Morgunblaðið - 27.10.1990, Blaðsíða 19

MORGUNBLAÐIÐ LAUGARDAGUR 27. OKTÓBER 1990
19
lyfjakostnað íslensku þjóðarinnar.
Ekki veitir af.
Ástæðurnar fyrir kröfum al-
mennings og flestra ef ekki allra
stjórnmálaflokka landsins um
breytingar á lyfsölukerfinu eru ein-
faldar í sjálfu sér. Skulu nokkrar
þeirra nefndar hér í lokin:
) 1) Dreifingarkerfið innanlands
er allt of dýrt. Það kostar tæpa 2
milljarðá króna á ári eða um 25.000
| kr. á hveija fjölskyldu í landinu.
2) Verðákvörðun lyfja og skrán-
ing í núverandi kerfi getur boðið
heim spillingu og hvetur ekki til
sparnaðar.
3) Ódýr samheitalyf fást ekki
flutt til landsins vegna tregðuiög-
mála hjá Lyfjanefnd. Það kostar
ríkissjóð hundruð milljóna á ári.
4) Sömu aðilar ráða nær allri
framleiðslu innanlands, tæplega
heimingi innflutnings og allri smá-
sölunni!
5) Lyfjafræðingar gagnrýna
fjárhagslega hagsmuni kollega
sinna sem hafa öðlast lyfsölurétt-
indi. Þeir telja að fagleg sjónarmið
séu fyrir borð borin.
6) Lyfjaþjónusta úti á landi er
bágborin. Smærri apótekin þar hafa
bága afkomu en stærstu apótekin
á höfuborgarsvæðinu gera það al-
deilis gott.
7) Verðmunur á lyfjum hér á
) landi og t.d. í Svíþjóð er óþolandi.
Öll dæmi um verðsamanburð eru
okkur í óhag. Kostnaður ríkisins
vegna lyfjakaupa hækkar auk þess
ár frá ári.
8) Heilbrigða samkeppni vantar
í núverandi kerfi lyfjasölunnar. Út-
boð á lyfjum til innflutnings eru
bönnuð. Lögin eru úrelt og það hlýt-
■ ur að vera skylda stjórnmálamanna
að bregðast við þessu ófremdar-
ástandi af fullri hörku.
Kveðjur í Karíbahaf
Þegar grein Werners Rasmus-
sonar birtist í Morgunblaðinu fyrr
í vikunni, hugðist undirritaður ná
persónulegu sambandi við apótek-
arann til að ræða þær fullyrðingar
sem þar komu fram. Því miðurtókst
I ekki að koma á slíkri viðræðu því
upplýst var að hann væri staddur
í Karíbahafinu ásamt stjórnar-
I mönnum og framkvæmdastjórum
Delta og Pharmacos. Þar munu
þeir, ásamt mökum, vera á „vinnu-
fundi“ og er gott til þess að vita
að menn nýti góða veðrið til góðra
verka.
Höfundur er rítstjórnarfulltrúi
hjá Frjálsrí verslun.
Flugleiðir:
Aer Lingus af-
greiðir far-
þega í London
i ÍRSKA flugfélagið Aer Lingus
tekur við afgreiðslu Flugleiða á
Heathrow-flugvelli í London frá
I og með 1. nóvember.
Flugleiðafarþegar koma eftir sem
áður í fiugstöð 1 eða Terminal One
en gefa sig nú fram við afgreiðslu-
borð Aer Lingus. í ráði er að borðin
verði einnig merkt Flugleiðum.
Starfsmenn Flugleiða verða eftir
- sem áður á vellinum og veita upplýs-
ingar og liðsinna þegar þarf.
Aer Lingus sér einnig um þjón-
ustu við flugvélar Flugleiða á vellin-
um. Fram til þessa hefur þessi af-
greiðsla öll verið í höndum British
Airways. Með breytingum sem gerð
ar verða við sjálfa flugvélaafgreiðsl-
una telur félagið að ná megi að
bæta enn stundvísi flugvéla í Lund-
únaflugi.
Saga Class-farþegar Flugleiða
skrá sig til flugs á afgreiðsluborðum
Aer Lingus eins og aðrir eftir 1.
nóvember, en fara að borðum sem
merkt eru Saga Class Passengers.
Flugleiðir halda sömu Saga Class-
setustofunni á Heathrow-flugvelli
og fram til þessa. Þetta er án efa
ein besta Saga Class-Stofan. Þar er
meðal annars boðið uppá friar veit-
ingar, íslensk dagblöð, afnot af síma,
sjónvarp, snyrtingu, sturtur og bún-
ingsherbergi. I
. (Fréttatilkynning:)
Gripiim tækifærið
eftir Þorgrím
Þráinsson
Framundan er prófkjör Sjálf-
stæðisflokksins þar sem valinkunnir
einstaklingar eru í framboði. Undir-
ritaður efast ekki um hæfileika
þeirra til þess að vera í forystu-
sveit flokksins og fjalla um menn
og málefni af skynsemi. Ingi Björn
Albertsson er á meðal frambjóðenda
og er það ánægjuefni. Hann á ekki
langan feril að baki sem þingmaður
en hann hefur sýnt og sannað, á
þeim stutta tíma, að þar fer maður
með stjórnunarhæfileika — maður
sem vill ná árangri. Ingi Björn læt-
ur fátt afskiptalaust sem betur má
fara og er alþingi sá vettvangur
þar sem hugmyndir hans og réttlæt-
iskennd fá best notið sín. Hann er
trúr sannfæringu sinni, laus við
hroka og stærilæti og vinnubrögð
hans einkennast af dugnaði og
djörfung.
Ingi Bjöm hefur lagt fram, ásamt
Hreggviði Jónssyni, frumvarp til
laga um stofnun afreksmannasjóðs
íslenskra íþróttamanna. Tilgangur
sjóðsins yrði að skapa 'efnilegum
íþróttamönnum fjárhagslegan
grundvöll til að helga sig íþrótt
sinni. Það er í raun óskiljanlegt að
slíkt frumvarp skuli ekki hafa verið
lagt fram fyrir nokkrum áratugum.
Eins og málum er nú háttað geta
alþingismenn ekki litið kinnroða-
laust framan í æskufólk sem jeggur
sig í líma við að hefja nafn íslands
til vegs og virðingar á erlendum
vettvangi.
Er ekki orðið tímabært að
íþróttamenn eignist þingmann sem
ber hagsmuni þeirra fyrir brjósti
og gerir sér grein fyrir mikilvægi
íþróttaiðkunar? Látum ekki tæki-
færið, til þess að eignast málsvara
á þingi, renna úr greipum. Tryggj-
um Inga Birni öruggt sæti — ekki
hans vegna, heldur okkar vegna.
Höfundur er rítstjórí
Iþróttablaðsins ogfyrirliði
meistoraflokks Vals í
knattspyrnu.
Þorgrímur Þráinsson
AFMÆLIS
BLÓMAVAL er nú 20 ára.
í tilefni þess bjóðum við
viðskiptavinum okkar til mikillar
afmælisveislu í dag, laugardag.
Kl. 14 byrjum við að skera
risastóra afmælistertu og bjóðum
einnig kaffi og gosdrykki.
Heimsækið Blómaval í dag,
njótið veitinganna,
tilefnisins og umhverfisins.
Hinir landsfrægu tónlistarmenn
Guðmundur Steingrímsson, Karl Möller og Opið alla daga frá kl. 9-21. Sími 689070.
Gunnar Hrafnsson skemmta gestum með
léttri tónlist.