Morgunblaðið - 18.10.1990, Page 39

MORGUNBLAÐIÐ FIMMTUDAGUR 18. OKTÓBER 1990
39
Hlíf í Hafnarfirði:
Neyðarástand
ríkir í hús-
næðismálum
lágtekjufólks
STJÓRN Verkamannafélagsins
Hlífar ályktaði eftirfarandi á
fundi sínum fyrir skömmu:
„Neyðarástand ríkir í húsnæðis-
málum lágtekjufólks í Hafnarfirði.
Nú í haust munu liggja fyrir hjá
húsnæðisnefnd um 800 óafgreiddar
umsóknir um félagslegar íbúðir og
mánaðarlega bætast a.m.k. 12-15
umsóknir við þann biðlista.
Þörf fyrir félagslegt húsnæði
hefur aukist verulega undanfarin
misseri. Astæður fyrir því eru m.a.
minnkandi kaupmáttur, minni yfir-
vinna, aukið atvinnuleysi o.fl.
í Hafnarfirði sem og annars stað-
ar á höfuðborgarsvæðinu á lág-
tekjufólk engra góðra kosta völ í
húsnæðismálum, nema félagslegar
íbúðir. Séu þær ekki til staðar er
fólkið ofurselt hinum svokallaða
fíjálsa leigumarkaði þar sem algeng
mánaðarleiga fyrir 3ja herbergja
íbúð er 35-60 þús. krónur. Slík
okurleiga er víðsfjarri greiðslugetu
almenns launafólks.
Vænti stjórnvöld kyrrðar á
vinnumarkaðinum verða þau að
gera almennu launafólki kleift að
búa við eðlileg og mannsæmandi
skilyrði. Að öðrum kosti verður
ekki um neina þjóðarsátt að ræða.
Húsnæðismál eru mannréttindamál
sem verða að vera í lagi og fjárveit-
ingar til þeirra eiga að hafa forgang
fram yfir flest önnur.
Aðeins stórátak í byggingu fé-
lagslegs húsnæðis, bæði hér í Hafn-
arfirði og annars staðar á höfuð-
borgarsvæðinu, getur komið í veg
fyrir áframhaldandi húsnæðiseklu.
Það er stjórnvalda að hafa frum-
kvæði til lausnar þessum mikla
vanda, sem-varðar allt launafólk."
Bók eftir
Janette Oke
FÍLADELFÍA-Forlag hefur gef-
ið út bókina Ástin kemur eftir
Janette Oke í þýðingu séra Sigurð-
ar Ægissonar.
I fréttatilkynningu útgefenda
segir m.a.: „Sagan gerist í N-
Ameríku á dögum vesturfaranna
og fjallar um Mörtu, nýgifta og
lífsglaða nítján ára stúlku, sem
heldur vongóð í vesturveg ásamt
ungum eiginmanni. En líkt og hjá
mörgum landnemum breytist ævin-
týrið í martröð."
Janette Oke fæddist Í Champion
í Albertafylki í Kanada. Ástin kem-
ur er fyrsta bindið í bókaflokki sem
hefur notið vinsælda í mörgum
löndum, segir í fréttatilkynningu.
Bókin er 203 bls. og var unnin hjá
Prentstofu G. Ben. hf.
Það er ekki tryggt
að verkfæri iðnaðarmanna
séu notuð á löglegan hátt!
En meö nýju IÐNAÐARMANNATRYGGINGUNNI
frá SJÓVÁ-ALMENNUM geta iönaöarmenn
MHiyWÍa tryggt sig eins og best veröur á kosið.
í IÐNAÐARMANNATRYGGINGUNNI eru allar
helstu tryggingar sem iönaðarmenn þurfa,
settar saman á eitt skírteini.
Allir góðir fagmenn ættu aö kynna sér
þessa langþráðu nýjung strax.
sjovadHljalmennar