Morgunblaðið - 20.09.1990, Síða 1

64 SIÐUR B
213. tbl. 78. árg.
FIMMTUDAGUR 20. SEPTEMBER 1990
Pfentsmiðja Morgunblaðsins
Þýskaland:
Verður flóttamönnum
borgað fyrir að fara?
Bonn. Reuter.
HUGMYNDIR eru nú uppi í vestur-þýska stjórnkerfinu um að fiótta-
mönnum verði borgað fyrir að fara úr landi. Kom þetta fram í frétt
vestur-þýska dagblaðsins Siiddeutsche Zeitung og hafa starfsmenn
innanríkisráðuneytisins staðfest að eitthvað slíkt sé í undirbúningi.
í stjórnarskrá Vestur-Þýskalands
er einfalt og skýrt ákvæði um flótta-
menn. Þar segir: „Þeir sem sæta(
pólitískum ofsóknum njóta hælis.“
Þetta ákvæði sem skýrt hefur verið
sem viðleitni til að bæta fyrir glæpi
Þriðja ríkisins veldur því að Vestur-
Þýskaland hefur verið griðastaður
pólitískra flóttamanna hvaðanæva
úr heiminum. Flóttamannastraum-
urinn hefur aukist mjög undanfarið
og sóttu 119.789 erlendir borgarar
um hæli á fyrstu átta mánuðum
þessa árs. Árið 1989 sem var metár
sóttu 121.318 um hæli. Þá eru ekki
meðtaldir Austur-Þjóðveijar og fólk
af þýskum uppruna frá öðrum
Evrópuríkjum.
Þegar umsóknir eru metnar er
reynt að greina milli þeirra sem
flýja heimaland sitt vegna pólitískra
ofsókna og hinna sem gera það í
leit að auknum lífsgæðum. Einung-
is 5% umsækjenda fá innflytjenda-
leyfi en á meðan mál þeirra eru til
umíjöllunar þarf að sjá þeim fyrir
fæði, klæði og húsaskjóli. Mál þessi
dragast einnig oft á langinn og líða
jafnvel ár áður en endanlegur úr-
skurður fæst og er erfitt að vísa
fólki úr landi þegar börnin eru orð-
in hagvön í þýskum skólum.
Flóttamannastraumurinn er orð-
inn slíkt vandamál að margir stjórn-
málamenn, m.a. Oskar Lafontaine,
kanslaraefni stærsta stjórnarand-
stöðuflokksins, Jafnaðarmanna-
flokksins, hafa gælt við þá hug-
Nígería:
109 börn lát-
ast af völdum
eitraðs para-
setamóls
Lagos. Reuter.
Heilbrigðisyfírvöld í
Nígeríu hafa hvatt foreldra
til að hætta að gefa börnum
sínum lyfíð parasetamól í
sykurupplausn. Röng merk-
ing eiturefnasendingar frá
Hollandi veldur því að síðan
í apríl hafa 109 börn látist í
landinu eftir slíka lyljagjöf.
Parasetamól í sykurupplausn
hefur verið útbúið á sjúkrahús-
um landsins og selt foreldrum
til að gefa börnum sínum við
höfuðverk og hitasótt. í mixtúr-
unni átti að vera propylen glyc-
ól keypt frá hollensku fyrirtæki
en vegna rangt merktrar send-
ingar frá Hollandi var þess í
stað notað eiturefnið ethylen
glycól. Eitrið veldur banvænni
nýrnaveiki. Heilbrigðisráðherra
Nígeríu hefur nú ráðlagt for-
eldrum að gefa börnum sínum
ekki parasetamól nema í töflu-
formi.
mynd að nota tækifærið sem gefst
við sameiningu Þýskalands til að
breyta áðurnefndu ákvæði stjórnar-
skrárinnar í þá veru að torvelda
flóttamönnum aðgang að landinu.
Því er spáð að kosningarnar 2. des-
ember muni fyrst og fremst snúast
um þetta efni.
Vestur-þýska stjórnin hefur nú í
hyggju eins og áður segir að bjóða
flóttamönnum fjárhagsaðstoð ef
það má verða til þess að þeir hverfi
til ættjarðar sinnar. „Við getum
ekki upprætt alla neyð og allt böl
heimsins með því að taka við fólki
hér í Þýskalandi," sagði Wolfgang
Scháuble innanríkisráðherra nýlega
í útvarpsviðtali. „Við verðum að
taka á orsökum vandans á hveijum
stað.“
Reuter
Herstöðvaandstæðingar á Filippseyjum
Nú fer hver að verða síðastur að mótmæla veru bandaríska hersins á Filippseyjum því Bandaríkjamenn
hafa lýst sig reiðubúna til að flytja her sinn þaðan í áföngum. Hér sjást tveir filippseyskir herstöðvaand-
stæðingar láta skoðun sína í ljós með ótvíræðum hætti. „Nei við bandarískum herstöðvum. Nei við kjarn-
orkuvopnum," stendur á grímum þeirra.
Fastafulltrúar í Öryggisráði SÞ beita írak aukinni hörku:
Eínungis eftir að staðfesta
samkomulag um flugbann
Sameinuðu þjóðunuin. The Daily Telegraph og Reuter.
FASTAFULLTRÚARNIR í Öryggisráði Sameinuðu þjóðanna hafa
náð samkomulagi um flugbann á Irak. Ályktun þar að lútandi hefur
verið send ríkisstjórnum landanna fimm, Bandarikjanna, Sovétríkj-
anna, Bretlands, Frakklands og Kína, til umfjöllunar. Þar kemur
fram að öll flugumferð til Iraks og Kúvæts verði stöðvuð nema flug-
menn fallist á að vélarnar séu skoðaðar fyrst utan landanna.
Búist er við að Öryggisráðið komi
saman næstu daga og samþykki
flugbannið þegar ríkisstjórnir fasta-
fulltrúanna hafa íjallað um ályktun-
ina. í drögum að henni eru öll ríki
heims hvött til að stöðva flugum-
ferð til íraks nema farmurinn sé lyf
og hjálpargögn eða annar varningur
sem Öryggisráðið heimilar flutning
á. Ekki verður veitt heimild til þess
að fljúga til yfirráðasvæðis íraks í
gegnum lofthelgi aðildarríkja Sam-
einuðu þjóðanna nema flugmenn
fallist á að lenda áður í einhveiju
nágrannaríki til þess að láta skoða
farminn. Til að framfylgja banninu
verður heimilt að neita flugmönnum
um þjónustu á jörðu niðri en ekki
að skjóta flugvélar niður. Talið er
að bannið muni einkum beinast að
vöruflutningavélum en síður að far-
þegaflugi. Það eru einkum Líbýa
og Jemen sem grunuð eru um að
hafa séð Irökum fyrir varningi flug-
leiðis eftir að skipaflutningar voru
stöðvaðir.
írakar sögðust í gær hafa lagt
hald á eigur erlendra aðila sem fryst
hefðu innistæður íraka erlendis.
Vestrænir bankamenn og fulltrúar
nokkurra ríkisstjórna sem málið
snertir sögðu að hér væri ekki um
mikil verðmæti að ræða. Mark
Eyskens, utanríkisráðherra Belgíu,
sagðist ekki hafa miklar áhyggjur
af þessari ákvörðun. „Saddam
Hussein [íraksforseti] hefur haft
margt athyglisverðara fram að
færa,“ sagði hann. Talsmaður Eng-
landsbanka sagði að þessi aðgerð
kæmi ekki illa við Breta því þégar
innistæður og skuldir væru teknar
saman kæmi í Ijós að þeir væru í
þeirri j,ákjósanlegu aðstöðu að
skulda Irökum".
Heimildarmenn Reuters-írétta.-
stofunnar í Saudi-Arabíu segja að
um ókomna framtíð muni landið
ásamt Sameinuðu arabísku fursta-
dæmunum geta framleitt þá olíu
sem írakar og Kúvætar seldu áður.
Saudi-Arabía jók olíuframleiðslu
um 50% vegna viðskiptabannsins á
írak en Sameinuðu arabísku fursta-
dæmin um 30%.
Sænskir jafnaðarmenn
vilja brúa Eyrarsund
Stokkhólmi. Frá Erik Lidén, fréttaritara Morg^unblaðsins.
MEIRIHLUTI þeirra sem samþykkja að smíðuð skuli járnbrautar-
og bílabrú yfir Eyrarsund var stærri á ársþingi sænskra jafnaðar-
manna en vænst hafði verið. Um þessa nýju samgönguæð milli
Svíþjóðar og Danmerkur hefur verið rætt í eina öld. Hugmyndir
eru um, að á hluta leiðarinnar verði farið í göngum undir sundið.
Líklegt er talið að brúin verði á
milli Malmö og Kaupmannahafnar.
Þar eru 17 km milli landanna.
Verður smíðuð brú frá Svíþjóð sem
breytist síðan í göng á gervieyju í
um tveggja kílómetra fjarlægð frá
dönsku ströndinni. Talið er að
mannvirkið kosti 13 milljarða
sænskra króna (130 milljarða ISK)
og því megi ljúka árið 2000. Ríkis-
stjórnir Danmerkur og Svíþjóðar
hafa nú báðar fengið umboð frá
stærstu stjórnmálaflokkunum til
að smíða slíka brú. Þing landanna
þurfa að, samþykkja að í verkið
verði ráðist.
Andstæðingar brúarinnar eru
ákafir í málflutningi sínum og bera
helst fyrir sig, að hún spilli um-
hverfinu. í atkvæðagreiðslunni á
flokksþinginu, sem nú stendur yfir
í Stokkhólmi, krafðist enginn taln-
ingar á atkvæðum og létu menn
sér lynda, að fundarstjóri lýsti úr-
slitum á þann veg, að mikill meiri-
hluti fundarmanna styddi brú-
arsmíðina.
Meðal hitamála á þinginu er af-
staða flokksins til þess, hvort halda
eigi fast í áætlun um að leggja
sænsk kjarnorkuver niður á
ákveðnu árabili frá og með árinu
1995. Var ætlunin að greiða at-
kvæði. um málið á þriðjudagskvöld
en fallið var frá því, þar sem þing-
nefnd vinnur nú að því að samræma
texta hinna ýmsu ályktana. Kann
að vera gengið til atkvæðagreiðsl-
unnar í dag en í síðasta lagi á
morgun.
Litla hafmeyjan við Löngulínu
í Kaupmannahöfn. Nú eru líkur
á að aldargömul hugmynd um
brú yfir sundið til Malmö verði
að veruleika.
Rune Molin iðnaðarráðherra hef-
ur hvatt fulltrúa á þinginu til að
hafna ekki kjarnorkunni frá og
með 1995 nema fyrir liggi, hvernig
unnt sé að tryggja mönnum at-
vinnu með öðrum orkugjöfum. Ráð-
herrann sagði, að ekki væri unnt
að veita slíka tryggingu um þessar
mundir.
Þingið samþykkti að efla járn-
brautarnetið í Svíþjóð í því skyni
að draga úr bílaumferð og mengun
á umhverfinu.