Morgunblaðið - 23.04.1992, Blaðsíða 22

Morgunblaðið - 23.04.1992, Blaðsíða 22
22 MORGUNBLAÐIÐ FIMMTUDAGUR 23. APRIL 1992 Hátíðarhöld sumardagínn fyrsta LANDSMENN fagna fyrsta degi sumars í dag með skrúð- göngum, danslcikjum og guð- þjónustum. Reykjavík í Reykjavík verða nokkrar skrúðgöngur. Gengið verður frá Ártúns- og Selásskóla kl. 13.30 að félagsmiðstöðinni Árseli. Hljómsveitin Stella hú auk trúða og risa setja svip sinn á skrúð- gönguna. Fjölskyldudagskrá hefst því næst í Arseli sem stend- ur til kl. 16. í félagsmiðstöðinni Frosta- skjóli skemmtir m.a. hljómsveitin Neistar, trúður kemur í heimsókn og boðið verður upp á andlitsmál- un fyrir krakkana. Tvær skrúðgöngur verða á vegum félagsmiðstöðvarinnar Fjörgyn. Fer önnur frá Hamra- skóla að hringtorgi, austur Fjall- konuveg að Foldaskóla kl. 13.30, Hin fer frá Húsaskóla vestur Fjallkonuveg að Foldaskóla einn- ig kl. 13.30. Þá verður skemmtun í félagsmiðstöðinni frá kl. 1,4 til kl. 16 þar sem m.a. hljómsveitin Fjörkarlar skemmta auk þess ýmislegt annað verður á boðstóln- um. Skrúðgöngur verða frá Ártúns- og Selásskóla kl. 13.30. Kvik- myndasýning verður í félagsmið- stöðinni Árseli kl. 14 og danssýn- ingar verða. Þá koma fram trúðar og börnum gefst kostur á að láta mála sig. Þeir sem vilja láta mála sig í framan geta mætt í Langholts- skóla kl. 13.45. Þaðan verður farið í skrúðgöngu að félagsmið- stöðinni Þróttheimum kl. 14. Frá kl. 14.30 til kl. 17 verður boðið upp á skemmtidagskrá þar sem börnin fá m.a. að fara á hestbak auk þess sem karoketæki verður á staðnum. Hafnarfjörður Gengið verður frá Skátaheimil- inu kl. 9.45 um Norðurbæinn til skátamessu í Víðistaðakirkju. Þar predikar séra Sigurður H. Guð- mundsson og Páll Gíslaspn fyrr- um skátahöfðingi flytur hug- vekju. Skátar og Lúðrasveit Tón- listarskólans leiða gönguna að kirkjunni. Frjálsíþróttadeild F.H. stendur fyrir víðavangs- hlaupi fyrir alla aldursflokka og hefst það við ráðhús bæjarins kl. 13. Skátatívolí verður á Strandgötu og hefst það kl. 14 og gefst börn- um á öllum aldri kostur á að reyna sig í ýms- um þrautum. Að kvöldi sumardagsins fyrsta fjöl- menna hafnf- irskir skátar á afmælishátið skátafélagsins Vífils í Garðabæ. Seltjarnarnes Sýning verður á handavinnu eldri bæjarbúa í íbúðum aldraðra á jarðhæð frá kl. 14-17. Sýndur verður afrakstur vetrarins. Einn- ig verður kaffísala á vegum kvenfélagsins Seltjarnar í Félags- heimili Seltjarnarness og hefst hún kl. 15. Garðabær Fánaathöfn verður við Garða- kirkju kl. 11 og að henni lokinni verður skátamessa þar. Skátar munu standa heiðursvörð og vígð- ir verða nýliðar inn í félagið. Ræðumaður dagsins verður Ag- úst Þorsteinsson fyrrverandi skátahöfðingi. Farið verður í skrúðgöngu frá mótum Hofstaðarbrautar og Karlabrautar undir leik lúðra- sveitarinnar Svansins. Skátar úr Vífli ganga fyrir göngunni með fánaborg. Gengið verður að skátaheimilinu þar sem trúðar og tröll koma m.a. í heimsókn. Auk þess verður hin árlega kaffisala Vífíls haldin þar. Að kvöldi dags verður skátafélagið Vífill með skát- askemmtun í til- efni 25 ára af- mælis félagsins í félagsmiðstöð- inni Garðalundi í Garðaskóla við Vífilsstaðaveg og hefst hún kl. 20. Skátalögin verða sungin og því næst sér di- skótekið Dollý um danstónlist. Akranes Afmælismót Dreyra verður haldið í tilefni af 50 ára afmæli Akraneskaupstaðar kl. 10 á skeiðvelli félagsins að Æðarodda. Keppt verður í flokki barna, ungl- inga og fullorðinna. Keppnis- greinar eru gæðingaskeið, 150 metra skeið, tölt, fjór- og fim- mangur. Auk þess verður ýmis sýning- aratriði og aðgangur verður ókeypis. Kl. 10.30 verður skrúð- ganga frá Skátahúsinu við Há- holt að Akraneskirkju. Fyrir göngunni fara skátar og Skóla- hljómsveit Akraness undir stjórn Andrésar Helgasonar. Kl. 11 verður skátamessa í Akranes- kirkju. Gunnar Eyjólfsson skátahöfð- ingi predikar. Kl. 13 leikur lið Akraness á móti Selfyssingum á Jaðarsbökkum í knattspyrnu í Litlu bikarkeppninni. A lóð Grundaskóla opnar Skátafélag Akraness þrautabraut fyrir bæj- arbúa kl. 15. Kl. 16 verður sýnd Walt Disney-mynd fyrir alla fjöl- skylduna í Bíóhöllinni í boði Akra- neskaupstaðar. Frá kl. 9-16 verður dótadagur í Jaðarsbakkalaug. Böm og ungl- ingar eru hvött til að hafa með sér leiktæki sem nota má í sund- laug, t.d. vindsængur, báta og bolta. Aðgangur er ókeypis. Frá kl. 13-16 verður Bjarna- laug hituð upp fyrir foreldra með ungabörn. Borgarnes Guðþjónusta verður í Borgar- neskirkju kl. 13.30 þar sem skát- ar aðstoða. Skrúðganga verður frá Borgarneskirkju að Skalla- grímsvelli kl. 14.15. Kl. 14.30 fagna hestamenn sumri með firmakeppni. Hestamannafélagið Skuggi býður yngri kynslóðinni á hestbak í tilefni dagsins kl. 16. Kópavogur Skátarnir í Kópavogi halda sína árlegu kaffisölu sumardag- inn fyrsta til "styrktar starfsemi sinni. Kaffisalan verður í Félags- heimili Kópavogs neðstu hæð frá kl. 15-18. Selfoss Skátar á Selfossi verða með hefðbundna dagskrá sumardag- inn fyrsta. Skrúðganga verður frá Sandvíkurskóla klukkan 10.30 og gengið til skátamessu í Selfoss- kirkju. í skátamessunni verða ungskátar vígðir inn í hreyfing- una. Klukkan 14.00 standa skát- ar fyrir fjölskylduskemmtun í Hótel Selfossi þar sem einnig verður boðið upp á kaffíveitingar. Signý Sæmundsdóttir Ljóðatón- leikar Gerðubergs FIMMTU og síðustu tónleikarnir í Ljóðatónleikaröð Gerðubergs verða haldnir laugrdaginn 25. apríl kl. 17.00 og mánudaginn 27. apríl kl. 20.30 í Gerðubergi. Á þessum tónleikum munu Signý Sæmundsdóttír sópran og Jónas Ingimundarson píanóleikari flylja ljóðasöngva eftir Dinastera, Dup- arc, Satie, Ravel og Liszt. Signý Sæmundsdóttir sópran stundaði söngnám við Tónlistarskóla Kópavogs og Söngskólann í Reykja- vík og lauk einsöngvaraprófi frá Tónlistarskólanum í Vínarborg 1988. Helstu kennarar hennar í Vín voru Helene Karuso, Erik Werber og Wolfgang Garbriel. Signý hefur tekið þátt í uppfærslum íslensku óperunn- ar, síðast í Töfraflautunni, einnig í tónleikahaldi bæði heima og erlendis, haldið sjálfstæða tónleika, komið fram með kammerhópum af ýmsum toga og með Sinfóníuhijómsveit ís- lands. Hún starfar sem söngkennari við Nýja tónlistarskólann. Efnisskrá með þýðingum Reynis Axelssonar fylgir með hverjum að- göngumiða. Skólafólk og ellilífeyris- þegar fá afslátt á báða tónleikana gegn framvísum skírteina. Framkvæmdastjóri Ögurvíkur; Verðmæti meltu stór- lega ofreiknað hjá RF „MÉR SÝNIST í fljótu bragði, að þeir hjá Rannsóknastofnun fiskiðnað- arins hafi reiknað mögulegt verð á meltu anzi hátt svo ekki sé meira sagt. Þeir telja hana se^jast á 4.200 tonnið, en þeir sem ég hef talað við í fiskimjölsverksmiðjunum, vilj;i ýmist ekki sjá meltuna eða aðeins borga innan við 1.000 krónur fyrir tonnið. Það svarar til kostnaðar vegna maurasýrunnar einnar. Við framleiddum meltu um borð í Frera 1986, en það var alveg sama hvað við reyndum, enginn vildi borga það mikið fyrir hana að við hefðum eitthvað upp_ úr framleiðslunni," segir Gísli Jón Hermannsson, framkvæmdastjóri Ógurvíkur hf., í sam- tali við Morgunblaðið Velunnarar Vatnaskógar athugið! Kaffisalan verður haldin í dag, sumardaginn fyrsta, að Háaleitisbraut 58, 3. hæð og hefst kl. 14.00 og stendur til kl. 18.00. Um kvöldið, kl. 20.00, verður Skógannannavaka á sama stað. SJÁUMST! ATH. SKRÁNING í VATNASKÓG ER HAFIN' 4<wy*fr\> •4 GARMENN KFUM Nokkur ágreiningur er nú kominn upp vegna útreikninga Rannsókna- stofnunar fískiðnaðarins á möguleg- um hagnaði af fullnýtingu sjávar- fangs um borð í frystitogurum. Þar er gert gert ráð fyrir því að meltu- framleiðsla um borð geti skilað hagnaði og sá útreikningur byggður á afurðaverði að upphæð 4.200 krón- ur á hvert tonn. Björn Guðmunds- son, einn starfsmanna stofnunarinn- ar, segir, að við útreikning á verð- mæti meltunnar hafi verið farin sama leið og við útreikninga á verði á loðnu til bræðslu, það er miðað við innihald þurrefnis og fítu. Meltan hafi verið unnin án vandræða í fiski- mjölsverksmiðjum, meðal annars á Bolúngarvík, og á grunni þessa hafí verð þetta verið fengið. Gísli Jón Hermannsson segist hafa fengið þau svör í Krossanesi, að þar kæri menn sig ekki um að kaupa meltu og hjá Lýsi hf. hafi menn verið tilbúnir að láta hann hafa verð fyrir meltuna sem svaraði til kostnaðar af maurasýru við verk- unina um borð. „Miðað við þessa útreikninga RF, sýnist mér bezt að við lengjum bara skipin og verkum allan aflann í meltu. Við myndum græða mest á því. Menn verða að halda sig við raunveruleikann við útreikninga af þessu tagi. Við erum líka taldir geta haft mikið út úr því að hirða lifrina, en staðan er því miður sú í dag að hér vill enginn kaupa lifur. í fyrsta sinn í manna minnum kaupir Lifrarsamlagið í Eyjum ekki lifur og færum við að koma með hana í land, þýddi það bara aukinn kostnað við að eyða henni. Það er kannski sárt að segja það, en í dag er það bezta sem við getum gert við lifrina að láta fuglinn fá hana, hann býr úr henni bezta gúanó í heimi, okkur að kostnaðar- lausu. Við hjá Ögurvík reynum stöð- ugt að gera sem mest verðmæti úr því, sem í okkar hlut kemur af fískin- um við landið. Við tímum ekki frek- ar en aðrir að fleygja verðmætum. Við höfum meðal annars fengið til- boð frá sænskum aðilum, sem vilja / kaupa af okkur blokkfrystan úr- gang, hausa og slóg til fóðurgerðar fyrir loðdýr. Þeir eru tilbúnir til að i greiða okkur tvær krónur sænskar á hvert kíló fyrir úrganginn kominn til Svíþjóðar. Það vantar mikið upp , á að það dugi, því flutningskostnað- ] ur er mikill. Við erum sem sagt að reyna en þetta er strembin barátta og menn verða að halda sig við jörð- ina, þegar á að fara að reikna gróð- ann út," segir Gísli Jón Hermanns- son.
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.