Morgunblaðið - 29.12.1990, Blaðsíða 26

26
MORGUNBLAÐIÐ LAUGARDAGUR 29. DESEMBER 1990
Dalvíkingar henda 3,2
tonnum af pappír á viku
Dalvík.
DALVÍKINGAR henda um 3,2
tonnum af pappír í viku hverri.
Þetta er niðurstaða úr könnun
sem nemendur 10. bekkjar
Dalvíkurskóla stóðu fyrir í
tengslum við umhverfisviku
sem haldin var fyrir nokkru.
í umhverfísvikunni var sjónum
nemenda beint að ýmsum atriðum
varðandi umhverfismál, einkum
hlutum er tengjast mengun og
endumýtingu úrgangsefna. I
tengslum við vikuna var sýning
Landvemdar á umhverfísvernd
sett upp í skólanum og unnu nem-
endur ýmis verkefni henni tengd.
í tilefni þessa var ákveðið að
kanna hversu miklu magni Dalvík-
ingar hentu af pappír en nemend-
ur höfðu kynnst því að hægt var
að endurvinna pappírinn í stað
þess að brenna hann og auka
þannig á mengun andrúmsloftsins.
Ibúar og fyrirtæki voru fengin til
þátttöku í þessari könnun og í stað
þess að henda pappírsrusli voru
þeir beðnir að flokka það frá öðru
rusli og halda til haga. Nemendur
gengu síðan í hús og söfnuðu
pappírnum saman. Sorpið var
síðan vegið og vó það um 1.800
kíló sem gerir að meðaltali um
2,16 kíló á hvern íbúa Dalvíkur.
Alls tóku liðlega 60% íbúanna þátt
í þessari athyglisverðu könnun.
Til gamans efndu nemendur til
samkeppni meðal bæjarbúa og
buðu þeim að giska á hve miklu
Dalvíkingar hentu af pappír.
Margir tóku þátt í þessum leik en
enginn var jafn getspakur og Vil-
hjálmur Björnsson, en hann gat
upp á 3.080 kg og var aðeins 59
kg frá réttri tölu.
Niðurstöðurnar voru kynntar
bæjarstjóra, en sú hugmynd var
rædd í skólanum meðal nemenda
hvort ekki væri ærin ástæða til
að hefja flokkun sorps. Afrakstur
vinnu nemenda í umhverfísvikunni
hefur verið til sýnis í ráðhúsi bæj-
arins en með því hafa nemendur
og kennarar viljað minna sam-
borgara sína á mikilvægi umhverf-
isverndar og góðrar umgengni um
móður náttúru.
Fréttaritari
Morgunblaðið/Rúnar Þór
Tvær áramótabrennur
Tvær áramótabrennur verða á Akureyri og verður kveikt í þeim um
kl. 20 á gamlárskvöld. Önnur er ofan við Glerá sunnan Skíðahótels-
‘vegar, gegnt Möl og sandi, en hin er á Bárufellsklöppum neðan
Krossanesbrautar. Um miðnætti á gamlárskvöld hafa skátar einnig
tendrað kyndla sem mynda ártöl þau sem við eiga í hvert sinn og
félagar í KFUM og K hafa hafa einnig um nokkurra ára skeið tendr-
að ljós á kyndlum nokkru sunnar en skátarnir, undir klettabelti ofan
við Vaðlafell, en þeir mynda orðin Jesús lifir. Þessir glaðbeittu piltar
á myndinni eru þeir Steindór, Grétar og Sigurbjörn sem voru að
störfum við brennuna á Bárufellsklöppum í gær.
Minningarsjóður Jón-
asar Sigurbjörnssonar:
Atta skíðamenn
hlutu styrk við
fyrstu úthlutun
úr sjóðnum
ÁTTA akureyrskir skíðamenn
fengu styrk við fyrstu úthlutun
úr Minningarsjóði Jónasar Sigur-
björnssonar í fyrrakvöld. Sjóður-
inn var stofnaður síðasta vor til
að styrkja unga skíðamenn og
gera þeim kleift að ná betri
árangri m.a. með æfingaferðum
utanlands.
Við fyrstu úthlutun fengu styrk
úr sjóðnum eru Valdimar Valdimars-
son, Jón Yngvi Árnason, Vilhelm
Þorsteinsson, Rögnvaldur Ingþórs-
son, María Magnúsdóttir, Harpa
Hauksdóttir, Gunnlaugur Magnús-
son og Kári Jóhannesson. Hafa þau
öll verið við æfíngar í útlöndum eða
eru það nú ýmist með landsliðinu eða
á eigin vegum og hafa sum þeirra
farið allt að þijár ferðir utan til æf-
inga á haustdögum.
Magrét Baldvinsdóttir í Skíðaráði
Akureyrar sagði að úthlutað hefði
verið 295 þúsund krónum nú og
hefðu fyrirtækin Samheiji á Akur-
eyri og ísberg í Hull í Bretlandi lagt
fram það fé. Sömu fyrirtækið lögðu
einnig fram stofnfé í sjóðinn, 350
þúsund krónur er til hans var stofn-
að í vor. Þá hafa einstaklingar og
fyrirtæki einnig lagt fé í sjóðinn.
Tilgangur. með stofnun sjóðsins
er að heiðra minningu Jónasar Sigur-
bjömssonar, sem lést á síðasta ári,
en að sögn Margrétar vann hann
ötullega að því að efía skíðaíþróttina
á Akureyri og vildi veg hennar sem
mestan. Uthlutað verður úr sjóðnum
tvisvar á ári, um áramót og að vori.
Tæplega 1300 manns hafa fengið atvinnuleysisbætur á árinu:
Atvinnuleysisbætur til Einingar-
félaga hafa aukist um rúm 85%
Olafsfjörður er eini staðurinn við Eyjafjörð þar sem minni
bætur eru greiddar á þessu ári miðað við það síðasta
Morgunblaðið/Sigurður Bjömsson
Ný sólbaðsstofa
Þær Sigríður Stefánsdóttir og
Valgerður Gunnarsdóttir hafa
opnað nýja sólbaðstofu á Aðal-
götu 37 í Ólafsfirði. Þær keyptu
tæki sólbaðstofunnar Hlíðarsól
af Sigríði Hannesdóttur í Ólafs-
firði og hafa nú byijað rekstur
á nýjum stað með tvo ljósa-
bekki. Góð aðsókn hefur verið
síðan opnað var í síðasta mán-
uði enda veitir ekki af að fá yl
í kroppinn og örlítinn lit í
svartasta skammdeginu.
SB
Höfðing-
leg gjöf
ERFINGJAR Svövu Sigurgeirs-
dóttur, sem lést á Akureyri 8.
júlí sl. hafa fært Félagsstarfi
aldraðra á Hlíð að gjöf íbúð
Svövu og verður söluandvirði
hennar notað til eflingar starf-
inu.
Svava bar mikinn hlýhug til Fé-
lagsstarfs aldraðra við Dvalarheim-
ilið Hlíð og hafði hugsað sér 'að
íbúð hennar í Norðurgötu 16 gengi
til þessa starfs, en auðnaðist ekki
að ganga frá því á formlegan hátt,
áður en hún lést.
Nú hafa erfingar Svövu sýnt
þann höfðingsskap að afhenda
íbúðina í þessum tilgangi Félags-
starfí aldraðra við Hlíð og mun
andvirði hennar varið til að bæta
aðstöðuna þar.
í fréttatilkynningu eru færðar
þakkir fyrir gjöf þessa og þess
vænst að andvirði hennar komi að
góðum notum.
HEILDARGREIÐSLUR atvinnu-
leysisbóta sem greiddar eru út á
skrifstofu Verkalýðsfélagsins
Einingar hafa aukist um tæp 66%
á milli áranna 1989 og 1990. Á
þessu ári hefur verið greidd út
rúm 81 milljón króna til 1.263
félagsmanna í sjö verkalýðsfé-
lögum, en Eining sér um greiðslu
bóta til sinna félagsmanna auk
félaga í Sjómannafélagi Eyja-
fjarðar, Félags málmiðnaðar-
manna, Skipstjórafélags Norð-
lendinga, Vélsljórafélags Is-
lands, Sjómannafélags Olafs-
fjarðar og Verkstjórafélags Ak-
ureyrar og nágrennis. Á siðasta
ári voru greiddar tæpar 49 millj-
ónir til 960 félagsmanna í sömu
félögum.
Björn Snæbjörnsson, varaform-
aður Einingar, sagði að áberandi
væri nú, að fólk væri lengur á bót-
um en áður hefði tíðkast og sumir
væru jafnvel stóran hluta ársins á
atvinnuleysisbótum. Hann sagði
það einnig algengt að eldra fólk, í
kringum sextugt, hefði misst at-
vinnuna í kjölfar samdráttar hjá
fyrirtækjum og það fengi ekki vinnu
á öðrum stöðum. „Þetta hefur auk-
ist mikið og er mjög alvarlegt, mér
hefur sýnst sem þessi hópur fólks
hafi farið stækkandi síðustu miss-
eri og það virðist nær útilokað fyr-
ir fólk á þessum aldri að fá atvinnu
á nýjan leik,“ sagði Björn.
Um 900 manns í Einingu hafa
einhvern tímann á árinu verið á
atvinnuleysisskrá, en heildar-
greiðslur bóta nema á þessu ári
60,6 miiljónum króna á móti 39
milljónum króna á síðasta ári, sem
er aukningin upp á 85,4%. Það er
einungis í Ólafsfirði sem ekki hefur
orðið aukning, en þar voru greiddar
á þessu ári 3,4 milljónir í bætur á
móti 8,3 á síðasta ári. „Ástandið
hefur batnað mikið í Ólafsfírði og
þar hafa menn virkilega tekið sig á
í atvinnumálunum," sagði Bjöm.
Hvað Sjómannafélag Eyjafjarðar
varðar er aukningin afar mikil, en
á árinu 1989 voru greiddar út bæt-
ur að upphæð 5,1 milljón króna á
móti 10,9 milljónum á þessu ári.
Þá voru einnig um helmingi meiri
bætur greiddar út til félagsmanna
í Félagi málmiðnaðarmanna eða 2,3
milljónir í fyrra og 4,6 í ár, en á
þessu ári komu 85 aðilar einhvern
tíma inn á atvinnuleysisskrá sem
er stór hluti félagsmanna. Félags-
menn í Skiþstjórafélagi Norðlend-
inga fengu tæpa eina milljón króna
greiddar í atvinnuleysisbætur á ár-
inu, en í fyrra voru greiddar út um
447 þúsund krónur. Þá má nefna
að félagsmenn í Verkstjórafélagi
Akureyrar og nágrennis fengu
greiddar'á síðasta ári 386 þúsund
krónur í bætur, en nú í ár 910
þúsund krónur.
Atvinnuleysisbætur voru greidd-
ar út á skrifstofu Einingar í gær
og fengu þá 218 einstaklingar
greiddar 3,4 milljónir króna, en
Björn sagði að heildarupphæð þess-
arar síðustu greiðslu atvinnuleysis-
bóta á árinu væru hærri þar sem
ekki er inni í þessari upphæð bætur
til félagsmanna Einingar sem starfa
við fiskvinnslu í Ólafsfirði sem sagt
var upp störfum fyrir jólin. Upp-
hæðin næði um 5 milljónum króna
þegar bætur þess hóps væru teknar
með.
Morgunblaðið/Benjamín Baldursson
Fæddist á miðjum fengitíma
Ytri-Tjörnum.
Veturgömul ær á bænum Brúnum í Öngulsstaðahreppi gerði sér lítið
fyrir og bar mórauðri gimbur rétt fyrir jólin. Brynja Þorsteinsdóttir
bóndi á Brúnum kvaðst ekki vita til að lamb hefði komið í heiminn
á miðjum fengitíma, en þessi ær virðist óvenju fijósöm, því hún bar
sínu fyrsta lambi í vor, nánar tiltekið 8. maí síðastliðinn. Lambið
var hið sprækasta er fréttaritari kom við á Brúnum í fyrradag og
ekki annað að sjá en það ætli að spjara sig vel. Á myndinni er
Brynja Þorsteinsdóttir með lambið nýfædda fanginu og dætur henn-
ar þær Fanney og Margrét fylgjast hugfangnar með.
Fréttatilkynning