Morgunblaðið - 06.01.1991, Page 28

ÖO
28 C
MORGUNBLAÐIÐ VELVAKANDI sunnudagiÍr g. janúar 199!
Á FÖRNUM VEGI
/,Nú, Öku-P-eréisv #5/winnstcx klosti
d encta.”
Með
morgunkaffinu
í okkar dapra heimi er fátt
nauðsynlegra en ærlegur
hlátur, segi ég ...
HÖGNI HREKKVtSI
Þrír fram-
halds-
skólar
brautskrá
stúdenta
NOKKRIR framhaldsskólar
brautskráðu stúdenta fyrir jól.
Meðal þeirra voru Menntaskólinn
við Hamrahlíð, þar sem braut-
skráðir voru 82 stúdentar, Fram-
haldsskólinn í Vestmannaeyjum
þar sem brautskráðir voru 12
stúdentar og Framhaldsskólinn á
Húsavík þar sem útskrifaðir voru
sex stúdentar.
Þjóðarsátt um vinnufrið í
skólum
Menntaskólanum við Hamrahlíð
var slitið 20. desember sl. Braut-
skráðir voru 82 stúdentar, 22 karl-
ar og 60 konur. 4 stúdentar voru
útskrifaðir af eðlisfræðibraut, 38
af félagsmájabraut, 26 af náttúru-
fræðibraut, 14 af nýmálabraut og
1 af náttúrufræða- og nýmálabraut.
Rektor skólans, Sverrir Einars-
son, sem gegnir embætti í fjarveru
Ornólfs Thorlaciusar, gerði deilur
um kaup og kjör kennara að um-
ræðuefni í útskriftarræðu sinni.
Hann hvatti til þjóðarsáttar um
vinnufrið í skólum ella væri allt
starf framhaldsskólanna í hættu.
Einnig ræddi Sverrir um kosti
áfangakerfis í skólanum og hvernig
þeir yrðu best nýttir í framtíðinni.
Við útskriftina ávarpaði Baldur
Ragnarsson, kennari við skólann,
nýstúdenta og aðra gesti. Einnig
fluttu tveir nýstúdentar ávörp. Kór
Menntaskólans við Hamrahlíð, und-
ir stjóm Þorgerðar Ingólfsdóttur,
söng auk þess sem nokkrir kórfé-
lagar léku á hljóðfæri.
Bestum árangri á stúdentsprófi
náði Ragnhildur Geirsdóttir sem
útskrifaðist af eðlisfræðibraut með
158 einingar. Árangur hennar var
sérlega glæsilegur, einn besti frá
Menntaskólanum við Hamrahlíð.
Morgunblaðið/Silli
Erna Björnsdóttir, stúdent frá framhaldsskólanum á Húsavík, ásamt
Guðmundi Birki Þorkelssyni, skólameistara.
Glæsilegur árangur
Bestum árangri á stúdentsprófi náði Ragnhildur Geirsdóttir sem út-
skrifaðist af eðlisfræðibraut með 158 einingar. Árangur hennar var
sérlega glæsilegur, einn besti frá Menntaskólanum við Hamrahlíð.
Morgunblaðið/Sigurgeir
Tólf stúdentar voru brautskráðir frá Framhaldsskólanum í Vest-
mannaeyjum.
Víkverji skrifar
„HÁNW hx'AÐt þBI/l/l Ekkl.EN HAMW TÖK
MIOUR SKILTID þEI&SA ■"
Sá hluti árs þegar sólargangur
er stytztur hér á ströndum
hins yzta hafs — vetrarsólhvörf —
er liðinn. Sól hækkar smám saman
á lofti, birtan hrekur dimmuna
hægt en sígandi úr umhverfi okk-
ar, leysir landið úr klakaböndum
vetrar og vekur um síðir gróðurrík-
ið til nýs lífs — unz langþráðu
marki er náð: náttlausri voraldar-
veröld!
Víkveiji dagsins spyr: er hægt
annað en vera bjartsýnismaður haf-
andi þetta árvlssa kraftaverk um-
hverfisins og lífríkisins í huga. Eng-
an þarf að minnsta kosti að undra
þótt heiðnir forfeður okkar hafí
haldið sólaijól í svartasta skamm-
deginu — um vetrarsólstöður — þar
eð lífsvonin í bijósti þeirra — búset-
an í landinu — var nánast í einu
og öllu háð þessari sóltengdu upp-
risu gróðurríkisins, sem sólhvörfin
boðuðu.
xxx
Kristinn siður féll vel að þessu
innihaldsríka táknmáli veru-
leikans í umhverfi okkar, þegar ljós-
ið sigrar myrkrið og lífríkið rís upp
af vetrardauða. Víkveiji hefur ekki
í huga að leggja nánar, hér og nú,
út af kristinni kenningu, sem er,
eða á að vera, grundvöllur nútíma
jólahalds. Hann getur þó ekki stillt
sig um að vekja athygli á góðri
bók, sem hann las um jólin, Tákn
og undur, eftir séra Halldór Grön-
dal. Sú bók er ekki aðeins holl leið-
beining hveijum og einum, sem vill
auðga og styrkja eigið trúarlíf, held-
ur fagur vitnisburður um það, hvern
veg hvít sól trúarinnar nær að leysa
huga einstaklingsins úr klakabönd-
um ótta og vonléysis og vekja til
nýs og fyllra lífs.
Það er vel að „bókaþjóðin“ leysti
bókaútgáfu sina úr viðjum virðis-
aukans, sem ríkisstjórnin hafði
reyrt hana í, með þeim afleiðingum,
að bækur bættu hlut sinn á sölu-
markaði jólanna. Víkveija er til efs
að margar bækur hafi átt brýnna
eða ríkara erindi á þennan jóla-
markað en bók séra Halldórs
Gröndal. Hún á trúlega eftir að
verða mörgum landsmönnum ljós í
skammdegismyrkri samtímans.
að eru bæði stórar vonir og sár
ótti í farteski hins nýja árs,
sem gengið er í garð. Enginn getur
sagt fyrir um, hvem veg mannkyn-
ið skráir eigin sögu á tölvu- eða
tilveruskjá ársins 1991. Víkveiji
dagsins er að vísu bjartsýnismaður
en getur samt sem áður ekki lokað
augum fyrir hættuteiknum sem
blasa við augum víða í veröldinni.
Ekki er heldur hægt að fullyrða
neitt um það, hvern veg landsmenn
skrá íslandssögu hins nýja árs á
eigin tilvemskjá. Það gera þeir
meðal annars í alþingiskosningum
snemma vors, þegar sól hækkar enn
á lofti og lífríki umhverfisins er að
vakna af vetrardauða. Vonandi
dregur sú saga dám af hækkandi
sól og vaknandi gróðri. Víkveiji
dagsins er að minnsta kosti þeirrar
skoðunar að vorhreingerning þjóð-
arinnar í Stjórnarráðinu þurfi að
leysa þjóðarbúskapinn úr klaka-
böndum ríkisstjórnar vaxandi ríkis-
sjóðshalla, ofsköttunar og miðstýr-
ingar.