Morgunblaðið - 11.09.1993, Síða 21
MORGUNBLAÐIÐ LAUGARDAGUR 11. SEPTEMBER 1993
21
Páfi mælir
fyrirminni-
hlutahópum
JÓHANNES Páll páfi II brýndi
fyrir Eistlendingum í gær að
taka fullt tillit til minnihluta-
hópa í Eistlandi en þar býr
meira en hálf milljón Rússa.
Vikulangri Eystrasaltsferð
páfa lauk í gær í Tallinn. í
ræðu, sem hann flutti á fundi
með menntamönnum í forseta-
höllinni, lagði hann áherslu á
virðingu fyrir minnihlutahópum
og sérstaklega fyrir tungu
þeirra og menningu. Er þetta
viðkvæmt mál í Eistlandi. Sam-
kvæmt nýjum lögum fá þær
fjölskyldur sjálfkrafa borgara-
réttindi, sem bjuggu í landinu
fyrir innlimunina í Sovétríkin
1940, en aðrir verða að sýna
fram á kunnáttu í eistnesku.
Vill ræða
málefnin
KONSTANTIN Mitsotakis, for-
sætisráðherra Grikklands, hóf
kosningabaráttuna í gær með
því að skora á andstæðinga sína
að mæta sér í málefnalegri
umræðu í sjónvarpi. Hefur það
fyrirkomulag ekki enn komist
á meðal Grikkja en þess í stað
eru flokksleiðtogarnir vanir að
halda mikla útifundi þar sem
mest fer fyrir skítkasti og
óhróðri um andstæðingana.
Ríkisstjórn Mitsotakis féll þeg-
ar nokkrir þingmenn stjónar-
flokksins, Nýja lýðræðisflokks-
ins, sögðu sig úr honum og
gengu til liðs við Antonis Sama-
ras, fyrrverandi utanríkisráð-
herra.
Serbar hóta
Serbum
SERBNESKIR hermenn í
Bosníu umkringdu nokkrar
byggingar í bænum Banja Luka
í gær með skriðdrekum til að
mótmæla svartamarkaðsbraski
og gróðabralli margra landa
sinna. í yfirlýsingu þeirra sagði
að hermennirnir hættu lífi og
limum en á sama tíma væru
aðrir, sem kæmu sér hjá her-
þjónustu og gerðu sér mat úr
eymdinni í landinu. Hermenn-
irnir væru tilbúnir til að betjast
gegn þessum mönum, ekki síð-
ur en múslimum og Króötum.
Niðurskurður
á Ítalíu
ÍTALSKA ríkisstjórnin sam-
þykkti ný ijárlög í gær á 11
tíma löngum fundi. Þar er gert
ráð fyrir miklum niðurskurði
og hærri sköttum, sem svarar
um 1.400 milljörðum íslenskra
króna. Þetta er gert til að varna
frekari samdrætti í efnahagslíf-
inu og hættunni á átökum
vegna aukins atvinnuleysis.
Carlo Azeglio Ciampi forsætis-
ráðherra gerir sér vonir um að
þingið samþykki fjárlögin á
næstu tveimur mánuðum en að
því loknu verður boðað til kosn-
inga.
Nýgiftir homwiar
til Tyrklands
HÓPUR 618 nýgiftra banda-
rískra homma kom í gær til
vesturstrandar Tyrklands þar
sem þeir ætla að eyða hveiti-
brauðsdögunum saman. Aðrir
ferðamenn og íbúar bæjarins
Kusadasi fylgdust grannt með
þegar pörin'gengu hönd í hönd
niður landganginn og litu í
búðarglugga. Hefur hópnum
gengið illa að fá fararstjóra þar
sem 61 hommanna er með al-
næmi.
Reuter.
Marcos lagður til hinstu hvílu
FERDINAND Marcos var í gær lagður til hinstu hvílu á Filippseyjum, fjórum árum eftir lát sitt. Hann hvílir nú
í kistu með glerloki í grafhýsi fjölskyldunnar í Batac, en Fidel Ramos forseti veitti ekki leyfi til að greftra Marcos
í Manila. Kistuna báru herforingar frá forsetatíð Marcosar og á eftir kistunni gekk Imelda Marcos berfætt, en
skóeign hennar vakti á sínum tíma heimsathygli. Að athöfn lokinni var fylgismönnum Marcosar hleypt inn í
grafhýsið þar sem þeim gafst kostur á að líta hann augum hinsta sinni.
Breytingar á stefnumálum þýskra jafnaðarmanna
Vilja aukna einkavæðingu
Bonn. Reuter.
ÞÝSKIR jafnaðarmenn hvetja til aukinnar einkavæðingar og sveigj-
anlegri vinnutíma í nýrri efnahagsáætlun, sem gæti orðið grundvöll-
ur stefnuskrár þeirra í kosningunum á næsta ári.
„Samþýsk áætlun um endurnýj-
un, atvinnu- og umhverfismál" eins
og áætlunin nefnist er um margt
frábrugðin fyrri stefnu þýskra jafn-
aðarmanna en helsti höfundur
hennar er Oskar Lafontaine, vara-
formaður flokksins. Verður hún lík-
lega lögð fyrir flokksþing jafnaðar-
manna í nóvember og gæti orðið
megininntakið í stefnuskránni, sem
gengið verður frá í maí nk. Búist
er við þingkosningum í október á
næsta ári.
Núverandi stjórn Helmuts Kohls
kanslara er að vísu harðlega gagn-
rýnd en samt er í raun tekið undir
flestar þær hugmyndir, sem hann
hefur boðað að undanförnu. Jafnað-
armenn hafa til dæmis vent sínu
kvæði í kress hvað varðar einka-
væðingu og vinnutímann.
„Reglugerðafargan, miðstýring
og skriffinnska verða að víkja. Geti
einstaklingar eða einkafyrirtæki
innt jafn vel eða betur af höndum
ýmsa starfsemi, sem nú er í höndum
ríkisins, á að einkavæða hana,“
segir í skýrslunni og lagt er til, að
vinnutíminn verði miklu sveigjan-
legri en nú er. Það er ekki síst stutt-
ur og niðurnjörvaður vinnutími, sem
er talinn veikja samkeppnishæfni
þýsks iðnaðar gagnvart keppinaut-
unum.
Þýskaland
Fjöldi
njósnara í
ráðuneytinu
Bonn. Reuter.
KLAUS Kinkel, utanríkisráð-
herra Þýskalands, hefur beðið
þýsku leyniþjónustuna um
skýrslu í framhaldi af frétt í
einu dagblaðanna, sem sagði,
að komist hefði upp um 30 fyrr-
verandi njósnara austur-þýsku
leyniþjónustunnar í ráðuneyti
hans og í sendiráðum Þýska-
lands erlendis.
Talsmaður Kinkels sagði í gær,
að von væri á skýrslunni á hverri
stundu en ef fréttin, sem birtist í
dagblaðinu Bild, reynist rétt, er
það í annað sinn sem upp kemst
um fjölda njósnara austur-þýsku
leyniþjónustunnar, sem var, frá
því Berlínarmúrinn hrundi. Yfir-
maður hennar, Markus Wolf, er
nú fyrir rétti í Dússeldorf.
Að sögn Bild hefur þýska leyni-
þjónustan fengið upplýsingarnar
frá þeirri bandarísku en hún á í
fórum sínum mikið af skjölum frá
austur-þýsku leyniþjónustunni. I
júlí sl. tilkynnti einn af aðstoðar-
mönnum Helmuts Kohls kanslara,
að ríkisstjórnin hefði fengið lista
yfír 2.000 fyrrverandi njósnara
Austur-Þjóðveija og síðan hefur
ríkt nokkur spenna í þýska stjórn-
kerfinu. Veit enginn nema allt í
einu verði upplýst, að vinnufélagar
hans og aldavinir hafi verið föður-
landssvikarar.
Einn vinsælasti áfangastaður þeírra sem vilja gera
hagstæð innkaup, stærsta verslunarborg Skotlands.
Skemmtun og afþreying. Fjölmargir góðir
veitingastaðir. Öflugt tónlistar- og leikhúslíf.
Mjög góð listasöfn. Einstök náttúmfegurð
skosku hálandanna skammt undan.
á manninn í tvíbýli
í 3 nœtur og 4 daga á Marriott Hotel. *
í Glasgow bjóðum við gistingu á
Vegna mikillar eftirspumar verður
þrautreyndur íslenskur fararstjóri,
Anna Þorgrímsdóttir, farþegum
Flugieiða til aðstoðar og
leiðsagnar í Glasgow strax fró og eftirtöldum gæðahótelum: Hospitality Inn,
með 18. sept til 4. des. Marriott, Stakis Grosvenor og Copthome.
Innifalið er flug, gisting, morgunverður og flugvallarskattar. Á tímabilinu 18. sept. til 4. des.
er innifalið í verði akstur til og frá flugvelli í Glasgow og íslensk fárarstjórn. Akstur þarf að
bóka sérstaklega. Börn, 2ja - 11 ára, fá 9.500 kr. í afslátt. Börn að 2ja ára aldri greiða 3.000 kr.
Enginn bókunarfyrirvari.
Forfallagjald, 1.200 kr., er ekki innifalið í verði. Forfallagjald er valfrjálst en Flugleiðir
hvetja farþega til að greiða það til að firra sig óþarfa áhættu. QATLAS,*
*Verð miðast við gengi 6. ágúst 1993. \ eurocard.
Tilboð fyrir hópa: 2.000 kr. afsláttur
á mann ef í hópnum eru 15 manns eða
fleiri. 40.000 kr. spamaður fyrir
20 manna hóp.
Verslað í heildsölu.
Farþegum Flugleiöa
gefst nú kostur á að
versla í einni stærstu
heildverslun
Glasgow, Makro
Multitrade Centre,
þar sem fást flestar
vörutegundir.
Hafðu samband við söluskrifstofiir okkar, umboðsmenn
um allt land, ferðaskrifstofúrnar eða í síma 690300
(svarað alla 7 daga vikunnar frá kl. 8 -18.)
FLUGLEIDIR
Tramtur íslenskur ferðafélagi