Morgunblaðið - 04.12.1984, Blaðsíða 27

MORGUNBLAÐIÐ, ÞRIDJUDAGUR 4. DESEMBER 1984
27
6. þing BHM:
Útilokað að segja
fyrir um ævitekjur
— kom fram í aðalerindi þingsins um
nettólaun og ævitekjur
BANDALAG háskólamanna hélt 6. þing sitt dagana 23. og 24. nóvember.
Gunnar G. Schram formaður BHM setti þingið. I máli hans kom m.a. fram
að meginstarf BHM á næstu misserum og árum stti að vera að vinna að
bsttum starfskjörum háskólamanna, gjörbreytingu á stöðu rannsókna á
íslandi og eflingu Háskóla íslands og annarra skóla, er veita háskólamennt-
un hérlendis.
Að lokinni þingsetningu ávarp-
aði forsætisráðherra, Steingrímur
Hermannsson, þingið. Fjallaði
hann einkum um mikilvægi
menntunar og þátt hennar til
bættra lífskjara hér á landi.
Að loknu ávarpi forsætisráð-
herra flutti Júlíus Sólnes erindi
um gildi menntunar og viðfangs-
efni samtaka háskólamanna.
Aðalerindi þingsins fjallaði um
nettólaun og ævitekjur. Fram-
sögumenn voru Birgir Björn Sig-
urjónsson og Pétur Blöndal. í máli
þeirra kom fram að útilokað er að
segja fyrir um ævitekjur og ráð-
stðfunarævitekjur þeirra sem nú
hefja störf. Pétur benti á að ævi-
tekjuathugun á grunni gildandi
kauptaxta, skattkerfis, o.s.frv.
gæti alls ekki sýnt framtíðartekj-
ur. Birgir Björn tók undir þetta,
en benti á að slík gögn sýna hvað
verða mun, ef núgildandi kerfi
varir áfram. Pétur gagnrýndi
ennfremur afvöxtun í ævitekju-
athugun, en Birgir Björn taldi að
menntamenn verði að gera sömu
vaxtakröfur til námsfjármagns
sem annars fjármagns og miklu
skipti að tekjur þeirra bærust síð-
ar en tekjur annarra. Pétur benti
á að háir raunvextir til frambúðar
þýddu í raun rýrnandi hlut launa.
Aðildarfélög BHM eru nú 28.
Þar af fengu eftirtalin félög aðild
nú á þinginu: Félag íslenskra
landslagsarkitekta, Félag tölvun-
arfræðinga, Félag þjóðfélagsfræð-
inga, Félag fréttamanna, Iðju-
þjálfarafélag íslands og Stéttarfé-
lag íslenskra félagsráðgjafa. Nú
eru félagar i BHM alls um 6.000 og
þar af er tæpur helmingur ríkis-
starfsmenn, tíundi hver starfar
sjálfstætt, en aðrir eru starfs-
menn sveitarfélaga eða launþegar
á almennum vinnumarkaði. Innan
BHM starfa Launamálaráð ríkis-
starfsmanna (BHMR), Ráð sjálf-
stætt starfandi háskólamanna og
Launamálaráð háskólamenntaðra
borgarstarfsmanna. BHMR fer
með kjaramál rikisstarfsmanna
innan BHM og samningsumboð
allflestra þeirra við gerð aðal-
kjarasamnings. Formaður BHMR
er Stefán Olafsson lektor. Ráð
sjálfstætt starfandi háskóla-
manna vinnur að sameiginlegum
hagsmunum þeirra. Formaður er
Pétur Guðmundsson verkfræðing-
Framkvæmdastjórn BHM 1984—1986.
Neórí röó f.v.: Séra Þorbergur Kristjánsson, Gunnar G. Schram formaður, Ragnheiður Torfadóttir varaformaður og
Magni Jónsson.
Efri röð f.v. Pétur Stefánsson, Stefán Ólafsson formaður BHMR, Gunnar H. Gunnarsson form. Launamálaráðs
borgarstarfsmanna, Guðný Jónsdóttir, Pétur Guðmundsson form. Ráðs sjálfststt starfandi háskólamanna, Ingvar
Hallgrímsson og Sigmundur Stefánsson framkvsmdastjóri BHM.
ur. Formaður Launamálaráðs há-
skólamenntaðra borgarstarfs-
manna er Gunnar H. Gunnarsson
verkfræðingur. Formenn ofan-
greindra ráða eiga sæti í fram-
kvæmdastjórn BHM.
Á þinginu voru samþykktar
nokkrar ályktanir, sem flestar
fjölluðu um menntamál. í ályktun
um endurmenntun var skorað á
stjórnvöld að veita auknu fé til
endurmenntunar kennara og að
tryggja fjárveitingu til endur-
menntunarnámskeiða vegna
hinna öru breytinga í hinum ýmsu
starfsgreinum. Vakin var athygli
á fjárhagsvanda Háskóla íslands
og Kennaraháskóla fslands og
skorað á stjórnvöld að bæta úr
honum. f ályktun um skipulag
menntamála var lögð áhersla á að
skilgreina aðfaranám að deildum
Háskólans og hvatt til samráðs
milli skólastiganna þriggja. f
ályktun um kjör kennara var skor-
að á stjórnvöld að stórbæta kjör
kennara til þess að koma í veg fyr-
ir flótta úr stéttinni. Ályktað var
um menntun í þágu atvinnuveg-
anna, þar sem vakin var athygli á
sambandi lífskjara og menntunar
og nauðsyn þess að menntun sé
sinnt á þann hátt að tillit sé tekið
til þarfa atvinnuveganna. í álykt-
un um varðveislu íslenskrar tungu
var skorað á menntamenn og
frumkvöðla í atvinnulífinu að
styðja í verki virðingu fyrir ís-
lenskri tungu. f ályktun um rann-
sóknir var skorað á stjórnvöld að
veita auknu fé til rannsókna og
mælt með skattalegri hvatningu
til rannsóknarstarfsemi. Ályktað
var um jafnréttismál, þar sem
lögð var áhersla á að sambærileg
menntun verði metin til launa án
tillits til kynferðis. Ályktað var
um útgáfu fræðirita þar sem skor-
að er á menntamálaráðherra að
auðvelda háskólamönnum útgáfu
fræðirita. Loks var ályktað að
tekjuskattur af launatekjum yrði
afnuminn eða stórlega lækkaður
og tekjutapi ríkissjóðs mætt með
sköttum í eignum umfram þarfir
fjölskyldu og með sköttum á
vaxtatekjur umfram verðtrygg-
þinginu var flutt skýrsla
framkvæmdastjórnar BHM um
starfsemi bandalagsins sl. tvö ár
og samþykkt starfs- og fjárhags-
áætlun til næstu tveggja ára.
Framkvæmdastjórn BHM fyrir
tímabilið 1984—1986 var kjörin
þessi: Formaður Gunnar G.
Schram prófessor, Ragnheiður
Torfadóttir menntaskólakennari
varaformaður. Aðrir í stjórn eru
Pétur Stefánsson verkfræðingur,
séra Þorbergur Kristjánsson og
Guðný Jónsdóttir sjúkraþjálfari. I
varastjórn voru kjörnir Ingvar
Hallgrímsson náttúrufræðingur
og Magni Jónsson læknir.
Glugga- og hurðaþéttingar
TÖKUM AÐ OKKUR AÐ ÞÉTTA
OPNANLEGA GLUGGA OG HURÐIR
MEÐ „SLOTTSLISTEN" INNFRÆSTUM
VARANLEGUM ÞÉTTILISTUM
Ólafur Kr. Sigurðsson hf.
Suöurlandsbraut 6, sími 83499.
Litli liósálfurinn
hefur sannað ágæti sitt á Íslandí.
Utli Ijósálfurinn gefur þér góða birtu við bóklestur án
þess að trufla aðra, frábær í öll ferðalög og sumarbústað-
inn. Kjörin gjöf
Litll Ijósálfurinn er léttur og handhægur, getur jafnt
notað rafhlöður og 220 volta rafstraum. Honum fylgir
aukaþera, hylki fyrir rafhlöður og straumbreytir. Einnig
fást geymslutöskur.
Litli Ijósálfurinn fæst í næstu bóka- og gjafavöruverslun
og í Borgartúni 22.
HILDA
Borgartuni 22, Reykjavik
.//•rönning arnifplOOO