Morgunblaðið - 27.09.1989, Qupperneq 36

36
MORGUNBLAÐIÐ MIÐVIKUDAGUR 27. SEPTEMBER 1989
fclk í
fréttum
Morgunblaðið/Frímann Ólafsson
Sigurreifir á gleðistundu. Frá vinstri: Ágúst Þór Ingólfsson, Þórarinn Ólafsson, Pétur Björnsson, Sigur-
óli „Moli“ Kristjánsson, Garðar Vignisson, bestur í 1. flokki og Guðjón Ólafsson, þjálfari.
KNATTSPYRNA
Sigurgleði á uppskeruhátíð
Fyrir skemmstu hélt knatt-
spymudeild Ungmennafélags
Grindavíkur uppskeruhátíð sína í
félagsheimilinu Festi í Grindavík.
Hæst bar sigur meistaraflokks í
suðvestur-riðli 3. deildar sem veitti
honum rétt til að leika í 2. deild
íslandsmótsins að ári. Áfangi sem
hefur verið í sjónmáli undanfarin
ár en náðist loks í sumar. Segja
má að sigurvíma hafi einkennt há-
tíðina og deildinni bárust heilla-
óskir víða að. Dagbjartur Einarsson
færði deildinni 100.000 kr. fyrir
hönd Fiskaness hf., Bjarni Andrés-
son færði deiidinni 150.000 kr. og
100.000 kr. bárust frá Stakksvík
auk gjafa frá einstaklingum.
Siguróli Kristjánsson var valinn
besti leikmaður meistaraflokks en
Guðjón Ólafsson þjálfari sagði af
því tilefni að hann væri fulltrúi
mjög góðs hóps sem hefði barist
fyrir markmiðum sínum. Þórarinn
Ólafsson þótti taka mestum fram-
förum og Páll Björnsson hlaut
markakóngstitilinn. Ágúst Þór Ing-
ólfsson fékk sérstaka viðurkenn-
ingu fyrir gott starf í þágu deildar-
innar undanfarin ár en auk þess
að vera stjórnarmaður hefur hann
séð um að „strjúka" menn til þegar
þeir hafa orðið fyrir hnjaski í hita
leiksins.
UMFG hélt úti keppnisliði í öllum
flokkum karla, nema í 2. flokki, á
keppnistímabilinu og uppskar Suð-
urnesjameistara í 4_ flokkum auk
ágætis árangurs í íslandsmótinu.
Veittar voru viðurkenningar bestu
leikmönnum í hveijum flokki og
fyrir mestu framfarir og flest mörk.
FÓ
SPARNAÐUR
Fimm flíkur fyrir flugfarið
Um heim allan eru „dýrar“ eigin-
konur fylgifiskar íjölmargra
forríkra karla. Einn slíkur karl er
eignamaðurinn Donald Trump í New
York. Frú hans heitir Ivana og þykir
bæði glæsileg kona og dýr í rekstri.
Það kom talsvert á óvart á dögunum,
þegar heill hópur forríkra kvenna
ætlaði að hafa samflot til Parísar og
hreinsa út úr tískuhúsunum þar. Yfir-
leitt hefur Ivana verið þar fremst í
flokki, keypt flestar flíkurnar og eytt
mestu fúlgunum. En í þetta skiptið
var hún eitthvað treg til, Þegar á
hana var gengið sagði hún stutt og
laggott: „Hví skyldi ég vera að elta
þessa hönnuði út og suður þegar þeir
eru óðir og uppvægir að koma til
mín. Ég get keypt fimm kjólum meira
út á þann sparnað að fljúga ekki
einkaþotunni fram og til baka og búa
á dýrustu hótelunum."
TÍSKAN
Hársýning á Hótel Islandi
Ymsar nýjungar voru kynntar á hártískusýningu sem haldin var á
Hótel íslandi fyrir skömmu. Landslið íslands í hárgreiðslu og hár-
skurði kom fram á sýningunni. Hársnyrtisýningar hafa verið árlegur við-
burður og liður í fjáröflun til að standa straum af kostnaði við þátttöku
íslands í keppnum erlendis.
Hin sparsama Ivana Trump.
LÚXUSLÍF
Zsa Zsa mætir
fyrir rétti
Zsa Zsa Gabor mætti fyrir rétti í Beverly Hills
fyrir skömmu til að svara til saka fyrir að slá
lögregluþjón. Það var 14. júní sl. sem lögregluþjónn
á mótorhjóli stöðvaði Zsa Zsa vegna þess að hann
taldi sig sjá á númeraplötunum á Rolls Royce bíl
hennar að hann væri ekki rétt skráður. Lögreglu-
skýrslur herma að Zsa Zsa hafi stöðvað bílinn en
því næst ekið á brott. Sami lögregluþjónninn hafi
þá stöðvað hana aftur og þá hafi hún slegið hann
í andlitið svo sólgleraugun duttu af honum.
Lögregluþjónninn kærði Zsa Zsa fyrir barsmíðar,
fyrir að vera með útrunnið ökuskírteini og fyrir að
hafa opna áfengisflösku í bílnum. Kæru hans um
að bíllinn væri ekki rétt skráður var hins vegar
vísað frá. Verði hún fundin sek um öll kæruatriðin
gæti hún verið dæmd til tveggja ára fangelsisvist-
ar. Zsa Zsa finnst allt umstangið í kringum réttar-
höldin hins vegar bara spennandi og hefur mestar
áhyggjur af því hveiju hún eigi að klæðast. Dóms
er ekki að vænta fyrr en eftir tvær vikur.
Nýlega setti Zsa Zsa á markað trúlofunarhringa
sem seldir eru undir hennar nafni. Hún lét fram-
leiða margar gerðir af hringum og þeir eru allir
með zirkóníusteinum sem líta út eins og demantar
en eru margfalt ódýrari. Zsa Zsa ætti að hafa vit
á hringum því hún hefur verið gift átta sinnum.
Hún er nú 68 ára gömul en ber þó aldurinn vel.
Zsa Zsa hefur alltaf lifað lúxuslífi og hún hefur
yndi af því að klæða sig eins og prinsessa. Það er
vel við hæfi því núverandi eiginmaður hennar er
með Ijósblátt blóð í æðum. Prins Frederich von
Anhalt og Zsa Zsa búa til skiptis í húsum sínum á
Palm Beach og í Flórída. Zsa Zsa segist vera ákaf-
lega hamingjusöm og segist ekki munu gifta sig
oftar.
Hin ungverskætt-
aða leikkona Zsa
Zsa Gabor á leið
inn í réttarsal.
Heimili Zsa Zsa
er íburðarmikið.