Morgunblaðið - 04.09.1985, Blaðsíða 5

MORGUNBLAÐIÐ, MIÐVIKUDAGUR 4. SEPTEMBER 1985
5
Oleg Vidov landflótta sovéskur leikari:
Lék hér á landi í Rauðu
skikkjunni sumarið 1966
„ÞKI'I'A var ákaflega geðþekkur og skemmtilegur náungi, sem öllum
líkaði vel við,“sagði Gísli Alfreðsson Þjóðleikhússtjóri, um kynni sín af
sovéska kvikmyndaleikaranum Oleg Vidov, sem nú hefur beðið um hæli
sem pólitískur flóttamaður í Bandaríkjunum, eins og frá var greint í frétt f
Morgunblaðinu í gær.
Vidov er mörgum kunnur hér á
landi síðan hann lék aðalhlut-
verkið í kvikmyndinni „Rauða
skykkjan", sem tekin var að hluta
hér á landi sumariö 1966. Vidov
lék aðalhlutverkið, Hagbarð, en
Gísli lék óvin hans Sigvalda kon-
ungsson, bróður Signýjar. Aðrir
íslenskir leikarar sem léku í
myndinni voru Flosi Ólafsson og
Borgar Garðarsson. Má geta þess
til gamans að í myndinni drepur
Vidov bæði Gísla og Flosa.
Gísli kvaðst halda að þetta
hefði verið í fyrsta sinn sem Vi-
dov starfaði utan Sovétríkjanna,
en hann hefði verið valinn í hlut-
verkið vegna þess að hann hafi
verið norrænn í útliti og sérlega
glæsilegur maður.
„Þetta var mjög glaðsinna og
skemmtilegur ungur maður, hann
hefur varla verið nema 23 eða 24
ára á þessum árum. Hann var
ákaflega ræðinn og endurtók í sí-
fellu þau átta orð, sem hann
kunni í ensku. Það var sérstaklega
vont veður þetta sumar og upp-
tökurnar sem fóru að mestu fram
við Hljóðakletta voru mjög erfið-
ar, en hann lét engan bilbug á sér
finna," sagði Gísli Alfreðsson.
„Ég hef skipst á kortum og kveðj-
um við hann annað slagið en ekki
fylgst náið með honum og veit
ekki hvort hann hefur fallið í
ónáð eða hvað veldur flótta hans
nú, en ég veit að hann var ákaf-
lega vinsæll í sínu heimalandi
einkum fyrir leik í sjónvarpi og
kvikmyndum," sagði Gísli enn-
fremur.
í Morgunblaðinu frá 21. júlí
1966 er að finna viðtal sem Magn-
ús Finnsson átti við Oleg Vidov.
Þar segir hann meðal annars að
hann hafi hrifist mjög af mikil-
leik íslenskrar náttúru. Um ís-
lenska hestinn sem mikið kemur
Oleg Vidov ásamt einum íslensku hestanna, sem hann var mjög hrifínn af.
Myndina tók Ólafur K. Magnússon við Hljóóakletta sumarið 1966, þegar
upptökur á myndinni „Rauða skykkjan" stóðu yfír.
við sögu í myndinni segir hann:
„Hann er dásamlegur og hann
hefur gott hjarta og ef ég gæti
komið honum f vasann minn
mundi ég fara með hann heim til
Rússlands." Um Islendinga segir
hann að þeir séu ákaflega þægi-
legt fólk og sérstaklega brosmilt.
„Bros þeirra birtist oftar en sólin
á himninum,“ sagði Oleg Vidov að
lokum í samtali við Morgur.blaðið
sumarið 1966.
Ar frá síðasta
Kröflugosi
„ASTANDIÐ er eins og verið hefur
í langan tíma, mjög rólegt,“ sagði
Páll Einarsson jarðeðlisfræðingur
hjá Raunvísindastofnun Háskólans
er Morgunblaöið spurði hann tíðinda
frá Kröflu í tilefni þess að nú er ár
liðið frá síðasta gosi þar.
„Það er afskaplega erfitt að spá
um framhaldið. Þarna er engin
vakt lengur en síritandi mælitæki
skrá alla hreyfingu. Um er að
ræða jarðskjálfta-, halla- og
sprungumæla. Þessi tæki sýna
nokkurn veginn hvað er um að
vera í jarðskorpunni hverju sinni, .
en þau segja lítið um það sem koma
skal. Til að það sé hægt þarf að
túlka það sem mælitækin skrá.
Við vitum að þrýstingurinn í
kvikuholunni er hár, hærri en
hann hefur verið fyrir sum af þeim
gosum sem komið hafa. Þessi
þrýstingur nægir til þess að koma
kviku upp á yfirborðið og væri því
ekki undarlegt þó að þarna yrði
gos. Hinsvegar fer þessi þrýsting-
ur ekki vaxandi. Hann hefur hald-
ist stöðugur síðan um síðustu ára-
mót. Mjög erfitt er að spá út frá
þessu um framhaldið ef litið er til
lengri tíma. En ef þarna yrði gos
er líklegt að við gætum spáð fyrir
um það með stuttum fyrirvara,"
sagði Páll Einarsson að lokum.
25 Grænlend-
ingar og Danir
skoða íslensk-
ar virkjanir
25 Grænlendingar og Danir eru á
fcrðalagi um ísland þessa dagana. Til-
gangurinn með ferðinni er að skoða
íslenskar vatnsafísvirkjanir.
Að sögn Péturs Thorsteinssonar
hjá Utanríkisráðuneytinu skipa
ferðalangar þessir ráð eða nefnd
sem komið var á laggirnar þegar
Grænland fékk heimastjórn árið
1979. Fékk hún nafnið Fællesrád
angáend minerale rástoffer i
Gronland og eins og nafnið gefur til
kynna átti hún að kanna hvaða
möguleikar væru á því að vinna
hráefni úr jörðu á Grænlandi, svo
og á virkjunarframkvæmdum.
Nefndin hefur starfað mikið upp á
siðkastið vegna olíuborana í Norð-
ursjó, en beinir nú athygli sinni
einkum að orkuframleiðslu.
Grænlendingar beina sjónum sín-
um til íslands í sambandi við virkj-
anamál, og líklegt er að þeir fari
fram á aðstoð af hálfu íslendinga
þegar þar að kemur að farið verður
að reisa þar virkjanir. Raunar hafa
Islendingar hannað slík orkuver
þar í landi þótt ekki hafi enn verið
ráðist í neinar framkvæmdir.
Nefndarmennirnir munu skoða
helstu virkjanir hérlendis, meðal
annars Þjórsár- og Blönduvirkjun.
Þeir halda svo af landi brott á laug-
ardaginn. í fylgd með nefndinni eru
Jonathan Motzfeldt formaður
grænlensku landstjórnarinnar auk
félagsmálaráðherra Grænlendinga
og formanns stjórnarandstöðu-
flokksins.
30.000 lestir
af loðnu komn-
ar á land
— veiðin treg um þessar mundir
LOÐNUAFLI íslenzkra skipa af Jan
Mayen-svæðinu var um mánaðamótin
orðinn 30.150 lestir. Veiði þar hefur
verið treg að undanförnu.
Síðastliöinn föstudag lönduðu
Hákon ÞH 820 lestum og örn KE
580 lestum á Raufarhöfn. Albert
GK landaði 550 lestum á sama stað
á laugardag og Skarðsvík SH 650
lestum á sunnudag. Á mánudag
landaði Kap II 670 lestum á Eski-
firði og Súlan EA 800 lestum á
Krossanesi. Síðdegis á þriðjudag
hafði ekkert skip tilkynnt um afla.
ELDHÚSK)
FULLKOMNAD
Það er hreint ótrúlegt hvað lítill örbylgjuofn breytir miklu á heimilinu.
Þegarbörn og unglingarkoma svöng heim úrskólanum hita þausér
hollan og ijúffengan smárétt íSHARP örbylgjuofninum. Nú þurfaþau
ekki lengurað sætta sig við eitthvað kalt og ólystugt í tíma og ótíma.
Tíminn erfullorðna fólkinu dýrmætur, þess vegna skiptirSHARP
örbylgjuofninn sköpum í eldhúsinu. Ásvipstundu verðurtilgómsætur
og næringarríkurréttur. Dæmi um eldunartíma:
samlokur 1 mínúta
bacon 2 mínútur
frosinn réttur 9 mínútur
heitt kakó 2-3 mínútur
SHARPörbylgjuofninn ereinfaldurogþægilegurog tvöföld læsing
tryggiröryggi yngstu notendanna. Verðfrá aðeins
kr.9,900.- stgr.
Láttu SHARP fullkomna eldhúsið!
HLJOMBÆR
HVERFISGÖTU 103 SÍMI 25999