Morgunblaðið - 30.01.1990, Page 47

MORGUNBLAÐIÐ ÞRIÐJUDAGUR 30. JANÚAR 1990
47
Umferðarslys 1989:
Slysum fækkaði
mikið í þéttbýli en
fjölgaði í dreifbýli
Á SÍÐASTLIÐNU ári slösuðust og létust samtals 828 manns í um-
ferðarslysum hér á landi, samkvæmt bráðabirgðatölum Umferðar-
ráðs, og er það 112 færri en árið áður. í þessum slysum létust 28
manns, en árið 1988 létust 29 í úmferðarslysum. í einstökum kjördæm-
um fjölgaði slösuðum mest í Norðurlandskjördæmi eystra og Norður-
landskjördæmi vestra, en þeim fækkaði hins vegar mest í Reykjanes-
kjördæmi og í Reykjavík.
Umferðarslysum fækkaði hlut-
fallslega mest í aldurshópnum 65
ára og eldri, eða úr 95 árið 1988 í
61 á síðasta ári. Þá fækkaði um tíu
manns í yngsta aldursflokknum,
þ.e. sex ára og yngri, eða úr 49
árið 1988 í 39 árið 1989.
í einstökum vegfarendahópum
fjölgaði slösuðum mest milli ára
meðal ökumanna bifhjóla, eða úr
21 í 41. Slösuðum ökumönnum bif-
reiða fækkaði úr 363 árið 1988 í
310 á síðasta ári og slösuðum far-
þegum í framsæti fækkaði úr 192
í 158. Slösuðum farþegum í aftur-
sæti fjölgaði hins vegar úr 130 í
160 á milli ára. Mikil fækkun varð
meðal slasaðra gangandi vegfar-
Þrír af grænlensku togurunum
Morgunblaðið/Sverrir
Hafnarfjarðarhöfn.
Hafnarfjarðarhöfii:
Þrír grænlenskir
togarar stöðvast
ÞRÍR grænlenskir rækjutog-
arar hafa stöðvast í Hafiiar-
fjarðarhöfti vegna kjaraað-
gerða vélstjóranna og græn-
lensku útgerðanna. Vélstjór-
arnir eru færeyskir.
Deilan hófst i síðustu viku og
var óleyst í gær
Fleiri grænlenskir togarar eru
í höfninni þannig að þar liggja
fimm rækjutogarar. Þeir
nu
komu þangað til að landa afla
sinum.
Áfengisúttektir ráðuneyta:
enda, eða úr 136 í 96, sem er um
30% fækkun.
í þéttbýli fækkaði fjölda slasaðra
milli ára úr 459 í 330, en fjölgaði
hins vegar í dreifbýli úr 188 í 204.
Umtalsverð fækkun slasaðra varð
í Reykjavík, eða úr 318 í 245, og
á Reykjanesi fækkaði þeim úr 280
í 178. Á Vesturlandi fækkaði slös-
uðum úr 72 í 49, og á Vestfjörðum
úr 28 í 23. Á Norðurlandi vestra
fjölgaði slösuðum hins vegar úr 49
árið 1988 í 73 á síðasta ári, og úr
38 í 88 á Norðurlandi eystra. Á
Austurlandi slösuðust jafn margir
á síðasta ári og árið 1988, eða 20,
en á Suðurlandi fjölgaði slösuðum
úr 105 í 121.
Morgunblaðið/Sverrir
Stefán Pálsson starfsmaður Rauða krossins við fatakassana, sem verða sendir til Rúmeníu.
Rúmeníusöfiiun gekk vonum framar:
Fötin fylltu 60 kassa
FATASÖFNUN vegna bágstaddra barna og unglinga í Rúmeniu sem
fram fór um helgina gekk vonum framar að sögn þeirra, er að henni
stóðu. Fötin, sem fylltu 60 stóra pappakassa, verða send við fyrsta
tækifæri til sjúklinga á hæli í bænum Tirgumures í Rúmeníu.
Fyrst og fremst var óskað eftir
hreinum nærfötum og náttfötum,
en tekið var við öllum fötum. Ást-
hildur Steinsen, sem átti hugmynd-
ina að söfnuninni og fékk vinkonur
sínar í „Dúfunum“, Útvarpsstöðina
Aðalstöðina og Rauða Krossinn með
í átakið, sagði að söfnunin. hefði
gengið mjög vel. „Það gerist ékkert
nema hlutirnir séu framkvæmdir
og ekki leyndi sér að allir voru fús-
ir til að leggja sitt af mörkum.
Næsta skref er að fylgja sending-
unni eftir til Rúmeníu og það væri
vissulega gaman að geta sýnt gef-
endum, þegar fólkið tekur við þess-
um hlutum,“ sagði Ásthildur.
Að sögn Unnar Arngrímsdóttur
í „Dúfunum" voru viðbrögð allra
mjög jákvæð og þess voru dæmi
að fólk fór á útsölur og keypti þar
föt, sem það gaf í söfnunina.
Bjarni Dagur Jónsson hjá Aðal-
stöðinni sagði að þar sem söfnunin
hefði gengið vonum framar yrði
hafist handa við fleiri ámóta verk-
efni og nefndi söfnun á ullarsokkum
og leikföngum í því sambandi.
Frétt í sjónvarpi frá umræddu
hæli var kveikjan að söfnunni, en
þar kom fram að vistmenn, börn
og unglingar, voru nær umhirðu-
lausir og fatalausir.
Hannes Hauksson, fram-
kvæmdastjóri Rauða Kross íslands,
sagði að mikið hjálparstarf væri
fýrirhugað í Rúmeníu, en búið væri
að skipta landinu í 39 hjálpar-
svæði. Rauði kross íslands hefur
gert samning við norska Rauða
krossinn um samstarf, en Norð-
mennirnir hafa fengið tvö svæði til
að sjá um. Að sögn Hannesar verð-
ur væntanlega farið til Rúmeníu
upp úr mánaðarmótum til að skoða
þessi svæði og velja afmörkuð heim-
ili eða stofnanir fyrir Rauða kross
íslands.
Ekki talin ástæða til
frekari athugasemda
YFIRSKOÐUNARMENN ríkisreiknings fyrir árið 1988 sjá ekki
ástæðu til frekari athugasemda en þeir höfðu áður gert vegna áfeng-
isúttekta aðalskrifstofa ráðuneyta. Ríkisendurskoðun gerði sérstaka
athugun á áfengisúttektum ráðuneytanna á kostnaðarverði í kjölfar
athugasemdar við áfengisúttekt fjármálaráðherra frá því í maí 1988
sem afhent var á einkaheimili. Að mati Ríkisendurskoðunar er ekki
tiiefni til að álíta að sambærilegt tilvik hafi átt sér stað á árinu 1988
og tekið fram að þáverandi fjármálaráðherra hafi endurgreitt á
fullu verði umrædda áfengisúttekt.
Sex ráðuneyti gáfu að mati Ríkis-
endurskoðunar fullnægjandi skýr-
ingar á áfengisúttektum á árinu
1988: Menntamálaráðuneyti, land-
búnaðarráðuneyti, dómsmálaráðu-
neyti, félagsmálaráðuneyti, iðnað-
arráðuneyti og viðskiptaráðuneyti.
Ríkisendurskoðun segir í bréfi til
yfirskoðunarmanna að hjá öðrum
ráðuneytum liggi í flestum tilvikum
fyrir fullnægjandi skýringar á til-
efnum risnuhalds. Hins vegar séu
í nokkrum tilvikum ekki fyrir hendi
aðrar skýringar en þær, að úttekt-
irnar séu vegna risnu ráðherra eða
ráðuneyta og hafi svör ráðuneyt-
anna ekki gefið frekari upplýsingar.
Fram kemur að Ríkisendurskoð-
un ritaði ráðuneytunum bréf í októ-
ber sl. þar sem tilgreindar eru kröf-
ur stofnunarinnar um frágang
greiðsluskjala er varða áfengisút-
tektir. í yfirlýsingu sem yfirskoðun-
annenn hafa sent frá sér ítreka
þeir kröfur sínar og Ríkisendur-
skoðunar um bættan frágang
greiðsluskjala varðandi risnukostn-
að ráðuneyta og stofnana ríkisins.
Fyrir liggi a6 lengi hafi á það skort
að gerð væri eðlileg grein fyrir
risnutilefnum og af því hlotist að-
haldsleysi.
Yfirskoðunarmenn ítreka það
álit, sem fram kemur í skýrslu
þeirra til Alþingis, að ríkinu beri
að hætta öllum viðskiptum með
áfengi á kostnaðarverði við sjálft
sig og bókfæra slík viðskipti á
venjulegu útsöluverði eins og aðrir
aðilar er standa fyrir risnu.
UR DAGBOK
LÖGREGLUNNAR í REYKJAVÍK:
26.-29. janúar
1990
— Lögreglan þurfti 74 sinnum
að hafa afskipti af ölvuðu full-
orðnu fólki, sem ekki kunni fótum
sínum forráð eða hafði orðið
uppvíst af miður góðri háttsemi.
— 14 ökumenn voru grunaðir
um ölvun við akstur, tveir teknir
fyrir að aka réttindalausir, 38
ökumenn kærðir fyrir of hraðan
akstur og 14 voru kærðir fyrir
að virða ekki rautt umferðarljós.
31 bifreiðaeigandi var sektaður
fyrir að leggja ólöglega og þar
af voru 13 ökutæki þeirra flutt á
brott með kranabifreið. 11 voru
kærðir fyrir að mæta ekki með
ökutæki sín til aðalskoðunar.
— 28 árekstrar voru tilkynntir,
auk tveggja umferðarslysa. Far-
þegi í bifreið slasaðist eftir árekst-
ur fjögurra bifreiða á Suðurlands-
vegi við Sandskeið um miðjan dag
á föstudag og gangandi vegfar-
andi varð fyrir bifreið í Lækjar-
götu aðfaranótt sunnudags.
— 28 sinnum var fólki, sem
læst hafði sig úti, veitt aðstoð við
að komast inn.
— 27 innbrot, þjófnaðir og
hnupl var kært.
— 15 rúður voru brotnar í borg-
inni og 7 skemmdarverk voru
framin, flest á bifreiðum.
— 34 einstaklingar voru vistað-
ir í fangageymslu lögreglunnar
um helgina og auk þess fengu 6
einstaklingar að gista þar að eig-
in ósk þar sem þeir áttu hvergi
höfði sínu að halla. 11 voru færð-
ir fyrir.dómara eftir dvöl í fanga-
geymsiu og gert að greiða 5—12
þúsund króna sekt fyrir ölvunaró-
læti og ókurteislega framkomu
við lögreglumenn. Samtals numu
sektir á níunda tug þúsunda. Aðr-
ir voru teknir til yfirheyrslu vegna
ýmissa kærumála og nokkrir urðu
frjálsir ferða sinna án eftirmála
eftir að hafa rætt við áfengis-
varnafulltrúa.
— Ölvaður maður var hand-
tekinn á krá í borginni eftir að
hafa þráast við og neitað að hætta
að spila á píanó staðarins þrátt
fyrir ákaflega litlar vinsældir við-
staddra.
— Karlmaður var handtekinn
eftir að hafa sprautað sig með
amfetamíni.
— Karlmaður handtekinn á
veitingastað eftir að hafa neytt
réttar dagsins, en gat ekki greitt
fyrir góðgætið.
— Olvaður unglingur var hand-
tekinn eftir að hafa brotið rúðu í
húsi í austurborginni. Hann var
færður á Unglingaheimili ríkisins.
— Ölvaður unglingur var hand-
tekinn eftir að hafa ráðist að
móður sinni. Hann var færður á
Unglingaheimili ríkisins.
— Veski var stolið úr bifreið
við sundlaugarnar á Seltjarnar-
nesi.
— Rúður brotnar í bifreiðum í
Ánanaustum, við Blikahóla og við
sundlaugarnar í Breiðholti og
verðmætum stolið.
— Veskjum og skilríkjum var
stolið úr starfsmannaklefum fyrir-
tækis og á spítala.
— Unglingar veittust að blað-
burðarkonu í austurborginni. Mál
þeirra verður tekið til sérstakrar
meðferðar og sent viðkomandi
yfirvöldum.
— Tvisvar var reynt að slá ein-
kennishúfur af lögregluþjónum á
eftirlitsgöngu í miðborginni. Við-
komandi voru handteknir og gert
að greiða 16 þúsund í sektir.
— Karlmaður var handtekinn
eftir að hafa reynt að brjótast inn
í bifreiðir á Landspítalalóðinni.
— Nokkrir drengir voru staðnir
að hnupli í verslunum. í einu til-
viki var lagt hald á eggvopn.