Morgunblaðið - 28.05.1987, Page 41

MORGUNBLAÐIÐ, FIMMTUDAGUR 28. MAÍ 1987
41
Kristján Bersi Olafsson
skólastjóri Flensborgarskóla;
Gæti leitt til þess að f leiri
nemendur færu í léttari áfanga
„Ég á dálítið erfitt með að
svara þessu, þar sem ég hef ekki
sett mig nægilega inn i málið.
Þetta próf er ekki nema helming-
ur af þeirri einkunn sem
nemendur endanlega fá. Það sem
skiptir máli er meðaltalið af þess-
ari einkunn og því sem skólinn
kann að gefa,“ sagði Kristján
Bersi Ólafsson, skólastjóri í
Flensborgarskóla, aðspurður um
hvaða áhrif lágar einkunnir á
samræmda prófinu i íslensku
hefðu fyrir framhaldsskólanna.
„Hjá skólum, sem starfa eftir
sama námskerfi og mjög margir
fjölbrautaskólar gera, er þetta ekki
spurning um það hvort nemendur
komast inn í skólann eða ekki, held-
ur er þetta spurning um í hve þungt
bytjunarnám þeir yrðu settir. Þetta
gæti því eitthvað raskað hlutföllun-
um milli þeirra tveggja mismunandi
Kristján Bersi Ólafsson.
þyngdarstiga, sem við erum með í
bytjunaráföngum, svo fremi að inn-
tökumörkum verði ekki eitthvað
hnikað til, en það hefur ekki verið
rætt,“ sagði Kristján Bersi enn-
fremur.
Hann sagði að fjölbrautaskólar
væru með tvenns konar bytjunanám
í íslensku. Þeir sem væru með 6,5
eða hærra gætu farið í erfiðari
áfanga, en þeir sem væru á bilinu
5,0 til 6,0, sem færu hægferð,
þ.e.a.s. lykju í þremur áföngum
sama námsefni og lokið væri í
tveimur áföngum af þeim, sem
hefðu hærri einkunn en 6,5. Þeir
nemendur sem væru með undir 5,0,
færu í upprifjunaráfanga, en und-
anfarin ár hefðu það verið tiltölu-
lega fáir, sem hefðu þurft á
upprifjuninni að halda. Niðurstaða
úr samræmda prófinu gæti því leitt
til þess að fleiri nemendur yrðu að
byrja á léttara námskeiðinu og yrðu
því lengur að ná sama marki og
hinir, sem gætu farið i erfiðari
áfangann.
Páll Ólafsson
í mínum bekkjum var ekkert til
þess að hrópa húrra fyrir og þótt
hún hafi verið álika og í Tjarnar-
skóla dettur mér ekki í hug að
hlaupa með það í blöð. Mér finnst
ástæðulaust að auglýsa það eitt-
hvað sérstaklega. Það féllu engir,
sem mig ekki grunaði að myndu
falla eða væru mjög tæpir, því nem-
endur eru misjafnir eins og við
vitum. Því finnst mér það hlægileg
umræða að ætla að kæra þetta
próf,“ sagði Páll ennfremur.
Páll Ólafsson kennari við Æfinga-
skóla Kennaraháskólans:
Grunnskólakennarar
segja álit sitt á prófinu
„Það hefur ekki koinið fram að það eru ekki einungis framhalds-
skólakennarar sem hafa eitthvað um þetta próf að segja, heldur eru
grunnskólakennarar einnig kvaddir til. Ég hef tvisvar sinnum verið
beðinn um að lesa yfir prófið, sem grunnskólakennari, og segja
mitt álit á því og það hafa mér miklu reyndari grunnskólakennarar
gert líka. Sú gagnrýni á þetta próf er því út í hött að mínu mati,“
sagði Páll Ólafsson, íslenskukennari við Æfingaskóla Kennaraháskól-
ans.
Hann sagði að það hefði ekkert
verið í þessu prófi, sem íslensku-
kennarar hefðu ekki getað átt von
á að kæmi. Hins vegar væri það
hans mat að íslenskuprófið hefði
verið þyngst þessara fjögurra sam-
ræmdu prófa og þess utan hefði
það verið síðasta prófið. Það hafi
haft tölvert að segja, þar sem ein-
beiting krakkanna var farin að dala
þegar líða tók á prófið. Síðasti þátt-
ur þess hefði verið útdráttur og það
hefðu verið mörg dæmi þess að
nemendur hefðu sleppt útdrættin-
um, þó það væri þáttur sem
nemendur ættu að ráða mjög vel
við.
„Mér hefur lengi fundist vera
rangir áhersluþættir í kennslunni.
Hluti málfræðikennslunnar skilar
sér takmarkað hjá mjög stórum
hópi og mér finnst spurning hvort
ýmis atriði eigi að vera með í þessu
prófi, svo sem setningarhlutagrein-
ing, enda skilst mér að það verði
breyting á því á næsta ári. Þó
íslenskuprófið hafi verið þungt tel
ég ekki ástæðu til að endurskoða
prófið. Ég ætla að nota tækifærið
og endurskoða áherslur í minni
kennslu í því augnamiði að ná betri
árangri næst og það gæti átt við
um fleiri. Þetta ætti að verða
íslenskukennurum hvatning til þess
að gera ennþá betur. Ég tek þessu
að minnsta kosti þannig. Utkoman
Valgerður Guðmundsdóttir
kennari í Keflavík:
„Algjör nauðsyn að auka
kennsluna í íslensku“
„Ég hef ekki kennt í vetur og því á ég ennþá auðveldara með að
tala um þetta, þar sem ég hef engra hagsmuna að gæta. I fyrsta
lagi tel ég að prófið í ár hafi verið heldur i þyngra lagi miðað við
próf undanfarin ár, en meginskýringuna tel ég vera þá samfélags-
breytingu, sem átt hefur sér stað,“
kennari í Keflavík.
„Börn cru alveg hætt að lesa og
það er alltaf verið að bæta við náms-
efnið, til dæmis verður námsefnið
til samræmda prófsins viðameira
með hvetju árinu, án þess að við
fáum fleiri kennslutíma eða minni
kennsluskyldu. Börn eru hætt að
lesa skáldsögur heima, eins og var
hér áður fyrr. Þau horfa á sjónvarp
og gera allt annað en að lesa. Allir
þessir samverkandi þættir verða til
þess að íslenskan er á undanhaldi.
Börnin eru ansi illa máli farin, orða-
forðinn lítill og þjálfunin engin í
rauninni. Við breytum ekki sam-
félaginu sem við búum í nema að
litlu leyti og það eina sem hægt er
að gera er að gera okkur íslensku-
kennurum kleift að vinna betur með
því að láta okkur hafa fleiri tírna,"
sagði Valgerður.
Hún sagði að prófið í vor hefði
verið illa samið og þungt, það sýndi
árangur nemenda í ár miðað við
fyrri ár. „En árangur síðustu ára
hefur ekki verið sérstaklega góður
og það er vegna þess að við höfum
þurft að keppa við hvers kyns af-
þreyingarefni. Við erum að beijast
við breytta samfélagshætti án þess
að það hafi verið breytt nokkru í
skólunum sjálfum. Það er farið að
taka inn núna fyrst þennan lesskiln-
ing og annað, sem ekki var einu
sinni, vegna þess að þá lærðu
krakkarnir þetta hvort sem var. Þau
lásu svo mikið og töluðu við fullorð-
ið fólk, en þau gera það bara ekki
lengur. Það þarf að fara að kenna
þessa hluti innan skólanna, sem
börnin lærðu áður heima hjá sér
og annars staðar,“ sagði Valgerður.
Hún sagði að það gæti ekki ver-
ið eðlilegt að 50-60% nemenda falli
á einu prófi, það væri þá verið að
sagði Valgerður Guðmundsdóttir,
meta eitthvað annað en það sem
kennarnir væru að kenna eða
krakkarnir að læra. „Síðan er það
forkastanlegt að talað sé um það
að kennamir geti hækkað nemend-
ur, því það er þá bara verið að vísa
vandamálinu yfir á annan aðila. Ef
þeir eru á annað borð að skipta sér
af þessu prófi eiga þeir að bera
ábyrgðina líka. Það er ekki rétt að
ætlast til þess að kennarar bjargi
málinu fyrir horn með því að segja
að kennarar geti hækkað alla nem-
endur um einn heilan eða eitthvað
slíkt,“ sagði Valgerður.
„Það er orðin algjör nauðsyn að
auka kennsluna í íslensku. Ég held
að með þessu áframhaldi séum við
að fara inn á þær brautir að við
tölum ekki íslensku hérna eftir 40.
ár eða svo. Við erum að beijast við"
svo breytt samfélag, eins og ég
sagði áðan. Þessir unglingar í dag
lesa ekki, þeir hafa nóg annað að
gera. Og það sem krakkarnir lærðu
heima hjá sér og af vinum sínum
læra þau ekki lengur, því nú hlusta
þau bara á erlenda tónlist og horfa
á myndbönd. Það eina sem krakki
les í dag er kannski textinn, sem
birtist á myndböndum og við vitum
öll hvernig þeir textar eru stundum.
Við verðum að fá fleiri kennslu-
stundir til þess að vinna á mótft
þessu,“ sagði Valgerður.
Hún sagði að það væri orðið
mjög vanþakklátt starf að kenna
íslensku, námsefnið væri orðið svo
mikið og krakkarnir áhugalausir
vitandi það að það væri alveg sama
hvað þau lærðu, þau kæmust aldrei
upp fyrir 6 eða 7 á meðan hægt
væri að ná 8 og 9 í hinum greinun-
um.
Ragnhildur Skjaldardóttir
kennari í Síðuskóia á Akureyri:
„Fylgjandi að samræmd
próf verði lögð niður“
„Að vísu kenndi ég ekki 9. bekk í vetur, en ég sé ekki að þetta
próf víki í neinum grundvallaratriðum frá fyrri samræmdum próf-
um, sem verið hafa. Að vísu eru nokkrar spurningar klúðurslega
orðaðar. Það er óþarfi eftir alla þá síun sem prófin eiga að fara
í gegnum,“ sagði Ragnhildur Skjaldardóttir, kennari við Síðuskóia
á Akureyri.
„Ég er sammála þeirri gagn-
rýni, sem fram hefur komið, að
grunnskólakennarar eru ekki
nægilega með í ráðum við samn-
ingu þessara prófa. Þetta eru
framhaldsskólakennarar, gjarnan
frá gömlu menntaskólunum, sem
eru beinlínis að undirbúa nemendur
undir nám í háskóla og vilja miða
kröfumar svolítið við það, en ekki
við hinn almenna nemenda í grunn-
skólanum. í grunnskólanum eru
allir nemendur á landinu, burtséð
frá því hvaða hæfileika þeir hafa
til náms, og kröfurnar verða að
styðjast við raunveruleikann. Það
er ekki grunnskólans að sía út
nemendur fyrir hugsanlegt lang-
skólanám, eins og háskólanám til
dæmis,“ sagði Ragnhildur.
Hún sagði að sér virtist prófið
ekki þyngra en undanfarin ár. Hins
vegar væri meira lagt upp úr ritun
en verið hefði og henni sýndist
vera hart dæmt. Til dæmis væri
einungis spurt í ritgerðarformi úr
valbók og hún vissi ekki hvaða
forsendur væru lagðar til grund-
vallar við fyrirgjöf. Henni fyndist
málfræðin í svipuðum dúr og und-
anfarin ár og stafsetningin síst
þyngri fljótt á litið. Þá fyndist
henni betra vægi að stafsetningin
gilti minna en verið hefði hingað
til og réttlátt væri að leggja
áherslu á ritun, en það gæti vel
verið, af því að það væri óvenju
mikið um hana í prófinu, að kenn-
arar hafi ekki miðað kennslu sína
eins mikið við það og þeir ættu
að gera. Námsmat samkvæmt
meðaldreifingu nemenda hefði að
sumu leyti verið betra, þar sem
meðaldreifingin jafnaði útkomu of
þungra eða of léttra prófa. Það
væri óeðlilegt ef ekki nema helm-
ingur nemenda gæti uppfyllt þær
Sjá næstu síðu