Morgunblaðið - 15.08.1992, Blaðsíða 17

MORGUNBLAÐIÐ LAUGARDAGUR 15. ÁGÚST 1992
17
Alltaf talið að Stöð 2
ætti mikla möguleika
- segir Sigurjón Sighvatsson um kaup
sín á hlutafé í Islenska útvarpsfélaginu hf.
SIGURJÓN Sighvatsson kvikmyndaframleiðandi í Los Angeles segir að ástæða þess að
einkafyrirtæki hans, Overt Operations Inc., kaupir hlut í Islenska útvarpsfélaginu hf.
fremur en einhveiju öðru fyrirtæki, sé meðal annars sú, að hann telji sig geta lagt
eitthvað að mörkum til að bæta hag fyrirtækisins. Sigurjón kveðst hafa mikla trú á
möguleikum Stöðvar 2. „Það er kannski bjartsýni að halda að erlendir viðskiptajöfrar,
sem eru í sjónvarps- eða kvikmyndarekstri, fari að hlaupa til Islands og líklegra að
eitthvað annað heilli þá en smæðin á íslandi. Ég tel aftur á móti að við höfum ýmsa
möguleika fyrir stöðina, þannig að ef þeir vilja ekki koma til okkar, getum við farið
til þeirra,“ segir Sigurjón í samtaii við Morgunblaðið.
„Ég hef alltaf talið að Stöð 2 ætti mikla
möguleika en ég hef bara ekki verið í aðstöðu
fyrr en nú til að kaupa mig inn í hana, þótt
ég hafi um árabil verið óbeint í viðræðum við
aðila sem eiga í stöðinni. Það hefur bara ekki
orðið af því fyrr en nú,“ sagði Sigurjón.
„Það er rétt að fyrirtækið er skuldsett en
reksturinn hefur breyst mikið til batnaðar og
ég á ekki von á öðru en að fyrirtækið geti
orðið mjög blómlegt og það séu mörg tæki-
færi til að bæta hag þess á ýmsan hátt,“ sagði
hann.
Sigurjón var spurður hvort hann hefði hug
á að hafa bein afskipti af málefnum Stöðvar
2. Sagðist hann fyrst og fremst starfa í fyrir-
tæki sínu í Bandaríkjunum og hefði ýmsu
öðru að sinna og fyrst í stað yrðu afskipti
hans af Stöð 2 því aðeins óbein.
„Ég starfa að vísu meira í dagskrárgerð
og kvikmyndagerð en við dreifingu en það er
sagt að það séu 3.000 manns sem ráði kvik-
mynda- og sjónvarpsbransa heimsins og ég
þekki töluvert af því fólki,“ sagði hann.
Að sögn Siguijóns voru sérstakar aðstæður
sem gerðu það að verkum að hann ákvað að
leggja fram svo mikið fé í félagið. „Ég væri
ekki að gera þetta stórar skuldbindingar ef
ég hefði ekki trú á félaginu og þeim sem þar
eru, Það kom upp sú hugmynd að ég keypti
allan þann hlut sem upphaflega hafði verið
hugsaður fyrir erlenda aðila. Ég vona að með
þvi að selja mér hlutaféð í staðinn telji þeir
að því sé ekki verr varið,“ sagði Siguijón.
Aðspurður kvaðst hann telja að söluverð
hlutabréfanna, sem er um 70 milljónir króna,
hafi verið ásættanlegt. Hann hefði að vísu
viljað greiða lægra verð fyrir bréfin en eigend-
ur félagsins hefðu viljað fá hærra verð og
þetta hefði orðið niðurstaðan.
„Ég held að ekki séu miklar breytingar
fyrirsjáanlegar á innanlandsmarkaði á þessu
sviði og að það sem geti haft áhrif á stöðu
fyrirtækisins séu tækniframfarir í Evrópu og
áhrif af aðild íslands að Evrópska efnahags-
svæðinu. Ég á samt ekki von á að neinar
gagngerar breytingar verði á stöðu sjónvarps
í Evrópu á næstu fimm árum eða svo,“ sagði
hann.
Siguijón var einnig spurður hvort hann
hefði engar áhyggjur af þeim átökum sem
hafa verið á milli hópa hluthafa Stöðvar 2 að
undanförnu. „Ég held að tilkoma mín inn í
þennan hóp hafi kannski orðið til að menn
hafi víkkað sjóndeildarhringinn. Ég hef þar
að auki starfað með mönnum úr báðum þess-
um hópum um árabil á mjög friðsælan hátt.
Ég hef því þá trú að menn geri sér grein fyr-
ir því, að málefni fyrirtækisins, sem er í örum
vexti, séu mikilvægari en einhveijar landa-
merkjadeilur, sem ég kalla svo,“ sagði Sigur-
jón.
Siguijón Sighvatsson
Isafjörður:
Ammón-
íaksleki í
Básafelli
KALLAÐ var á lögreglu og
slökkvilið þegar öryggisloki í
kælikerfi raekjuverksmiðjunnar
Básafells á Isafirði gaf sig með
þeim afleiðingum að ammóníak
fór út í andrúmsloftið uppúr
hádegi í gær. Lögregla tæmdi
húsið og lokaði svæðinu í kring.
Sent var eftir Antoni Helga-
syni, heilbrigðisfulltrúa, en
hann segir að ekki hafi verið
mikil hætta á ferðum þar sem
ammóníakið hefði farið út í
andrúmsloftið utandyra.
Anton sagði að þar sem ammón-
íak væri hvarfgjarnt efni og hyrfí
fljótt í tengslum við súrefni hefði
ekki verið mikil hætta á ferðum.
Aftur á móti ef lekinn hefði orðið
innandyra hefði sú hætta verið fyr-
ir hendi að fiskur skemmdist og
hefði það stundum gerst.
Hjá lögreglunni á ísafirði feng-
ust þær upplýsingar að húsið hefði
verið rýmt og svæðinu í kring lok-
að þar sem óttast hefði verið að
ammóníak fyki inn í rokinu. Ekki
hefði hins vegar komið til þess.
Beið starfsfólkið fyrir utan meðan
loftað var út úr húsinu en 30—40
manns starfa að jafnaði í verk-
smiðjunni.
Ekki aðilar að verð-
samkomulagi um lax
- segir Guðmundur G. Þórarinsson
GUÐMUNDUR G. Þórarlnsson
segir Islendinga ekki hafa verið
aðila að samkomulagi um lág-
marksverð á laxi, eins og kom
fram í frétt norska dagblaðsins
Dagens Næringsliv í gær. „Það
hefði enginn aðili hér getað staðið
að slíku samkomulagi, enda voru
þetta fyrirtæki sem hvert um sig
barðist á markaðinum," sagði
hann, en Guðmundur var stjórnar-
formaður Landssambands fisk-
eldis- og hafbeitarstöðva á árun-
um 1988-1990.
í frétt Dagens Næríngsliv segir að
framkvæmdastjórn Evrópubanda-
lagsins hafi afhjúpað samráð um
verð milli sölusamtakanna í Skot-
landi, Noregi og Hjaltlandi í árslok
1989, sem valdið hefði verðhækkun-
um á laxi á árunum 1990 og 1991.
Þá segir blaðið íslendinga, Færey-
inga og íra einnig hafa tengst sam-
komulaginu, sem var andstætt EB-
reglum.
„Mér er kunnugt um, að Norð-
menn freistuðu þess að koma á lág-
marksverði til að hindra það sem
þeir kölluðu undirboð," sagði Guð-
mundur. „Hér heima voru hins vegar
engin samtök með stöðvunum um
sölu á laxi.“
Landssambandið kvað Guðmundur
hafa verið hagsmunafélag er ekki
hafi beitt sér í sölumálum. „Við vor-
um aldrei aðilar að nokkru samkomu-
lagi um verð, enda hefðum við aldrei
getað það. íslendingar eru ailir kóng-
ar í sínu ríki, og hvert fyrirtæki seldi
fyrir eins hátt verð og það gat náð,“
sagði Guðmundur.
Guðmundur kvaðst hins vegar
minnast kvörtunar frá Norðmönnum,
um að íslendingar seldu laxinn á
lægra verði en þeir. „Auk þess var
talsvert um almennar fréttir í blöðun-
um á þessum tíma um að Islendingar
fengju lægra verð fyrir laxinn en
Norðmenn og Skotar," sagði hann.
----------»■ -----
Kjaradómur:
Reikningur
fyrir 220 tíma
JÓN Finnsson, forseti Kjaradóms,
vill koma því á framfæri að tíma-
fjöldi sá, er hann nefndi í samtali
við Morgunblaðið vegna reiknings
dómenda Kjaradóms fyrir vinnu
sína, hafi verið rangur. Um 220
tíma sé að ræða, en ekki á annað
hundrað, eins og haft var eftir
Jóni í frétt Morgunblaðsins í gær.
Eins og greint var frá í Morgun-
blaðinu í gær hefur verið gerður
reikningur fyrir 770.000 króna
greiðslu til hvers kjaradómenda, auk
ritara dómsins. Miðað við 220 tíma
vinnu jafngildir það 3.500 króna
tímakaupi. Jón Finnsson segir að
vinna á lögfræðistofum sé oft seld
út á 5.000-6.000 kr. tíminn.
ÓSKUM EFTIR SAMSTARFSAÐILUM
AÐ FYRIRTJEKI MEÐ FRAMTÍÐ
Óskum eftir samstarfsaðilum er vilja gerast hlut-
hafar og vinna við iðnfyrirtæki sem hefur góða
framleiðsluvöru með mikla framtíðarmöguleika.
Þeir, sem hafa áhuga og óska frekari upplýsinga,
leggja inn nafn og símanúmer á auglýsingadeild
Mbl. fyrir 19. ágúst merkt: „Fyrirtæki meðframtíð."