Morgunblaðið - 17.05.1992, Blaðsíða 12

Bjó vió ofsóknir i fjögur
ór eftir sambúóorslit
OFSÓKNIRNAR byip'uðu 1988 þegar hún og sambýlismaður
hennar slitu samvistir en þau höfðu þá búið saman í sjávar-
þorpi úti á landi í þtjú ár. Saman eiga þau þrjú börn en hún
átti fyrir eina dóttur. Eftir sambúðarslitin Iagði maðurinn hana
í einelti og í fjögur ár bjó hún við símhringingar, hótanir,
skemmdarverk, barsmíðar og nauðganir. Konan segist á þessum
tíma oft hafa haft á tilfinningunni að hún væri aðalleikarinn í
spennumynd. Ofsóknunum linnti fyrir tæplega hálfu ári skömmu
eftir að hún hóf sambúð með öðrum manni.
Sumarið 1988 segist hún
hafa ákveðið að hefja nýtt
líf og flutti því með börn-
in yfir í annan bæ þar sem
henni bauðst bæði vinna og hús-
næði.
„Allan tímann sem við bjuggum
saman beitti hann mig ofbeldi. Ég
hélt hins vegar að þegar hann mis-
þyrmdi mér i heimkeyrslunni fyrir
utan húsið daginn sem ég flutti
væri hann að gera það í síðasta
sinn. Það reyndist hins vegar ekki
raunin því þá fyrst byrjuðu ofsókn-
irnar,“ segir hún.
Margítrekaðar nauðganir
og árásir
Þegar hún hafði komið sér fyrir
með börnin á nýja staðnum flutti
fyrrum sambýlismaðurinn einnig á
staðinn. „í útidyrahurðinni á húsinu
okkar var gler sem hann plokkaði
"úr og kom inn þó það væri læst svo
ég vissi ekki fyrr en hann stóð inni
í miðri íbúð,“
Hún segir allt bæjarfélagið hafa
staðið með sér í að reyna að losna
við manninn. „Það gekk hins vegar
ekki upp því að þótt þetta væri
bara einn maður var við ofurefli
að etja.“
Fljótlega segist hún því hafa átt-
að sig á að ein með börnin fengi
hún engan frið svo hún flutti til
vinkonu sinnar sem bjó annars stað-
ar á landinu. Sambýlismaðurinn
kom hins vegar fljótlega á eftir og
hélt ofsóknunum áfram.
„Þar bytjaði hann á að bijótast
inn í bílinn minn og ég leitaði til
lögreglunnar sem flokkaði þetta
undir heimiliserjur þó við værum
sannanlega skilin og ég byggi hjá
vinkonu minni,“ segir hún.
Hún segir það bráðlega hafa orð-
ið sálarstríð að þurfa að fara út úr
húsi og hún hafi reynt að halda
börnunum sínum inni til að hann
næði ekki til þeirra. Hún segist
hafa þurft að þola margítrekaðar
nauðganir og árásir með verkfær-
um eða berum höndum eftir því
hvað til féll í hvert skipti.
„Sannfærð um að sjá börnin
ekki framar“
Yfirleitt sat hann fyrir henni þeg-
ar hún mætti til vinnu. Hún segist
hafa gripið til þess ráðs að mæta
fyrr á morgnana, jafnvel kl. 6 en
alltaf hafi hann beðið fyrir utan
vinnustaðinn.
„Eitt sinn þegar ég kom til vinnu
um hádegisbilið var hann í bílnum
fyrir utan og skipaði mér að setjast
inn. Næsta sem ég vissi var að
skrúfjárni var beint að hálsinum á
mér og hann ók með mig á afvikinn
stað þar sem hann hótaði að drepa
mig. Þarna hélt hann mér til kl. 8
um kvöldið þegar hann sleppti mér
eftir að ég hafði rætt við hann á
rólegu nótunum í marga klukku-
tíma og lofað honum öllu sem hann
fór fram á. Þennan dag var ég sann-
færð um að ég fengi aldrei að sjá
börnin mín aftur,“ segir hún.
Eftir þetta atvik hafði hún sam-
band við félagsmálafulltrúa á
staðnum og í framhaldi af því hafði
sýslumaðurinn afskipti af mannin-
um. Eftir það fékk hún frið um
tíma.
Hún segir að nokkrum mánuðum
síðar hafí maðurinn hafið sambúð
með annarri konu. Hún hafi þá tal-
ið sig hólpna og í stakk búna til
að búa ein með börnin svo hún
hafí flutt út frá vinkonu sinni. „Eft-
ir slys sem varð í fjölskyldu sambýl-
iskonu hans þurfti hún að flytja
burt um tíma og þá var eins og
hann umturnaðist. Hann hringdi
fullur og hótaði að koma heim til
mín sem ég bað hann að gera ekki.
Þá sagðist hann myndi eyðileggja
bílinn minn. Ég snaraðist með bílinn
til hjóna sem bjuggu í nágrenni við
mig og fékk að geyma hann í bíl-
skúrnum þeirra. Um nóttina var
hins vegar brotist inn í skúrinn og
bíllinn gjöreyðilagður, allt gler
mölvað og bíllinn barður að utan
með hamri. Bíllinn var fjögurra
mánaða gamall,“ segir hún.
Fyrsta skemmdarverkið kært
Þetta var fyrsta atvikið sem hún
kærði. Daginn eftir hafði hún einn-
ig samband við Kvennaathvarfíð í
fyrsta skipti. „Þá var hann að hring-
sóla í kringum húsið hjá mér og
ég þorði ekki að hleypa börnunum
út. Eftir þetta var hann hins vegar
til friðs nokkuð lengi,“ segir hún.
Á páskum nokkrum mánuðum
síðar var bankaði maðurinn upp á
með páskaegg handa krökkunum.
„Þá höfðum við haft frið svo lengi
að krakkarnir áttuðu sig ekki á að
kanna hver væri fyrir utan áður en
þau opnuðu. Hann komst því auð-
veldlega inn og byijaði á að læsa
krakkana inni í herbergi en fór með
mig inn í næsta herbergi þar sem
hann nauðgaði mér. Næstu mánuði
átti það eftir að gerast æ ofan í æ
að hann ryddist inn og nauðgaði
mér,“ segir hún.
„Eitt tækifæri til að
komast undan“
Um haustið flutti maðurinn inn
á íjölskylduna. „Ég reyndi að herða
mig upp í að fá hann til að fara
og minntist á það við hann. Hann
brást hins vegar við með því að
hætta að vinna og vera inni á heim-
ilinu allan sólarhringinn. Alltaf
gætti hann þess að hafa minnst
eitt barnanna hjá sér því að á með-
an vissi hann auðvitað að ég færi
ekki langt.“ Hún líkir þessu við
umsátursástand sem ríkt hafi um
nokkurra mánaða skeið.
Kvöld eitt var hringt í manninn
og honum boðið að taka að sér til-
tekið verkefni daginn eftir, sem
hann þáði. „Ég sá að þetta var
mitt eina tækifæri til að komast
burt en vissi ekki hversu mikinn
tíma ég hefði. í snatri klæddi ég
krakkana í pollabuxur, pakkaði því
allra nauðsynlegasta niður í tösku
og tók rútuna í bæinn.“
Þegar komið var til Reykjavíkur
|
leitaði konan til Kvennaathvarfsins
þar sem hún dvaldi næstu mánuði.
Sifjaspell gagnvart
fimm ára barni
Maðurinn flutti skömmu síðar til
Reykjavíkur en hafði í millitíðinni
eyðilagt ýmsa innanstokksmuni í
íbúð konunnar. Á meðan hún dvaldi
í Kvennaathvarfínu stakk maðurinn
á dekkin á bíl hennar tvisvar. Þá
skar hann í sundur bremsuslöngu
í bílnum svo lá við stórslysi þegar
hún ók af stað og áttaði sig á að
bíllinn var bremsulaus. 011 atvikin
voru kærð en þótt lögreglan lýsti
síðasta atvikinu sem manndrápstil-
raun var ekkert hægt að gera þar
sem engin vitni voru að atburðum
og maðurinn neitaði sakargiftum.
Konan hefur nú búið með börn
sín í blokkaríbúð í Reykjavík í rúmt
ár. Eftir að hún flutti hefur maður-
inn tvisvar framið skemmdarverk á
bíl hennar á bílastæði fyrir utan
heimili hennar. í fyrra skiptið braut
hann rúður en í síðara skiptið hellti
hann vökva yfir bílinn sem leysti
lakkið upp.
Konan hóf sambúð með öðrum
manni fyrir nokkrum mánuðum og
eineltinu er nú lokið.
í heild lagði hún fram ellefu
kærur á hendur fyrrum sambýlis-
manni sínum, síðast fyrir sifjaspell
gagnvart dóttur hennar sem upp
um komst á síðasta ári. Stúlkan var
fímm ára gömul þegar maðurinn
framdi verknaðinn. Það mál er nú
til meðferðar hjá Sakadómi Reykja-
víkur.
„Ekkert sem heitir að láta
ekki bjóða sér“
Konan segir að þeir sem ekki
hafi lent í slíkum aðstæðum átti sig
ekki á því að það sé ekkert sem
heiti að henda út, láta ekki bjóða
sér eða neita að gera það sem
manni sé sagt að gera. Óttinn við
að deyja eða að börnunum verði
gert eitthvað yfirgnæfi alla aðra
hugsun og fólk sitji og standi eins
og því sé sagt án þess að mótmæla.
Hún segist enn vera full ótta.
Ef dyrabjalla eða sími hringi þegar
hún ekki eigi von á því segist hún
oft ekki hafa kjark til að svara.
Hún segist hrökkva við við hvert
aukahljóð sem heyrist í íbúð hennar
og hafa ríka þörf fyrir að allir dag-
ar séu nákvæmlega skipulagðir svo
ekkert komi á óvart.
„Það svíður sárast hvað lítið er
gert í þessum málum og hvað fáir
hlusta. Það er litið á þetta sem eink-
amál tveggja aðila en það getur
ekki verið einkamál þegar ijögur
börn geta ekki farið út að leika sér
nema hafa nákvæm fyrirmæli um
að víkja ekki úr augsýn, fara aldrei
út úr garðinum og koma aldrei
nálægt neinum götum af ótta við
að þau verði tekin,“ segir hún að
lokum.
RHEINLAND-PFALZ - Ferðaævintýri í eigin bíl
WM
Tysk Turist Information
Vesterbrogade 6 d, DK-1620 Kbh. V. Simi: (90) 45 3312 70 95
Spennandi sumarleyfisland í hjarta Þýskalands.
Luxemborg er hliðið að hinum rómantísku
héruðum Rheinland-Pfalz.
Þangað er um 1-3 tíma akstur með bíl.
Njóttu þess að ferðast um Mosel- og Rínarhéruðin.
Flug og bíll í A-flokki til Luxemborgar
verð frá 28.200 kr. á mann m.v. tvo í btl.
Flugvallarskattur kr. 1.250.- er ekki
innifalinn í ofangreindu verði.
FLUGLEIDIR
Traustur fslenskur feröafólagl
Hafðu samband við ferðaskrifstofuna þína.
Söluskrifstofur okkar og umboðsmenn um allt land
eða í síma 690 300
(svarað alla 7 daga vikunnar frá kl. 8:00-18:00),