Morgunblaðið - 04.12.1984, Blaðsíða 30

30
MORGUNBLAÐIÐ, ÞRIÐJUDAGUR 4. DESEMBER 1984
Flóttamenn
13 milljónir
LATA mun nærri að (lóttamenn í
heiminum séu 13 milljónir talsins,
að sögn talsmanns Sameinuðu þjóð-
anna. Hefur fólkið flúið heimkynni
sín vegna styrjalda, byltinga eða
pólitísks óróa. Virðist flóttamanna-
fjoldinn frekar aukast en hitt.
Tilhæfulaus
samsetningur
— að n-kóreskir hermenn
hafí verið sendir til Angóla
Tókýó, 3. desember. AP.
Norður-Kórea vísaði í dag á
bug fréttum frá Japan þess efnis
að um 25.000 norður-kóreskir
hermenn hefðu verið sendir til
Angóla.
Ríkisútvarpið í Pyongyang
vitnaði í málgagn kommún-
istaflokksins, Rodong Shinm-
un, þar sem sagði: „Ekki einn
einasti maður úr her Norður-
Kóreu hefur nokkru sinni stig-
ið fæti á angólska jörð.“
Japönsk fréttastofa sagði frá
því í síðustu viku, að norður-
kóreskar hersveitir hefðu verið
sendar til Angóla, og kvaðst
fréttastofan hafa þetta eftir
ótilgreindum vestrænum
stjórnarerindrekum I New
York.
Norður-kóreska blaðið, Ro-
dong Shinmun, nefndi frétta-
stofuna ekki á nafn, en kvað
„fréttir þessar frá New York
vitanlega tilhæfulausan sam-
setning og illgirnislegan róg í
garð Norður-Kóreu“.
Japanskir sérfræðingar um
norður-kóresk málefni benda
á, að Norður-Kóreumenn hafi
ekki vísað á bug fréttum sem
itrekað hafa borist að undan-
förnu um að norður-kóreskir
hermenn berjist við skæruliða
í Uganda, við hlið stjórnar-
hersins.
í síðasta mánuði sagði Milt-
on Obote, forseti Uganda, á
blaðamannafundi f Kampala:
„Ég hef fengið Norður-Kóreu-
menn til að þjálfa uganska
herinn, en þeir hafa aldrei tek-
ið þátt í neins konar hernaðar-
aðgerðum."
Stór hluti flóttamannanna er
Palestínumenn, Eþíópíumenn og
Afganir. Veruleg aukning varð við
byitinguna í Eþíópíu 1974, samein-
ingu Norður- og Suður-Víetnam
1975 og byltingu kommúnista í
Afganistan 1978.
Flóttamannahjálp Sameinuðu
þjóðanna annast 2,1 milljón pal-
estínskra flóttamanna, í Pakistan
hafast 2,9 milljónir flóttamanna
við og 1,8 milljónir í íran, flestir
þeirra frá Afganistan.
í Afríku eru rúmlega 2,8 millj-
ónir flóttamanna, þar af hafa
Sómalir og Súdanir tekið við 700
þúsund flóttamönnum hvor frá
Eþíópíu, Úganda og öðrum ná-
grannaríkjum. Bandaríkjamenn
hafa tekið við einni milljón flótta-
manna, Kanada hýsir 353 þúsund,
Frakkland 161 þúsund, V-Þýzka-
land 115 þúsund, Bretland 140
þúsund og Italía 14 þúsund.
Batnandi heilsa hjá gervihjartaþeganum
Gervihjartaþeginn William J. Schroeder, sem er 52 ára að aldri, sést hér kyssa 5 ára gamla sonardóttur
sín, Tracy Schroeder. William fer „ört batnandi" samkvæmt frásögn lækna hans, en nú er rúmlega vika
liðin, síðan hann fékk nýja hjartað.
Þingkosningarnar í Astralíu:
Bob Hawke hrósar sigri
fyrir minna fylgi
Sydney, 3. des. AP.
BOB Hawke,
forsætisráð-
herra Ástralíu,
lýsti í dag úrslit-
unum í þing-
kosningunum á
laugardag sem
afdráttarlausum
sigri fyrir sig og
ríkisstjórn sína,
þrátt fyrir það
að þingmeiri-
hluti Verkamannaflokksins hefði
minnkað verulega.
Gert hafði verið ráð fyrir yf-
irburðasigri Hawkes og Verka-
mannaflokksins. Tölur frá því
seint í gær sýndu hins vegar, að
Verkamannaflokkurinn hafði
fengið aðeins 80 þingsæti í full-
trúadeildinni en Frjálslyndi
flokkurinn og Sameinaði þjóð-
arflokkurinn, sem eru í stjórn-
arandstöðu, höfðu fengið 64. Þá
var enn óvíst um 4 þingsæti.
Þingsætum var fjölgað í 148
úr 125 fyrir þessar kosningar og
var stjórnin með 25 þingsæta
meirihluta, er gengið var til
kosninganna. Verkamanna-
flokkurinn þurfti því að fá um
30 þingsæta meirihluta nú til
þess að halda sambærilegum
meirihluta í fulltrúadeildinni og
áður.
Skoðanakannanir höfðu gefið
til kynna, að Verkamannaflokk-
urinn hefði 10%—16% forskot
fram yfir keppinauta sína í
heild og fjölmiðlar höfðu þvi al-
mennt spáð Verkamanna-
flokknum yfirburðasigri. Úr-
slitin eru því talin persónulegur
ósigur fyrir Hawke, sem sjálfur
hefur notið mikilla vinsælda.
SAS-þota hætt kom-
in í aðflugi til Moskvu
51 Pólverji
flóði af Rogalin
Travemiinde, 3. desember. AP.
FARÞEGAR af ferjunni Rogalin, 51 að tölu, notuðu tækifærið er hún
hafði viðkomu í Travemiinde á lcið sinni frá Kaupmannahöfn til Szczec-
in til að strjúka frá borði og biðja um hæli í V-Þýzkalandi sem pólitískir
flóttamenn.
Stokkhólmi, 3. deaember. AP.
DC-8-farþegaþota frá SAS með á
annaðhundrað farþega innanborðs
var nærri lent í árekstri við þotu
sovézka flugfélagsins Aeroflot
skammt suður af Moskvu.
Sovézka flugvélin flaug þvert á
leið SAS-þotunnar sem millilenti
í Moskvu á leið frá Karachi í
Pakistan til Kaupmannahafnar.
Aðeins voru tæpir tveir kíló-
metrar á milli flugvélanna þegar
ferlar þeirra skárust. Verða sov-
ézk flugyfirvöld krafin skýringa
á þessu atviki, að sögn tals-
manna SAS.
Atvikið átti sér stað klukkan
13 að íslenzkum tíma á sunnu-
dag.
Með þessu hafa 493 Pólverjar
flúið af farþegaskipum í Vestur-
Þýzkalandi frá því 16. nóvember,
að sögn embættismanna.
Rogalin, sem áður var ferjan
Edda, siglir vikulega milli Kaup-
mannahafnar og Szczecin, og hef-
ur 301 farþegi strokið af henni í
Travemunde í þremur síðustu
ferðum. Alls hefur 821 Pólverji
strokið af Rogalin á þessu ári,
flestir í Vestur-Þýzkalandi.
Þá struku 192 Pólverjar í einu
lagi af ferjunni Stefan Batory er
skipið hafði viðkomu í Hamborg
19. nóvember, sem var fyrsti við-
komustaður í skemmtisiglingu
skipsins, sem kom hálftómt til
baka, þar sem aðrir urðu til að
strjúka á næstu viðkomustöðum
áður en skipið hélt heim á ný.
Einstakur kvikmyndafundur:
Eintak Dreyers af
Jeanne d’Arc fundið
EINTAK af einni þeirra tíu kvikmynda, sem almennt eru taldar þær
bestu í sögu kvikmyndalistarinnar, hefur fundizt ( Dikemark-sjúkrahús-
inu fyrir uUn Ósló, þar sem þaó hefur geymzt frá árinu 1928.
Kvikmynd sú, sem hér er um
að ræða, er „Jeanne d’Arc“, sem
gerð var af hinum heimsfræga
danska leikstjóra, Carl Theodor
Dreyer, sem lézt 1968.
Upphaflega voru aðeins til tvö
eintök af þessari kvikmynd
Dreyers um heilaga Jóhönnu af
Örk. Annað þeirra eyðilagðist i
eldsvoða í Berlín, en hitt hvarf
algerlega. Árið 1981 fannst hið
týnda eintak í Dikemark og var
sent þaðan til kvikmyndasafns í
Ósló og þaðan til kvikmynda-
safns ríkisins, sem gerði af því
nýtt eintak. Annað eintak var
sent kvikmyndasafni Danmerk-
ur. Það var þar, sem það upp-
götvaðist, að hér var raunveru-
lega um upptöku eftir Carl Theo-
dor Dreyer að ræða.
Kvikmyndasafn Danmerkur
lýsir þessum fundi sem einstök-
um og er nú áformað að senda
kvikmyndina til Verona á Italíu,
þar sem hún verður sýnd alþjóð-
legum sérfræðingum.
Nimitz sendur inn í
kúbanska lögsögu
New York, 3. desember. AP.
BANDARÍKJAMENN sendu flug-
móðurskipið Nimitz til aðstoðar
mælingaskipi sem rak inn í kúb-
anska lögsögu vegna vélarbilunar
þar sem óttast var aft Kúbumenn
myndu reyna að taka skipift og
notfæra sér í pólitískum tilgangi.
Mælingaskipið, Seaward
Explorer, var að mælingastörf-
um fyrir bandaríska sjóherinn,
er eldur kom upp um borð, vélar
skipsins biluðu og það tók að
reka til Kúbu. Sent var út neyð-
arkall og varð varðskipið Reli-
ance fyrst á vettvang og tók
skipið í tog til Miami, þar sem
von var á skipunum á mánudag.
Kúbumönnum var skýrt frá
erfiðleikum mælingaskipsins.
Sögðust þeir myndu draga það
til móts við Reliance ef
skemmdir reyndust litlar, en
taka til hafnar á Kúbu ef um
meira tjón væri að ræða. í ljósi
viðbragða Kúbumanna ákváðu
bandarísk yfirvöld engu að
treysta og kvöddu Nimitz á
vettvang.
Svo mikið lá við þegar Nimitz
var stefnt til móts við Seaward
Explorer að um 1.000 sjóliðar af
5.200 urðu eftir í St. Thomas á
Jómfrúreyjum, þar sem áhöfnin
var til hvíldar.
Kúbanskt varðskip varð fyrst
á vettvang, en er reynt var að
koma dráttartaug um borð í
mælingaskipið tókst ekki betur
til en svo að línan fór í skrúfu
varðskipsins og það þarmeð úr
leik. Stuttu seinna birtist Reli-
ance.