Morgunblaðið - 20.01.1991, Blaðsíða 33
3328
.MDRGUNBLiA'ÐIÐr sftltífcð&íl#M i
ÖIÖAJaMTjDHOM
Morgunblaðið/Árni Sæberg
Meðal þeirra, sem viðstaddir
voru opnun heilsugæslustöðvar-
innar að Vesturgötu 7 voru full-
trúar Reykjavíkurborgar og heil-
brigðisráðuneytis. Fyrir miðri
mynd eru þeir Guðmundur
Bjarnason, heilbrigðisráðherra
og Davíð Oddsson, borgarstjóri,
en á innfelldu myndinni afhendir
Katrín Fjeldsted, formaður
byggingarnefndar, heilbrigðis-
ráðherra lykil að stöðinni.
Heilsugæslustöð miðbæjar opnuð
HEILSUGÆSLUSTÖÐ mið-
bæjar að Vesturgötu 7 var
formlega tekin í notkun á föstu-
daginn. Stöðin mun þjóna vest-
urbæ norðan Hringbrautar,
miðbænum og austurbæ austur
að Snorrabraut. Þar verður
rekin almenn læknis- og hjúk-
runarþjónusta, auk þess sem
stöðin tekur við heimalyúkrun
og heilsuvernd á þjónustusvæð-
inu.
Heilsugæslustöðin að Vestur-
götu 7 er rekin í sama húsi og
þjónustumiðstöð og íbúðir fyrir
aldraða. Samtals er heilsugæslu-
stöðin 638 fermetrar að flatar-
máli og er heildarkostnaður við
byggingu hennar 99,4 milljónir
króna á verðlagi þessa árs. Á stöð-
inni verða tólf starfsmenn.
Á heilsugæslustöðinni verður
rekin almenn læknis- og hjúk-
runarþjónusta, svo sem læknis-
vitjanir, heimahjúkrun og vitjanir
hjúkrunarfræðinga til ungbarna,
námskeið fyrir foreldra ungra
barna, ungbarna- og smábarna-
vernd.
Samstarf auglýsenda:
Frelsi fjölmiðla
verði ekki skert
STJÓRN Samstarfs auglýsenda hefur sent frá sér fréttatilkynningu
þar sem segir að hún vilji undirstrika mikilvægi þess að frelsi fjöl-
miðla verði ekki skert, og Islendingar fylgi almennri þróun í heimin-
um á því sviði.
Auglýsendur segja að sjónvarps-
sendingar nái nú yfir öll landa-
mæri, og þýðingarlaust sé af tækni-
legum ástæðum að reyna að sporna
við þeirri þróun hér á landi, enda
stangist það einnig á við frjálsa fjöl-
miðlun sem einn hornstein al-
mennra niannréttinda.
í fréttatilkynningunni segir enn-
fremur að stjórn Samtaka auglý-
senda vilji taka það fram vegna
umræðna um lokun á beinar útsend-
ingar sjónvarpsfrétta frá banda-
rísku sjónvarpsstöðinni CNN, að
fyrir Alþingi liggi nú frumvarp að
auglýsingalögum, og í því sé meðal
annars ákvæði, sem kæmi í veg
fyrir útsendingar af þessu tagi þar
sem auglýsingar fylgja. Samtök
auglýsenda hafí mótmælt þeirri ein-
angrunarstefnu sem í slíku ákvæði
fælist, og raunar mótmælt sam-
þykkt frumvarpsins eins og það
liggi fyrir.
Fulltrúar ASÍ og BSRB
á ráðstefnu í Eistlandi
Verkalýðssamband Norðurlanda (NFS), sem eru samtök stærstu
launþegasamtaka á Norðurlöndum, hefur tekið upp samstarf við
verkalýðssamtökin í Eystrasaltsríkjunum.
Fulltrúar allra samtakanna innan
NFS, þar á meðal Alþýðusambands
íslands og Bandalags starfsmanna
ríkis og bæja, munu í lok þessa
mánaðar sitja ráðstefnu verkalýðs-
samtakanna í Eistlandi, Léttlandi
og Litháen en ráðstefnan verður
haldin í Eistlandi. Ásmundur Stef-
ánsson verður fulltrúi ASÍ á ráð-
stefnunni en fulltrúi BSRB verður
Einar Ólafsson.
Félagsmenn í Verkalýðssam-
bandi Norðurlanda eru 7,5 milljón-
ir. í samþykkt, sem stjórn NFS
hefur sent frá sér, segir að samtök-
in hafi með skelfingu og vonbrigð-
um fylgst með framvindu deilumála
Sovétstjórnarinnar og Eystrasalts-
ríkjanna. „Það er engin leið að af-
saka þá svívirðilegu og grófu vald-
beitingu, sem sovéska hernaðar-
veldið hefur beitt í Litháen og Lett-
landi. Það veldur vonbrigðum
hvernig Sovétstjórnin hefur svikið
áform sín um umbætur og frið. Það
hefur skapað reiði, sorg og skelf-
ingu. NFS sættir sig ekki við hótan-
ir og valdbeitingu. Ágreining verður
að leysa við samningaborðið."
Bók um máJhreinsun
ÚT ER komin bókin íslensk mál-
hreinsun, sögulegt yfirlit eftir
Kjartan G. Ottósson. Hún er sjötta
ritið í ritröð íslenskrar málnefnd-
ar og er 169 bls.
í kynningu útgefanda segir m.a.:
„Bókin á rætur að rekja til útvarps-
þátta sem höfundur flutti 1985 und-
ir heitinu Þættir úr sögu íslenskrar
málhreinsunar og vöktu mikla at-
hygli. Rakin er saga málhreinsunar
á Islandi frá 16. öld og fram á þenn-
an dag.
Þetta er afar fróðlegt rit. Höfund-
ur hefur dregið saman efni úr
margvíslegum heimildum, sumum
fáséðum. Fjallað er um ytri aðstæð-
ur íslenskrar málþróunar og hugað
sérstaklega að málnotkun í kirkju-
legum ritum, stjórnsýslu og verslun.
Greint er frá baráttunni við ásókn
Magnús gefur
kost á sér
í frétt blaðsins í gær um prófkjör
Alþýðuflokksins í Reykjavík féll
niður nafn Magnúsar Jónssonar
veðurfræðings. Hann gefur kost á
sér í sæti 1-6.
dönskunnar, einkum á fyrri öldum,
og hvernig enn er haldið áfram að
veijast erlendum máláhrifum jafn-
framt því sem nýyrðasmíð hefur
orðið sífellt mikilvægari.“
Trillukarlar Grundarfirði:
Yfírvöld ábyrg
fyiir fjölgun
í ÁLYKTUN smábátafélagins
Snæfells í Grundarfirði segir að
stjórnvöld beri ábyrgð á fjölgun
smábáta og fundarmenn neita að
taka á sig skerðingu á aflakvótum
vegna fjölgunarinnar.
í ályktuninni segir einnig, meðal
annars: „Fundurinn lýsir yfir sterkri
andstöðu við því að loðnuflotinn fái
botnfískkvóta, sem myndi skerða
aðrar úthlutanir og telur að þessi
skip ættu að fá styrk til þess að
veiða vannýtta stofna eða til veiða
á fjarlægari miðum. Við bendum á
að atvinnulega séð fyrir okkar svæði
yrði slík skerðing meiri hér en á
öðrum svæðum, þar sem hér er ekki
stunduð útgerð loðnuskipa eða
loðnuvinnsla."
s<-----------
Nafn:--------
Heimilisfang:.
Við veitum þér:
★ Þitt eigið hár sem vex ævilangt
★ Ókeypis ráðgjöf og sköðun hjá
okkur eða heima hjá þér
★ Skriflega lífstiðarábyrgð
★ Framkvæmt af færustu læknum
HRINGIÐ EÐA SKRIFIÐ TIL:
Sími:_______
Póstnúmer:.