Morgunblaðið - 12.04.1987, Blaðsíða 41

MORGUNBLAÐIÐ, SUNNUDAGUR 12. APRÍL 1987
41
Tónabíó
Körfuboltamynd
með Gene Hackman
og Barbara Hershey
„Hoosiers" frumsýnd innan skamms.
Hershey komin í náðina aftur og leikur nú
í hverri myndinni á fætur annarri
„I Indiana í Bandaríkjunum
hafa kirkjan og körfuboltinn nokk- I
urn veginn sama vægi í lífi fólks
og körfuboltaþjálfarinn gegnir
svona samskonar virðingarstöðu
og prestar." Þetta 'er haft eftir
Mike Copper körfuboltaþjálfara
frá Indiana en kvikmyndin Hoosi-
ers, sem frumsýnd verður á
næstunni íTónabíói, er um körfu-
bolta í þessu mikla körfuboltafylki
og geríst snemma á sjötta ára-
tugnum.
„Hoosiers" mun vera gælunafn á
íbúum Indianafylkis.
Gene Hackman fer með aðal-
hlutverkið í myndinni en hann
leikur körfuboltaþjálfara sem ver-
ið hefur á hraðri niðurleið eins
og sagt er á íþróttamáli en tekur
að sér þjálfun menntaskólaliðs í
smábæ einum og byggir það upp
með óvenjulegum aðferðum. Bar-
bara Hershey, sem leikur nú í
hverri myndinni á fætur annarri
eftir að hafa átt erfitt uppdráttar
í lengri tíma, leikur kennara er
kynnist þjálfa náið og Dennis
Hopper, sem virðist líka vera í
náðinni og leikur í líka hverri
myndinni á eftir annarri, fer með
hlutverk bæjarrónans, sem einu
sinni var körfuboltastjarna. Hand-
ritið skrifaði Angelo Pizzo en
leikstjóri er David Anspaugh.
„Hoosiers" er fyrsta mynd hans
en hann var verðlaunaður leik-
stjóri nokkurra þátta af Vörðum
laganna.
„Hoosiers" er gerð árið 1985
en um það leyti voru þrjár aðrar
Hackman-myndir að líta dagsins
Ijós svo þetta var annasamur tími
í lífi leikarans. Tvær þeirra hafa
verið sýndar hér: Tvisvará ævinni
(Twice in a Lifetime) eftir Bud
Yorkin og Skotmark (Target) eftir
Arthur Penn og svo lék hann
einnig í Valdi (Power) eftir Sidney
Lumet, sem Bíóhöllin hefur keypt.
Barbara Hershey hefur líka í
nógu að snúast þessa dagana
eftir að hún, líkt og Dennis Hop-
per, féll úr náðinni fyrir eins og
áratug síðan. Ólíkt Hopper, sem
í mynd sinni Easy Rider stóð fyr-
ir andmenningu grasreykjandi
mótorhjólatöffaranna á sjötta
áratugnum, var Hershey með
sínum opinskáa lífsstíl, hið full-
komna blómabarn bæði í
myndum sínum og einkalífi. Það
vakti athygli þegar hún fór að búa
með leikaranum David Carradine,
átti barn utan hjónabands sem
hún nefndi Frjáls og breytti nafni
sínu í Barbara Seagull (Máfur).
En þrátt fyrir allt frjálsræðið sem
ríkti á þessum árum þegar sór-
kennilegheit voru einfaldlega
talin merki um sköpunargáfu, átti
Hershey í mestu erfiðleikum með
að fá almennileg hlutverk í mynd-
um. Það er qkki fyrr en fyrir
nokkrum árum sem fór að rofa
til fyrir henni.
Sjálf vill hún ekki tala mikið um
Seagulltímabilið þegar hún lítur
til baka. „Ég er orðin svo þreytt
á því. Ég hata það. Ég held þetta
hafi verið slæm tímasetning eða
eitthvað. Þetta er svo lítill hluti
af lífi mínu og hann hefur ekki
meiri merkingu fyrir mig en önnur
skeið í lífi mínu."
Barbara Hershey og Gene Hackman f myndinm „Hoosiersu.
DROGUM
ÚT 2 ÍBÚÐIR OG 22bÍLA
HAPPDRÆTTI