Morgunblaðið - 26.07.1989, Blaðsíða 43

MORGUNBLAÐIÐ IÞROTTIR MIÐVIKUDAGUR 26. JÚLÍ 1989
43
KNATTSPYRNA / ENGLAND
Sigurður til Arsenal
„EG tók ákvörðun í morgun. George Graham, fram-
kvæmdastjóri Arsenal, hringdi í mig frá Noregi og við
ákváðum að ganga frá samningnum, þegar liðið kemur
þaðan úr keppnisferð. Ég skrifa væntanlega undir
þriggja ára samning á fimmtudag,“ sagði Sigurður Jóns-
son, landsliðsmaður í knattspyrnu, við Morgunblaðið í
gær.
Sigurður hefur verið í viðræðum
við Arsenal, Chelsea og Nott-
ingham Forest að undanfömu og
fékk lokatilboð frá tveimur fyrst
nefndu félögunum fyrir helgi, en
beið með að taka ákvörðun, þar til
hann heyrði hvað Forest hafði upp
á að bjóða. Þegar til kom var áhugi
félagsins ekki lengur fyrir hendi og
tilkynnti aðstoðarframkvæmda-
stjóri Nottingham Forest Sigurði í
gærmorgun að félagið hefði hætt
við kaupin. „Ég vil ekki ræða fram-
komu Forest gagnvart mér,“ sagði
Sigurður í gær, en áður hafði hann
sagt að hann hefði mestan áhuga
á að fara til félagsins.
„Eitt af stóru félögunum“
Landsliðsmaðurinn sagðist hafa
verið í sambandi við Graham dag-
lega og það væri ánægjulegt að
þeir hefðu komist að samkomulagi.
„ Arsenal er eitt af fimm stóru félög-
unum í Englandi og það er stórt
skref upp á við að fara til Englands-
meistaranna," sagði Sigurður.
Sigurður sagðist ekki vita, hvert
kaupverðið yrði. Hann taldi víst að
Sheffield Wednesday færi fram á
750 til 800 þúsund pund (um 71
til 76 milljónir ísl. kr.), en Arsenal
biði 250 til 300 þúsund pund og
dómstóllinn færi sennilega milliveg-
inn. „Kaupverðið skiptir mig engu,
því það rennur óskipt til Sheffield,
en ég er ánægður með samninginn,
sem Arsenal bauð mér,“ sagði Sig-
urður.
Atvinnuleyfi Sigurðar í Englandi
var bundið við að leika með Sheffi-
eld Wednesday, en um leið og samn-
ingurinn hefur verið undirritaður
verður hafist handa við að fá áfram-
haldandi atvinnuleyfi. Án þess má
Sigurður ekki leika.
George Graham sagði fyrir
skömmu að hann vildi byggja upp
framtíðarlið hjá Arsenal og kaup á
Sigurði væri góð fjárfesting með
framtíðina í huga, en Sigurður, sem
hefur verið atvinnumaður hjá
Sheffield Wednesday í tæplega
fimm ár, er aðeins 22 ára gamall.
Fetar í fótspor Alberts
Arsenal hefur ekki haft marga
erlenda leikmenn í sínum röðum.
Albert Guðmundsson, sendiherra
íslands í Frakklandi, var fyrsti út-
lendingurinn, sem lék með félaginu.
Hann lék með liðinu 1946 til 1948
og vakti mikla at-
hygli, en fékk aldrei
atvinnuleyfi, var
áhugamaður og lék
því færri leiki en
skyldi.
Erkifjendur \ London
Sigurður á eftir að selja húsnæði
sitt í Sheffield, en óskaði eftir að
Arsenal útvegaði leiguhúsnæði í
London til að bytja með og er verið
að vinna í því. „Ætli ég komi ekki
til með að vera í 10 mínútna fjar-
lægð frá Guðna Bergssyni. En
Arsenal og Tottenham eru erkifj-
endur, þannig að sennilega verðum
við að hittast á laun — og hann að
hringja í mig fyrst."
- „Stórtskref uppá
við að fara til Englands-
meistaranna," sagði
SigurðurJónsson
SigurðurJónsson
klæðsit Arsenal-
búningnum ívet-
ur og leikurá
Highbury í
N-London.
Arsenal býður um 190
milljónir í tvo menn
George Graham vill fá David
Seaman, markvörð, og Mart-
in Allen, miðvallarleikmann, til
liðs við Arsenal og hefur boðið
QPR 2.000.000
pund (um 190
milijónir ísl. kr.)
fyrir þá báða.
Leikmennirnir
Frá
Bob
Hennessy
I Englandi
hafa verið óánægðir hjá QPR og
óskað eftir að fara frá félaginu.
„Tilboðið er mjög áhugavert, en
Graham sættir sig ekki við að fá
annan — hann vill fá báða,“ var
haft eftir Trevor Francis hjá QPR
í enskum blöðum í gær og þess
jafnframt getið að ákvörðun yrði
tekin fljótlega.
FRJALSAR
Sigurður
vann
alla nema
Korjus
SIGURÐUR Einarsson spjót-
kastari tók þátt í móti í Finn-
landi á sunnudag þar sem
allir bestu spjótkastarar
Finna voru samankomnir og
varð í öðru sæti.
Sigurður kastaði spjótinu
78,16 metra sem er hans
þriðji besti árangur í ár, en
legnst hefur Sigurður kastað
82,10, sem er 11. besti árangur-
inn í heiminum í ár, samkvæmt
rannsóknum Morgunblaðsins.
Tapio Koijus, ólympíumeistar-
inn frá í Seoul, var sá eini sem
vann Sigurð en hann kastaði
80,68.
Sigurður Einarsson
■ ÍSRAEL, sem varð sigurveg-
ari í Eyjiiálfunni í heimsmeistara-
keppnininni í knattspyrnu, mun
leika fyrri leikinn gegn sigurvegar-
anum í riðli tvö í S-Ameríku (Kól-
umbía, Ekvador og Paraguay).
Leikurinn fer fram í írsael 29.
október, en útileikurinn verður 12.
nóvember. Sigurvegarinn tryggir
sér rétt til að leika í HM á Ítalíu.
■ KJARTAN Einarsson, ÍBK,
hefur gert sjö mörk í 1. deildinni í
sumar en ekki sex eins og sagt var
í blaðinu í gær. Hann er því marka-
hæstur ásamt Guðmundi Steins-
syni, Fram, og Pétri Péturssyni,
KR.
■ PÉTUR Pétursson er ekki
enn orðinn góður af meiðslum
sínum. KR-ingar eru ekki bjartsýn-
ir að hann leiki með þeim gegn
Víkingi á morgun, en vonast eftir
að hann verði orðin góður fyrir leik-
inn gegn Fylki í næstu viku.
KNATTSPYRNA
Bjami glímir
við bestu mark-
verði Evrópu
Mikill áhugi fyrir markvarðakeppninni
í Bröndby í Kaupmannahöfn
DÖNSK blöð hafa sagt frá því
að mikill áhugi sé fyrir Evrópu-
keppni markvarða í knatt-
spyrnu, sem fari f ram f Kaup-
mannahöfn í nóvember. Flestir
bestu markverðir Evrópu mæti
til leiks, en Danir hafa boðið
landsliðsmarkvörðum frá 35
löndum að mæta til keppni.
Keppt verður um að veija sem
flest skot, en sérstök skotvél
„Cannonball" mun skjóta á mark-
verðina. Eins og Morgunblaðið hef-
ur sagt frá, þá mun Bjarni Sigurðs-
son, landsliðsmarkvörður úr Val,
keppa fyrir hönd Islands í Brönd-
byhöllinni, þar sem keppnin fer
fram.
Fyrirkomulagið verður þannig að
í fyrstu umferðinni falla nítján
markverðir úr keppni - þannig að
eftir verða sextán. Þá hefst út-
sláttakeppni þar til að tveir þeir sem
varið hafa best keppa til úrslita.
Sá markvörður sem stendur uppi
sem sigurvegari fær um 860 þús.
ísl. kr. í verðlaun.
Keppninni verður sjónvarpað um
Evrópu.
Bjarni Sigurðsson
Ikvöld
Einn leikur verður í 1. deildarkeppn-
inni í knattspyrnu í kvöld: Fram - KA.
Stjarnan og KR leika í 1. deild kvenna.
Þá verða íjórir leikir í 2. deild karla:
Selfoss - Völsungur, Tindastóll -
Stjaman, Leiftur - UBK, IBV - Viðir.
í 3. deild leika Huginn - Þróttur N. og
í 4. deild Hafnir - Ármann.
Allir leikirnir heQast kl. 20.
ípRÓm
FOLK
■ LUCA Kostic, leikmaður Þór
í knattspyrnu, er liðtækur körfu-
knattleiksmaður. Hann er tilbúinn
að vara áfram á Akureyri næsta
vetur og leika með Þór í körfu-
knattleik, ef Þórsarar næla sér
ekki í Bandaríkjamann, eins og
þeir eru að reyna.
■ ÞAÐ eru nú liðin tvö ár síðan
Fram tapaði síðast heimaleik í 1.
deildarkeppninni. Framarar töp-
uðu þá fyrir KA á Laugardalsvell-
inum, 15. júní 1987, en Framarar
leika einmitt gegn KA í
Laugardalnum í kvöld.
■ BREIÐABLIK hefur enn ekki
ná samningum við Sovétmenn um
að handknattleiksþjálfarinn Boris
Abkaschev komi til þeirra. Blik-
amir eru orðnir óþolinmóðir, enda
fer að styttast í að keppnistímabilið
hefjist. Þeir eru þó með nokkur jám
í eldinum, ef ekki náist samningar
við Sovétmenn.