ...
STJÖRNUGJÖFIN
GOLDFINGER ★★1/2
CUJO ★★★
SEGÐU ALDREI AFTUR ALDREI ★★★
DAGINN EFTIR ★★
VICTOR/VICTORIA ★★★>/2
GÖTUSTRÁKARNIR ★★
STARFSBRÆÐUR ★★1/2
ÉG LIFI ★★★
RAGING BULL ★★★1/2
HRAFNINN FLÝGUR ★★★1/2
ATÓMSTÖÐIN ★★★
HERMENN í HETJUFÖR ★1/2
MARTIN GUERRE SNÝR AFTUR ★★★
ÓKINDIN í ÞRÍVÍDD ★★
SV
• Þverrandi aðsókn að myndum
þeirra Burt Reynolds, (The Man
Who Loved Women, Stroker Ace),
og Clint Eastwood, (Honkytonk
Man), varð til þess að Blake
Edwards er hættur við að leik-
stýra þeim félögum í myndinni
Kansas City Blue, en tökur áttu að
hefjast síðla þessa mánaðar.
Margt bendir til þess að ekkert
verði úr kvikmyndagerðinni, en
vissulega væri gaman að sjá þessa
garpa saman.
• Þau ánægjulegu tíðindi berast
nú austan frá Japan að einn af
höfuðsnillingum kvikmyndalistar-
innar, Akira Kurosawa, mun taka
sér stöðu bak við kvikmyndavélina
á sumri komanda. Viðfangsefnið
er sótt í smiðju Shakespears, líkt
og stundum áður. Að þessu sinni
er það Lear kóngur sem hinn aldni
Jason Robards sem hinn heimsfrægi
vísinda- og andófsmaður, Andrei
Sakharov, í samnefndri mynd.
stórmeistari hyggst festa á filmu.
Myndin mun nefnast Ran, (Ringul-
reið), og er það hinn góðkunni
Bunuel-myndaframleiðandi, Serge
Silberman, sem á heiðurinn af því
að Ran verður að veruleika.
Kurosawa er dýr að venju, og
mun hin nýja mynd ekki kosta
undir 12 millj. dala.
• Þeim sem séð hafa Scarface?
nýjustu mynd þeirra Brian De
Palma og A1 Pacino kemur saman
um að þar sé einhver blóðugasta
og ofbeldisfyllsta kvikmynd á
ferðinni, sem gerð hefur verið af
stórum nöfnum í kvikmyndaheim-
inum. Jafnvel þykir The Godfather
blikna í samanburðinum — en
þessar tvær myndir þykja ekki
óáþekkar — og er þá mikið sagt.
• Langt er komið töku myndar-
innar um Sakharov, vísinda-, and-
ófs-, og ekki síst kjarkmanninn.
Er ekki að efa að hér er stórkost-
legt myndefni fyrir hendi, svo
mikilfenglegt var lífsstarf þessa
manns sem lengst af var hampað
af stjórnvöldum sem einum besta
syni Sovétríkjanna, hlaut m.a.
sæti í Sovésku vísindaakademí-
unni yngstur manna.
Afburðaleikarinn Jason Rob-
ards fer með aðalhlutverkið, en
seinni konu hans, Elenu Bonner,
sem fylgdi manni sínum í útlegð-
ina í Gorky, leikur Glenda Jack-
son.
• Og þá hefur enn ein islenska
stórmyndin hafið göngu sína á
hvíta tjaldinu. Atómstöð Þorsteins
Jónssonar er vönduð, vel skrifuð
og leikin mynd, gerð af því áræði
og kjarki sem ég vona að seint
þverri með íslenskum kvikmynda-
gerðarmönnum.
SV