Morgunblaðið - 09.03.1990, Síða 43

MORGUNBLAÐIÐ IÞROTTIR FÖSTUDAGUR 9. MARZ 1990
4r
HANDKNATTLEIKUR / HEIMSMEISTARAKEPPNIN
Morgunblaöið/Júlíus
Valdimar Grímsson skoraði tvö sfðustu mörk íslands gegn Austur-Þjóðveijuml gærkvöldi. Hér er reynir gamla kempan, Frank Wahl, að stöðva Valdimar.
Dæminu snúid við
Frábærsíðari hálfleikur tryggði íslendingum dýrmætan sigur
ÍSLENSKA landsliðið sýndl
loks í gær hvað í því býr er það
sigraði Austur-Þjóðverja 19:17.
Eftir að hafa tapað í vænlegri
stöðu gegn Júgóslövum og
Pólverjum, snéru þeir dæminu
við, unnu fjögurra marka for-
skot og sigruðu 19:17 í hreint
ótrúlega spennandi leik. ís-
lendingar eiga því enn mögu-
leika á að halda sér í hópi a-
þjóða, nái þeir að sigra Frakka
íleik um níunda sæti á morgun.
Þegar síðari hálfleikur hófst áttu
fæstir von á íslenskum sigri.
Austur-Þjóðverjar höfðu fjögurra
marka forskot, 12:8, og byrjuðu
Langhoff, þjálfari
Austur Þjóðverja:
„Vona að ísland
sigri Frakkland“
KLAUS Langhoff, þjálfari A-Þjóð-
veija, var óánægður með sína
menn, en vildi koma árnaðaróskum
sínum til íslands á framfæri við
Morgunblaðið. „ísland er í hópi
bestu handboltaþjóða heims og liðið
á heima í næstu Ólympíuleikum og
næstu heimsmeistarakeppni. Þá
vona ég að ísland sigri Frakka og
tryggi sér þar með 9. sæti.“
Klaus sagði að leikurinn hefði
ekki verið sérstaklega góður. „Þetta
var ekki fallegur bolti, en áhuga-
verður. Ég skil gleði íslendinga, en
þeir voru heppnir. Það var kannski
kominn tími til, en þessi sigur eflir
þá vonandi fyrir átökin á laugar-
dag.“
Aðspurður sagði Klaus að Aust-
ur-Þjóðveijar hefðu ekki talið sigur
sinn vísan í hálfleik. „Við vitum að
leikurinn er í 60 mínútur og við
gerðum okkur grein fyrir því að við
vorum að leika gegn Islandi. Liðin
þekkjast vel, ekkert kom á óvart,
en við gerðum of mörg mistök."
Eiðsson
skrífarfrá
Bratislava
með boltann. En Is-
Logi Bergmann lendingar voru ekki
af baki dottnir og
gerðu fjögur mörk
gegn einu í byijun
hálfleiksins og jöfnuðu 15:15, þegar
rúmt kortér var eftir.
Síðustu mínúturnar voru svo
hrein taugaspenna. Austur-Þjóð-
verjarnir gerðu 16. markið en ís-
lendingar svo þijú í röð og náðu
tveggja marka forystu. Austur-
Þjóðveijar minnkuðu muninn þegar
þijár mínútur voru til leiksloka.
Þeir fengu svo tækifæri til að jafna
er einn þeirra komst í hraðaupp-
hlaup, aleinn, en Einar varði glæsi-
lega og Valdimar Grímsson tryggði
íslendingur sigur er hann gerði
síðasta markið, átta sekúndum fyr-
ir leikslok. Gífurleg barátta, sterk
vörn, skynsamlegur sóknarleikur
og frábær markvarsla í síðari hálf-
leik færðu íslendingum þennan sig-
ur. Vörnin hefur ekki verið betri
og sóknarleikurinn nokkuð örugg-
ur, þrátt fyrir mikla spennu og allt-
of mörg mistök í fyrri hálfleik.
Mikilvægar breytingar
Bogdan tók þá ákvörðun að hvíla
tvo af lykilmönnum liðsins, Sigurð
Gunnarsson og Bjarka Sigurðsson.
Bjarki hefur verið einn besti leik-
maður liðsins í keppninni og því
þótti vafasamt að hvfla hann. Til-
gangurinn var að fríska upp á Iiðið
og það tókst. Valdimar Grímsson
og Oskar Ármannsson stóðu fylli-
lega fyrir sínu, þrátt fyrir erfiða
byijun, og léku af mikilli skynsemi
í lokin. Alfreð og Kristján voru
mjög sterkir í vörninni og opnuðu
vel í sókninni og Geir Sveinsson og
Júlíus Jónasson vörðust vel. Einar
Þorvarðarson byijaði ekki vel en
átti frábæran leik undir það síðasta.
Hann varði tíu skot í leiknum, mörg
í dauðafærum og mikilvægum
augnablikum.
Loks í gang
Árangur íslendinga í heims-
meistarakeppninni valdið nokkrum
vonbrigðum og víst er að flestir
áttu von á meiru. En leikurinn í
gær sýndi að það býr mun meira í
liðinu en það hefur sýnt, og það er
bara að vona að þetta sé aðeins
byijunin og í kjölfarið fylgi sigur á
Frökkum á morgun.
Steinþór
Guöbjartsson
skrífarfrá
Bratislava
M SÉRA Pálmi Matthíasson
sagðist hafa flutt sína stystu messu
í gærkvöldi. Hann fór inn í klefa
íslenska liðsins fyrir leikinn gegn
Austur-Þjóðverj- _
um og fór með eitt
vers úr Biblíunni,
sem átti við íþróttir.
■ MIKHAIL
Jakímovítsj er skotharðasti leik-
maður Sovétmanna, samkvæmt
mælingum sem þeir hafa gert.
Hingað til hafa menn almennt álitið
Tutsjkín og Atavín skothörðustu
menn Ólympíumeistaranna og verð-
andi heimsmeistara. Jakímovítsj
er rétthenta skyttan númer 11, og
skoraði 5 mörk gegn íslendingum.
■ JÚRI Gavrílovv armarkahæst-
ur Sovétmanna gegn Spánverjum
og var kjörinn besti maður liðsins.
Javier Cabanas var valinn bestur
hjá Spánverjum.
■ SO VÉTMENN léku fyrsta leik-
inn í gær, fóru ekki í sturtu eftir
leik, en héldu beint út í rútu og
strax til Prag, þar sem þeir leika
til úrslita gegn Svíum. Islenska
liðið fer til Prag í morgunsárið.
■ JÚGÓSLA VAR fóru til Prag
klukkan átta í gærkvöldi og sáu
því ekki leik Islands og Austur-
Þýskaiands. „Ég veit að ísland
vinnur og tekur svo Frakka í leik
um níunda sæti, því liðið á að vera
í hópi þeirra bestu,“ sagði Petqu^.
Janjic, þjálfari Júgóslava, er við
kvöddumst.
■ PETAR sagði að Júgóslavar
hefðu náð sér á strik eftir sigurinn
gegn íslendingum og sér væri
sama hvort liðið léki við Ungveija
eða Rúmena um þriðja sætið —
„við eigum að vinna bæði liðin.“
■ MIKLAR breytingar verða á
mörgum liðum eftir keppnina. Til
að mynda hætta flestir leikmenn
Júgóslavíu áð leika með landslið-
inu. „Við byggjum alveg upp nýtt
lið,“ sagði þjálfarinn við Morgun-
blaðið.
M ISLENSKU stuðningsmennirn-
ir gerðu samning við kollega sína
frá Júgóslavíu í gær. íslondiiuc__
arnir studdu rækilega við bakið á
Júgóslövum gegn Pólveijum og
Júgóslavarnir endurgreiddu greið-
ann í leik íslands og Austur-
Þýskalands.
Morgunblaöiö/Júlíus
Oskar Armannsson komst vel irá leiknum gegn Austur-Þjóðveijum.
„Eigum heima í
8. til 12. sæti“
- segir Bogdan landsliðsþjálfari
„VÆNTINGARNAR eru alltaf of miklar á íslandi. Við eigum
heima í 8. til 12. sæti í þessari keppni. Ég hef alltaf lagt
áherslu á að aðalatriðið væri að halda sér í hópi A-þjóða og
þetta var síðasti möguleikinn. Við urðum að sigra, en smá
heppni þurfti til þess að fá tvö stig, sagði Bogdan Kowalc-
zyk, landsliðsþjáifari við Morgunblaðið eftir sigurinn gegn
Austur-Þjóðverjum.
Bogdan sagði að ekkert væri
athugavert við að tapa gegn
Sovétmönnum og Júgóslövum.
„Þeir eru einfaldlega betri en við.
Gégn Spánveijum
vorum við þó
óheppnir, en við
vissum fyrirfram
áó viðureignin
gegn Póllandi snerist um líf og
dauða. Ég veit ekki hvað gerðist
en við fórum á taugum.
Við verðum að komast yfir
þessa taugaspennu ef vel á að
ganga. Nú munaði miklu að Einar
varði vel, en það _ gerði reyndar
Hofmann einnig. Ég tók áhættu,
Steinþór
Guöbjartsson
skrífarfrá
Bratislava
varð að gera breytingar. Óskar
stóð sig vel og dæmið gekk upp
að þessu sinni. Ég minni enn einu
sinni á hvað liðin í keppninni eru
jöfn. Með heppni hefðum við gétað
verið með fjögur stig eins og
Austur-Þjóðveijar, en hefði ólánið
elt okkur áfram værum við með
ekkert stig.
Leikurinn gegn Frökkum um
níunda sætið verður mjög erfiður.
Frakkar hafa undirbúið sig mjög
vel fyrir keppnina, voru saman í
þijá mánuði. Okkar undirbúnings-
tími var hins vegar allt of stuttur
— menn gera mistök af því að
þeir eru þreyttir.