Morgunblaðið - 09.03.1990, Síða 13

- MGRGUNÐLÁÐIÐ FÖSTUDAGÚR fc MílZ 1990 -
13
Naglar - salt og tjöruþvottur
eftirlnga Ú.
Magnússon
Undirrituðum hefir af sumum
verið legið á hálsi fyrir að reyna
að draga úr nagladekkjanotkun á
götum Reykjavíkur, dreifa salti á
þær og koma tjöruþvotti á dekkjum
yfir á einkaframtakið og bflaþvotta-
stöðvarnar.
Þeir bifreiðaeigendur, sem hafa
treyst sér til að aka um gatnakerf-
ið á góðum snjódekkjum án nagla
og koma þannig til móts við til-
mæli borgaryfirvalda, hafa sparað
borginni tugi milljóna í gatnasliti.
Borgaryfirvöld hafa haldið uppi
góðu bakvaktarkerfi til að tryggja
borgarbúum hálkueyðingu og snjó-
ruðning á gatnakerfinu og það í
ríkari mæli vegna þeirra sem ekki
nota nagla og missa þar af leiðandi
eitthvert öryggi við sérstakar uppá-
komur. Til að bæta öryggið frekar
var komið fyrir í hverfísbækistöðv-
um embættisins þvottarennum til
að tjöruþvo dekkin.
Þetta reyndist mjög vinsælt ekki
síst af þeim sem rennurnar voru
ekki ætlaðar fyrir, það er að segja
þeim sem voru búnir nöglum sem
orsakað höfðu tjörumengunina.
Ekki var þó þeim aðilum meinaður
aðgangur að rennunum þótt sumir
færu þar í gegn tjórum sinnum á
dag, þar sem um ókeypis þjónustu
var að, ræða. Kvað svo rammt að
þessu að (Spaugstofan) ’89 á stöð-
inni sýndi bílana koma á berum
felgunum upp úr rennunum.
I kringum rennurnar skapaðist
mikill óþrifnaður og mengunar-
hætta.
í ár hefur tekið gildi ný mengun-
arreglugerð sem m.a. tekur til
ýmissa leysiefna eins og terpentínu
eða „White-Sprit“, sem ekki mega
menga umhverfið og fara ofan í
jarðveginn. Ekki þótti því ráðlegt
að setja þvottarennurnar upp á ný
við óbreyttar aðstæður, nema á ein-
um stað, í þjónustumiðstöðinni við
Þórðarhöfða, til bráðabirgða. Borg-
arbúar vildu ekki una því að dregið
væri úr þessari þjónustu, þannig
að borgarráð sá sér ekki annað
fært en að ákvarða að hún yrði
tekin upp aftur og hefir svo verið
gert á eftirtöldum stöðum: Hverfi
2, Njarðargata, Hverfi IV, Sigtún,
Hverfi V, Breiðholt auk þjónustu-
Ingi Ú. Magnússon
„Þegar rætt er um áhrif
salts á malbik koma oft
fram fullyrðingar um
að saltið leysi malbikið
upp. Staðreyndin er
hinsvegar önnur.“
miðstöðvar við Þórðarhöfða. Sjá
verður til hvort heilbrigðisyfirvöld
amast við þessari þjónustu, þar sem
stutt er eftir af vertíðinni, þar sem
leyfilegur tími fyrir nagladekkin er
úti 15. aprfl nk. Næsta haust ætti
þessi þjónusta að flytjast alfarið til
bílaþvotta- og lyðvarnarstöðvanna,
• sem eiga að hafa búnað til að taka
við hinum mengandi efnum og
koma þeim til eyðingar.
Þá hefir mikið verið talað um
saltið og þá mengun og þann skaða
sem það veldur. Það er því miður
mikið rétt í því að naglar og salt-
notkun fer illa saman. Önnur efni
en salt til hálkueyðingar eru það
dýr að ógerlegt er a nota þau vegna
kostnaðar. Að hætta að salta er
ekki hægt öryggisins vegna. Til-
raunir sem gerðar hafa verið í
Svíþjóð þar sem bannað var að salta
í héraði þar sem naglaprósentan er
verulega hærri en hér hjá okkur
eða um 80% sýndu að slysatíðnin
jókst um 50%. Vilja viðkomandi
yfirvöld axla siíka ábyrgð og banna
söltun?
Einnig verða menn að hafa í
huga að umferðarþunginn er orðinn
það mikill hér í borginni, yfir 50
þús. bílar á sólarhring á stærstu
umferðaræðunum, að umferðin færi
fljótlega í hnút ef góð hálkueyðing
væri ekki fyrir hendi. Að lokum
varðandi þá kenningu sem margir
vilja halda fram að salt leysi upp
malbik, léyfi ég mér að vísa til rann-
sóknarskýrslu Rannsóknastofnunar
byggingariðnaðarins en þar segir:
„Þegar rætt er um áhrif salts á
malbik koma oft fram fullyrðingar
um að saltið leysi malbikið upp.
Staðreyndin er hinsvegar önnur.
Bindiefnið (asfalt) er mjög flókin
blanda úr kolvetnasamböndum af
ýmsum stærðum og að auki er í
því lítið eitt af brennisteini, súrefni
og köfnunarefni. Hlutfallsleg sam-
setning er mismunandi eftir upp-
runa. Þegar þetta efnasamband
kemur í snertingu við sölt og vatn
verða engin efnahvörf. “
Þar sem ýmsir aðilar eru sí og æ
að halda hinu gagnstæða fram, að
saltið leysi upp malbikið, vildi ég
leggja til að þeir væru lokaðir inni
í búri með malbiksmola og salt-
pækil og ekki hleypt út fyrr en
þeim hefur tekist að leysa upp
molann í saltpæklinum. Þá þyrfti
ekki að hafa frekari áhyggjur af
þeim.
Höfundur er gatnamálastjóri í
Reykjavík.
Ur gagnrýni
Ó.G. Þjv. „Tók áhorfendur með trompi.... slíkur var krafturinn..."
J.Á. Mbl. „Kórinn....sem fyrr stórkostlega góður.
(Um söngvara).....mjög góður...“„...af glæsibrag...“
„...frábærlega vel (sungið og leikið)" „...að bera í bakkafullan lækinn að
lofa ísl. óp. fyrir þessa frábæru sýningu, en það verður að segjast...".
Á.M. DV. „Fagnaðarlátum áheyrenda ætlaði aldrei að linna..."
Sig. St. Tíminn „...tóku sýningunni forkunnarvel...“„klöppuðu...stöppuðu
og hrópuðu. Ég mæli með þessari sýningu..."
ISLENSKA OPERAN
er enn einn listsigur." J.A. Mbl
Sem sagt. konungleg skemmtun“ O.G. Þjv
Sýningar kl. 20.00.
Takmarkaður sýningarfjöldi
Laugardag 10. mars
Laugardag 17. mars
Sunnudag 18. mars
Föstudag 23. mars
Laugardag 24. rnars
Föstudag 30. mars
Laugardag 31. mars
Miðasala opin alla daga
frá kl. 15.00-19.00
nema sýningardaga til kl. 20.00.
Miðapantanir allan sólarhringinn
í síma 11475.
Miðaverð kr. 2.400,-
Stúkusæti kr. 2.800,-