Morgunblaðið - 17.05.1992, Blaðsíða 6

6 FRÉTTIR/INNLEIUT
MORGUNBLAÐIÐ SUNNUDAGUR 17. MAÍ 1992
Þing Landssambands iðnverkafólks:
Nauðsynlegt að taka
lí feyríssj óðakerfið
til endurskoðunar
Verkalýðshreyfingin þarf að vera vel á verði til að tryggja að mark-
mið nýgerðra kjarasamninga um kaupmáttaraukningu til handa tekju-
lágu fólki verði ekki að engu gerð, annað hvort með stefnu stjórn-
valda eða öðrum þáttum í efnahags- og atvinnulífi, segir meðal annars
í kjara- og atvinnumálaályktun þings Landssambands iðnverkafólks,
sem haldið var i Borgarnesi fyrir skömmu. Auk ályktunar um kjara-
og atvinnumál samþykkti þingið einnig ályktanir um málefni lífeyris-
sjóða, heilsuvernd í fyrirtækjum, menntunarmál, jöfn laun, EES-samn-
inginn, umhverfismál og velferðarmál.
í ályktun um kjara- og atvinnu-
mál segir ennfremur að ríkisstjórnin
hafi verið óbilgjöm í garð launa-
fólks, ekkert frumkvæði sýnt í kjara-
málum og yfirlýsing hennar í tengsl-
um við miðlunartillögu ríkissátta-
semjara sé fremur rýr. Þó sé eftir-
gjöf hennar á ýmsum sviðum mjög
mikilvæg, eins og hvað varðar vexti
í félagslega íbúðakerfinu, óskertan
rétt til atvinnuleysisbóta og fæðing-
arorlofs, ríkisábyrgð á iaunum og
lífeyrisiðgjöldum og fleira. Þá er
þeim tilmælum beint til stjórnvalda
að þegar verði grípið ti! beinna að-
gerða í atvinnumálum og er gerð sú
krafa til atvinnurekenda að þeir noti
það svigrúm sem stöðugleiki efna-
hagslífsins hefur gefið þeim til at-
vinnuuppbyggingar.
í ályktun um lífeyrismál segir að
nauðsynlegt sé að taka lífeyrissjóða-
kerfíð til gagngerrar endurskoðunar.
Það hafi lengi verið Ijóst að kerfi
rúmlega 80 sjóða þar sem margir
sjóðanna séu smáir og getulitlir sé
afar óhagkvæmt. Hagur sjóðfélaga
sé betur tryggður í stærri og öflugri
sjóðum. Þá er þess krafíst að lífeyris-
réttindi landsmanna verði jöfnuð og
að fyrirliggjandi frumvarp um starf-
semi lífeyrissjóðanna verði að lögum.
Það sé óviðunandi að ekki sé til heild-
stæð löggjöf um viðamesta trygging-
arkerfí landsmanna að almanna-
tryggingunum undanskyldum. For-
tíðarvandi sjóðanna er gerður að
umtalsefni. Vitað sé að margir sjóð-
anna komi ekki til með að geta stað-
ið við skuldbindingar sínar um
lífeyrisgreiðslur í framtfðinni í sam-
ræmi við það sem lofað sé. Að lokum
segir: „10. þing Landssambands iðn-
verkafólks leggur ríka áherslu á
mikilvægi þessara mála og nauðsyn
þess að niðurstaða náist í nærfellt
tveggja áratuga umræðu um endur-
skipulagningu lífeyrissjóðakerfísins.
Verkalýðshreyfíngin getur ekki stað-
ið að því að skylda verkafólk til að
greiða í lífeyrissjóði, sem ekki fá ris-
ið undir þeim lífeyrisloforðum sem
þeir gefa.“
í ályktun um heilsuvernd í fyrir-
tækjum er þeim tilmælum beint til
Vinnueftirlits ríkisins að atvinnurek-
endum verði gert skylt að fullnægja
ákvæðum laga um heilsuvernd en
samkvæmt þeim skal heilsuvemd
starfsmanna falin heilsugæslustöð
eða sjúkrahúsi. Vinnueftirlitinu beri
að sjá svo um að samningar séu
gerðir milli atvinnurekenda og
heilsugæslustöðvar um heilsuvernd-
ina og jafnframt er það skylda
Vinnueftirlitsins að setja reglur um
læknisskoðanir.
Þá tekur þingið undir ályktun Al-
þýðusambands Islands um að þjóðar-
atkvæðagreiðsla fari fram um EES-
samninginn og hvatt er til víðtækari
kynningar á honum. Einnig telur
þingið að verkalýðshreyfingunni sé
nauðsynlegt að móta skýra stefnu í
umhverfismálum og beinir því til ASI
að efna til fræðslu- og kynningar-
funda meðal verkafólks um umhverf-
ismál með það að markmiði að móta
stefnu verkalýðshreyfíngarinnar í
þessum mikilvæga málaflokki.
Eftirtalin voru kjörin í stjóm
Landssambands iðnverkafólks næsta
kjörtímabil: Guðmundur Þ. Jónsson,
Reykjavík, formaður, Kristín Hjálm-
arsdóttir, Akureyri, varaformaður,
Hildur Kjartansdóttir, Reykjavík, rit-
ari, og Sigurgeir Stefánsson, Húsa-
vík, gjaldkeri.
Morgunblaðið/Sverrir
Keppendur í reiðhjólakeppninni, sem fór fram við Perluna 9. maí síðastliðinn. Svo sem vera ber
báru allir keppendur öryggishjálma reiðhjólamanna, enda voru reiknuð refistig fyrir að bera ekki
slíkan hjálm.
4400 böm í reiöhjólakeppni
Endanleg úrslit fást er sigurvegarar riðla hittast í haust
ÁRLEG reiðhjólakeppni grunnskóla fór fram við Perluna á vegum
Umferðarráðs 9. maí og sigraði þar lið Grunnskólans í Grindavík,
en númer tvö í keppninni varð lið Austurbæjarskóla. í þriðja sæti
var svo Engidalsskóli. Alls tóku 35 skólar þátt í keppninni, þar af
15 skólar úr Reykjavík. Fjöldi keppenda var 140. Þetta var keppni
fyrir riðil, sem nefndist Suður- og Suðvesturland, en í haust keppa
síðan sigurvegarar í hveijum 5 riðla af landinu öllu saman og
fæst þá niðurstaða í því, hveijir séu beztir reiðhjólamenn.
Tilhögun keppninnar var breytt
frá því sem áður hafði verið, þar
sem um sveitakeppni var að ræða.
í fyrstu voru keppendur fundnir
frá hveijum skóla með því að láta
nemendur 7. bekkjar gangast und-
ir próf og gerðu það alls 4400
nemendur.
Keppni fyrir Norðurland fór
fram á Akureyri og fyrir Austur-
land á Reyðarfírði 30. apríl.
Keppnin á Vesturlandi var haidin
í Borgarnesi 25. apríl, en keppni
í Vestfjarðariðli hefur enn ekki
verið dagsett.
Þeir nemendur, sem sigruðu í
Suðurlands og Suðvesturlandsriðl-
inum voru Axel F. Sigursteinsson
og Benný Ósk Jökulsdóttir, sem
sáu um bóklega þáttinn og Birgir
R. Jónsson og Óli Jón Kristinsson,
sem sáu um góðaksturinn. Þau eru
frá Grindavík. í öðru sæti varð
Austurbæjarskóli, þar sem Hólm-
fríður Steinþórsdóttir og Valgerð-
ur Einarsdóttir sáu um bóklega
þátt keppninnar, en Björn Krist-
jánsson og Ingólfur Guðmundsson
um góðaksturinn. í þriðja sæti
varð svo Engidalsskóli, þar sem
Anna Lind Kristjánsdóttir og
Ragnar Pétursson sáu um bóklegt,
en Jón Vignir og Eiríkur Ingvars-
son um góðaksturinn.
í Norðurlandsriðli urðu sigur-
vegaraar Grunnskóli Sauðárkróks,
í öðru sæti Síðuskóli á Akureyri
og í hinu þriðja Oddeyrarskóli. Sig-
urvegarar í þeim riðli heita: Bryn-
hildur Stefánsdóttir, Dagur Þór
Baldvinsson, Gunnar Páll Krist-
jánsson og Kristín Rós Magnadótt-
ir, öll frá Sauðárkróki.
í Austurlandsriðli sigraði Eiða-
skóli, í öðru sæti varð Egilsstaða-
skóli og í hinu þriðja grunnskólinn
á Seyðisfírði.
í Vesturlandsriðli urðu úrslit
þannig að grunnskóli Eyrarsveitar
í Grundarfirði sigraði, en keppend-
ur hans voru Heiðar Þór Bjarna-
son, Vigdís Gunnarsdóttir, Sindri
Sigurjónsson og Valgeir H. Kjart-
ansson. I öðru sæti varð Klepp-
járnsreykjaskóli, en keppendur
hans voru: Einar Reynisson, Þór-
mundur Blöndal, Ásmundur
Sveinsson og Steinunn Einarsdótt-
ir. í Þriðja sæti varð Varmalands-
skóli með keppendurna: Björk Sig-
ursteinsdóttur, Hákon Þorsteins-
son, Halldóru Kristjánsdóttur og
Margréti Jómundsdóttur.
Vegir á Vesturlandi ver á
sig komnir en annars staðar
Hvannatúni í Andakíl.
Á FUNDI um vegamál á Vesturlandi kom fram að vegir á á þeim lands-
hluta er ver á sig komnir en annars staðar á landinu. Samþykkt var
ályktun á fundinum þar sem segir að núverandi ástand vega á svæðinu
sé algjörlega óviðunandi ogþegar farin að hafa neikvæð áhrif á nýsköp-
un í atvinnulífi héraðsins. Áformuð uppbygging vegakerfisins eins og
hún komi fram í vegaáætlun og langtímaáætlun um vegagerð sé ekki
í neinu samræmi við umferðarþunga og mikilvægi samgangna fyrir
byggðina og er skorað á ráðamenn að endurskoða þær áætlanir.
Á annað hundrað manns sótti
fundinn í félagsheimilinu Brún í
Bæjarsveit. Fundarboðendur voru
Samtök sveitarfélaga Borgarfjarðar
norðan Skarðsheiðar. Þingmönnum
Vesturlandskjördæmis var boðið á
fundinn og voru þeir allir viðstaddir,
svo og Vegagerð ríkisins, Borgar-
nesi.
Frummælandi f.h. samtakanna
var Magnús B. Jónsson oddviti And-
akílshrepps. hann dró heldur dökka
mynd af ástandi vega í kjördæminu
og sótti tölur þar að lútandi úr skýrsl-
Harður árekst-
ur í Kópavogi
HARÐUR árekstur tveggja bif-
reiða varð á mótum Nýbýlavegar
og Dalbrekku um kl. 18 á föstu-
dag.
Okumaður annarar bifreiðarinnar
slasaðist og kvartaði undan miklum
eymslum í hálsi. Hann var fluttur á
slysadeild, en meiðsli hans voru ekki
talin alvarleg.
um Vegagerðar ríkisins. Aðeins um
4,5-5% heildarfjárveitinga var og er
ætlað að verja til Vesturlandskjör-
dæmis árin 1991 til 1993. Hlutfall
bundins slitlags á landinu er næst-
lægst þar, eða 22%. Umferðarþungi
jókst á Vesturlandi um 5,5% meðan
landsmeðaltal var 1,1% milli áranna
1989 og 1990.
Aðeins Qórðungur vega á landinu
er með meiri umferðarþunga en 200
bíla á dag, á meðan þrír þjóðvegir,
Borgarfjarðarbraut (frá Seleyri að
Haugum í Stafholtstungum), Akra-
nesvegur og Geldingadragi ná þess-
um þunga utan Vesturlandsvegar
norður og vestur á Snæfellsnes.
Af hálfu Vegagerðarinnar skýrði
Birgir Guðmundsson langtímaáætlun
Alþingis og undirbúning að vegaá-
ætlun og Auðunn Hálfdánarson
sýndi fyrstu hugmyndir að vegastæði
Borgarfjarðarbrautar úr Andakíl á
Kleppjámsreykjum.
Bjarni Guðráðsson afhenti þing-
mönnum og oddvitum undirskrifta-
lista með nöfnum 829 manna sem
skora á Vegagerð og þingmenn að
bæta nú þegar úr slæmu ástandi
vega í Borgarfírði norðan Skarðs-
heiðar. Auk þess tóku yfir 20 manns
til máls.
- D.J.
Frá fundinum í félagsheimilinu Brún. Morgunbiaðið/Diflrik Jóhannsson
Morgunblaðið/Ólafur Bernódusson
Benni og Gummi fá grásleppu hjá körlunum á Helgunni til að hengja
upp og láta síga.
Skagaströnd:
Mísjafn afli á grásleppu-
vertíðinni það sem af er
Skagaströnd.
Grásleppuvertíðin er nú í full-
um gangi við Húnaflóann en veið-
in hefur verið fremur dræm það
sem af er.
Mikill munur er þó á fiskiríinu
austan við flóann og vestan. Þannig
hafa bátarnir sem stunda veiðarnar
að vestanverðu gert það nokkuð gott
á meðan þeit' sem eru að austan-
verðu hafa fengið mjög lítið. Helga
Björg HU 7 sem gerð er út frá Skag-
aströnd hefur fengið nokkra góða
túra og hefur mest fengið 17 tunnur
í róðri í vor. Karlarnir á Helgunni
verka hrognin sín sjálfir svo vinnu-
dagurinn er oft langur hjá þeim.
Þegar þeir koma í land erga þeir
eftir að skilja hrognin og koma þeim
á sigti yfír nóttina svo hægt sé að
salta þau daginn eftir. Þetta er tölu-
verð vinna ef aflinn er kannski 10
til 12 tunnur í róðri.
Þegar Morgunblaðið leit inn til
þeirra félaganna einn morguninn
voru þeir að gera sig klára til að
fara að salta hrognin. Hrogn í 12
tunnur biðu á sigtunum og það lá
vel á körlunum, Grími, Gylfa og
Dadda, enda voru þeir fljótir að koma
hrognunum í tunnurnar. Daddi sagði
að alltaf væri að verða erfiðara að
finna pláss fyrir netin með ströndun-
um og taldi hann að þar væru nú
komin allt að 6.000 net í sjó svo sjá
má að þar er þétt setinn bekkurinn.
- ÓB