Morgunblaðið - 05.12.1990, Blaðsíða 44

44
MORGUNBLAÐIÐ MIÐVIKUDAGUR 5. DESEMBER 1990
„ Binhver hefur helCt niðttr Úr ftösku
£ morgun."
Segðu til
HÖGNI HREKKVÍSI
Þakklæti
Til Velvakanda.
Það er mikið kvartað og kvein-
að, en er það ekki einmitt helsta
einkenni hvers velferðarþjóðfé-
lags? Þetta datt mér í hug er ég
var á gangi í Austurstræti á dög-
unum og virti fyrir mér jólaskreyt-
ingarnar. Þær eru settar upp af
borgaryfirvöldum ár eftir ár en
hvergi sést þakkað fyrir. Ef til vill
höfum við haft það of gott og erum
farin að ætlast til að allt komi upp
í hendurnar á okkur fyrirhafnar-
laust. Þannig heimtar ungafólkið
íbúðir sem það getur flutt inní án
þess að eiga krónu, öll opinber
þjónusta þykir sjálfsögð sama
hvort um er að ræða ókeypis skóla
eða sjúkrahús. Ef til vill veiti okk-
ur ekki af dálítilli kreppu sem
gæti kennt okkur að meta allt það
sem okkur stendur til boða en
mikill meirihluti mannkynsins
verður að láta sér nægja að dreyma
um. Það er nefnilega svo að við
íslendingar höfum það líklega best
allra þjóða og erum lausir við
ýmis stór vandamál sem aðrar
þjóðir verða að glíma við. Fyrir
þetta ættum við að vera þakklát
og sýna þakklæti.
Johann

*
Amælisverð
Til Velvakanda.
Skoðanakannanir af ýmsu tagi
gerast nú algengar vítt um lönd og
gilda sums staðar um þær ákveðnar
reglur eða jafnvel lagabókstafur.
Hér á landi munu engar reglur
fyrirfinnast um slíkar athafnir og
getur því hver sem er og hvenær
sem er tekið sér fyrir hendur að
„rannsaka" hugarheim landsmanna
og með hveijum þeim aðferðum sem
verkast vill.
Skoðanakannanir geta verið
fróðlegar og jafnvel gefíð gagnlegar
vísbendingar, ef þær byggjast á
vönduðum vinnubrögðum kunnátt-
umanna, sem gera sér ljóst, að á
þeim hvílir ábyrgð gagnvart mönn-
um og málefnum og stundum þjóð-
inni í heild.
Skáis nefnist fyrirtæki, sem oft
er að fást við að „kanna“ fylgi
stjórnmálaflokka á íslandi og við-
horf til ríkisstjórna. Því miður eru
vinnubrögð þessa fyrirtækis hvorki
trúverðug né traustvekjandi.
í fyrsta lagi er úrtak í „könnun-
um“ Skáíss allt of lítið til þess að
vera marktækt, enda niðurstöðurn-
ar oft út í bláinn — á skakk og
skjþn við allar staðreyndir.
I öðru lagi má efast um vísinda-
vinnubrögð
leg vinnubrögð á þeim bæ, ef það
skeður oft, að spurt sé, hvort ekki
séu þarna fleiri á heimilinu tilbúnir
að taka þátt í könnun, þegar sá
hefur svarað, er sérstaklega var
kvaddur í símann. Dæmi um þetta
er úr „könnun" Skáíss í Kópavogi
fýrir síðustu bæjarstjórnarkosning-
ar, þar sem Alþýðuflokknum var
spáð einum bæjarfulltrúa. Samt
sem áður fékk flokkurinn 3 fulltrúa
nokkrum dögum síðar í kosningun-
um.
Að síðustu hljóta hugmyndir
Skáíss um hlutleysi og traústvekj-
andi vinnubrögð að vera talsvert
þokukenndar, að fyrirtækinu skyldi
detta í hug að ijúka í „skoðana-
könnun" á sama tíma og öll áróð-
ursvél sjálfstæðismanna í Reykja-
nesi var í fullum gangi vegna próf-
kjörs þar og auglýsingar þeirra og
hvatningarorð yfirgnæfðu allt ann-
að í flestum fjölmiðlum.
Og síðan byggir Skáís spádóma
sína um fylgi við flokka í næst fjöl-
mennasta kjördæmi landsins á 88
svörum!!
Væri ekki fyrirhafnarminna fyrir
Skáís að fara bara til spákonu og
láta hana spá í kaffibolla?
Jón H. Guðmundsson
Góð björgunarvesti
hafa þann kost að snúa
sjálkrafa þeim er þau
nota í flotlegu. Öll vesti
ættu að vera með end-
urskinsborðum, flautu
og ljósi.
Yíkveiji skrifar
Sá háttur hefur verið tekinn upp
í Sundhöll Reykjavíkur að
skipta lauginni þar í tvo helminga
með plastlínu eins og notuð er til
að skilja á milli sundbrauta á mót-
um. Hefur lauginni þar með verið
skipt í þrennt, því að fyrir nokkrum
árum var grunni hluti hennar þiljað-
ur af og synda menn nú 25 metra
þegar þeir fara djúpa hluta hennar
á enda, en áður var unnt að synda
33 metra á milli bakkanna.
Þessi skipting á Iauginni mælist
misjafnlega vel fyrir meðal sund-
gesta eins og flestar breytingar.
Hinir íhaldssömustu vilja að sjálf-
sögðu ekki láta hrófla við neinu.
Aðrir fagna breytingunni meðal
annars af því að línan sem lögð er
eftir lauginni endilangri dregur úr
bylgjum í henni og auðveldar mönn-
um sund. Tilgangurinn er helst sá
með þessari nýbreytni að þeir sem
vilja nota laugina til að synda rösk-
lega geti gert það öðrum megin við
línuna en hinir sem vilja busla eða
ræða við kunningja í lauginni geti
gert það hinum megin.
Víkveiji er tekinn að sætta sig
við þessa skiptingu á lauginni, þótt
hann hafí upphaflega talið hana af
hinu illa. Sannast enn að unnt er
að venja jafnvel hina þijóskustu
menn við allt. Hins vegar er hann
þeirrar skoðunar, að breytingar sem
þessar eigi að útskýra með einum
eða öðrum hætti fyrir fastagestum,
svo að þeim verði auðveldara en
ella að sætta sig við þær.
xxx
0
Adögunum hlustaði Víkveiji á
Finna lýsa efnahagsmálum í
landi sínu og stjórn þeirra. Þar kom
meðal annars fram, að ekki er unnt
að breyta skattalögum í Finnlandi
nema tveir þriðju þingmanna séu
því samþykkir. Var augljóst að
fundarmönnum þótti að slík ákvæði
væru nauðsynleg hér á landi, þar
sem alltaf væri verið að róta í skatt-
alöggjöfinni.
Ráðherrarnir hafa ótrauðir lagt
til að skattar verði hækkaðir hér
hjá okkur, bæði á einstaklinga og
fyrirtæki. Er augljóst, að innan rík-
isstjórnarinnar á hin gamla fram-
sóknarregla við stjórn ríkisfjármála
mikinn hljómgrunn: fyrst ákveðum
við útgjöldin og síðan hvað skatt-
arnir eiga að vera háir.
Þessi regla hefur sem betur fer
verið á undanhaldi víða um heim,
þótt verið sé að endurvekja hana
hér. Sem andsvar við henni er ef
til vill tímabært að minná þingmenn
á, að stofnað var til þjóðþinga til
að stemma stigu við skattafíkn ein-
ráðra konunga.