Morgunblaðið - 09.12.1984, Page 12

12 B
MORGUNBLAÐIÐ, SUNNUDAGUR 9. DESEMBER 1984
Texti: Guðrún L,
*
Asgeirsdóttir
Tinggaarden Restaurant, eign Ástrúnar og Hauks Dórs.
I heimsókn til Ástrúnar og
Hauks Dórs í Tinggaarden
Einn fagran haustdag fyrir skömmu ókum við
fjórar saman norður Sjáland til Hilleröd og síð-
an í vestur til Frederiksværk. Var ferðinni heit-
ið til Hauks Dór Sturlusonar og Ástrúnar Jóns-
dóttur, sem reka veitingastað og keramikverk-
stæði á gömlum bóndabæ miðja vegu milli
Frederiksværk og Helsinge, en kaupstaðirnir
þeir standa sinn hvorum megin við stærsta vatn
Danmerkur, Arresö. Er umhverfíð fallegt og
akstursleiðin auðveld og víst er um það, að
margt er að skoða á hinum aðlaðandi bæ þeirra
hjónanna, Tinggaarden.
Haukur Dór með keramik.
Sá, sem hefur heyrt um Ting-
gaarden eða séð mynd af bænum,
þekkir hann undireins aftur þarna
við Frederiksværkveginn, sem
raunar heitir fyrst Helsingevegur,
þar sem hann liggur til hægri út
frá hringtorginu í Frederiksværk.
Munu vera þangað um 60 km frá
Kaupmannahöfn, hvort sem er
eftir aðalleið 16 til Hilleröd, eða
gamla konungsveginum um Holte
og Birkeröd, sem er merktur 201
og er þá ekið um miðbæinn i Hille-
röd fram hjá Friðriksborgarhöll,
stærstu höllinni, sem hægt er að
fá að skoða í Danmörku. Það er
svo auðvelt að þekkja tnggaarden
af því, að hann er eftirtektarverð-
asti bóndabærinn á allri leiðinni,
húsin rauðmáluð og vel við haldið
með snotrum stráþökum og falleg-
um garði, sem margir gamlir
munir prýða.
Útihúsi breytt
í kaffíteríu
Húsráðendur tóku hinum
ókunnugu konum opnum örmum,
þótt kæmu utan opnunartíma, en
veitingahúsið er opnað kl. 17 dag-
lega í vetur. Sýndi Haukur Dór
okkur hús og garða. Eru flest hús-
in um 200 ára og hefur bygg-
ingarstíl i engu verið breytt. Þeg-
ar byggð þéttist í Frederiksværk
og land bóndans fór undir hús og
vegi, voru útihúsin notuð fyrir
sláturhús, en síðar fyrir kaffiteríu
og verzlun með gamla muni og var
það svo, er Haukur Dór og Ástrún
festu kaup á Tinggaarden fyrir
hálfu öðru ári. Hafa þau breytt
íbúðarhúsinu i frábærlega
skemmtilegan veitingastað, svína-
stíunni í hóteleldhús, kaffiterí-
unni i keramikverkstæði og gamla
verzlunin er orðin að gallerii. Erf-
itt er að lýsa hverri vistarveru til
hlítar, en allar bera þær vott frá-
bærri snyrtimennsku og listræn-
um smekk. Vinnustofa eða verk-
stæði Hauks er svo snoturlega
innréttað, að danskur blaðamaður
skrifaði nýlega í Roskilde Tidende,
að verkstæðið minni frekar á
skurðstofu en keramikvinnustofu,
svo mikil sé snyrtimennskan og
reglusemin. Aðstaðan fyrir lista-
manninn og fagurlega unna gripi
hans er til fyrirmyndar, þótt
listsköpunin verði heldur út undan
sem stendur vegna eldhússtarfa,
eins og við víkjum nánar að. í gall-
eríinu eru enn nokkrir af munum
verzlunarinnar, sem fyrir var, en
þeim fækkar óðum og verður þá
nægilegt rými fyrir sölusýningu
Hauks Dór í hinu gamla gripa-
húsi.
Tinggaarden er skeifubyggður
eins og vani er hér í Danmörku og
myndast hið ákjósanlegasta skjól
á hlaðstéttinni, þar sem gestir
sátu úti undir sólhlífum í sumar
og var garðurinn upplýstur á
kvöldin. Þá er ætlunin að nota
stóra trjágarðinn bak við galleríið
fyrir útigrill og borð og stóla fyrir
um 70 manns. Verður þá enn meiri
ástæða til að ætla, að íslenskir
hópar komi í heimsókn á Ting-
gaarden á leið sinni um Sjáland
eða geri út sérstakar ferðir úr hin-
um mörgu sumarbústaðabyggð-
um, t.d. frá Karlslunde, Helsingör
eða Gilleleje til að heimsækja
landa í svo áhugaverðu umhverfi.
Hjónin buðu nú til stofu og
myndarlegs kaffiborðs í veitinga-
húsinu. Eru þar þrjár stofur sér-
staklega aðlaðandi og smekklega
skreyttar fögrum hlutum, gömlum
og nýrri, víða að úr heiminum.
Hafa Haukur Dór og Ástrún safn-
að munum þessum á mörgum ár-
um, teppum, styttum og ýmsu
öðru, og er af nógu að taka, svo að
ekki kemst allt fyrir í einu. Hver
hlutur hefur sinn rétta stað, svo
engu er ofaukið. Þetta er alþýðu-
list, segir Haukur Dór, frumstæð-
ir hlutir, sem hæfa vel húsinu,
sem líka er alþýðulist. Húsgögnin
eru úr ljósri furu, arinn er þar og
gamall ofn skipar heiðursess. Ekki
hefur listamanninum unnizt timi
á hinum stutta veitingamannsferli
sínum að móta borðbúnaðinn, en
það kemur. Er borðbúnaður þó
mjög smekklegur og eldhúsið
prýðisvel skipulagt, nýuppbyggt
fyrir opnun veitingastaðarins í
maí sl.
íslenzkir réttir
á matseðli
Liggja hér á borðum vænir
matseðlar, sem vitna um dugnað
húsráðenda við að takast á við
þetta nýja verkefni sem veitinga-
salan er þeim. Þar eru frumlegir
forréttir, meðal aðalrétta íslenzk-
ar kótelettur og auðvitað er hægt
að fá pönnukökur í eftirmat. Þá
eru þar í borðum hin beztu mat-

*