Morgunblaðið - 02.10.1987, Síða 10

10
MORGUNBLAÐIÐ, FÖSTUDAGUR 2. OKTÓBER 1987
Plastprent í nýtt hús á 30 ára afmælinu:
Nýja húsið skraddara-
saumað utan um vélarnar
-segir Eggert Hauksson forstjóri Plastprents
UM ÞESSAR mundir heldur
fyrirtækið Plastprent upp á 30
ára afmæli sitt. Tekur fyrir-
tækið formlega í notkun nýtt
og glæsilegt húsnæði að Foss-
hálsi 17-25 í dag, föstudaginn
2. október. Við það tækifæri
verður vígð ný prentvél sem
er sú fyrsta sinnar tegundar
hérlendis, en hún gerir kleift
að prenta t.d. ljósmyndir á plast
í miklu litaúrvali.
Plastprent hóf starfsemi sína í
bílskúr fyrir þtjátíu árum og var
fyrsta framleiðslan umbúðir undir
bijóstsykur og afköstin lítil. Með
aukinni notkun plastpoka jókst
starfsemin og flutti því í stærra
húsnæði að Skipholti og síðar á
Grensásveg. Síðastliðin þrettán
ár hefur fyrirtækið verið í leigu-
húsnæði við Höfðabakka, en er
nú flutt í 6200 fermetra hús-
næði, sem er að sögn Eggerts
Haukssonar forstjóra, „skradd-
arasaumað utan um starfsemina".
„Húsnæðið er byggt utan um vél-
amar og við hönnun þess var
gert ráð fyrir að hægt væri að
bæta hæð ofaná. Nú rennur fram-
leiðslan sína beinustu og greið-
ustu leið gegnum verksmiðjuna
og er mikið vinnuhagræði að því.
Þetta gjörbreytir að sjálfsögðu
allri vinnuaðstöðu hér“ sagði Eg-
gert. Húsnæðið hefur risið á
skömmum tíma, því aðeins liðu
fimmtán mánuðir frá undirritun
verksamnings þar til flutt var í
nýja húsnæðið.
Með tilkomu nýja húsnæðisins
hefur tölvustýrð sjálfvirkni verið
aukin til muna. „A síðustu fimm
árum hafa verkefni og velta fyrir-
tækisins tvöfaldast, er starfs-
mannafjöldi fyrirtækisins orðinn
um 140 manns. Hin aukna sjálf-
virkni í framleiðslunni skilar sér
fyrst og fremst í lægra vöruverði
og betri þjónustu við viðskiptavin-
inn“ sagði Eggert.
Plastprent framleiðir allskyns
plastumbúðir t.d. burðarpoka,
umbúðir utan um matvæli og
heyrúllupoka. Það selur fyrirtækj-
um einnig svokallaðar „pökkunar-
lausnir", þ.e. umbúðir og vélbúnað
til pökkunar.
Prentvélin sem verður vígð í
dag, prentar með svonefndri
„flexo-graphic“ tækni. Er hún af
nýrri kynslóð slíkra prentvéla,
svokölluð tromluvél, og sú fyrsta
þeirrar gerðar hérlendis. Miklar
framfarir hafa orðið í þróun slíkra
véla síðastliðin fimm ár. Að sögn
Hauks Eggertssonar stjómar-
Morgunblaðið/Bj ami
Stjórnendur Plastprents, feðgarnir Eggert Hauksson og Haukur
Eggertsson fyrir framan nýja húsið.
formanns, er þetta hágæðaprent-
un, „flexo-graphic" tæknin gerir
mögulegt að prenta ljósmjmdir á
plast með meiri nákvæmni en
áður og í miklu litaúrvali.„Vélin'
er mun afkastameiri en fyrri vél-
búnaður verksmiðjunnar og þarf
geysistór verkefni, þau höfum við.
Núna prentum við flskumbúðir
fyrir Bandaríkjamarkað, en vélin
verður notuð í alla hágæðaprent-
un í framtí ðinni. Þetta gjörbreytir
þeirri þjónustii sem við getum
boðið upp á“ sagði Haukur. Hann
sagði það líklegt að í framtíðinni
verði þessi tækni nýtt við alla
vandaðri prentun þar sem þurfi
að vera mikil samstilling lita.
Svipmynd úr verksmiðjusal Plastprents. Verið er að prenta burðarpoka.
Hin nýja „Flexo-graphic“ prentvél Plastprents gerir kleift að prenta ljósmyndir
á plastumbúðir. Olafur Johnson aðstoðarsölustjóri, Eggert Hauksson forstjóri, Jón
Steingrímsson aðstoðarframkvæmdastjóri og Magnús Þorvaldsson aðstoðarprent-
smiðjustjóri standa hjá.
Fríkirkjan í
Hafnarfirði:
Safnaðarferð
á sunnudaginn
HIN árlega safnaðarferð
Fríkirkjunnar í Hafnarfirði verð-
ur farin nk. sunnudag.
Að þessu sinni verður farið aust-
ur að Hruna í Hrunamannahreppi
og verður lagt af stað frá Fríkirkj-
unni kl. 11.30. Guðsþjónusta verður
í kirkjunni að Hruna kl. 14 þar sem
safnaðarprestur predikar og þjónar
fyrir altari ásamt sr. Halldóri Reyn-
issyni sóknarpresti í Hruna en kór
Fríkirkjunnar leiðir söng. Að lokinni
guðsþjónustu verður haldið að Flúð-
um í kaffi en síðan farið í skoðunar-
ferð um nágrennið.
Þátttaka tilkynnist safnaðar-
presti sem fyrst.
Einar Eyjólfsson
Ráðstefna í Washington:
Aukin viðskipti íslands
og Bandaríkjanna
Washington frá ívari Guðmundssyni, frét
Íslensk/ameríska verslunaráð-
ið gengst fyrir ráðstefnu í gær
og í dag i Washington, til þess
að ræða möguleika á auknum
verslunarviðskiptum milli land-
anna. Á annað hundrað manns
tilkynntu þátttöku í ráðstefn-
unni, þar á meðal nokkrir
ræðismenn íslands í Banda-
ríkjunum.
Viðskiptafulltrúi íslands, Úlfur
itara Morgunblaðsins.
Sigmundsson, heflr undirbúið ráð-
stefnuna með stuðningi Verslunar-
ráðs íslands og Útflutningsraðs
íslands.
Aðalræðumaður ráðstefnunnar
er Jón Sigurðsson, viðskiptaráð-
herra, sem ræðir um „Alþjóðleg
efnahagsviðskiptiíslands". Vil-
hjálmur Egilsson, framkvæmda-
stjóri Verslunarráðs íslands, hefur
framsögu um „Þróun viðskipta milli
íslands og Bandaríkjanna og fram-
tíðarhorfur í þeim efnum."
Aðrir ræðumenn á dagskrá ráð-
stefnunnar eru: Formaður íslensk/
ameríska verslunarráðsins, Magnús
Gústafsson, forstjóri Coídwaters,
Ingvi S. Ingvarsson, sendiherra.
Jóhann Ólafsson, formaður Versl-
unarráðs íslands, Davíð Scheving
Thorsteinsson, forstjóri og dr. Öm
Aðalsteinsson frá E.I. DuPont De
Nemours and Co, efnafyrirtækinu
í Wilmington í Delaware-fylki.