Morgunblaðið - 15.08.1992, Blaðsíða 19

MORGUNBLAÐIÐ LAUGARDAGUR 15. ÁGÚST 1992
19
Aðskílnaðarsinnum
vex fylgi í Kaliforníu
Los Angeles. The Daily Telegraph.
ÞEIR eru til sem vilja skipta Kaliforníu í tvö og jafnvel þrjú ríki
og þeim vex stödugt fiskur um hrygg. íbúar 37 af 41 sýslu í norður-
hiuta Kaliforníu samþykktu fyrr í sumar tillögu um að segja sig
úr lögum við suðurhlutann og fulltrúar á þingi ríkisins hafa fylgt
málinu eftir. Það er erfitt að taka aðskilnaðarsinna í
Norður-Kaliforníu jafn aivarlega og til dæmis fólk með svipaðar
hugmyndir á Balkanskaga, en það er víðar í Bandaríkjunum sem
menn vilja skera á pólitísk tengsl við stærri stjórnunareiningar og
mynstrið er yfirieitt hið sama: hvítt og vel efnað fólk í úthverfum
og smábæjum vill sleppa við að borga skatta sem fara einkum í að
reyna að slá á vaxandi vanda stórborganna.
Kalifornía er ekki lengur það draumaríki sem það var eitt sinn
í hugum flestra Bandaríkjamanna; atvinnuleysi er nú hvergi meira
í Bandaríkjunum en þar, eða 9,6 prósent. Á myndinni aka ferða-
menn framhjá heimilislausum Kaliforníubúum í Santa Barbara.
„Árið 2000 verða stjörnurnar í
bandaríska fánanum orðnar fleiri,“
segir Stan Statham, þingmaður á
ríkisþingi Kaliforníu og einn helsti
leiðtogi þeirra sem aðhyllast að-
skilnað. „Norður-Kalifornía er sér-
stakt land, dreifbýlt með hreint
loft og lága glæpatíðni og fólkið
hefur lífsviðhorf sveitafólks. Við
viljum fá að vera í friði og halda
hlutunum þannig."
Það var málstaðnum til fram-
dráttar að atkvæðagreiðslan um
aðskilnað var haldin rétt eftir óeirð-
irnar í Los Angeles, en flestir norð-
anmenn telja þá borg andhverfu
alls þess sem þeir sækjast eftir í
lífinu. Þeir vilja helst draga ríkja-
mörkin norðan við San Fransisco
til að útiloka allar stórborgir úr
hinu nýja ríki, en íbúar þar í borg
vilja einnig sem minnst af suður-
Kaliforníu vita og því eru nú uppi
hugmyndir um að ríkinu verði skipt
í þrennt.
Nyrsti þriðjungur Kaliforníu er
að stórum hluta byggð afkomend-
um fiskimanna og skógarhöggs-
manna frá Nýja-Englandi á austur-
ströndinni og þeim finnst áhrif sín
í fjölmennasta ríki Bandaríkjanna
fara minnkandi eftir því sem
straumur innflytjenda magnast, en
2.000 manns flytjast til ríkisins
hvern dag og fara flestir í fjölþjóða-
deigluna í Los Angeles og ná-
grenni. Eftir áratug eða svo verður
Kalifornía fyrsta ríki Bandaríkj-
anna fyrir utan Hawaii þar sem
afkomendur Evrópubúa verða í
minnihluta. „Það sem er að gerast
í norðurhlutanum er tilraun til að
stofna ríki, sem er nokkurnvegin
alhvítt," segir Kevin Starr, sagn-
fræðingur við Kaliforníuháskóla.
Svipaðra tilhneiginga gætir víð-
ar í Bandaríkjunum, þó ekki sé
kannski rætt um að fjölga stjörnum
í fánanum. íbúar Staten Island,
eins af fímm borgarhlutum New
York, hafa samþykkt tillögu um
að segja sig úr lögum við stórborg-
ina. Staten Island er friðsælt út-
hverfi vel efnaðs fólks, sem telur
hlut sinn fyrir borð borinn þar sem
talsmenn fátækrahverfa borgar-
innar hafa fleiri atkvæði í borgar-
stjórninni. í Miami ætlar ríkra-
mannahverfið Coconut Grove að
lýsa sig sérstaka borg þar sem
enska verður helsta tungan, en
ekki spænska, sem er töluð af
meirihluti Miami-búa.
Margir kvarta nú yfir litlu valdi
ríkisins á Bandaríkjaþingi, því þó
að jafn margir búi í Kaliforníu og
í 22 fámennustu ríkjum Bandaríkj-
anna hafa Kaliforníubúar aðeins
tvo öldungardeildarþingmenn en
hinir 44. Menn telja sig því hafa
margar góðar ástæður fyrir skipt-
ingu ríkisins aðrar en langvinnan
ríg á miili brimbretta- og bíófólks-
ins í suður-Kaliforníu og norðan-
manna, sem telja sig heldur fág-
aðri og íhugulli.
Repúblikanar
ánægðir með
ráðningu Bakers
Clinton með 20% meira fylgi en Bush
Washington. Reutcr.
BANDARÍSKIR repúblikanar varpa nú öndinni léttar eftir að
James Baker utanríkisráðherra tók að sér að stjórna baráttu
Georges Bush Bandaríkjaforseta fyrir forsetakosningarpar hinn
3. nóvember næstkomandi. Repúblikanar vona að Baker snúi vörn
í sókn og tryggi Bush forsetaembættið fram til 1996 en sam-
kvæmt skoðanakönnunum nýtur Bill Clinton, frambjóðandi demó-
krata um 20% meira fylgis en forsetinn.
Niðurstöður skoðanakannana
benda til að nokkuð hafi dregið
saman með Bush og Clinton. Sam-
kvæmt niðurstöðum könnunar,
sem gerð var fyrir CNN-sjónvarps-
stöðina og birt var í gær, nýtur
Clinton fylgis 56% Bandaríkja-
manna en Bush aðeins 37%. Clint-
on gæti því haft um 19% forskot
nú en eftir flokksþing demókrata
í síðasta mánuði var það næstum
því helmingi meira samkvæmt
skoðanakönnunum. Stjórnmála-
skýrendur bíða með óþreyju eftir
að flokksþing repúblikana heijist
í Houston í næstu viku en það mun
án efa njóta mikillar athygli fjöl-
miðla. Repúblikanar gera sér vonir
um, að vinsældir Bush muni auk-
ast í kringum þingið og hinir bjart-
sýnustu láta sig dreym'á um að
hann leiki sama leikinn og í barátt-
unni fyrir fjórum árum þegar hann
skaut Michael .Dukakis, þáverandi
frambjóðanda demókrata, aftur
fyrir sig í kjölfar flokksþingsins.
Bill Clinton sagði í gær að Ba-
ker væri mjög hæfur stjórnmála-
maður en gaf í skyn að þátttaka
hans í skipulagningu kosningabar-
áttu Bush yrði til þess að hún yrði
enn rætnari en ella. Þá sagði A1
Gore, varaforsetaefni Clintons, að
skipan Bakers sýndi best ótta og
örvæntingu repúblikana í kosn-
ingabaráttunni.
ÚÓMSÆTIR RÉTTIR
★ Grillaður svínahryggur 'IOK.
m/bakaðri kartöflu og salati Kr. # tw.'
★ Grillaö lamba innra læri
m/bakaðri kartöflu og salati Kr. #uU.“
★ Grillaðar lambakótelettur ccfi
m/bakaðri kartöflu og salati Kr. uOU."
★ Pítur með úrvali af fyllingum
★ Hamborgarar
★ Samlokur
iVÍOS
vtf\.
50c ®
BSSBB®ttv\.3o-
22.00
REIÐHJOLAUTSALA - STORLÆKKAÐ VERO
20-50%
AFSLÁTTUR
NOTIÐ
TÆKIFÆRIÐ
VERSLIÐ
ÓDÝRT
26“ og 28", verð frá kr. 13.520, stgr. 12.850.
26” og 28", 3 gíra, verð frá kr. 17.360, stgr. 16.490.
24”, verð frá kr. 13.520, stgr. 12.850.
20", verð frá kr. 13.040, stgr. 12.390.
26”, 21 gíra, verð frá kr. 20.950, stgr. 19.900.
24", 18 gíra, verð frá kr. 16.800, stgr. 15.960.
20", 6 gíra, verð frá.kr. 15.120, stgr. 14.365.
16", fótbremsa, verðfrá kr. 10.640, stgr. 10.100.
GREIDSLUKORT OG G R EIÐSLUSAMNINGAR - SENDUM í PÓSTKRÖFU
VARAHLUTIR OG VIÐGERÐIR - VANDIÐ VALIÐ, VERSLIÐ í MARKINU
BMX 20“ með fótbremsu,
verð frá kr. 9.310, stgr. 8.845.
Ármúla 40.
Símar 35320 - 688860
l/^rslunin
jvm
M 9208