Morgunblaðið - 29.05.1990, Page 41

MORGUNBLAÐIÐ ÞRIÐJUDAGUR 29. MAÍ 1990
41
hann ekkert eftir sér, til þess að
gömlu hjónin gætu átt sem fegurst
ævikvöld.
Og nú er faðir okkar, Marteinn
Davíðsson, einn eftir, af hinum stóra
systkinahópi. En milli hans og Ölmu
og fjölskyldu okkar var alltaf ein-
staklega kært. Við hlökkuðum til
að fá þau Ölmu og Jóhannes í heim-
sókn. Það fylgdi henni einhver sér-
stakur fagnaðarblær. Hún var ævin-
lega kát og stutt í bjarta brosið
hennar og svo kunnum við líka að
meta það hve hún vandaði klæða-
burð sinn og snyrtingu, svo að aldr-
ei fór hár öðruvísi en sæmdi heild-
inni. Ekki taldi hún heidur eftir sér
sporin til okkar systranna og fjöl-
skyldna okkar og þurfti ekki nein
sérstök tilefni þó að þau spilltu held-
ur ekki. Alma frænka hafði gaman
af því þegar hópurinn kom saman
og allt var vel undirbúið til móttöku
gesta en síminn var líka þægilegt
tæki fyrir hana til þess að láta vita
af sér og fregna tíðinda af frænd-
fólki.
Og ekki megum við heldur
gleyma hjálpsemi hennar sem kom
sér sérstaklega vel, þegar við vorum
að glíma við erfiða stíla á framandi
tungumáli hér áður fyrr. Alma hafði
lært mörg mál og nýtti sér þau
bæði til skemmtunar og uppbygg-
ingar. Kom það sér vel á ferðum
þeirra hjóna en það einkenndi hana
að láta sér aldrei nægja yfirborið
eitt, heldur vildi hún kafa dýpra.
Þegar við systur rifjum upp liðna
tíma glaðra samskipta við frænku
okkar, þá dvelur hugurinn einnig
hjá Jóhannesi. Hann hefur sannar-
lega misst mikið en honum fer sem
okkur, að minningarnar verða sá
birtugjafi sem lætur rofa til í skugg-
um saknaðarins, svo og kjörsonum
þeirra, Davíð og Ólafi Má, tengda-
dótturinni og barnabörnunum fjór-
um.
Já, þetta sumar hennar Ölmu
frænku varð styttra en við hefðum
kosið en það er huggun að líf henn-
ar var allt eins og eitt langt fagurt
sumar. Og hún gekk sjálf í hlutverk
sólarinnar og vermdi og jók við feg-
urð, hvar sem leið hennar lá.
Alma saknaði oft systra sinna og
sá sjálfsagt í okkur systrum endu-
róma frá þeim kæra hópi og nú
þökkum við samfylgd og felum hana
Guði og gleymum því ekki, sem hún
hefur miðlað okkur og allt hefur
fært heill á lífsleiðinni.
Bróðurdætur
„ ÉG ER SJÁLFBJARGA
F UM SVOMARGT" j
urðu fyrir á heimilinu.
Soffía og Jónatan eignuðust tvö
börn. Þau eru Haraldur Holti, f.
1939, nú óðalsbóndi á Holtastöðum,
ogKristín Hjördís, f. 1941, hjúkrun-
arfræðingur. Við vorum á sama
aldri, og það mynduðust sterk og
góð tengsl á milli okkar. Margar eru
minningarnar frá þessum árum og
eru þær mér ómetanlegar.
Töluverður aldursmunur var á
þeim hjónum, Jónatan og Soffíu, en
Jónatan var óvenjuiega heilsu-
hraustur fram á síðustu ár og ungur
í anda. Hann stóð^ fyrir búi sínu til
85 ára aldurs, en þá tók Holti sonur
hans við óðalsjörðinni. Hann er
kvæntur Kristínu Jónsdóttur frá
Skarfshóli í Miðfirði og eiga þau 4-
mannvænlega syni. Hjördís giftist
hins vegar Eggerti syni Lárusar í
Grímstungu og eiga þau einnig 4
börn. Þau eru nú búsett á Seyðis-
fírði. Síðustu ár Jónatans á Holta-
stöðum voru góð við hlið Soffíu konu
sinnar. Hann var sívakandi og
áhugasamur, starfsamur til síðustu
stundar. Hann lést heima á Holta-
stöðum af hjartaáfalli 2. nóvember
1971, 92 ára gamall. Hann var
merkur maður, sem tók virkan þátt
í þeirri umbyltingu, sein varð á
íslensku þjóðlífi á hans löngu ævi.
Ekki löngu eftir lát Jónatans fór
Soffía á Héraðshælíð á Blönduósi,
þar sem hún átti heimili síðan. Hún
hafði lokið hlutverki sínu sem hús-
freyja á Holtastöðum og vildi að
yngri kynslóðin fengi ótrufluð að
takast á við nýja tíma. Það var ein-
kenni hennar, að hún vildi ekki vera
fyrir neinum og gerði litlar kröfur
til handa sjálfri sér.
Ég kveð Soffíu ömmu með sökn-
uði og virðingu og þakka henni allt
það góða sem hún var mér og gerði
fyrir mig.
Erla Guðríður Líndal
Árangurinn af baráttu Sjálfsbjargar færir hundruöum fatlaðra einstaklinga
nýja lífsvon, nýja trú á lífið.
Bifreið. Subaru Legacy Sedan 1800cc, 4WD. 5 bifreiðar, Subaru Justy J-12 SL 4WD, 3ja dyra, 34 ferðavinningar að eigin vali með Sögu/Útsýn,
f 2. VINNINGUR [ i m .-7. VINNINGUR: ' í 1 8.-41. VINNINGUR' 1
SJÁLFSBJÖRG
LANDSSAMBAND FATLAÐRA
SAMEINAÐA/SIA