Morgunblaðið - 17.02.1989, Blaðsíða 32

32
MORGUNBLAÐIÐ FÖSTUDAGUR 17. FEBRÚAR 1989
fclk í
fréttum
Morgunblaöiö/Bjami
Bogdan tekur umbúðirnar utan af gjöfinni, sem honum var afhent. A myndinni eru einnig Eysteinn
Helgason og Hannes Guðmundsson, sem sæti áttu í stjórn handknattleiksdeildar Víkings árið 1978,
þegar Bogdan var ráðinn hingað til starfa.
HANDBOLTI
BOGDAN KVADDUR
Bogdan Kowalczyk landsliðs-
þjálfari í handknattleik hélt af
landi brott á sunnudaginn eftir að
hafa starfað hér sem þjálfari í rúm
10 ár eða lengur en nokkur annar
erlendur handknattleiksþjálfari.
Nokkrir vinir Bogdans og for-
ráðamenn í handknattleiknum
héldu honum kveðjuhóf s.l. föstu-
dagskvöld og afhentu honum gjöf
sem þakklæti fyrir frábært starf í
gegnum árin. Bogdan ri§aði upp
nokkrar minningar úr starfi sínu
hér og sagði að honum og §öl-
skyldu hans hefði liðið ákafiega vel
hér á Islandi. Bogdan sagði að
margir hefðu fært honum þakkir
en einnig hefði hann verið skam-
maður. Sagði hann sögu af Hafn-
firðingi einum, sem hefði hringt í
sig um miðja nótt og ætlað að
skammast. Bogdan sagði mannin-
um að hann skildi ekki annað en
þýzku og það mál yrði hann að
læra ef hann ætlaði að skamma
sig. Þremur mánuðum seinna
hringdi síminn um miðja nótt. Var
það Hafnfírðingurinn, sem hafði
lært nógu mikið í þýzku til að hund-
skamma Bogdan!
Bogdan kom hingað fyrst haustið
1978 sem þjálfari handknattleiks-
manna Víkings. Undir hans stjóm
urðu Víkingar íslandsmeistarar í
fjögur ár og bikarmeistarar þrisvar.
Hann hefur verið landsliðsþjálfari
síðan 1984 og undir hans stjórn
hefur landsliðið náð betri árangri
en nokkru sinni áður. Það kom fram
í þakkarræðum í hófinu, að líklega
hefði enginn þjálfari haft eins mik-
il áhrif á íslenzkan handknattleik
og Bogdan.
Eftir B-heimsmeistarakeppnina
sem hefst í Frakklandi í þessari
viku heldur Bogdan heim til Pól-
lands ásamt eiginkonu og tveimur
sonum, en þar ætlar fjölskyldan að
setjast að. Þess má að lokum geta
að eiginkonan og synimir vom dug-
legri við málanámið en húsbóndinn
og tala öll íslenzku.
AFMÆLI
Stangveiði-
félag Reykja-
víkur 50 ára
Föstudagskvöldið 3. febrúar
síðastliðinn var haldinn á Hótel
Sögu afmælisfagnaður Stangveiði-
félags Reykjavíkur og þar voru
meðfylgjandi myndir teknar. Ymis
skemmtiatriði voru á dagskrá í til-
efni 50 ára afmælis félagsins og
var margt um manninn.
Meðal veislugesta voru Sigfús Haraldsson, tannlæknir, Sjöfn Björns-
dóttir, og Ragnar Halldórsson, stjórnarformaður ISAL.
ann 26. október síðastliðinn
sæmdi forseti íslands próf-
essor Michael Brennan riddara-
krossi hinnar íslensku fálkaorðu
fyrir aðstoð hans við íslenska
lækna í Kanada sem og fyrir að-
stoð hans við eflingu heimilis-
læknisftæðinnar á íslandi.
John Ragnar Johnson, ræðis-
maður íslands í Toronto, afhenti
Dr. Brennan orðuna við athöfn á
heimili þess síðamefnda í London,
Ontario, að viðstöddum fulltrúum
heimilislækningadeildarinnar við
University of Westem Ontario
auk nokkurra íslenskra lækna.
Michael Brennan fæddist í
Dýflinni á írlandi en fluttist til
Kanada að loknu læknanámi og
starfsþjálfun í heimalandinu. Eftir
læknisstörf í stijálbýli Kanada í
rúman áratug tók hann upp heim-
ilislæknisstörf í London, Ontario,
árið 1970 og gerðist jafnframt
einn af fyrstu kennumm nýstof-
naðrar heimilislækningadeildar
við háskólann þar. Deildin naut
snemma álits sem kennslustofnun
í heimilislækningum og eftir að
svonefnt „masters“-nám í heimil-
islækningum hófst við deildina
árið 1978 má segja að hún hafi
gegnt forystuhlutverki í þróun
fræðigreinarinnar. Fyrir tilstilli
Dr. Brennans fengu nokkrir
íslenskir læknar námsstyrki frá
Kellogg-stofnuninni í Banda-
ríkjunum til að stunda „mast-
ers“-námið, en markmið þess er
þjálfun og réttindi til kennslu í
heimilislækningum.
Hingað til hafa sjö íslenskir
læknar notið kennslu og hand-
leiðslu Michaels Brennans og hef-
ur hann reynst þeim og fjölskyid-
um þeirra einstaklega vel. Dr.
Brennan hefur tvisvar komið til
íslands. Hann hefur á margvísleg-
an hátt stutt við bakið á Félagi
íslenskra heimilislækna, sem
stofnað var 1979 og einnig hefur
hann tekið þátt í viðræðum við
fulltrúa frá læknadeild Háskóla
Islands og heilbrigðisráðuneytinu
um undirbúning að sérnámi í
heimilislækningum á íslandi.
HEIMILISLÆKNINGAR
Prófessor Michael
Brennan sæmdur
riddarakrossi
Dr. Brennan og nokkrir gamlir nemendur hans. Fremst á mynd-
inni eru ræðismaður íslands í Kanada, John Ragnar Johnson (til
vinstri) og orðuþeginn. Fyrir aftan þá standa, 64 vinstri: Lúðvík
Olafsson, Leifúr Dungal, heilsugæslulæknar í Reykjavík, Gísli
G. Auðunsson á Húsavík og Ólafur H. Oddsson á Akureyri.
Morgunblaðið/Sverrír
Þessir heiðursmenn skipuðu skemmtineínd og skipulögðu gleðskap-
inn. Frá vinstri Einar Sigfússon, Arni Pétursson og Stefán A. Magn-
ússon.
Hér má sjá formann Stangveiðifélagsins, Jón G. Baldvinsson og eiginkonu hans, Elínu Möller, Steingrím
J. Sigfússon, landbúnaðarráðherra, heiðursgest kvöldsins, ásamt eiginkonu sinni, Bergný Marvinsdótt-
ur, einnig Friðrik Þ. Stefánsson, varaformann Stangveiðifélagsins og eiginkonu hans, Margréti Hauks-
dóttur.