Morgunblaðið - 22.01.1993, Blaðsíða 46
46
MORGUNBLAÐIÐ IÞROTTIR FÖSTUDAGUR 22. JANÚAR 1993
■ CHARLES Barkley tók út leik-
bann er lið hans Phoenix Suns tap-
aði fyrir Cleveland 123:119. Bar-
kley var úrskurðaður í eins leiks
bann og 10 þúsund dollara (630
þúsund ISK) sekt fyrir að nöldra í
dómurum eftir tapleik Phoenix
gegn New York á mánudaginn.
■ MARK Price átti mjög góðan
síðari hálfleik og gerði þá 17 af 26
stigum sínum fyrir Cleveland.
Larry Nance kom næstur með 20
stig en hann tók einnig 15 fráköst.
Richard Dumas var stigahæstur í
liði Phoenix með 23 stig og Kevin
Johnson og Dan Majerle gerðu 21
stig hvor.
■ RICKY Pierce gerði 26 stig
fyrir Seattle er liðið vann Lakers í
Los Angeles 101:111. Þetta var 14.
sigur Sonics í síðustu 17 leikjum,
en Lakers tapaði ijórða leiknum af
síðustu fimm.
■ PORTLAND er á mikilli sigl-
ingu þessa dagana og í fyrrakvöld
vann liðið þriðja leik sinn í röð, gegn
Minnesota á útivelli 94:110. Cliff
Robinson var stigahæstur gestanna
með 22 stig, tók 14 fráköst og átti
átta stoðsendingar. Minnesota hef-
ur tapað sjö af síðustu átta átta leikj-
um sínum.
■ PATRICK Ewing var í miklu
stuði er New York sigraði Charl-
otte 114:91. Hann gerði 30 stig og
tók 13 fráköst. Larry Johnson var
stighæstur gestanna með 19 stig og
Kendall Gill kom næstur með 18.
■ TIM Hardaway var með 28 stig
og 13 stoðsendingar er Golden
State vann efsta lið miðvesturriðils
Utah Jazz 120:113. Karl Malone
gerði 30 stig fyrir Utah og tók 12
fráköst í öðrum tapleik liðsins í röð.
■ ROBERT Parish, leikmaður
Boston, komst í hóp með Kareem
Abdul-Jabbar og Elvin Hayes er
hann lék 1.300. leik sinn gegn Atl-
anta Hawks. Boston sigraði
121:106 og gerði Xavier McDaniel
27 stig fyrir Iiðið. Þetta var í annað
sinn í tíu leikjum sem Boston nær
að vinna Atlanta. Boston hefur
unnið níu af siðustu 11 leikjum sín-
um.
■ JEFF Hornacek var hetja
Philadelphiu og gerði 27 stig er
liðið vann Miami á útivelli eftir
framlengdan leik 112:117. Rony
Seikaly var atkvæðamestur í liði
heimamanna með 28 stig. Steve
Smith lék fyrsta leik sinn á tímabil-
inu fyrir Miami eftir hnéuppskurð
og gerði 16 stig.
ÚRSLIT
Körfuknattleikur
NBA-deildin
Miðvikudagur:
Cleveland — Phoenix..........123:119
Boston — Atlanta.............121:106
Miami Heat — Phiiadelphia....112:117
■Eftir framlengingu.
NewYork —Charlotte...........114: 91
Minnesota — Portland..........94:110
Golden State — Utah Jazz.....120:113
L.A. Lakers — Seattle........101:111
Tennis
Opna ástralska meistaramótið í tennis,
2. umferð:
Einliðaleikur kvenna:
5-Mary Joe Femandez (Bandar.) vann Shi-
Ting Wang (Tævan)’7-6 (7-1) 6-4
4-Arantxa Sanchez Vicario (Spáni) vann
Laura Gildemeister (Perú) 6-0 6-1
2- Steffi Graf (Þýskal.) vann Jennifer
Santrock (Bandar.) 6-1 6-1
15- Magdalena Maleeva (Búlgaríu) vann
Petra Langrova (Tékkneska lýðv. ) 6-1 6-0
11- Anke Huber (Þýskal.) vann Veronika
9- Manuela Maleeva-Fragniere (Sviss) vann
Sandra Wasserman (Belgíu) 6-4 6-1
Einliðaleikur karla:
3- Pete Sampras (Bandar.) vann Magnus
Larsson (Svíþjóð) 6-3 3-6 6-3 6-4
Christian Bergstrom (Svíþjóð) vann Henrik
Holm (Svíþjóð) 7-5 2-6 6-4 1-6 6-4
16- Alexander Volkov (Rússlandi) vann
Cedric Pioline (Frakkl.) 2-6 6-7 (7-5) 6-2
7-5 8-6
Alex Antonitsch (Austurríki) vann Chris
Pridham (Kanada) 6-3 6-2 6-7 (10-8) 6-2
10- Wayne Ferreira (S-Afríku) vann Bemd
Karbacher (Þýskal.) 6-3 4-6 6-2 7-5
Arnaud Bötsch (Frakkl.) vann Jonas Svens-
son (Svíþjóð) 5-7 2-6 6-3 7-6 (7-5) 10-8
12- Carlos Costa (Spáni) vann Nicklas Kulti
4Svíþjóð) 6-3 6-7 (7-4) 6-4 6-3
TENNIS / OPNA ÁSTRALSKA
KNATTSPYRNA
FOLK
H DENNIS Smith, framkvæmd-
arstjóri Bristol City var rekinn
frá félaginu í gær. Bristol City
hefur gengið illa í 1. deild og nú
í vikunni tapaði það fyrir Luton
í bikarkeppninni.
■ RUSSELL Osman, fyrrum
miðvörður Ipswich, hefur leikið
með Bristol City, tekur við starfi
framkvæmdastjóra út keppnis-
tímabilið.
■ IMRE Varadi, leikmaður
Leeds, er kominn í lán til Oxford
í einn mánuð.
■ DAVID Speede, sem hefur
leikið sem lánsmaður með Birm-
ingham í þijá mánuði, er kominn
til WBA. Southampton lánaði
hann þangað í tvo mánuði.
■ BRISTOL City er tilbúið að
selja Andy Colt, sem hefur skorað
14 mörk í vetur, til Newcastle á
tvær millj. punda, en Newcastle
var búið að bjóða 1,2 millj. punda
í Colt.
■ HENRIK Larsen, marka-
hæsti leikmaður Dana í Evrópu-
keppninni sl. sumar, hefur verið
lánaður til Aston Villa frá Pisa
á Ítalíu til loka keppnistímabils-
ins. Reiknað er með að Villa kaupi
hann fyrir eina milljón punda í
sumar.
I MARK Hughes, sóknarleik-
maður Man. Utd., varð að fara
af leikvelli í deildarleik gegn QPR
á mánudaginn. Hann fékk skurð
á kálfa og varð að sauma sjö spor
til að Ioka skurðinum.
■ MAN. Utd. er í efsta sæti hjá
veðbönkum í London. Talið er að
líkurnar séu 10-11 á að félagið
verði meistari. Aston Villa kemur
næst á blaði með 11-8 og Black-
burn er í þriðja sæti með 10-1.
■ UNITED, sem er í efsta sæti
í Englandi, með jafn mörk stig
og Aston Villa, en betri marka-
tölu, hefur ekki tapað í síðustu tíu
leikjum sínum.
■ MATTHEW Le Tissier, mið-
herji Southampton, skrifaði í gær
undir nýjan tveggja og hálfs árs
samning við félagið.
JennHér Capriati
í kröppum dansi
Jim Courier sektaður um 63 þúsund krónur
JIM Courier frá Bandaríkjunum var ekki ánægður með dómarann
íleik sínum á Opna ástralska meistaramótinu ítennis, sem nú
stendur yfir í Mebourne í Ástralíu. Hann var sektaður um 1.000
dollara, 63 þús. ÍSK, fyrir að nöldra í dómara. Táningurinn Jenni-
fer Capriati lenti í kröppum dansi f 2. umferð í kvennakeppninni.
Jim Courier, sem er efstur á styrk-
leikalistanum, lét mótspyrnu
landa síns, Robbie Wiess, fara í
taugarnar á sér og mótmælti oft
úrskurði dómara í 1. umferð móts-
ins á þriðjudag. Leiknum lauk þó
með sigri Couriers 6-2 7-5 og 6-4,
en sigurvegarinn varð að greiða
1.000 dollara (63 þúsund ISK) í
sekt fyrir framkomu sína. „Ég var
svolítið reiður. Allir „vafasamir"
boltar voru dæmdir úti en allir
„vafasamir" boltar sem hann sló
voru dæmdir inni,“ sagði Courier.
Þjóðverjinn Michael Stich missti
einnig stjórn á skapi sínu í leik sín-
um gegn Fabrice Santoro frá
Frakklandi og varð að greiða 500
dollara í sekt. Stich hafði betur
eftir erfiðan leik sem stóð yfír í
þijár klukkstundi og 27 mínútur.
Michael Chang og Hollendingur-
inn Richard Krajicek töpuðu báðir
í 2. umferð og eru úr leik eins og
Boris Becker og Ivan Lendl, sem
féllu úr í 1. umferð.
í kvennaflokki bar það helst til
tíðinda að Jana Novotna tapaði fyr-
ir Robin White frá Bandaríkjunum.
Monica Seles, sem reynir nú við
þriðja sigurinn í röð á Opna ástr-
alska, átti ekki í erfíðleikum með
sænsku stúlkuna Maria Strandlund
og Gabriela Sabatini, Steffí Graf,
Arantxa Sanchez Vicario og Mary
Joe Fernandez hafa enn ekki tapað
setti á mótinu.
Jennifer Capriati frá Bandaríkj-
unum lá rúmföst á miðvikudag
vegna magapínu og varð að taka
inn lyf til að geta leikið gegn Flor-
enciu Labat frá Ástralíu í gær.
Capriati, sem er aðeins 16 ára, sigr-
aði þó naumlega í leiknum 6:7, 7:5
og 6:2 og stóð viðureignin yfír í 2
klst. og 17 mínútur. Leikurinn þótti
einn sá besti sem spilaður hefur
verið í kvennakeppninni til þessa.
Capriati ætlaði að leika með Steffi
Graf í tvíliðaleik á mótinu en treyst-
ir sér ekki vegna veikinda.
Jennifer Caprlatl (stóra myndin) lét
magapínu ekki hafa áhrif á sig er hún
sigraði Florenciu Labat. Courier (litla
myndin), varð að greiða sekt fyrir slæma
framkomu gagnvart dómara.
OLYMPIUNEFND ISLANDS
Miklar breytingar
Gísli Halldórsson, formaður
Ólympíunefndar íslands, til-
kynnti eftir að hafa verið endur-
kjörinn með lófaklappi á aðalfund-
inum í gærkvöldi að hann myndi
aðeins starfa áfram sem formaður
fram að næsta aðalfundi að ári.
Framkvæmdastjómarmenn voru
kjömir til fjögurra ára og urðu
miklar breytingar á stjórninni.
Fundurinn kaus Júlíus Hafstein,
Bjarna Friðriksson, Öm Eiðsson
og Einar Vilhjálmsson í 24 manna
stjórn Óí, en til vara voru kjörin
Birna Björnsdóttir, Kristín Gísla-
dóttir, Kjartan Páll Einarsson og
Vildís K. Guðmundsson.
Ellert B. Schram var sjálfkjörinn
fyrsti varaformaður sem forseti ÍSÍ
og Júlíus Hafstein, borgarfulltrúi
og formaður íþrótta- og tóm-
stundaráðs, var kjörinn annar
varaformaður með lófaklappi, en
Ari Bergmann Einarsson fékk
sams konar kosningu í stöðu rit-
ara. Margrét Bjarnadóttir, formað-
ur Fimleikasambandsins, var kjör-
inn meðstjórnandi, en varamenn
þeir Sigurður Einarsson, formaður
Skíðasambandsins, Kolbeinn Páls-
son, formaður Körfuknattleiks-
sambandsins, Hákon Örn Halldórs-
son, formaður Júdósambandsins,
og Ágúst Ásgeirsson, fulltrúi
Fijálsíþróttasambandsins, vara-
menn í sömu röð. Sigurður verður
sjöundi maður í framkvæmda-
stjórn. Tveir framkvæmdastjórnar-
menn gáfu ekki áfram kost á sér;
Gunnlaugur J. Briem sem gjald-
keri og Guðfinnur Ólafsson sem
ritari. Þá voru Ágúst Ásgeirsson
og Hreggviður Jónsson meðstjórn-
endur í fyrri stjóm.
Velta nefndarinnar var 29,4 miHj.
kr. á síðasta starfsári, sem var
reyndar aðeins 10 mánuðir. Hagn-
aður var rúmlega 3,6 millj. og tvær
millj. vora lagðar í sjóð vegna Smá-
þjóðaleikanna á íslandi 1997, en
samþykkt var að sækja formlega
um að halda keppnina með sam-
þykki borgarstjómar Reykjavíkur
og menntamálaráðherra.
KNATTSPYRNA
Guðrún Jóna lék tábrotin
Guðrún Jóna Kristjánsdóttir, einn besti leikmaður kvennaliðs KR í
knattspymu og Iandsliðsmaðurinn, tábrotnaði í fyrsta leik liðsins á
íslandsmótinu innanhúss á dögunum. Hún er í gifsi og verður frá æfingum
í þijár vikur. Guðrún Jóna var þó með í öllum leikjum KR, og gerði sigur-
markið gegn UBK í undanúrslitunum.
Arnar til Víkings
Amar Amarson, 23 ára, sem hefur leikið með
KR tvö sl. ár sem miðvallarspilari og fram-
heiji, gekk í gær frá félagaskiptum í Víking. Faðir
Arnars er Öm Guðmundsson, fyrrum miðvörður
Víkingsliðsins.