Morgunblaðið - 07.02.1985, Síða 19

MORGUNBLAÐIÐ, FIMMTUDAGUR 7. FEBRÚAR 1985
19
spurt og svaraÓ
I Lesendaþjonusta MORGUNBLAÐSINSI
SKATTAMÁL
Hér fara á eftir spurningar, sem lesendur
Morgunblaðsins hafa beint til þáttarins Spurt og svaraö
um skattamál, og svörin við þeim. Þjónusta þessi er í því
fólgin aö lesendur geta hringt í síma Morgunblaðsins,
10100, milli klukkan 10 og 12 virka daga og borið upp
spurningar sínar um skattamál. Mbl. leitar síðan svara
hjá starfsmönnum embættis ríkisskattstjóra og birtast
þau í þessum þætti að nokkrum dögum liðpum.
Greiðslur til
dagmæðra ekki
frádráttarbærar
Ingólfur Arnar Ármannsson,
Baidursgötu 12, spyr:
1. Hversu háar eru barnabæt-
ur með einu barni þegar þrennt
er í heimili?
2. Eru greiðslur fyrir barna-
gæzlu á einkaheimili (hjá dag-
mömmu) á engan hátt frádrátt-
arbærar frá skatti?
3. Eru tekjur dagmæðra
skattfrjálsar?
4. Er hagstæðara fyrir sam-
búðarfólk sem hvort tveggja
vinnur úti, með eitt barn í heim-
ili, að telja fram sitt í hvoru lagi
eða saman?
Svar:
1. Með hverju barni innan 16
ára á tekjuárinu (þ.e. á árinu
1984) eru greiddar barnabætur.
Með fyrsta barni (einu barni)
nema barnabæturnar 7.500 kr. ef
barnið er 7 ára eða eldra, en
15.000 kr. ef barnið er yngra en 7
ára í lok tekjuárs. Fjárhæð
barnabóta skiptist milli fram-
færenda (hjóna, sambýlisfólks).
2. Nei.
3. Nei.
4. Það getur verið hagstæðara
fyrir karl og konu, sem búa sam-
an í óvígðri sambúð og uppfylla
skilyrði laganna um samsköttun,
að telja fram og vera skattlögð
sem hjón ef annað þeirra er með
það lágan tekjuskattsstofn að
reiknaður tekjuskattur verður
lægri en persónuafsláttur og um
er að ræða óráðstafaðan per-
sónuafslátt eftir að hluti hans
hefur gengið til greiðslu á eign-
arskatti og útsvari. Við sam-
sköttun millifærist óráðstafaður
persónuafsláttur til hins makans
og dregst frá reiknuðum skatti
hans. Enn fremur nýtur tekju-
hærri sambýlisaðilinn hækkun-
ar í 1. skattþrepi hafi tekjulægri
aðilinn lægri tekjuskattsstofn en
200.000 kr., sbr. svar í Morgun-
blaðinu 5. feb. sl.
Einnig getur það verið hag-
stæðara að telja fram saman þar
sem eignarskattsstofni er skipt
jafnt milli aðila og nýtist þá
hvoru um sig lágmark eignar-
skattsálagningar. Hins vegar
fellur niður við samsköttun
heimild til að nota lágmarksfrá-
drátt sem er 35.000 kr. í stað
10% frádráttar.
Um meðferð lána
fyrrum bónda
Óskar Stefánsson, Hamraborg
30, spyr:
1. Má flytja lán, sem verið
hefur á landbúnaðarframtali, og
telja það fram á skattskýrslu og
er það frádráttarbært? Er hér
um að ræða bónda, sem fékk lán
frá stofnlánadeild, en er hættur
búskap og tók lánið með sér og
er enn að greiða af því.
2. Hvernig færast tekjur
barna af innleggi á framtal sem
tekjur hjóna, ef um slíkt er að
ræða?
3. Hvar á að færa inn á fram-
talið greiðslur, sem ennþá eru að
berast frá kaupfélagi?
4. Er skylt að telja fram inn-
stæður barna í bönkum?
Svar
1. Þar sem fyrirspyrjandi hef-
ur hætt atvinnurekstri (búskap)
skal hann telja skuldir, er áður
tilheyrðu atvinnurekstrinum, í
lið S 1 á skattframtali og verður
skuldin dregin frá eignum við
ákvörðun eignarskattsstofns.
Vexti og verðbætur ber hins veg-
ar að færa í dálk 88 og eru þeir
ekki frádráttarbærir við ákvörð-
un tekjuskattsstofns.
2. Færa ber tekjur barna,
yngri en 16 ára, af innleggi í lið
T 16 á bls. 4 á framtali.
3. Færa ber slíkar eftirstöðv-
ar tekna af atvinnurekstri, sem
hætt er, í lið T 6 hjá því hjóna
sem stóð fyrir atvinnurekstrin-
um.
4. Já.
Námsfrádráttur ungl-
ings á vinnumarkaði
Hallur Sigurbjörnsson, Idufelli 8,
spyr:
1. Hvernig færist námsfrá-
dráttur unglings sem lauk
grunnskóla í maí og hvarf síðan
út á vinnumarkaðinn og er með
sparimerki?
2. Er skyldusparnaður við-
komandi frádráttarbær líka?
Svar:
1. Námsfrádráttur fyrir nám í
5 mánuði reiknast 5/6 af 31.880
eða 26.567 og færist í reit 51 á
framtali unglingsins enda sé
hann orðinn 16 ára á tekjuárinu.
2. Já. Þar sem viðkomandi
nemandi var í skóla skemur en 6
mánuði á árinu 1984 er hann
ekki undanþeginn sparnaðar-
skyldu.
Aðeins gjaldfallnar
verðbætur teljast
til vaxtagjalda
Magnús Einarsson, Einigrund
36, Akranesi, spyr:
1. Er vísitöluhækkun á hús-
byggjendalánum frádráttarbær:
a) þó hún sé ógreidd um ára-
mót en hafi verið bætt við
höfuðstól skuldarinnar?
b) ef lánið er greitt upp?
c) ef eignin er seld og lánið
yfirtekið af kaupanda?
2. Árið 1983 úrskurðaði
skattstjóri að vísitala sam-
kvæmt lið a) í fyrri spurn-
ingu væri ekki frádrátt-
arbær og sektaði sam-
kvæmt því. Samkvæmt
upplýsingum frá félags-
málaráðherra á fundi á
Akranesi í gær (mánudag),
þá voru þeir sem áfrýjuðu
til ríkisskattanefndar
sýknaðir. Hvaða rétt á sá
sem ekki áfrýjaði til ríkis-
skattanefndar en greiddi
sína skatta og sektir? Á
hann rétt á endurgreiðslu
á sekt og leiðréttingu á
álagningu?
Svar
1. a) Aðeins verðbætur á af-
borganir og vexti, sem greiddar
eru á árinu 1984 (þ.e. gjaldfalln-
ar verðbætur), teljast til vaxta-
gjalda ársins. Hins vegar skal
telja skuldir í árslok ásamt
áföllnum verðbótum (þ.e. vísi-
töluhækkun annaðhvort sam-
kvæmt lánskjaravísitölu eða
byggingarvísitölu).
b) Ef lánið er greitt upp telj-
ast áfallnar ógreiddar verðbæt-
ur til greiðsludags til vaxta-
gjalda ársins.
c) Ef lán er yfirtekið af kaup-
anda eignarinnar er það talið
jafngilda því að það sé greitt upp
og áfallnar ógreiddar verðbætur
til umsamins yfirtökudags láns-
ins teljast til vaxtagjalda ársins.
Nafnverð lánsins hjá kaupanda
telst hins vegar eftirstöðvar
lánsins að viðbættum umræddum
verðbótum.
2. Telja verður að fyrirspyrj-
andi sé að vitna til úrskurðar
ríkisskattanefndar nr. 799 frá
30. desember 1983 sem fjallar
um frádráttarbærni áfallinna
ógreiddra verðbóta af láni hjá
seljanda húseignar sem kaup-
andi yfirtók og svarið er í 1. c).
Ríkisskattstjóri tekur til af-
greiðslu óskir (erindi) gjaldenda
um leiðréttingu framtala 1984
eða fyrri ára vegna vanframtal-
inna verðbóta vegna sölu og yfir-
töku kaupanda, eftir því sem
þær berast embættinu.
Fargjaldaafsláttur
hluthafa í Flug-
leiðum telst arður
Jón Guðmundsson, Laugavegi
86, spyr hvort telja beri afslátt á
fargjöldum, sem hluthafar í
Flugleiðum hf. fá, fram sem
hlunnindi.
Svar:
Afhending afsláttarmiða til
hluthafa telst greiðsla á arði
þeim til handa að því marki sem
hver einstakur hluthafi hefur
nýtt slíka afsláttarmiða, hvort
sem er fyrir sjálfan sig, fjöl-
skyldu sína eða framselt þá með
eða án greiðslu til notkunar. Af-
sláttinn ber að telja fram í lið E
3 í dálkinn „Arður“.
...AÐSEUAÞÉR
NÝJAN BÍL
Starfsemi Daihatsuumboösins byggist á
einu grundvallaratriði, að tryggja örugga,
skjóta og hagkvæma þjónustu á öllum svidum
frá því að við afhendum þér lykía að nýjum
DAIHATSU og þar til þú seiur hann aftur.
Þegar þú kemurtil Daihatsuumboðsins í leit
að nýjum bíl, skoðar þú hann í rúmgóðum og
glæsílegum sýningarsal, sem myndar veglega
og verðskuldaða umgjörð um Daihatsugæðin.
Þegar þú hefur ekið í burtu á nýjum
Daihatsu, þarftu ekki að hafa áhyggjur af hvar
sé best að leita viðgerða og varahluta ef þörf
krefur.
einum stað í glæsilegum tæknivæddum
húsakynnum, allt frá smumingu upp I
stórréttingar og málun. Velmenntaðir og reyndir
iðnaðarmenn bera þína velferð og þar með
fyrirtækisins fyrír brjósti, því besta auglýsing,
sem völ er á, er ánægður viðskiptavinur.
Þegar að því kemur að þú vilt skipta um
bíl, býður Daihatsuumboðið upp á
landsins stærstu og bestu sölumiðstöð
fyrir notaða Daihatsubíla. Við getum
skoðað saman skiptidæmið okkar, þannig
að við tökum gamla bílinn upp í nýjan, eða
við seljum hann fyrir þig.
EFÞUATT DAIHATSU
ÞARFTUALDREI
AÐ LEITA ANNAÐ.