Morgunblaðið - 28.05.1987, Side 32

32__________________________
Skólaslit Bændaskólans á Hólum
MORGUNBLAÐIÐ, FIMMTUDAGUR 28. MAÍ 1987
Sigríður Bjarnadóttir o g
Þórarinn Leifsson hlutu
sérstakar viðurkenningar
Hólum í Hjaltadal.
BÆNDASKÓLANUM á Hólum í
Hjaltadal var slitið fyrir skömmu.
Sérstakar viðurkenningar fyrir
góðan námsárangur hlutu Sigríð-
ur Bjarnadóttir, Eyhildarholti,
Skagafirði og Þórarinn Leifsson,
Keldudal, Skagafirði. Við skóla-
slitin kom fram að í sumar verður
byggð 250 fermetra viðbygging
við skólahúsið og mun aðstaða til
kennslu og fyrir móttöku batna
til mun þegar hún kemst í gagnið.
Við skólaslitin, sem fram fóru í
Hóladómkirkju, flutti séra Sigurður
Guðmundsson vígslubiskup hug-
vekju. Kirkjukór Hóladómkirkju söng
við undirleik Rögnvaldar Valbergs-
sonar. Landbúnaðarráðherra Jón
Helgasson flutti ávarp og ámaði
nýbúfræðingum heilla. Mikið fjöl-
menni var við athöfnina.
í vetur stunduðu 52 nemendur
nám við skólann. 25 luku burtfarar-
prófi nú í vor, 14 piltar og 11 stúlkur,
9 á fiskeldisbraut og 16 á almennri
braut. Tekið var inn í skólann í
tvennu lagi á fyrra námsári. Nemar
á fískeldisbraut komu í september
og fóru í verknám á fískeldisstöðvar
í janúar. Nemendur á almennri bú-
fræðibraut komu í janúar og fóru í
verknám í apríllok. Á fyrra námsári
eru nú 15 á fískeldisbraut og 11 á
almennri búfræðíbraut.
Kennslan og skólastarfíð var með
hefðbundnum hætti og gekk vel.
Fræðsla í fískeldi og fískrækt er nú
orðin fastari í formi starfsnáms og
er venjulegt sjálfstætt nám innan
skólans. Gott samstarf er við fískeld-
isstöðvamar um verkþjálfun og
nemendur virtir starfskraftar að
námi loknu.
Á almennri búfræðibraut hefur
valgreinin hrossarækt verið aukin til
muna. Er nú veitt ítarleg bókleg
kennsla og verkleg í tamningum,
hrossadómum, jámingum og hrið-
ingu hrossa.
I loðdýrarækt er nemendum auk
bóklegu kennslunnar kenndir allir
helstu verkþættir í hirðingu loðdýra
ásamt skinnaverkun. Kennslan í
nautgriparækt og sauðfjárrækt er
með hefðbundnum hætti. Þá var
kennd valgrein í skógrækt og til
nýbreytni var boðið upp á áfanga í
ensku, landbúnaðar- og fískeldis-
ensku.
Talsvert var um námskeiðahald á
vegum skólans einkum í loðdýrarækt
og varðandi hross og hestamennsku.
í sumar verða námskeið fyrir ungl-
inga í íþróttum, sveitabúskap og
hestamennsku. Einnig verður sér-
stakt reiðnámskeið. Boðin verða stutt
námskeið í hirðingu loðdýra fyrir
byijendur.
Námsárangur nemenda sem út-
skrifast nú var góður. Af þessum
25 nýbúfræðingum hlutu 17 fyrstu
einkunn. Hæstu einkunn hlutu
Sigríður Bjamadóttir, Eyhildarholti
og Þórarinn Leifsson, Keldudal,
Skagafírði 1. ág. einkunn 9,3. Hlutu
þau bókaverðlaun frá Búnaðarfélagi
Islands.
Þeir sem hlutu yfir 8,0 í aðalein-
kunn eru: Efemía Fanney Valgeirs-
dóttir Daufá, Skagafírði 8,9. Bima
Magnea Sigurbjömsdóttir, Lang-
húsum, Skagafírði 8,8. Eyrún Anna
Sigurðardóttir, Flugumýri, Skaga-
fírði 8,8. Brynjar Skúlason, Lynghóli,
Skriðudal 8,8. Guðmundur Gylfi
Halldórsson, Stóru-Seylu, Skagafirði
8,7. Elínborg Lilja Ólafsdóttir,
Reykjavík 8,5.
Stéttarsamband bænda veitti við-
urkenningu fyrir bestan námsárang-
ur í bústjómargreinum og hlaut þau
Eyrún Anna Sigurðardóttir, Flugu-
mýri. Einnig hlaut hún viðurkenn-
ingu frá Hrossaræktarsambandi
Skagfírðinga fyrir bestan árangur í
hrossarækt. Viðurkenningu frá Sam-
bandi íslenskra loðdýraræktenda
fyrir bestan árangur í loðdýrarækt
hlaut Brynjar Skúlason,_ Lynghóli,
Skriðdal. Elínborg Lilja Ólafsdóttir,
Reykjavík hlaut viðurkenningu frá
Landsambandi Veiðifélaga fyrir
bestan árangur í fískræktargreinum
og ennfremur frá Hólalax hf. fyrir
árangur í fiskeldisgreinum. Friðborg
María Elísdóttir, Egilsstöðum hlaut
viðurkenningu Skógræktar ríkisins
fyrir bestan árangur í skógrækt. Ice-
land Review veitti viðurkenningu
fyrir bestan árangur í ensku og hlaut
þau Jóhann H. Hafsteinsson Akra-
nesi. Umgengnisviðurkenningu hlaut
Ingibjörg Reynisdóttir, Hríshóli, A-
Barðastrandasýslu.
Að lokinni skólaslitaathöfninni í
kirkjunni þágu gestir veitingar í boði
skólans. Skólastjóri Hólaskóla er Jón
Bjamason.
Björn í Bæ
MÚRARAR - FLÍSALAGNINGAMENN
KYNNUM RUBIFLÍSALAGNINGAVERKFÆRI
FLÍSALAGNINGAVERKFÆRAKYNNING:
Föstudaginn 29. maíkl. 14:00-16:00
Laugardaginn 30. maíki. 10:00-16:00
Flfsar
KÁRSNESBRAUT 106
Sími 46044 - 651222
Flísar
Faith Copeland með málverk á silki og keramikmuni.
Kaupmannahöf n:
Bandarísk kona
Qíilhcl
sýnir vatnslita-
myndir frá Islandi
Jónshúsi, Kaupmannahöfn.
BANDARÍSKI málakennarinn
Faith Copeland sýnir nú 40
vatnslitamyndir frá íslandi í fé-
lagslieimilinu í Jónshúsi. Hún
hefur átt heima víða í Evrópu
um áratugaskeið, lengst þó á
Spáni og I Lundi í Svíþjóð, þar
sem hún lagði stund á listasögu.
Nú hefur hún vinnustofu sína í
Nyboder, rétt við elztu raðhúsin,
sem Kristján konungur 4. lét
byggja fyrir sjóliðsforingja sína.
Og hún tengist einmitt sjónum í
list sinni og eru mörg viðfangs-
efni hennar landslag á eyjum,
bátar og jafnvel neðansjávar-
gróður.
Faith Copeland hefur haldið ijöl-
margar sýningar í Danmörku, en
eina á íslandi. Það var á Hótel
Varðborg á Akureyri og sýnt hefur
hún líka á Suðurey í Færeyjum,
enda á hún margar vatnslitamyndir
þaðan. Faith hefur komið nokkrum
sinnum til íslands á leið siiiiii til
foreldra sinna í Bandaríkjunum og
málað þar úti í náttúrunni. Segir
hún það hafa verið ævintýri líkast
að sjá og upplifa ísland. Listakonan
vinnur líka keramik, grafík og mál-
ar á silki og er afkastamikil með
eindæmum. Nú heldur hún t.d. 7
sýningar í einu víðsvegar um Sjá-
land, þ.á.m. í Valby Medborgerhus,
þar sem hún sýnir eingöngu silki-
málverk og á Strandhótelinu í
Dragör mun sýning hennar standa
í allt sumar.
— G.L. Ásg.
Tónlistarskólinn í Reykjavík:
Lokatónleikar
í Háskólabíói
LOKATÓNLEIKAR Tónlistar-
skólans í Reykjavík á þessum
vetri verða fimmtudaginn 28.
maí í Háskólabíói og hefjast kl.
14.00.
Á tónleikunum koma fram sin-
fóníuhljómsveit ásamt fjórum
nemendum sem ljúka einleikara-
og einsöngvaraprófum frá skólan-
um í vor. Þeir eru píanóleikararnir
Þórarinn Stefánsson og Þórhildur
Björnsdóttir og söngkonurnar
Hrafnhildur Guðmundsdóttir og
Kolbrún Arngrímsdóttir.
Á efnisskránni eru píanókonsert-
ar eftir Katsjatúrían og Mozart og
óperuaríur eftir Donizetti, Gluck,
Mozart, Rossini, Verdi og Wagner.
Stjómandi er Mark Reedman.
Nú stendur yfir fjáröflun til
styrktar bókasafni skólans og mun
ágóði af miðasölunni renna til bóka-
safnsins.
Safnaðarferð
Grensássóknar
FARIÐ verður í safnaðarferð um
Borgarfjörð sunnudaginn 31.
maí nk. Lagt verður af stað frá
Grensáskirkju kl. 9.30. Um há-
degi verður nesti borðað í
Logalandi og síðan tekið þátt í
messu kl. 14.00 í Reykholts-
kirkju.
Sr. Geir Waage mun þjóna fyrir
altari og sr. Halldór S. Gröndal
prédikar. Eftir messu verður Reyk-
holtsstaður skoðaður.
Með í ferðinni verða leiðsögu-
menn. Kostnaður er kr. 700 og
innifalið fargjald og nesti. Áætlað
er að koma til Reykjavíkur kl.
18.00.
Innilegar þakkir til barna, tengdabarna, ann-
arra cettingja og vina fyrir gjafir, blóm, skeyti
og hlýjan hug á 75 ára afmœli mínu þann 25.
apríl síÖastliÖinn.
Agnes Matthíasdóttir
frá Grimsey.