Morgunblaðið - 08.04.1990, Blaðsíða 12

ik ré
MOHGl/x
hií
AFMÆI
1990
FASTEIGN I
ORLOFSHVS SF.
Verð frá ísl. kr. 1.500.000,-
Aðeins 39% útborgun - Einstök afborgunarkjör.
Ódýrar ferðir fyrir húseigendur.
Sérstakur kvnninaarfundur
á Laugavegi 18 í dag, sunnudag, 8. apríl,
frá kl. 14.00-18.00, sími 91 -617045.
Komið í kaffisopa og kynnið ykkur málin.
NYJA
VORLÍNAN
FRA _
ER KOMIN
ÚTSÖLUSTAÐIR:
ZETUBRAUTIR OG GLUGGATJÖLD,
FAXAFENI 14, REYKJAVÍK.
DRAUMALAND,
KEFLAVÍK.
HANNYRÐAVÖRUVERSLUNIN ÍRIS,
SELFOSSI
AJmæliskveðja:
Anna Þorsteinsdóttir
fv. prófastsfrú
Heiðurskonan Anna Þorsteins-
dóttir, eiginkona vinar míns og
bekkjarbróður, séra Kristins Hóse-
assonar, fyrrum prófasts í Heydöl-
um í Breiðdal, er 75 ára í dag, eft-
ir því sem glöggir reiknimeistarar
fullyrða, svo trúlegt sem það nú
þykir. Hún fæddist austur í Stöðv-
arfirði, dóttir Guðríðar Guttorms-
dóttur prests Vigfússonar í Stöð og
Þorsteins Mýrmanns, bónda og
kaupmanns á Óseyri í Stöðvarfirði.
Anna á að telja til vaskleikafólks
og vel gefins til munns og handa,
enda bregður henni beint í ætt. 17
ára gömul fór hún í húsmæðraskól-
ann á Hallormsstað og var þar tvo
vetur, og segir það sína sögu, að
seinni veturinn var hún jafnframt
aðstoðarkennari í vefnaði. Hún
fékkst við vefnaðarkennslu á Aust-
urlandi á næstu árum svo og barna-
kennslu. Hún gerðist forstöðukona
mötuneytis stúdenta í Reykjavík
veturinn 1943-1944, og þar fundu
þau hvort annað, hún og guðfræði-
stúdentinn úr Breiðdalnum, og
gengu í hjónaband á gamlársdag
1944, góðu heilli. Síðan hafa þau
fylgst að fram eftir æviveginum og
stutt hvort annað af ástúð og ein-
drægni.
Séra Kristinn vígðist til Hrafns-
eyrar við Arnarfjörð sumarið 1946
og þjónaði þar árlangt, og bæði
kenndu þau hjónin börnunum í
hreppnum um veturinn. 1947 fékk
séra Kristinn veitingu fyrir Heydöl-
um, og þá fluttust þau austur á
æskuslóðirnar, þar sem þau bjuggu
síðan og störfuðu einnig bæði að
kennslu og margs konar menning-
armálum í röska fjóra áratugi, auk
þess sem eiginmaðurinn þjónaði
tveimur sóknum, í Breiðdal og
Stöðvarfirði. Anna lét margháttuð
félags- og framfaramál til sín taka
og var sjálfkjörin til forystu í flestu
því, sem til heilla horfði í sveitinni,
svo sem slysavörnum og skógrækt,
barnavernd eða baráttumálum
kvenna. Þá átti hún sæti í sóknar-
nefnd og skólanefnd í Breiðdai og
var í áratugi kennari við skólann í
Staðarborg, sem er í túnfæti Hey-
dala, og skólastjóri í Stöðvarfirði
einn vetur.
Ekki hefir verið vandalaust að
sitja þetta forna og fræga höfuðból
með þeim sóma, sem hæfði því, en
það fór þeim hjónum vel úr hendi
sem annað, sem þau tóku sér fyrir
hendur. Um það vitnar meðal ann-
ars hin nýja og veglega kirkja, sem
reist var í Heydölum í þeirra tíð.
Prestsetrið stendur í þjóðbraut, svo
að margan gestinn hefir þar að
garði borið þau 40 ár eða vel það,
•sem þau Anna og séra Kristinn
réðu þar húsum. Munu þeir ljúka
upp einum munni um það, að þang-
að hafi verið gott að koma, þiggja
góðgerðir og jafnvel gistingu og
ekki síður að njóta andlegra veit-
inga húsráðenda og uppbyggilegrar
samræðu. Anna er skarpgreind
kona og minnug og stórfróð um
staði, menn og málefni, ættir og
atburði, og kann vel að segja frá,
gestum sínum til fróðleiks og
skemmtunar.
Oft höfum við Ellen komið að
Heydölum og notið gistivináttu
þeirra góðu hjóna, Önnu og séra
Kristins. Alltaf var okkur tekið af
sama hjartanleik. Stundum urðu
gistinæturnar fleiri en ein, það var
svo margt að spjalla og margt að
sjá, því að einatt fóru þau með
wtr
SNJÓSLEÐAGALLAR
► Efnið og saumar eru 100% vatnsþétt
► Hrokkið loðfóður - betri einangrun
► Tvöfalt efni í ísetu
► Hetta áföst með rennilás
► Hár kragi fyrir hjálm
► Margar fleiri nýjungar
► Ný glæsileg hönnun og litasamsetningar
EINAR GUÐFINNSSON,
BOLUNGARVÍK
KAUPFÉLAG BORGFIRÐINGA,
BORGARNESI
KAUPFÉLAG ÞINGEYINGA,
HÚSAVÍK
KAUPFÉLAG SKAGFIRÐINGA,
SAUÐÁRKRÓKI
► Bjóðum nú sérstakt kynníngarverð
fyrír páska kr. 21.700,-
Sölustaðír:
Reykjavík: 0. Ellingsen ► Sportval ► BYK0
Akureyri: Heildverslun Eyfjörð
SJÓKLÆÐAGERÐIN HF.
S°
SEXTtuœsfXNORÐUR Skúlagötu 51,105 Reykjavík
okkur á forvitnilega og sérkenni-
lega staði í nágrenninu, sem venju-
legum ferðamönnum sést yfir, en
eru þó rétt við götu þeirra. Þar luku
þau upp fyrir okkur mörgum leynd-
ardómum náttúru landsins og sögu
byggðarinnar, og þar fræddu þau
okkur um merka atburði og mikil
örlög, sem þarna gerðust á liðnum
tímum. Og alltaf fylgdu þau okkur
úr hlaði einhvern spöl að fornum
og fögrum sið, þegar þau gátu því
við komið.
Nú langar okkur að senda Önnu
einlægar heillaóskir heim í Ofan-
leiti 17 í Reykjavík í tilefni merkis-
dags og séra Kristni, kjörbörnum
þeirra hjóna, Guðríði og Iiallbirni,
og allri fjölskyldunni bestu kveðjur.
Við þökkum gamla og gróna vin-
áttu og óskum þeim bjartra daga.
Sverrir Pálsson
■ LISTI Framsóknartlokksins
til bæjarstjórnarkosninga á
Húsavík hinn 26. maí hefur verið
lagður fram þannig: 1. Bjarni Að-
algeirsson útgerðarmaður, 2. Lilja
Skarphéðinsdóttir ljósmóðir, 3.
Sveinbjörn Lund vélstjóri, 4. Stef-
án Haraldsson tannlæknir, 5.
Kristrún Sigtryggsdóttir hús-
móðir, 6. Hafliði Jósteinsson versl-
unarmaður, 7. Þórveig Arnadóttir
kerfisfræðingur, 8. Egill Olgeirs-
son rafmagnstæknifræðingur, 9.
Hjördís Árnadóttir bæjarfulltrúi,
10. Hilniar Þorvaldsson verslun-
arstjóri, 11. Sólveig Þórðardóttir
húsmóðir, 12. Benedikt Kristjáns-
son húsasmiður, 13. Anna Sigrún
Mikhaelsdóttir húsasmiður, 14.
Aðalsteinn Karlsson skipstjóri, 15.
Karl Hálfdánarson kaupmaður,
16. Ingibjörg Magnúsdóttir
blaðamaður, 17. Sigtryggur Al-
bertsson hótelstarfsmaður, 18.
Tryggvi Finnsson bæjarfulltrúi.
- Fréttaritari
■ ÚT er konrið Bókasafnið 14.
árg. 1990. Að útgáfu blaðsins
standa Bókavarðafélag íslands,
Félag bókasafnsfræðinga og bóka-
fulltrúi ríkisins. Mikill hluti blaðsins
er helgaður ungu kynslóðinni, bók-
lestri og bókmenntum. M.a. skrifar
Þorbjörn Broddason um bóklestur
og ungmenni, gerð er úttekt á
barnabókunum síðustu þriggja ára
og fjallað er um lestrarárið 1990.
Ennfremur eru greinar um sið-
fræði, stöðu starfsmanna bóka- .
safna og nýja tækni. Blaðið er 64
síður í A-4 broti.
(Frcttatilkynning.)