Morgunblaðið - 04.09.1985, Blaðsíða 25

MORGUNBLAÐIÐ, MIÐVIKUDAGUR 4. SEPTEMBER 1985
25
Stjórnarskipti hefðu litlar
breytingar í för með sér
— segir Kaare Haukas fréttastjóri Stavang-
er Aftenblad um norsku þingkosningarnar
Þingkosningar eru á næstu grösum í Noregi, nánar tiltekið næstkomandi
mánudag, 9. september. Ný skoðanakönnun um norsk stjórnmál bendir
til þess að hin borgaralega stjórn Káre Willoch verði áfram við völd
næstu fjögur árin, en að mjótt verði á mununum í kosningunum. Um
þessar mundir er staddur hér á landi Kaare Haukaas, fréttastjóri Stavan-
ger Aftenblad, og innti Morgunblaðið hann álits á stöðu mála í Noregi.
„Ég held að stjórn borgara-
flokkanna haldi velli, en við
fyndum afskaplega lítinn mun á
því þótt Verkamannaflokkurinn
kæmist til valda, áherzlan yrði
þó örlítið önnur í ýmsum mála-
flokkum. Og svo lítill er munur-
inn á því hver situr við völd í
norska velferðarríkinu, að út-
lendingar gætu ekki greint þar
mun á.
Af þessum sökum hef ég raun-
ar enn meiri áhuga á að sjá hvaða
mannabreytingar munu eiga sér
stað í stjórnkerfinu, í þinginu og
ráðuneytunum, í kjölfar kosning-
anna. Komist Verkamannaflokk-
urinn að yrðu breytingarnar
talsverðar og mörg ný andlit
sæust. En vænta má breytinga
einnig ef borgaraflokkarnir
halda velli, því það má til dæmis
búast við að skipting ráðuneyta
verði önnur milli flokkanna en
nú er.
Kosningabaráttan hefur verið
ósköp bragðlaus og rislítil. Deilt
er um smámál og er skýringin
fyrst og fremst sú að ágreinings-
málin eru lítil og fá. Aðdragandi
kosninganna er til dæmis gjör-
ólíkur því sem var 1972, er þjóðin
hnakkreifst um afstöðuna til
Evrópubandalagsins. Nú hefur
pólitíkin meira og minna farið
framhjá mönnum, og engin til-
þrif í lognmollu kosningabarátt-
unnar. Káre Willoch hefur haft
hægt um sig, en Gro Harlem
Brundtland verið á þeysingi um
land allt. Það er eðlilegt, frú
Brundtland er áskorandinn nú,
verkaskipting hjá þeim var önn-
ur fyrir fjórum árum.
Enginn ágreiningur er um
áherzlur í varnarmálum meðal
Norðmanna. Yfir90% þjóðarinn-
ar eru fylgjandi aðild að NATO
Kaare Haukaas
og Verkamannaflokkurinn mun
ekki leita eftir breytingum á
högg aðildinni ef hann sigrar 1
kosningunum.
Helzt er að stjórnin eigi undir
að sækja vegna stefnu sinnar í
heilbrigðismálum. Flokkana
greinir á um hversu langt eigi
að ganga í því að færa heilbrigð-
isþjónustuna í hendur einkaaðil-
um. í þessu sambandi leggur
Hægriflokkurinn áherzlu á ham-
ingju og velferð einstaklingsins,
en Verkamannaflokkurinn segir
áframhaldandi stjórn borgara-
flokkanna muni eyðileggja
norska velferðarríkið.
Það segir mikið um innihald
baráttunnar, að meðal stærstu
mála er spurning um hvort leyfa
eigi breytilegan opnunartíma
verzlana og stofnana.
Verði stjórnarskipti að loknum
kosningum þá verða litlar breyt-
ingar í norsku þjóðlífi. Þó má
búast við að Verkamannaflokk-
urinn mundi bremsa af þá þróun,
sem verið hefur í átt til einka-
reksturs, og breytingar, sem
borgaraflokkarnir hyggja á í út-
varpsmálum, yrðu ekki að veru-
leika. Þá má eiga von á hærri
tekjusköttum setjist Gro Harlem
Brundtland í stól forsætisráð-
herra,“ sagði Kaare Haukaas
m.a.
Ogarkov
Kulikov
Kulikov sagður
yfirmaður Varsjár-
bandalagsherjanna
Moskvu, 3. september. AP.
VIKTOR M. Kulikov, marskálkur, var sagður yfirmaður Varsjárbandalags-
herjanna í armeníska blaðinu Kommunist, sem barst til Moskvu í morgun.
Óstaðfestar fregnir höfðu hermt að Kulikov hefði verið vikið til hliðar og
Nikolai Ogarkov, fyrrum aðstoðarvarnarmálaráðherra, verið skipaður í hans
stað.
Kulikov er fulltrúi Armeníu í
æðstaráðinu. Greinin í Kommun-
ist fjallaði um heimsóknir hans til
fyrirtækja í kjördæmi hans. Á
eftir nafni hans fylgdi að hann
væri yfirmaður herja Varsjár-
bandalagsins.
Washington Post skýrði frá því
í frétt 18. júlí sl., og bar fyrir sig
„áreiðanlegar heimildir í Moskvu“,
að Kulikov hefði verið settur af
og Ogarkov tekið stöðu hans. Kul-
ikov tók við starfi yfirmanns
Varjsárbandalagsherjanna 1977.
Hann er 64 ára. Ogarkov, sem er
67 ára, var yfirmaður sovézka
herráðsins og fyrsti aðstoðarvarn-
armálaráðherra. Var hann um
tíma talin líklegur eftirmaður
Ustinovs varnarmálaráðherra.
Hann var settur af í fyrrahaust, án
þess að útskýrt væri hvers vegna.
Sovézkir embættismenn vildu ekki
tjá sig um þá frétt.
Marokkó:
14 stjórnarand-
stæðingar dæmd-
ir tii dauða
(juublanca, Marokkó, 3. september. AP.
FJÓRTÁN marokkanskir stjórnar-
andstæðingar voru í dag dæmdir til
dauða, en af þeim voru níu fjar-
staddir, er dómurinn var felldur.
Mennirnir voru ákærðir fyrir land-
ráð og samsæri gegn „öryggishags-
munum ríkisins“.
Tólf til viðbótar voru ákærðir í
þessum fjöldaréttarhöldum, sem
stóðu í tvær vikur, og voru þeir
dæmdir til langrar fangelsisvist-
ar.
Sakamálaréttur Marokkó sak-
aði mennina 26 um að hafa staðið
í sambandi við alsírsku leyniþjón-
ustuna og hefði ætlan þeirra verið
að stunda hryðjuverk og skapa
óróa í Marokkó.
Alsír og Marokkó hafa átt í erj-
um sín á milli í áratug út af
Vestur-Sahara, sem Marokkó-
menn innlimuðu, en var fyrrum
spænsk nýlenda.
Mennirnir náðust ásamt vopn-
um og búnaði, áður en þeir höfðu
unnið nokkurn óskunda.
§agan af unga litla.
Þau hittu hana pabba.
þá sagði hæna mamma:
„Himinninn cr að hrynja,
hani pabbi.“
„Af hverju heldurðu það.
hæna mamma?“
„Ungi litli sagði mér það.“
„Af hverju heldurðu það,
Ungi litli?“
„Ég sá það með augunum,
ég heyrði það með eyrunum
og brot úr honum datt
á stélið á mér.“
Þá sagði hani pabbi:
„Við skulum hlaupa,
við skulum hlaupa
og segja kónginum það.“...
Kinllettur
m BEINT ÚR FRYÚTINUM -TILBÚID Á ÍO MÍN.
Á sýningunni Heimilið 85 í Laugardals-
höllinni kynnir ÍSFUGL enn eina nýjung,
KJÚLLETTUFt úr kjúklingakjöti, raspaðar,
kryddaðar og tilbúnar á 10 mín.
Komið og reyniö þessa frábæru nýjung.
Varmá Reykjavegi 36
Sími: 666103
ísfugl
fremstur
fug/a
Krakkar, klippið út og safrwð sóguoní at unga lítta.