Morgunblaðið - 27.09.1989, Blaðsíða 30

30
MORGUNBLAÐIÐ MIÐVIKUDAGUR 27. SEPTEMBER 1989
EINSKISNÝTT
EINKASTRÍÐ
Kvikmyndir
Sæbjörn Valdimarsson
Stjörnubió:
Stund hefndarinnar
Leikstjóri: Frank de Palma.
Aðalléikendur: Martin Hewitt,
Joe Dallesandro, Kimberly
Beck. Bandarísk. Smart Egg
Prod. 1988.
Enn einn hallærisbræðingurinn
um eftirhreytur þess arma stríðs
sem kennt er við Víetnam. Sögu-
sviðið æfingabúðir NATO á.ítaliu.
Þar er mættur nýliðinn Hewitt
gagngert til að fá þjálfun hjá
Dallesandro, vini og vopnabróður
föður hans í Víetnam. Týndist
karlinn í stríðinu en nú kemur í
ljós að Dallesandro átti sök á því
að hann féll fyrir andskotum
sínum. Þá er flækt inní atburða-
rásina bollaleggingum um ólög-
lega vopnasölu.
Ótrúiega slöpp B-framleiðsla,
fyrir myndbandaleigurnar og of-
beldisatriði einfaldlega ógeðsleg,
gerð af fúskurum sem virðast
leggja allt uppúr að koma innyfl-
um vorum í uppnám. Textinn af-
leitur, nýgræðingurinn hagar sér
einsog sjóuð stríðshetja, kald-
hæðnislegt heimspekirugl blaða-
konunnar flökurleg eftirlíking á
staðreyndum lífsins, og í ofanálag
illa þýddur. Liðþjálfi gerður að
liðsforihgja, svona óforvarandis,
o.s.fi-v. Hér er nánast ekkert sem
gleður augað. Gerð til að rykfalla
í afsláttarhillum myndbandaleiga
eftir skammvinnan fjörkipp.
£
BRÉFA-
BINDIN
frá Múlalundi...
... þar eru gögnin á góðum stað.
cn
Z
LU
jn
5
3
□
I
3
z
z
>
5
Múlalundur
VERKTAKAR - BÆJARFÉLÖG
VATNSDÆLUR
MIKIÐ ÚRVAL-GOTT VERÐ
ASETA HF.
Ármúla 17a • Símar: 83940 - 686521
Skrifstofutækninám
Viltu auka gildi þitt ?
Hjá okkur færðu einhveija þá bestu kennslu sem
völ er á í tölvu- og viðskiptagreinum.
Við kennum á tölvubúnað sem notaður er hjá
helstu fyrirtækjum landsins.
Einn nemandi um hverja tölvu og fámennir
hópar, tryggja hámarks árangur og tímanýtingu.
Betra verð og góð greiðslukjör.
Tölvuskóli íslands
S: 67 14 66
Þeyst yfir lausamjöll jökulsins. Þetta hafði Tom Cepek aldrei reynt fyrr og segir ferðina um jökul-
inn vera eftirminnilegasta hluta heimsóknar sinnar til Islands.
Kom mest á óvart að aka eftir
leiðsögutælgiim fyrir skip
Morgunblaðid/Árni Sæberg
44 tommu Cepek dekk undir bíl Benna Eyjólfs. Framleiðandinn,
Tom Cepek, er harla ánægður með eiginleikana, en segist þó
geta margt lært af þessari för upp á Langjökul.
- segir Thomas Cep-
ek, framleiðandi sér-
búnaðar á bíla, eftir
ferð á Langjökul
„OKKUR föður mínum fannst að
við þyrftum eitthvað betra en
hinir strákarnir, betra grip og
meira flot, bjuggum þess vegna
til dekk og felgur á okkar bíla
og fórum í klúbbkeppni. Okkur
gekk betur en hinum og þeir
fóru að spyrja hvar við hefðum
fengið þetta. Við sögðum þeim
það og þá vildu þeir að við byggj-
um til dckk fyrir þá líka. Fyrr
en varði var verkstæðið okkar
orðið fullt af felgum og dekkjum
og þetta hlóð utan á sig. Nú flyt-
ur fyrirtækið út til 38 landa,
selur til 40 stórra dreifingaraðila
og 6.200 annarra heildsala og
við rekum níu eigin smásölu-
verslanir." Þannig lýsir Thomas
Cepek tómstundagamni þeirra
feðga árið 1961 sem orðið er að
stórfyrirtæki. Það ber nafn föður
hans, Dick Cepek, og framleiðslan
er dekk og ljósabúnaður fyrir bíla,
en alls kyns bílavörur aðrar eru á
söluskrá fyrirtækisins. Tom Cepek
var hér á ferð í vor, skömmu áður
en snjóa leysti, í heimsókn hjá
Benedikt Eyjólfssyni, eiganda Bíla-
búðar Benna, sem er umboðsmaður
Dick Cepek Inc. hér á landi. Tom
fór í jeppaleiðangur inn að Hvera-
völlum og á Langjökul og Ok.
Morgunblaðið spjallaði við hann um
ferðalag hans er því var lokið.
Tom segir fyrst frá tilgangi þess-
arar fyrstu heimsóknar sinnar til
íslands. „Ég kom hingað til þess
að heimsækja góðan viðskiptavin
okkar, Benna, og einnig að fara í
þessa sérstöku ferð til að sjá hvern-
ig framleiðsla okkar stendur sig
við þessar aðstæður og hvernig
dekkin virka undir mismunandi
farartækjum. Síðan getum við
hugsanlega notað upplýsingarnar
til að breyta vörum okkar þannig
að þær standi sig betur við þessar
aðstæður. Ef þær standa sig vel
hér, þá standa þær sig auðvitað
vel hvarvetna annars staðar."
Tom var spurður hvort hann
hefði séð eða lært eitthvað nýtt í
þessari ferð. „Já, vissulega. Ég sá
farartæki sem ekki fást í Banda-
ríkjunum. Við gátum séð hvernig
vörur okkar voru notaðar, kannski
svolítið á annan hátt en við eigum
að venjast. Við sáum jarðhitasvæði
og hveri og við fórum á jökul.
Venjulega er ekki hægt að aka um
jökla í Bandaríkjunum, þar má
bara fara að jökulröndinni og þar
eru smáblettir sem má vera á til
að 'skoða. En maður má ekki fara
inn á jökulinn, svo að þetta var
mjög spennandi."
Hann segist hafa hrifist af veð-
urathugunarstöðinni á Hveravöll-
um og fólkinu þar. Það besta við
ferðina hafi verið að kynnast fólk-
inu, sem hann hitti, bæði ferðafé-
lögum og öðrum. Einnig segist
hann undrast veðráttuna hér, einn
og sama daginn fengu þeir ferðafé-
lagarnir öll sýnishorn uppi á Lang-
jökli: Sól og blíðu, rigningu, hvas-
sviðri og skafbyl. Það eina sem á
vantaði, til að reyna ljósabúnaðinn,
var blindbylur í myrkri.
Var ferðin þá gagnleg?
„Já, mjög gagnleg fyrir okkur
og þar að auki fyrir Benna í kaup-
bæti, því að þegar við afgreiðum
hann í framtíðinni vitum við betur
á hvers konar markaði hann er og
hvers hann og viðskiptavinir hans
þarfnast."
Tom segir að markaður fyrir
sérhæfð dekk sé mjög stór í Banda-
ríkjunum, einnig fyrir dekk til að
aka í miklum snjó eins og hann
kynntist hér. „Ekki algjörlega
samskonar notkun eða aðstæður
og hérna, en svipað. Þar eru víða
sandflákar og sandöldur og mjög
margir eiginleikar sem þarf í snjó
eru þeir sömu og þarf í sandinum,
til dæmis að geta haft lágan loft-
þrýsting í dekkjunum, geta ekið á
mjög hægri ferð, að spóla ekki og
því um líkt.“
Tom kvaðst hafa fengið að sjá
all vel hvernig framleiðsla fyrirtæk-
is hans virkar. Hann segir að í
Bandaríkjunum sé reyndar þróunin
sú, að vörur eins og hans verði í æ
ríkari mæli tískuvörur og um leið
sé minna lagt upp úr notagildi
þeirra. „Þess vegna er það, að í
mörgum tilvikum fær maður ekki
tækifæri til að reyna til fulls hvaða
gagn er hægt að hafa af þessum
vörum, og ef maður fer ekki og
gerir einhveijar tilraunir, eins og
þessa, þá er hætta á að framleiðsl-
an verði miðuð við of litlar gæða-
kröfur. Ef það gerist missir maður
traust viðskiptavina á kröfuhörðum
markaði eins og er hér. Þess vegna
hef ég vissulega fengið góðar hug-
myndir um hvernig á að haga fram-
leiðslu þessara hluta.“
Kom þér eitthvað á óvart?
„Það kom mest á óvart að hér
skuli vera boðið upp á ferðir með
farþega inn á jökla. Einnig að ferð-
ast eftir lóran. Það er ekki gert í
Bandaríkjunum. Ég sá núna að þið
verðið að gera það vegna hins
síbreytilega veðurs. Þegar blind-
bylur skellur á verður þú að vita
hvert þú ert að fara. Það kom veru-
lega á óvart að aka eftir leiðsögu-
tækjum, sem upphaflega voi-u gerð
fyrir skip og eru nú einnig notuð
í einkaflugvélum."
Velgengni Dick Cepek Inc. hefur
verið mikil og fyrirtækið stækkað
ört frá því að vera tómstundagam-
an feðga I bílskúrnum til þess að
stunda alþjóðleg viðskipti og um-
fangsmikla framleiðslu. Enn er fjöl-
skyldan í lykilhlutverki. Tom er nú
höfuð fjölskyldunnar eftir að faðir
hans féll frá 1983. Móðir hans,
eiginkona og synir taka öll virkan
þátt í rekstrinum. Við spytjum Tom
Cepek að lokum: Hver er lykillinn
að þessari velgengni?
„Astæðan er sú, að atvinna mín
er einnig tómstundaiðja mín, ég er
í þessu af áhuga og við öll. Ég finn
þannig púlsinn betur en hinir sem
eru í þessu eingöngu vegna ágóð-
ans.“