Morgunblaðið - 07.06.1987, Blaðsíða 12
12 B
MORGUNBLAÐIÐ, SUNNUDAGUR 7. JÚNÍ 1987
Paul Butterfield, 1942—1987
Blús
Árni Matthíasson
Paul Butterfield var
hvítur blústónlistarmaður
sem naut virðingar svartra
tónlistarmanna en lifði sjálf-
an sig tónlistarlega. Hann
lést í 4. maí síðastliðinn.
Paul Butterfíeld var ekki á
meðal merkustu tónlistar-
manna sem starfað hafa í
blúsnum, en hann átti meiri
þátt en flestir aðrir í því að
kynna blústónlist fyrir hvítum
áheyrendum i Bandaríkjunum.
Tónlistararfleifð hans spannar
á annan tug af plötum en
blúsáhugamenn hafa þó yfír-
leitt ekki áhuga á nema
tveimur, sem eru á meðal þess
besta sem hvítur blústónlistar-
maður hefur sent frá sér.
Paul Butterfíeld fæddist í
Chicago 1942 og ólst þar upp.
Fyrstu kynni af tónlist voru í
kirkjukór og síðar kenndi hann
sér sjálfum á munnhörpu.
Hann lærði á flautu en lagði
það tónlistamám á hilluna
fljótlega, enda hafði hann þá
heillast af blúsnum. Hann tók
að venja komur sínar á blús-
knæpur í svarta hluta Chicago
o g fékk þar að spila með Howl-
in’ Wolf, Buddy Guy, Otis
Rush, Little Walter og Magic
Sam. Þar lærði hann að spila
svartan blús og síðar átti hann
eftir að taka upp plötu með
Muddy Waters, plötuna Pat-
hers and Sons, sem margir
kannast án efa við. 1963 stofn-
aði Paul hljómsveitina The
Paul Butterfíeld Blues Band
með þeim Jerome Amold og
Sam Lay, sem áður vom í
hljómsveit Howlin’ Wolf. Síðar
slógust í hópinn gítarleikaram-
ir Elvin Bishop og Mike
Bloomfíeld og hljómborðsleik-
arinn Mark Naftalin. Þeir
félagar spiluðu mikið í Chicago
og gátu sér gott orð fyrir kröft-
uga túlkun á gömlum blúslög-
um og ekki síður fyrir góðar
útsetningar á eigin lögum.
Hljómsveitin var iðin við að
spila og náði að skapa sér
traustan aðdáendahóp í
Chicago og nágrenni. Bob Dyl-
an hreifst af sveitinni og fékk
hana til að spila undir á hinum
sögulegu Newport tónleikum
hans, þar sem hann kom áheyr-
endum í uppnám er hann kom
fram í fyrsta sinn með raf-
magnaða rokksveit á bak við
sig. Fyrsta platan, sem bar ein-
faldlega heiti hljómsveitarinn-
ar, The Paul Butterfíeld Blues
Band, kom út 1965. í kjölfarið
fylgdi önnur plata, East-West,
plata sem teljast verður stefnu-
markandi fyrir rokktónlist og
sem átti eftir að hafa mikil
áhrif á samspil blús og rokk-
tónlistar.
Segja má að umslagið á
East-West sé táknrænt. Á
myndinni sem er af hljómsveit-
inni aftaná umslaginu eru
hljómsveitarmeðlimir á hlaup-
um og hleypur Mike Bloomfíeld
nokkuð til hliðar við hina. Hann
var enda á leið út úr hljómsveit-
inni vegna tónlistarágreinings
og sagði skilið við hana eftir
útkomu plötunnar. Paul hélt
sveitinni þó gangandi og
breytti oft um stíl. Á þriðju
plötu sveitarinnar bætti Paul
við homaflokk og tónlistin var
meira í ætt lythmablús en blús.
Á ýmsu gekk upp frá því og
1972 hætti hljómsveitin síðan
formlega. Upp frá því spilaði
Paul með ýmsum og lifði á
fomri. Síðustu tíu árin gaf
Paul Butterfíeld aðeins út eina
plötu, enda átti hann við fíkni-
efnavandamál að etja og það
hafði sín áhrif á framleiðsluna.
Fjórða maí síðastliðinn fannst
hann síðan látinn á heimili sínu.
Tónlistararfur Paul Butter-
fíeld er fyrst og fremst á
tveimur fyrstu plötum hans,
The Paul Butterfíeld Blues
Band og East-West. Báðar
þessar plötur hafa verið endur-
útgefnar af Demon/Edsel og
eru fáanlegar hér á landi.
Fyrri platan, sem nefnd var
eftir hljómsveitinni, er nokkuð
stífari í túlkun sinni og það er
sem Paul og félagar reyni um
of að spila blús, þeir eru of
stífír. Platan er þó mjög góð
sem blúsplata og reyndar ein
af betri blúsplötum sem hvítir
blúsleikarar hafa tekið upp. Á
bestu lögum plötunnar, t.d.
Blues With a Feeling og Myst-
ery Train, ná þeir að spila sig
inn í blúsinn. Þar heyrist og
hve Paul Butterfíeld var
óhemjusnjall munnhörpuleik-
ari. Mike Bloomfíeld leggur
einnig sitt af mörkum með
meitluðum einleiksköflum. Eft-
irminnilegt er einnig lag Walter
Jacobs Last Night, þar sem
Paul og Mike fá gott svigrúm
til að sýna listir sínar. Ómeng-
aður Chicagoblús fluttur af
mikilli leikni.
Þó að fyrsta platan sé góð,
þá er East-West, önnur platan,
hápunktur að minnsta kosti
blúsferilsins hjá Paul Butter-
fíeld. Þar er hljómborðsleikar-
inn Mark Naftalin orðinn
opinber hljómsveitarmeðlimur
og hæglega má merlqa mikil
áhrif frá jasstónlist og jafnvel
einnig úr indverskri tónlist.
Það eru þessi áhrif að utan
sem gera East-West að betri
plötu en fyrstu plötuna, í stað
þess að vera allt að því að
herma eftir, þá er Paul að
skapa sinn eigin stíl. Hljóð-
færaleikur allur á plötunni er
afburða lipur, sérstaklega á
Mike Bloomfíeld góða spretti.
Bestu lögin eru I’ve Got a Mind
To Give Up Living, göngublús-
inn hans Roberts Johnson og
Two Trains Running. Há-
punktur plötunnar er síðan hið
þrettán mínútna titillag. í því
lagi á hver sinn sprett og sam-
leikur þeirra Elvin Bishop og
Mike Blommfíeld átti eftir að
hafa mikil áhrif á stöðu raf-
magnsgítarsins í nútíma
rokkhljómsveitum.
Glæsilegt úrval af skóm frá PETER KAISER
Litir: Rautt, hvítt, svart, blátt,
svart lakk.
Litir: Svart, rautt, Ijósgrátt,
svart lakk.
Utir: Rautt, svart, Ijósgrátt,
brúnt, svart lakk.
Verð f rá kr. 3.690.-
Litir: Blátt, grænt, Ijósgrátt,
hvítt.
Margar hælahæðir, stæröir
3'/2-9.
Einnig svipaöar geröir frá
Salamander í stæröum
IV2-9V20.fl. o.fl.
S. Waage sf.,
Domus Medica,
s. 18519.
Auðvitað er engum sama hvar hann eyðir langþráðu sumarfríi
sínu. Það er öruggt að fríið verður eins og best verður á kosið
ef þú velur hina frábæru aðstöðu okkar á Alcudia ströndinni á
Mallorca. Ströndin er sú stærsta og besta á Mallorca, glæsileg
íbúðahótel, stórgóð aðstaða, þaulvanir fararstjórar og sérstakur
barnafararstjóri tryggja að öll fjölskyldan nýtur sumarleyfisins
eins og best verður á kosið.
Sökum mikillar eftirspurnar höfum við fjölgað ferðum tilMallorca
og eigum því laus sæti 13. júní, 20. júní og 6. júlí.
Aðrar ferðir eru nánast uppseldar.
Ef þér er ekki sama velur þú Alcudia með Polaris.
FERÐASKRIFSTOFAN yAv
POLARIS w
Kirkjutorgi4 Simi622 011