Morgunblaðið - 15.11.1992, Blaðsíða 34
34
MORGUNBLAÐIÐ IÞROTTIR SUNNUDAGUR 15. NÓVEMBER 1992
SMÁÞJÓÐALEIKARNIR A MÖLTU 1993
Um 200 milljónir í
íþróttamannvirki
Ráðgjafi Alþjóða ólympíunefndarinnar segir að Malta
geti orðið einn ákjósanlegasti staður Evrópu fyrir íþróttafólk
Samkeppni
fór fram á
Möltu um
lukkudýr
Smáþjóða-
leikanna. Al-
menningi
var gefinn
kostur á að
taka þátt í
kjörinu á
besta lukku-
dýrinu og
varð þjóð-
sagna-
veran
Zep í
dæmi-
gerðum
þjóðbún-
ingi fyrir val-
inu, en höf-
undur er Ric-
hard Caruna.
RÍKISSTJÓRN Möltu hefur
samþykkt aðleggja fram um
200 milljónir ÍSK í byggingu
íþróttamannvirkja vegna 5.
Smáþjóðaleika Evrópu, sem
fara fram á Möltu 25. til 29.
maíá næsta ári. Undirbúhingur
leikanna hefur staðið í nokkur
ár og að lokinni vettvangskönn-
un fyrir nokkru sagði ráðgjafi
forseta Alþjóða ólympíunefnd-
arinnar að Maita gæti orðið
einn ákjósanlegasti staður í
Evrópu fyrir íþróttafólk.
Olympíunefnd Möltu átti hug-
myndina að Smáþjóðaleikun-
um og kom henni á framfæri 1981.
Málið féll í góðan
Eftir jarðveg og þó
Steinþór Möltubúum yrði
Guöbjartsson ekki að þeirn ósk
sinni að halda fyrstu
leikana urðu þeir að veruleika 1985
og fóru þá fram í San Marínó. I
lögum keppninnar kemur fram í
fyrstu grein að hún er opin ólympíu-
nefndum Evrópuþjóða með fólks-
§ölda undir einni milljón íbúa, við-
urkenndum af Alþjóða ólympíu-
nefndinni, IOC, og Sambandi
ólympíunefnda Evrópu, ENOC.
Stofnþjóðir voru frá San Marínó,
Mónakó, Kýpur, Andorra, Möltu,
Lúxemborg, Islandi og Liechten-
stein og hafa þjóðimar skipst á um
mótshaldið annað hvert ár í ofanrit-
aðri röð. Á Kýpurleikunum 1989
var ákveðið að Malta tæki formlega
við leikunum í Andorra 1991 og
héldi þá að tveimur ámm liðnum.
Undirbúningurinn hefur því lengi
staðið yfír, en skipulagningin hófst
fyrir alvöru vorið 1989 og að sögn
ráðamanna hefur gerðri áætlun
verið fylgt.
200 milljónir frá stjóminni
Malta samanstendur af fímm litl-
um eyjum, sem eru í Miðjarðarhaf-
inu um 100 km suður af Sikiley.
Tvær þeirra eru óbyggðar, en
nokkrir bændur búa á Comino, sem
er aðeins um 2,6 ferkílómetrar. Ibú-
ar eru alls um 350 þúsund og búa
nær allir á eyjunni Möltu, sem er
um 316 ferkílómetrar að flatar-
máli, en lengsta vegalengd frá suð-
austurhlutanum til norðvesturhlut-
ans er um 27 km og um 14 km
þvert yfír eyjuna, þar sem lengst
er að fara. Um 30 þúsund manns
búa á Gozo, en eyjan hefur enn
meira aðdráttarafl en Malta og þeg-
ar hafa um 1,2 milljónir nianns
heimsótt hana það sem af er árs.
Íþróttalíf er fjölbreytt og aðstaða
almennt góð, en miklar endurbætur
hafa átt sér stað að undanfömu og
Smáþjóðaleikarnir hafa ekki aðeins
ýtt undir framkvæmdirnar heldur
gert hálfrar aldar gamlan draum
að veruleika.
Á Smáþjóðaleikunum næsta vor
verður keppt í níu íþróttagreinum;
fijálsíþróttum, körfuknattleik, hjól-
reiðum, júdó, tennis, skotfími,
sundi, blaki og siglingum. Júdó-
keppnin verður í nýrri íþróttahöll á
Gozo, en aðrar greinar víðsvegar á
Möltu pg er stutt á milli keppnis-
staða. í flestum tilfellum er ekkert
að vanbúnaði, en ríkisstjómin hefur
samþykkt að
leggja til sem
samsvarar um 200
milljónum ÍSK til
að gera aðstöðuna
enn betri. Þar af
fara um 140 millj-
ónir í byggingu
nýrrar sundlaug-
ar, sem skiptist í
25 m x 50 m hit-
aða keppnislaug
og 25 m x 25 m
dýfinga- og upp-
hitunarlaug, og
um 40 milljónir í
framkvæmdir
vegna nýrrar hlaupabrautar á vell-
inum, þar sem frjálsíþróttakeppnin
verður. Þá hefur verið ákveðið að
byggja nýja íþróttamiðstöð rétt við
sundlaugina og er ráðgert að körfu-
knattleikskeppni kvenna fari þar
fram.
Gífurleg lyftistöng
íþróttaáhugi er mikill á Möltu
og eins og gefur að skilja vegna
náttúmlegra aðstæðna og góðrar
veðráttu nánast allt árið hafa sund-
íþróttir verið ríkur þáttur hjá íbúun-
um. Bertie A. Muscat, fram-
kvæmdastjóri ólympíunefndar
Möltu, sagði við Morgunblaðið, þeg-
ar aðstæður voru skoðaðar fyrir
skömmu, að þrátt fyrir mikinn
sundáhuga og óskir um byggingu
stórrar sundlaugar hefði tekið hálfa
öld að láta drauminn rætast og það
væri Smáþjóðaleikunum að þakka.
„Malta tók þátt í Ólympíuleikun-
um í fyrsta sinn 1928 og sendi þá
sundknattleikslið til Amsterdam.
Liðið reið ekki feitum hesti frá
keppninni og við heimkomuna var
bent á þá staðreynd að til að taka
framförum og ná árangri væri
nauðsynlegt að byggja stóra sund-
laug. Síðan hefur verið daufheyrst
við óskinni og það var ekki fyrr en
við fengum leikana að ríkisstjórnin
gekkst í ábyrgð fyrir því að sund-
laug, sem uppfyllir ýtrustu kröfur,
yrði byggð og tilbúin í tíma.“
Einn tilgangur leikanna er að
eflá ólympíuhreyfinguna og hug-
sjónir hennar og því hefur fram-
kvæmdanefndin hveiju sinni náið
samstarf við IOC. Artur Takac frá
Lúxemborg, formaður tækninefnd-
ar og ráðgjafi Samaranch, forseta
IOC, kynnti sér aðstæður á Möltu
fyrir skömmu og á blaðamanna-
fundi að lokinni úttekt lýsti hann
yfír ánægju sinni með ástand mála.
Hann sagði að sundlaugin uppfyllti
ströngustu kröfur
og efnið á hlaupa-
brautinni yrði eins
og á-frjálsíþrótta-
vellinum í Zurich,
þar sem mörg
heimsmet hefðu
verið sett, og því
væri ástæða til að
líta björtum aug-
um til framtíðar-
innar; Malta hefði
alla burði til að
vera einn ákjósan-
legasti staður Evr-
ópu fyrir íþrótta-
fólk, sem væri að
undirbúa sig fyrir stærri verkefni
eins og Evrópumót, heimsmeistara-
keppni og Ólympíuleika.
Efasemdir
Þegar fyrrnefndur blaðamanna-
fundur var haldinn var undirbún-
ingsvinna vegna sundlaugarbygg-
ingarinnar hafín, en hvorki byijað
á hlaupabrautinni né íþróttamið-
stöðinni. Hægagangurinn var gagn-
rýndur og fram komu efasemdir
um að verkinu yrði lokið í tíma.
Gino Camilleri, forseti ólympíu-
nefndar Möltu, fullvissaði viðstadda
um að staðið yrði við gefín fyrirheit-
og Muscat staðfesti við Morgun-
blaðið nokkrum dögum - síðar að
ekki myndi standa á greiðslum frá
ríkisstjóminni. Hins vegar væri ljóst
að öllum verkþáttum við sundlaug-
ina yrði ekki lokið fyrir vorið. Að-
eins yrði gengið frá áhorfendastæð-
um meðfram annarri langhlið laug-
arinnar og flóðljós yrðu að bíða
seinni tíma, því ekki væri gert ráð
fyrir þessum þáttum í núverandi
fjárhagsáætlun. Þeir breyttu samt
engu um framkvæmd keppninnar
og hefðu ekki áhrif á skipulagning-
una.
Muscat sagði að hvað íþróttamið-
stöðina við háskólann varðaði hefði
fjármálaráðuneytið enn og aftur
áréttað að staðið yrði við allar
skuldbindingar. Aðspurður um hvað
gerðist ef mannvirkið yrði ekki til-
búið í tíma einhverra hluta vegna
sagði hann að þá myndi dagskráin
lengjast á hveijum degi, en ekki
væri ástæða til að óttast að svo
stöddu.
Sama svið og í Barcelona?
Ekki hefur verið ákveðið hvort
opnunarhátíð og lokaathöfn leik-
anna verði á þjóðarleikvanginum í
Ta’ Qali eða á vellinum í Marsa,
þar sem keppt verður í fijálsíþrótt-
um. Knattspymusambandið rekur
þjóðarleikvanginn og þar sem ekki
náðist samkomulag um að leggja
nýju hlaupbrautina umhverfís
knattspyrnuvöllinn var hafist handa
í Marsa, sem er rétt við höfuðborg-
ina, Valetta.
Muscat taldi samt nær ömggt
að þjóðarleikvangurinn yrði fyrir
valinu, því þar væri besta aðstaðan
og m.a. rými fyrir 14.000 áhorfend-
ur. Mikið yrði lagt í hátíðardag-
skrána og m.a. væri verið að kanna
kaup á sviðinu, sem var notað á
Ólympíuleikunum í Barcelona.
Allirásama stað
Mótshaldarar áætla að um 1.000
keppendur taki þátt í leikunum á
Möltu og að auki er gert ráð fyrir
um 300 manna fylgdarliði, þ.e.
þjálfumm, flokksstjórum, farar-
stjómm, læknum og fréttamönnum.
Til þessa hefur keppendum verið
skipt niður á hótel, en sú nýbreytni
verður tekin upp í vor að hafa alla
á sama stað. Um er að ræða nýtt
hótel gegnt spilavítinu í St. Julians,
sem er miðstöð veitingastaða og
skemmtanalífs á eyjunni. Sérstakir
gestir verða á Hiltonhótelinu, sem
er í sáma hverfi og er innan við
fimm mínútna gangur á milli hótel-
anna.
Stutt er á alla keppnisstaði frá
St. Julians, 10 til 30 mínútna akst-
ur, en sigling til Gozo frá Cirkewwa,
sem er á norðvesturhorni Möltu,
tekur hálftíma. Reglulegar rútu-
ferðir verða frá hóteli íþróttafólks-
ins til allra keppnisstaða og auk
þess verður öllum þátttökuþjóðum
séð fyrir sér rútu. „Við létum reyna
á skipulagið síðastliðið vor, þegar
við héldum 600 manna íþróttamót
og allt gekk eins og í sögu,“ sagði
Muscat.
Mikill áhugi
Leikamir á Möltu verða 25. til
29. maí á næsta ári, en kynning á
leikunum er þegar hafin. Víða má
sjá veggspjald með merki leikanna,
nöfnum og fánum þátttökuþjóða,
íþróttagreinum og dagsetningu, en
að sögn Muscats eykst kynningin
jafnt og þétt eftir því sem nær dreg-
ur opnunarhátíðinni.
Nær öll störf verða unnin í sjálf-
boðaliðsvinnu og verður fyrst og
fremst leitað til háskólastúdenta.
„Áhuginn er mjög mikill og á eftir
að aukast," sagði Muscat. „Til að
mynda auglýstum við á dögunum
eftir fólki, sem á að vera keppnislið-
unum til aðstoðar og nú þegar hafa
500 umsóknir borist.“
En áh'uginn er ekki eingöngu
bundinn við Möltu. Norbert Hupert,
ritari stjórnar Smáþjóðaleikanna og
ólympíunefndar Lúxemborgar, sem
var með Takac á Möltu, sagði að
ráðherrar ríkisstjórna þjóðanna,
sem færu með ferðamál, hefðu und-
irritað samstarfssamning með það
fyrir augum að efla samskipti þjóð-
anna á sviði ferðamála. „Smáþjóða-
leikarnir eíu kjörinn vettvangur til
að vekja athygli á þeirri íþróttaað-
stöðu, sem Malta hefur uppá að
bjóða,“ sagði Hupert.
Morgunblaíið/Steinþór
Bertl A. Muscat, framkvæmdastjóri ólympíunefndar Möltu, til vinstri og Charles Camenzuli,
íþróttafréttamaður og einn af upplýsingafulltrúum Smáþjóðaleikanna á Möltu, fara yfir heistu verk-
efnin, sem Iiggja fyrir fram að opnunarhátíðinni í maí.
Melþátttaka ís-
lendinga á Möltu
SAMKVÆMT bráðabirgðatölum er gert
ráð fyrir að 93 íslenskir íþróttamenn
taki þátt í átta greinum á Smáþjóðaleik-
unum á Möltu. í Andorra 1991 voru 90
íslenskir keppendur, 62 á Kýpur, 32 í
Mónakó og 19 í San Marínó, þegar leik-
arnir hófust 1985.
átttökuþjóðunum átta er gert að senda inn
áætlaðan fjölda keppenda og að höfðu
samráði við viðkomandi sérsambönd gerir
ólympíunéfnd íslands ráð fyrir að 10 karlar
og 7 konur taki þátt í fijálsíþróttum, 24 í
körfu karla og kvenna, 6 júdómenn, 4 skot-
menn, 2 siglingamenn, 24 í blaki karla og
kvenna, 3 karlar og 3 konur I tennis og 5
karlar og 5 konur í sundi. Olympíunefndin,
sem greiðir um 50% kostnaðar á móti sérsam-
böndunum, ákveður endanlegan fjölda og verð-
ur að gera það ekki síðar en í mars, en sérsam-
böndin velja þátttakendur.
Ef heldur sem horfir verður metþátttaka
hjá íslendingum á leikunum á Möltu. íslending-
ar hafa aldrei sent eins stóran hóp íþrótta-
manna á eitt og sama mótið og stefnt er að
að þessu sinni, en auk keppenda má gera ráð
fyrir milli 20 og 30 manns á vegum ólympíu-
nefndar og viðkomandi sérsambanda.