Morgunblaðið - 02.04.1992, Síða 40

40
MORGUNBLAÐÍÐ FIMMTUDAGUR 2. APRÍL 1992
CLOCKWORK DIABOLUS
CARPE DIEM
Carpe Diem heitir sveit úr Reykjavík sem leikur „bara
rokk“ eða venjulegt þungarokk. Sveitarmenn eru Frans
Gunnarsson og Guðmundur Jón Ottósson gítarleikarar,
Helgi Örn Pétursson bassaleikari, Gunnar Sigurðsson
söngvari og- Björn Hermann Gunnarsson trommuleikari.
Meðalaldur sveitarmanna er tæp sautján ár.
SJUÐANN
BAR 8
KOLRASSA KROKRIÐANDI
Kolrassa krókríðandi er svéit úr Keflavík sem leikur ný-
bylgjurokk. Sveitina skipa Elísa M. Georgsdóttir söngkona
og fiðluleikari, Birgitta M. Vilbergsdóttir trommuleikari.
Ester Asgeirsdóttir bassaleikari og Sigrún Eiríksdóttir
gítarleikari. Sveitarkonur eru allar á sautjánda árinu.
Morgunblaðið/Þorkell
GOBLIN
Goblin er nýbylgjupoppsveit úr Reykjavík. Sveitina skipa
Sveinn Ó. Gunnarsson gítarleikari, Dávíð Ó. Halldórsson
söngvari, Ásgeir Bachmann trommuleikari og Bjarni Magn-
ússon bassaleikari. Sveitarmenn eru allir á sextánda árinu.
Morgunblaðið/Sverrir
KELDUSVININ
Keldusvínin teljast úr Reykjavík, þó einn sveitarmanna sé
Húsvíkingur. Keldusvínin eru Bergþór Hauksson bassaleik-
ari og söngvari, Ármann Guðmundsson gítarleikari og
söngvari og Haraldur Steingrímsson trommuleikari. Meðal-
aldur þeirra félaga er ríflega tuttugu og tvö ár.
FORGARÐUR HELVITIS
MÚSÍKTILRAUNIR
Forgarður helvítis er grindcoresveit frá Selfossi. í forgarðin-
um eru Sigurður Harðarson söngvari, Vernharður R. Sig-
urðsson og Sigurgrímur Jónsson gítarleikarar, Kári Örlygs-
son bassaleikari og Magnús Másson trommuleikari. Meðal-
aldur sveitarmanna er óráðinn.
í SÍÐUSTU viku hófust Músíktilraunir Tónabæjar og
Rásar 2, en það er hljómsveitakeppni bílskúrshljóm-
sveita hvaðanæva að. Síðastliðinn fimmtudag kepptu
átta sveitir um tvö sæti í úrslitum og í kvöld keppa
aðrar átta um önnur tvö sæti. Síðast bar nokkuð á dauða-
rokki, en að þessu sinni verður ekki nema ein slík sveit,
þó flestar leiki misþungt rokk. Það er eftirtektarvert
að þetta kvöld kemur fram eina kvennasveit Músíktil-
rauna, Kolrassa krókríðandi, síðan Dúkkulísurnar komu
sáu og sigruðu 1983. Kolrassa kemur úr Keflavík, fimm
sveitanna eru úr Reykjavík, ein frá Selfossi og ein úr
Kópavogi.
Eins og áður segir keppa sveitirnar átta um tvö sæti í
úrsiitakeppninni sem verður tíunda apríl næstkomandi.
Þá verður keppt um 30 tíma í Sýrlandi, einu fullkomn-
asta hljóðveri landsins, í fyrstu verðlaun, 25 tíma í
Gijótnámunni í önnur verðlaun og 20 tíma í Stúdíói Stef
í þriðju verðlaun. Að auki veitir Skífan plötuúttektir sem
aukaverðlaun. Úrslitakvöldið verður svo sent út beint á
Rás 2, en tilraunirnar eru í samstarfi Rásar 2 og Tóna-
bæjar að þessu sinni og styrktaraðilar eru Jón Bakan,
Vífilfell og Hard Rock Café. Gestasveit verður Sálin
hans Jóns míns.
Clockwork Diabolus heitir eina dauðarokksveitin í kvöld.
Hið djöfullega gangvirki skipa Jóhann Rafnsson trommu-
leikari, Gunnar Óskarsson og Arnar Sigurðarson gítarleik-
arar, Atli J. Marinósson bassaleikari og Sindri Páll Kjart-
ansson söngvari. Meðalaldur sveitarmanna er hálft átjánda
ár.
BAR 8 er þétt rokksveit úr Kópavogi. Sveitina skipa Stein-
ar Nesheim söngvari, Karl Jóhann Carlsson gítarleikari,
Hannes J. Friðbjarnarson trommuleikari, Haraldur V.
Sveinbjörnsson gítarleikari og Arnþór Þórðarson bassaleik-
ari. Meðalaldur sveitarmanna er tæp sautján ár.
Sjúðann er rokksveit úr Reykjavík sem skipuð er Jóhann-
esi G. Númasyni söngvara, Bjarka Rafni Guðmundssyni
bassaleikara, Finni Jens Númasyni trommuleikara og Hall-
dóri Viðari Jakobssyni gítarleikara. Meðalaldur sveitar-
manna er tæp tuttugu ár.
Morgunblaðið/KGA
Morgunblaðið/Sverrir
Faðirinn borgar brúsann
Dýrt er að gefa dóttur; Keaton, Martin, Short og Williams í gaman-
myndinni Föður brúðarinnar.
Kvikmyndir
Arnaldur Indriðason
Faðir brúðarinnar („The Father
of the Bride“). Sýnd í Bíóhöllinni.
Leikstjóri: Charles Shyer. Aðal-
hlutverk: Steve Martin, Diane
Keaton, Martin Short, Kimberley
Williams og George Newbern.
'"Nýjasta gamanmynd Steve Mart-
ins er öll um brúðkaup frá sjónar-
hóli föður brúðarinnar, sem blöskrar
tilstandið og þó sérstaklega tilkostn-
aðurinn. En það er reyndar aðeins
hálf sagan því erflðast fyrir hann er
að viðurkenna þá staðreynd að litla
dóttir hans skuli yfirleitt vera komin
á .giftingaraldurinn og sé að flytja
að heiman. Samanlagt er brúðkaupið
og undirbúningur þess því ein alls-
hetjar kvöl og pína fyrir Martin.
Myndin er endurgerð samnefndar
gamanmyndar Vincente Minelli frá
1950 en leikstjórinn, Charles Shyer,
og handritshöfundarnir fjórir lýsa
hér nákvæmlega þeirri kvöl sem fað-
ir brúðarinnar líður frá því dóttir
hans tilkynnir honum að hún sé trú-
lofuð einhveijum „óháðum fjar-
skiptasamtengifræðingi", eða hvað
það nú var, og líf hans verður hrein-
asta martröð. Foreldrar brúðgumans
eru miklu, miklu, miklu ríkari svo
hann þarf að halda risastóra veislu
til að verða ekki minni maður fyrir.
Útgjöldin eru hrikaleg eftir að kona
hans og dóttir ákveða að ráða ung-
versk ættaðan brúðkaupsfræðing,
sem er unaðslega ýktur af Martin
Short, til að sjá um fjörið. Húsið
hans, en þar á veislan að vera, er
nánasta endurbyggt, matur, hljóm-
sveit, ljósmyndari, föt. Listinn er
endalaus.
Faðir brúðarinnar er sem sagt nk.
smásjármynd af brúðkaupshaldi frá
sjónarhóli þess sem blæðir og Martin
er góður í hlutverki þess eina sem
virðist heilbrigður í martraðar-
kenndri veröld eyðslu og óhófs.
MargJ; er hnýttið og snjallt í handrit-
inu, eins og t.d örvæntingarfull til-
raun Martins til að draga úr kostnað-
inum með því að reyna að nota tutt-
ugu ára gamla smókinginn sinn. í
kómedíu sem þessari er stutt í fars-
ann og hið yfírgengilega; kannski
óþarfi að senda föðurinn í fangelsi.
En myndin heldur sér á mottunni
að mestu leyti og er hjartanlega
fyndin afþreying og Martin tekst vel
upp í lýsingu á stigvaxandi örvænt-
ingu föðurins þegar boltinn fer að
rúlla.
Þegar kemur að sambandinu á
milli Martins og dótturinnar, er Ki-
merly Williams leikur, dettur hún
niður á annað plan tilfinningasemi
sem er ofkeyrð og lítt áhugaverð í
rauninni. Það er smurt svoleiðis á
að engu er líkara en Martin sé að
missa dóttur sína yfir móðuna miklu
en ekki að giftast moldríkum mynd-
arpilti. Myndin slær annan takt og
verður óþarflega væmin.
Góður leikarahópur kemur saman
í Föður brúðarinnar en auk ofan-
taldra fer Diane Keaton með hlut-
verk móðurinnar, sem allaf virðist
hafa réttan skilning á eðli hlutanna.