Morgunblaðið - 23.04.1992, Blaðsíða 50

Morgunblaðið - 23.04.1992, Blaðsíða 50
1>0 MORGUNBLAÐIÐ FIMMTUDAGUR 23. APRIL 1992 flCBAAfin »/is 'Attu tótstig fyrír Batmobil* '9Z ?' Ast er... sm*w; ... þegar þú hugsar ekki um annað. mM <3 C Gættu að þér. Ég kem af karate-námskeiði... HOGNI HREKKVISI t8 _^ BREF TIL BLAÐSINS Aðalstræti 6 101 Reykjavík - Sími 691100 - Símbréf 691222 Dónaskapurá fréttastofu hljóðvarps Frá Siglaugi Brynleifssyhi: RÁÐHÚS Reykjavíkur var vígt 14. apríl sl. á sömu stundu og degi sem ætlað var við fyrstu skóflustungu. Þetta hús er fyrsta ráðhús Reykja- víkurborgar, sem er reist sem ráð- hús. Ráðhúsin í borgum Evrópu eru táknrænar byggingar um menningarhefðir, vald og reisn þeirra sem mótað hafa borgirnar. 14. apríl 1992 er sögulegur dag- ur í fremur skammri sögu Reykja- víkurborgar, sé miðað við hundruða ára sögu evrópskra menningarborga. í tilefni vígslunnar var boð haft inni af borgaryfirvöldum, sem hæfði þessum sögulega atburði. Vígslan þennan dag var því hátíðis- dagur. Borgarbúar tóku þátt í þeirri hátíð, þótt skoðanir manna á byggingunni hefðu verið mjög mismunandi. Menn áttuðu sig á þýðingu sögulegrar stundar í sögu borgarinnar. Fjölmiðlar greindu frá vígslunni á þann hátt sem hæfði og sam- kvæmt siðum siðaðra manna. Þó var hér á ein undantekning, sem var annar aðalgeiri fjölmiðlunar ríkisútvarpsins, fréttastofa hljóð- varps. í kvöldfréttum 14. apríl var greint frá atburðum liðins dags hér heima og erlendis og ef mig mis- minnir ekki þá kom „kaffihlaðborð- ið" við sögu, einnig harmagrátur yfir aðgerðum vestrænna þjóða gegn Líbýu og þeim nýja dýrðar- manni og eftirlæti fréttamanna stofnunarinnar, Gaddafi. Þessar fréttir sátu í fyrirrúmi. Seint, ef ekki síðast í fréttatíma, var sagt lauslega frá vígslu ráðhússins og við þá frétt var prjónað þusi einnar stjórnarandstöðuskjóðunnar, sem voru ekki beinlínis neinar hamingjuóskir til Reykvíkinga á þessum hátíðsdegi eða þeirra sem höfðu haft frumkvæði að byggingu fyrsta ráðhúss borgarinnar og unn- ið að þvi að gera það sem vandað- ast. Þessi dónaskapur fréttastofu hljóðvarpsins er tengdur baráttu starfskraftanna gegn núverandi ríkisstjórn, sem glögglega kemur í ljós í allri fréttamiðlun þeirra og fréttaskýringum innlendra at- burða. í þeim langsömu samningaviðræðum undanfarna mánuði virðist fréttastofa hljóð- varps vera mjög höll undir þá ein- staklinga sem telja sig vera full- trúa „þjóðarinnar" í baráttunni gegn vondri ríkisstjórn sem ætlar, að þeirra skoðun, að rústa velferð- arkerfið og menntunina í landinu. Eins og allir mega sjá hefur vel- ferðarkerfið verið vel nýtt af þeim sem þarfnast takmarkaðs fjár- hagslegs velferðarkerfis og um menntunina er það að segja að skólastefna undanfarinna áratuga er langt komin með að rústa menntun í landinu og að þeirri stefnu hafa staðið þeir aðilar sem hæst geipa um áhuga „kennara- samtakanna" um menntun og menningu. Þar keyrði um þverbak í valdatíð stofnanda „þeirrar litlu menningarskrifstofu" í London. En sá maður ætlaði sér að fjölga starfskröftum fræðslugeirans um 2.000 manns og samkvæmt skoðun glöggs manns, yrðu um 1.600 þeirra starfskraftar á skrifstofum. Því greip um sig mikið írafár þeg- ar loksins kom til sögunnar mennt- amálaráðherra sem vinnur að því að reisa við fræðslukerfið þeim til farsældar sem það er ætlað, en ekki þeim sem hafa notað það sjálf- um sér til nokkurs ábata, sem eru nú skeleggastir baráttumenn „kennarasamtakanna". Barátta forystumanna ríkis- starfsmanna og kennarasamtaka er orðin svo Ieiðigjörn við kaffi- hlaðborðið að sá góði Jaki, segist aldrei hafa tekið þátt í jafn hrút- leiðinlegum viðræðum og vill hverfa af þessum baráttuvettvangi hlaðborðsins. En fréttastofa hljóð- varps heldur sínu striki og síðasta dæmið um aðferðirnar og dóna- skapinn er aðför þeirra sem ala sem mest á almúga-meinseminni gegn því sögulega afreki, sem bygging ráðhúss Reykjavíkur er. SIGLAUGUR BRYNLEIFSSON Mistök? Frá Gesti Sturlusyni: EINN af mínum uppáhaldsþáttum í Sjónvarpinu er náttúrulífsþættir David Attenborough. Þar fer sam- an góður texti og frábær mynda- taka. Einn af þessum þáttum er mér einna minnisstæðastur, þar sem hann fjallaði um varnartæki og tækni dýra í sókn og vörn. Mörg af þessum vígtólum dýranna eru stórhættuleg ef þeim er beitt af fullu afli. En eitt áttu þessi dýr sem hér var um fjallað sameigin- legt. Þau beittu þeim aldrei innan sinnar tegundar. Þeim var einung- is beitt til ógnunar í lífsbarátt- unni, aðalega baráttu um maka og fæðu. Auðvitað gátu slys átt sér stað en það voru bara undan- tekningar sem sönnuðu regluna. Og þá var mér augljós ein hræði- leg staðreynd. Maðurinn er eina tegundin á þessari plánetu sem drepur innan sinnar tegundar með þeim hræðilegu afleiðingum sem við höfum daglega fyrir augum, einnig í fjölmiðlum. Mannkynssag- an er blóði drifin og nú hefur maðurinn tækni og mátt til að eyða öllu lífi á jörðinni. Þarna hafa orðið einhver mistök með lífið og þar á ég fyrst og fremst við mann- inn á þessari jörð. GESTUR STURLUSON Hringbraut 50 Reykjavík VÁ „UPPSKe&AN l>'lN f-e D/IUÐ/ID/EMD- • / H/N HG€€>tLE<S/4 KATT/1/H/NTOBJ-/U.LA. Víkverji skrifer Það heyrast margar sögur af fermingarbörnum þessa dag- ana. Aðallega eru þær tengdar margréttuðum matarveislum og gjafmildum gestum. Skrifari var einn af mörgum sem nýlega sótti fermingarveislu austur á Hvolsvelli. Gestum'var sagt að maturinn yrði kjötsúpa og súpukjöt. Tóku margir þessu sem gríni og trúðu mátulega. En þetta er uppáhaldsmatur stúlk- unnar sem fermdist og við loforðið var staðið enda veislan henni til heiðurs. Eftir að veislugestir höfðu sann- færst létu þeir sér vel líka. Voru þeir að lokum saddir og sællegir af alvöru mat, en ekki mettir af sykri og mæjonesi. Á eftir var síðan kaffi og pönnukökur ásamt fleiru. Má hrósa foreldrunum fyrir hug- rekkið að brjótast út úr hefðinni. Fermingarbarnið var líka ánægt og þá er tilganginum náð. Undanfarið hefur verið mikið ritað og rætt um fermingar- gjafir. Þótt frásagnir af óhóflegum gjöfum hljóti í sumum tilfellum að vera orðum auknar virðast viðmæl- endur fjölmiðla sammála um að ef verið er að ferma einhvern nákom- inn, til dæmis systkinabarn, þá dugar ekkert minna en tíu þúsund krónur. Ef gesturinn slæðist hins vegar inn í fermingarveislu hjá ein- hverjum sem hann er lítt tengdur, t.d. barni samstarfsmanns, þá er upphæðin eitthvað lægri, en drjúg samt. Víkverji á nokkur systkina- börn á svipuðu reki og þótt enn séu allmörg ár þar til þau fermast er ekki ráð nema í tíma sé tekið. Mið- að við kröfurnar er þrautalendingin fyrir Víkverja sú að hefja reglu- bundinn sparnað hið snarasta, svo hann verði sér ekki til skammar vegna snautlegra gjafa um alda- mótin. Eða er ef til vill mál að linni? í Morgunblaðinu síðastliðinn sunnudag birtist grein um ferming- ar og þó frekar um veislurnar og óhófið en hina trúarlegu hlið þessar- ar stóru stundar í lífi unglinganna. Einnig var greint frá dæmum um hvernig staðið er að fermingarvejsl- um í nokkrum nágrannalöndum okkar. Þar kom fram að tilstandið í kringum ferminguna er miklum mun minna en hér á landi og yfir- leitt er aðeins nánustu fjölskyldu fermingarbarnsins boðið til veislu. Islendingar fagna sumarkomunni á hefðbundinn hátt í dag og í huga Víkverja er þessi séríslenski hátíðisdagur alltaf gæddur sérstök- um ljóma. Fyrir nokkrum árum var skrifari staddur á sumardaginn fyrsta á Skagaströnd og þó snjó- hraglandi væri og kalt í loftj var vor í svip krakkanna sem fóru í skrúðgöngu með íslenska fánann. Vonahdi fá þau og aðrir landsmenn gott veður í dag og gott og gleði- legt sumar. «
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.