Morgunblaðið - 14.05.1987, Blaðsíða 24

MORGUNBLAÐIÐ, FIMMTUDAGUR 14. MAÍ 1987
24
Frá verðlaunaveitingnnni.
Þessir unglingar fengu verðlaun fyrir fluguhnýtingar.
Verðlaun veitt fyrir leiklist.
Tómstundastarf í Grunnskólum Reykjavíkur:
Tvö hundruð verðlaunahafar
Um 1.800 nemendur voru innrit-
aðir á hin ýmsu námskeið sem
starfrækt voru í tómstundastarfi í
grunnskólum Reykjavíkurborgar.
Tómstundastarfinu lýkur með móti
þar sem unglingamir keppa í mis-
munandi greinum. Tæplega 200
nemendur fá verðlaun og viður-
kenningar fyrir þátttöku á mótun-
um á þessu vori.
Helstu úrslit eru eftirfarandi:
Borðtennis, piltar:
1. verðlaun Breiðholtsskóli.
1. Haraldur Kristinsson. 2. Páll
Kristinsson. 3. Lárus Ingvarsson.
4. Sigurður Þórsson.
2. verðlaun Ölduselsskóli.
1. Helgi Gunnarsson. 2. Amór
Gauti Helgason. 3. Kristján Krist-
jánsson. 4. Gunnar Björgvinsson.
5. Amar Pétursson.
3. verðlaun Hagaskóli.
1. Sigurður Bollason. 2. Hrafn
Ámason. 3. Ingimar Ingimarsson.
4. Guðmundur Kristjánsson.
Borðtennis, stúlkur:
1. verðlaun Breiðholtsskóli.
1. Berglind Ósk Siguijónsdóttir.
2. Inga Hrönn Grétarsdóttir. 3.
Eygló Þóra Harðardóttir. 4. Verón-
ika Bjamadóttir.
2. verðlaun Ölduselsskóli.
1. Ásdís Ósk Smáradóttir. 2.
Siný Hrönn Haraldsdóttir. 3. Sig-
rún Helga Siguijónsdóttir. 4. María
Haukdal.
3. verðlaun Hagaskóli.
1. Auður Þorláksdóttir. 2. Ama
Fríða Ingvarsdóttir. 3. Kristjana
Hrafnsdóttir. 4. Laufey Kristjáns-
dóttir.
Ljósmyndasamkeppni grunn-
skóla Reykjavíkur 1987:
1. Gunnar Leifur Jónasson, Öldu-
selsskóla. 2. Kristinn Þorleifsson,
Hagaskóla. 3. Þorsteinn Amalds,
Ölduselsskóla.
Sveitakeppni grunnskóla í
skák i Reykjavík 1987:
1. verðlaun: Seljaskóli a-sveit.
1. Þröstur Ámason. 2. Sigurður
Daði Sigfússon. 3. Sæberg Sigurðs-
son. 4. Kristinn Friðriksson.
2. verðlaun: Hagaskóli a-sveit.
1. Hannes H. Stefánsson. 2. Þor-
steinn Davíðsson. 3. Sigþór Sig-
þórsson. 4. Ragnar Fjalar
Sævarsson.
3. verðlaun: Ölduselsskóli a-sveit.
1. Amór Gauti Helgason. 2. Rafn
Jónsson. 3. Magnús Kristinn Jóns-
son. 4. Þórir Magnússon. l.v.
Jóhann Bragi Fjalldal. 2.v. Kjartan
Jónsson.
Leiklistarmót:
1. „Pældíðí", Réttarholtsskóli. 2.
Suðupotturinn, Hólabrekkuskóli. 3.
Litli ljóti andarunginn, Breiðholts-
skóli. 4. Smaladrengurinn, Haga-
skóli. 5. Sólin og vindurinn,
Þjálfunarskólinn. 6. Litla gula hæn-
Morgunblaðið/Bjami
Ráðstefna um íbúasamtök í Reykjavík;
Reykvíkingar hafa áhuga á
umhverfi sínu og mótun þess
- sagðj Anna Kristjánsdóttir, for
maður íbúasamtaka Vesturbæjar
Stjórnmál og
skynsemisskortur
RÁÐSTEFNA um íbúasamtök i
Reykjavík var haldin í Gerðu-
bergi miðvikudaginn 6. maí þar
sem fjallað var um eðli og tilgang
slíkra samtaka. Að ráðstefnunni
stóðu íbúasamtök í Reykjavík en
þau starfa nú i 11 borgarhverf-
um. Þetta er í fyrsta skipti sem
ÖU íbúasamtök í Reykjavík
standa saman að ráðstefnu. Ráð-
stefnan var fjölsótt og sagði
Anna Kristjánsdóttir, formaður
íbúasamtaka Vesturbæjar, það
sýna að Reykvíkingar hefðu
áhuga á ibúasamtökum, um-
hverfi sínu og mótun þess.
„Markmið íbúasamtaka er ekki
síst það að vekja áhuga fólks á
umhverfi sínu og einnig að auka
tengsl íbúanna. íbúasamtök þau
sem nú eru starfandi hafa beitt sér
fyrir úrbótum í ýmsum málefnum
sem lúta að hverfunum og hafa náð
töluverðum árangri," sagði Andrés
Magnússon sem starfar í íbúasam-
tökum Ártúnsholts, í samtali við
Morgunblaðið. Hann nefndi sem
dæmi að samtökin hefðu beitt sér
fyrir byggingu skóla í hverfínu. Þar
er nú í byggingu skóli sem tekinn
verður í notkun í haust, en undan-
farin ár hafa böm í Ártúnsholti
þurft að fara með skólabíl í annan
borgarhluta.
A ráðstefnunni vora flutt erindi
um tilgang íbúasamtaka, tilurð
þeirra og starf og um skipulag borg-
arstofnana og tengsl, gerð §ár-
hags- og framkvæmdaáætlana og
ferli ákvarðana sem varða einstök
hverfi og svæði. Einnig vora reifað-
ar hugmyndir um hugsanlegan
myndugleika íbúasamtaka og sam-
ráð milli borgaryfirvalda og slíkra
samtaka. Umræður fóra fram f
hópum að loknum framsöguerind-
um, en ráðstefnunni lauk með
pallborðsumræðum þar sem þátt
tóku fulltrúar frá íbúasamtökum
og stjórnmálamenn.
Hvatinn að ráðstefnunni var tíu
ára afmæli íbúasamtaka Vestur-
bæjar á þessu ári og í máli Önnu
Kristjánsdóttur, formanns þeirra
samtaka, kom fram að stofnun
íbúasamtaka hefur einkum átt sér
stað í tvenns konar hverfum. Ann-
ars vegar nýjum hverfum í bygg-
ingu og hins vegar í mjög gömlum
hverfum þar sem röskun á húsa-
skipan og nýtingarsamsetningu
húsnæðis hefur verið veruleg eða
yfirvofandi. Hún sagði málefni
hinna ýmsu íbúasamtaka í
Reykjavík hafa verið margvísleg og
nokkuð ólík eftir eðli hverfanna, en
telja mætti stóra málaflokka sem
varða öll hverfi þótt f mismiklum
mæli sé. Nefndi hún til dæmis
umferðamál, skipulagsmál, skóla-
mál, dagvistunarmál, heilsugæslu,
aðstöðu fyrir aldraða, aðstöðu til
útivistar og íþrótta, félags- og
menningarmiðstöðvar og varðveislu
náttúraverðmæta og sérkenna.
Ráðstefnuna, sem stóð frá kl.
18-22, sóttu um hundrað manns.
ÚT ER komin í Svíþjóð bók um
takmörk og takmarkanir skyn-
seminnar, og skrifa í hana
ýmsir kunnir sænskir mennta-
menn auk dr. Hannesar
Hólmsteins Gissurarsonar
stjórnmálafræðings á íslandi.
Heitir bókin „Rationalitetens
grenser“, og gefur Ratio í
Stokkhólmi hana út.
Ritstjóri bókarinnar er prófess-
or Torgny Segerstadt, sem var
lengi rektor Uppsalaháskóla, en
höfundar era meðal annarra Hans
L. Zetterberg, aðalritstjóri
Svenska Dagbladet, Tor Ragnar
Gerholm, eðlisfræðiprófessor við
Stokkhólmsháskóla, og Stig
Strömholm, lagaprófessor og
vararektor Uppsalaháskóla, auk
dr. Hannesar Hólmsteins.
„Ritgerð mín í þessari bók ber
nafnið „Politiken og rationalitet-
ens grenser", og fjallar um póli-
tískar afleiðingar af eðlislægri
vanþekkingu okkar mannanna,"
sagði dr. Hannes Hólmsteinn í
stuttu samtali við Morgunblaðið.
„Ég varpa fram þeirri spumingu,
hvemig á því standi, þar sem
maðurinn ráði sem einstaklingur
yfir jafnlítilli þekkingu og raun
ber vitni, að honum hafí þrátt
fyrir það miðað eins langt áleiðis
og við sjáum. Svarið við þessari
spumingu tel ég vera, að mannin-
um hefur tekist að koma upp kerfí
reglna og siða, sem gerir honum
kleift að nýta þekkingu, sem hann
hefur ekki sjálfur, til dæmis fram-
tak hugvitsmanna, reynsluvit
kynslóðanna og margvíslega
kunnáttu og þekkingu.
Þetta er alllöng ritgerð hjá mér
eða 35 bls.,“ sagði Hannes Hólm-
steinn ennfremur. „Ég legg þar
áherslu á það hlutverk, sem frjáls
sannleiksleit gegnir í framþróun-
inni. Það, sem máli skiptir, bæði
í vísindum og stjómmálum, er að
hindra ekki þrotlausa þekkingar-
öflun mannsandans, sem fer fram
með tilgátum og tilraunum, þar
sem menn læra af mistökum
sínum og endurskoða gamlan
sannleik, þegar hann reynist illa.“
En hvað hefur Hannes Hólm-
steinn á pijónunum á næstunni?
„Ég er að ljúka við rit um stjómar-
skrármálið, sem Stofnun Jóns
Þorlákssonar mun væntanlega
gefa bráðlega út,“ svaraði Hannes
Hólmsteinn. „Þar ræði ég um þær
leikreglur, sem gilda í stjóm-
málunum, en þær era að mínum
dómi miklu mikilvægari en þeir
leikendur, sem era á vellinum
hveiju sinni. Það skiptir miklu
minna máli, hvort forsætisráð-
herrann heitir Þorsteinn Pálsson,
Steingrímur Hermannsson eða
Jón Baldvin Hannibalsson, heldur
en við hvaða leikreglur forsætis-
ráðherrann starfar. Ég geri
nokkrar tillögur um stjómarskrár-
breytingar og hagnýti mér þar
einkum greiningu James M. Buc-
hanans á ólíkri hagkvæmni í
ólíkum stjómkerfum.
Síðan er ég að tygja mig til
Bandaríkjaferðar, en mér hefur
verið boðið að flytja fyrirlestur á
ársþingi American Political
Science Association í Chicago í
ágústlok," hélt Hannes Hólm-
steinn áfram. „Þessi fyrirlestur
minn verður um venjurétt og
stjómkerfí, en þar mun ég leiða
rök að því, að venjuréttur, sem