Morgunblaðið - 08.04.1990, Blaðsíða 28
28 C
MORGUNBLAÐIÐ
01980 Unlvnol Preu SyfxRcof
// fáýfLugct, siincjur' ek/<i &f hún
er LÁt/n t -friSc.''
Með
morgunkaffinu
Eru ekki komnir nógu Gfan á allt annað þá svíkur
margir lampar nuna? veðrið Uka ...
HÖGNI HREKKVÍSI
., þ£Tta E-tz. Bersn ‘arangur seai
SS HEF sée> it>A&! *
VELVAKANDI
SUNNUDAGUR 8. APRIL 1990
A FORNUM VEGI
GRÓANDI í
LAUGARDALNUM
VORIÐ var rétt að koma en í
Laugardalnum hefur lengi verið
vorhugur í reykvískum garð-
yrkjumönnum. Hjá þeim hefur
verið hlýja og ilmur frá því í
febrúar. Enda logaði allt af lífi í
dalnum þegar blaðamann Morg-
unblaðsins bar þar að garði á
dögunum.
að var notalegur sumarhiti í
gróðurhúsum ræktunarstöðv-
arinnar og garðyrkjumennirnir
hlúðu þar að blómunum af alúð.
Allt bar þess merki að þarna væri
alltaf unnið af sérstakri virðingu
fyrir sköpunarverkinu. „Þetta eru
allt sumarblóm. Við fáum fræin frá
útlöndum og við byijum að sá þeim
um miðjan febrúar og höldum því
áfram útmánuðina. Það má því
segja að vorið komi til okkar strax
í febrúar," sagði Jón Arnarson
ræktunarstjóri. „Blómin eru síðan
gróðursett víðs vegar um borgina
í byijun júní og því þarf helst að
vera lokið fyrir þjóðhátíðardaginn,
að minnsta kosti í miðbænum. Trén
eru síðan gróðursett allt sumarið
og fram á haust.“ Jón sagði þetta
draumastarfið sitt en hann benti á
að garðyrkjumenn væru ekki alltaf
„að dútla við blóm“ því þeir þyrftu
oft að leggja á sig mikið líkamlegt
erfiði.
Það eru starfsmenn Skrúðgarða
Reykjavíkur sem annast gróður-
setninguna. Hallgrímur Helgason
er einn af þeim og segist líka þessi
vinna ágætlega, enda hafi hann
starfað í skrúðgörðunum frá því
sumarið 1984, fyrst aðeins á sumr-
in og síðan allt árið eftir að hann
Jón Arnarson Morgunblaðiö/Bjami
útskrifaðist frá enskudeild háskól-
ans árið 1986. „Það er mjög gott
að vinna hérna og ég hef alltaf
verið mjög gefinn fyrir útiveru. Mér
verður yfirleitt aldrei kalt þegar ég
vinn úti á veturna við að klippa
runna til og þvíumlíkt. Og því er
ekki að neita að nú er kominn vor-
hugur í mig, sólin er komin hátt á
loft og farin að segja til sín,“ sagði
Hallgrímur.
Starfsmennirnir voru að girða
kringum húsdýragarðinn svokall-
aða og stjórnaði Ása Jóhannsdóttir
því verki með myndugleika. Auðséð
var á öllu að þetta var annatími
enda er ráðgert að opna garðinn
18. maí. „Hérna verða öll íslensku
húsdýrin til sýnis almenningi, svo
Hallgrímur Helgason
Ása Jóhannsdóttir
sem hestar, kýr, kindur og svín, áuk
fugla, sela, hreindýra, refa og
minka. Selimir fá sína tjörn og lítið
hús sem falið verður í sjávargrjóti,
gluggi verður í grenjunum þannig
Víkverji skrifar
Forstjóri Alþjóðaheilbrigðis-
stofnunarinnar upplýsir, að
árlega deyi 2.600.000 einstaklingar
úr sjúkdómum, sem rekja megi
beint og óbeint til tóbaksreykinga.
í Frakklandi einu saman deyja
t.a.m. eitt þúsund manns í viku
hverri af tóbakstengdum sjúkdóm-
um.
Heilsan er það dýrmætasta sem
við eigum. Við ráðum ekki alfarið,
hver hún er eða verður. Erfðir og
aðstæður, sem við höfum takmörk-
uð áhrif á, koma þar oftlega við
sögu. Við höfum engu að síður ótrú-
lega mikil áhrif á eigið heilsufar,
til góðs eða ills, með lífsmáta okkar.
Líkamsrækt er ekki innantómt
orð, heldur leið til að viðhalda heil-
brigði. Hófleg áreynsla og hollt
mataræði eru vegvísar til velferðar.
Við getum og ræktað hug okkar,
andlegt heilbrigði okkar. Kirkjan
og íþróttirnar gegna að þessu leyti
hliðstæðu hlutverki. Það er því
skammsýni að stilla kirkju og
íþróttum upp sem andstæðum.
Viðblasandi staðreyndir um tób-
akstengda sjúkdóma eiga að vera
okkur víti til varnaðar.
xxx
Ný atvinnuvegaskýrsla Þjóð-
hagsstofnunar sýnir þá nöt
urlegu staðreynd, að sjávarútvegur-
inn, undirstöðugrein íslenzks þjóð-
arbúskapar, hefur verið rekin sem
heild með halla frá 1980 að undan-
skildu einu ári. Síðustu misseri hafa
gjaldþrot lagt mikinn fjölda fyrir-
tækja, bæði í sjávarútvegi og öðrum
atvinnugreinum, að velli. Fylgifisk-
ar eru samdráttur starfa, þjóðar-
tekna og lífskjara.
Það er eins með heilsufar at-
vinnurekstrar og heilsufar mann-
eskjunnar. Samfélagið verður a<J.«
rækta garðinn sinn, ef hann á að''
gefa uppskeru. Fyrirtækin verða
að búa við hagkerfi, starfsskilyrði,
sem gerir þeim kleift að skila hagn-
aði, vaxa og ná tökum á örri tækni-
þróun nútíma framleiðslu og þjón-
ustu. Hagkerfí miðstýrðs marxisma
er hrunið. Það er óhjákvæmilegt,
að dómi Víkveija, að laga íslenzka
atvinnuvegi að fyrirsjáanlegum
markaðsbúskap umheimsins á kom-
andi áratugum. Spurningin um þá
aðlögun, er spurningin um lífskjör
þjóðarinnar í næstu framtíð.
xxx
Víkveiji las á dögunum stjórn-
málaályktun Sambands
ungra fram sóknarmanna, dagsetta
17. marz sl. Þar segir m.a.:
„Sveitarstjórnarkosningar eru
framundan og geta ráðið miklu um
hið pólitíska andrúmsloft næstu
ára. Tilvistarkreppa Alþýðubanda-
lags og Alþýðuflokks, sem kristall-
ast hefur í undirbúningi sveitar-
stjórnarkosninganna í Reykjavík að
undanförnu, undirstrikar að Fram-
sóknarflokkurinn er forystuflokkur
andstæðinga íhaldsins í
Reykjavík ..."
Þessi úttekt SUF á A-flokkum
minnir á nýleg umæli Haraldar
Ólafssonar, fyrrverandi þingmanns
Framsóknarflokksins. Hann fór
kímniyrðum, reyndat' háðsyrðum,
um samstarfsflokka Framsóknar í
landsstjórninni. Víkveiji las það út
úr orðum hans að ríkisstjórn
Steingríms Hermannssonar stydd-
ist við flokka sem væru hálfgerðir
lasarusar. í fyrsta lagi við stjórn-
málaflokk, sem væri ekki lengur til
samkvæmt skoðanakönnunum
(Borgaraflokkinn/Samtök um jafn-
rétti og félagshyggju). í annan stað
við flokk, sem væri að veslast upp
vegna innbyrðis átaka og enginn
vissi lengur, hverra stjórn lyti í raun
(Alþýðubandalagið). I þriðja lagi við
flokk, sem ekki treysti sér til að
standa einn að borgarstjórnarfram-
boði og gerði sér hækjur úr nær-
tæku spreki og kalviðum.
Þetta er, sem fyrr segir, ekki
orðrétt eftir haft, heldur.það sem
Víkveiji las út úr ummælunum. Þau
ná hins vegar ekki til pólitísks
heilsufars Framsóknarflokksins,
flokksins, sem hefur setið samfellt
í ríkisstjórnum á Islandi síðan 1971,
eða langleiðina í tvo áratugi. Hvað
sem heilsufari „öldungsins" líður
lítur Víkveiji svo til, að eftir svo
langa landsstjórnarvakt verðskuldi
hann ríflega útilátið pólitískt orlof.
„Félagshyggjuforskriftin" í
landsstjórninni sýnist heldur ekki
góður kostur í borgarmálum. Það
hafa aldrei verið talin hyggindi að
velja lakari kostinn.
XXX
Skrifara hefur borizt bréfkorn frá
þeim Árna Gunnarssyni og Ste
fáni Stefánssyni í menntamálaráðu-
neytinu þar sem þeir vitna til dálks
Víkveija á fimmtudag og „óvenju-
legrar ættfærslu krumma í reglu-
gerð um eyðingu vargfugls". Þeir
benda á, að endurbætt útgáfa
reglugerðarinnar hafi verið birt fyr-
ir nokkru og þar hafi tveimur orðum'
verið bætt inn, sem hafi fallið niður
í fyrri útgáfu reglugerðarinnar með
„ískyggilegum afleiðingum“. Þetta
skýri málið, en afsaki svo sem ekki
neitt.
í lok bréfsins segja þeir Stefán
og Árni: „Ekki vitum við hvort á
fremur að biðja velvirðingar, hrafn-
inn eða veiðibjölluna."