Morgunblaðið - 18.09.1993, Blaðsíða 14

14
MORGUNBLAÐIÐ LAUGARDAGUR 18. SEPTEMBER 1993
Asgeir Guðbjartsson, skipstjóri á Guðbjörgu IS-46
„Það er alltaf eftirsjá að
þessum blessuðu bátum“
ÁSGEIR Guðbjartsson, skipstjóri á Guðbjörginni ÍS-46, hinu
þekkta aflaskipi og einn eiganda Hrannar hf. á ísafirði, segir
að aðalástæðan fyrir því að útgerðin hafi ákveðið að láta smíða
fyrir sig frystitogara í Noregi sé eðlileg endurnýjun á skipinu
sem sé orðið tólf ára gamalt. Þá sé enginn rekstrargrundvöllur
fyrir ísfisktogura í dag, auk þess sem nýja skipið verði útbúið
til rækjuveiða jafnhliða veiðum á bolfisk. „Þegar þeir sverfa svona
að kvótanum eins og allir vita, þá verður maður að vera á skipi
sem hægt er að sækja á út fyrir 200 mílurnar og geta snúið sér
eitthvað að rækju með. Það hefur gefist vel hjá mörgum. Við
verðum að reyna að lengja úthald skipsins. Það gefur miklu
meiri möguleika þegar maður er kominn á svona frystiskip og
svo er náttúrulega ekki hægt að líkja saman verðinu sem fæst
fyrir afurðirnar. Það er svo svimandi hátt verð hjá þeim miðað
við það sem við fáum fyrir að leggja okkar fisk í land,“ sagði
Ásgeir í samtali við Morgunblaðið.
Rekstrargrundvöllur ekki
sambærilegur
Hann sagði að rekstrargrund-
völlur ísfisktogara og frystitogara
væri alls ekki sambærilegur og það
hefði verið algjörlega útilokað að
láta sér detta í hug að endurnýja
skipið með því að fá sér nýjan ís-
fisktogara. Þeir hefðu alltaf viljað
endumýja skipin þegar þau væm
í toppstandi .og einhvers virði en
ekki bíða og keyra þau alveg út
og fá lítið eða ekkert fyrir þau.
Aðspurður sagði hann að samning-
urinn um nýja skipið væri mjög
góður og þetta væri sérstaklega
gott skip sem þeir væru að láta
smíða fyrir sig sem skapaði mikla
möguleika. Áætlað væri að það
yrði sjósett 20. febrúar næstkom-
andi. Búið væri að vinna að málinu
í heilt ár og skipið hefði verið tank-
prófað seinnipartinn í janúar.
Alveg eins og sálin í manni
„Það er alltaf eftirsjá að þessum
blessuðu bátum mínum. Þetta er
alveg eins og sálin í manni, það
get ég sagt þér, “sagði Ásgeir að-
spurður hvort ekki væri eftirsjá að
Guðbjörginni. „Þegar ég fór af síð-
ustu og yfir á þessa nýju þá hugs-
aði ég bara; mikið má þetta vera
gott skip þetta nýja sem ég er að
fá ef það kann að vera betra en
hitt, og ég hugsa alveg eins í dag.
En svo kemur bara á daginn að
það nýja skilar miklu meiru. Með
því að auka vélarafl og stækka
skipið virðist vera hægt að draga
mikið meira upp og möguleikarnir
eru miklu fleiri,“ sagði hann enn-
fremur.
Ásgeir sagði að Guðbjörgin væri
næstum jafnlöng og nýja skipið,
rúmlega 67 metrar á lengd, en hún
væri ekki nema 10,20 metrar á
breidd. Hún væri 1.100 tonn og
nýja skipið væri nær tvöfalt stærra.
í rúmmetrum væri gamla skipið
2.700 rúmmetrar en það nýja 4.700
rúmmetrar.
Hann sagði að samskiptin vegna
nýsmíðinnar við íslandsbanka, við-
skiptabanka fyrirtækisins, hefðu
verið ljómandi góð. Þá hefði greint
aðeins á um það að íslandsbanki
hefði viljað að fjárfestingin í íshús-
félaginu yrði nýtt og þeir yrðu
áfram inni í þessu, en þeir hefðu
ekki treyst sér til þess, það yrði
bara að segja það alveg eins og
er. Það yrði ekki eftir nema einn
isfisktogari sem sæi því fyrir hrá-
efni. „Það þýðir bara ekki að lemja
höfðinu við steininn með þessa
hluti, rekstrarmynstrið er bara
þannig í dag. Þeir fá svo miklu
meira út úr sjófrystingunni heldur
en þeir sem eru með ísfiskinn,"
sagði Ásgeir að lokum.
Góð sala
í Nissan-
bílum
Á ANNAÐ hundrað bílar verða
seldir í þessum mánuði þjá Ing-
vari Helgasyni hf., að sögn Júl-
íusar Vifils Ingvarssonar fram-
kvæmdastjóra. Mest hefur selst
af Nissan Sunny og Nissan
Micra. Bílar með 1400-vélar
lenda í lægri tollflokki vegna
breyttra reglna og hefur verð
á þeim því lækkað. Július segir
að salan hafi gengið framar
vonum.
Hann sagði að mest hefði selst
af Nissan Sunny og Nissan Micra
og hefðu margar pantanir borist
í ’94-árgerðina sem er að koma í
sölu. Júlíus sagði að veruleg lækk-
un hefði orðið á Nissan Sunny
með 1400-vél þar sem bíllinn lenti
í lægri tollflokki en áður. Þá hefði
fyrirtækið komið vel út úr gengis-
málunum og væru bílar með 1600-
vélum einnig á góðu verði. Hann
sagði gleðilegt að bílasala gengi
vel þrátt fyrir samdrátt og sýndi
það að einhver hugur væri í mönn-
um þrátt fyrir erfiða tíma.
Elín Egils-
dóttirstór-
kaupmað-
urlátin
ELÍN Egilsdóttlr stórkaupmaður
er látin. Elín fæddist 17. apríl
1922 í Reykjavík, dóttir hjónanna
Egils Guttormsssonar stórkaup-
manns og konu hans Ingibjargar
Sigurðardóttur. Elín lætur eftir
sig tvö uppkomin börn.
Elín stundaði nám við Verslunar-
skóla íslands og starfaði síðan við
Reykjavíkur Apótek um tíma. Árið
1946 giftist hún Ingólfi heitnum
Gíslasyni og tók hún við verslun
hans að honum tátnum árið 1955.
Árið 19V0 öók Elín við heildvérsl-
un foðurs síns, Egils Guttormsson-
ar, og rak hana þar til hún settist
í helgan stein.
Á ferli sínum gegndi Elín margs-
konar félags- og trúnaðarstörfum.
Hún var kjörin í stjóm Félags ís-
lenskra stórkaupmanna árin 1983-
1987 og árið 1988 var hún sæmd
gullmerki félagsins og gerð að heið-
ursfélaga í því. Þá starfaði Elín um
árabil í þágu Oddfellow-reglunnar.
Karl Steinar ráðinn forstjóri Tryggingastofnunar ríkisins
Þýðingarmikið verkefni í
íslenska velferðarkerfinu
GUÐMUNDUR Árni Stefánsson, heilbrigðis- og trygginga-
málaráðherra, hefur skipað Karl Steinar Guðnason, alþingis-
mann, forstjóra Tryggingastofnunar ríkisins frá 1. október
næstkomandi. Hann segist við ákvörðun sína hafa byggt á
svipuðum grunni og tryggingaráð í mati sínu á umsækjendum
um stöðuna, þ.e. menntun, starfsferli og reynslu, stjórnun
og félagsstörfum, en fleiri atriði hafi einnig komið til athugun-
ar.
„í ljósi góðrar grunnmenntunar
hans, í ljósi langrar og farsællar
reynslu hans á vettvangi verka-
lýðsmála sem vissulega er náskyld
því víðtæka starfssviði sem Trygg-
ingastofnun hefur með höndum.
Ekki síður hef ég litið til stjómun-
arstarfa hans í verkalýðshreyfing-
unni, á vettvangi stjórnmála,"
sagði Guðmundur Árni m.a. þegar
hann rökstuddi ákvörðun sína á
blaðamannafundi í gær.
Aðspurður sagði hann að vissu-
lega hefðu fleiri umsækjendur en
Karl Steinar komið til greina í
stöðuna. Hann sagðist að sjálf-
sögðu hafa haft gjörsamlega
frjálsar hendur við ákvarðanatök-
una.
Tryggingaráð ijallaði fyrr í vik-
unni um umsóknir um stöðu for-
stjóra Tryggingastofnunar. I
greinargerð meirihluta ráðsins
sagði, að ákveðið hafí verið að
fjalla ekki í umsögn um einstakar
umsóknir en þá ákvörðun bæri
ekki að skilja á þann hátt að ekki
hafí verið um að ræða fjölda hæfra
einstaklinga heldur hafi ráðið valið
þá leið að velja þá umsækjendur
sem það teldi uppfylla best það
mat sem ráðið hefði lagt til grund-
vallar í umfjöllun sinni. I frétt
Morgunbláðsins um afgreiðslu
tryggingaráðs sl. fimmtudag gætti
ónákvæmni í orðavali þegar sagt
var að ráðið hefði taldið fimm
umsækjendur hæfa til að gegna
forstjórastöðunni.
Áherslubreytingar
. Aðspurður um hvort einhverra
breytinga væri að vænta í Trygg-
ingastofnun með nýjum forstjóra
sagði Karl Steinar að alltaf yrðu
einhveijar áherslubreytingar með
nýjum mönnum en tíminn myndi
leiða þær í ljós. „Ég legg áherslu
á að hér er um að ræða gífurlega
þýðingarmikið verkefni í íslenska
velferðarkerfinu og mikilvægt er
að þessi stofunun sé áfram undir
styrkri stjórn,“ sagði Karl Steinar.
Aðspurður kvaðst hann ekki
efast um að starf sitt að verkalýðs-
málum myndi hjálpa sér á nýjum
starfsvettvangi. „Þar er einkum
það fólk sem er viðskiptavinir
þessarar stofununar og ég bendi
á að sjaldan hefur nokkrum samn-
ingum lokið án þess að verkalýðs-
hreyfingin taki upp málefni er lúta
að almannatryggingum."
Menntun og ferill
Karl Steinar Guðnason er fædd-
ur í Keflavík árið 1939 og lauk
kennaraprófi frá KÍ 1960. Hann
hefur verið þingmaður Alþýðu-
flokksins á Reykjanesi frá 1978
og hefur samhliða starfað á skrif-
stofum Verkajýðs- og sjómannafé-
lagsins í Keflavík og nágrenni.
Hann var formaður Verkalýðs- og
sjómannafélags Keflavikur og ná-
grennis frá 1970-1991 og ritari
félagsins frá 1966 tifl970. Hann
var vaíaformaður Verkamanna-
sambands íslands 1975 tiJ 1987
og 1989 til 1991. Hann hefur ver-
ið formaður Menningar- og fræðs-
lusambands alþýðu frá 1988. Karl
sat í bæjarstjóm Keflavíkur 1970
til 1982. í flokksstjóm Alþýðu-
flokksins frá 1960, ritari 1976 til
1984. Hann sat í stjóm Fram-
kvæmdastofnunar ríkisins 1978 til
1982, formaður um skeið.
Karl Steinar var varaformaður
þingflokks Alþýðuflokksins 1978
til 1983 og 1987 til 1988. Hann
hefur verið formaður fjárlaga-
nefndar Alþingis frá 1991. Við
formennsku í nefndinni tekur Sig-
björn Gúnnarsson frá Akranesi og
Petrína Baldursdóttir úr Grindavík
tekur við sæti hans á þingi.
Eiginkona Karls Steinars er
Þórdís Þormóðsdóttir og eiga þau
fjögur börn.
Karl Steinar Guðnason
Dregnr til baka
umsókn um starf
ritsljóra Tímans
MORGUNBLAÐINU barst í gær eftirfarandi yfirlýsing frá Jóni
Ásgeiri Sigurðssyni sem sent var stjórn Mótvægi hf. útgáfufélagi
dagblaðsins Tímans:
„Ég dreg hér með til baka um-
sókn um starf ritstjóra Tímans, sem
ég sendi Jóni Sigurðssyni stjómar-
formanni Mótvægis hf. sunnudag-
inn 12. september.
Ég sótti um starfið vegna ein-
dreginna tilmæla. En núna er mér
sagt að sumir stjómarmenn Mót-
vægis hafi áhyggjur af afstöðu 01-
íufélagsins hf. sem keypti nýlega
hlutafé í Mótvægi hf.
Stjómarmenn Mótvægis segja
mér að Kristján Loftsson stjómar-,
formaður Olíufélagsins hafi fallist
á nokkurra milljóna króna hluta-
fjárframlag til Mótvægis hf. með
því skilyrði að ég yrði ekki ráðinn
ritstjóri. Sömuleiðisleigi Olíufélagið
Tímanum húsnæði sem það á við
Hverfisgötu, með því skilyrði að ég
verði ekki ráðinn ritstjóri. Ástæðan
er sú að Kristjáni Loftssyni stjórn-
arformanni Olíufélagsins er í nöp
við fréttaflutning minn af hvalamál-
inu, en Kristján er eigandi Hvals
hf. Stuðningsmenn mínir í stjórn
Mótvægis kalla afstöðu Olíufélags-
ins „óþolandi bolabrögð“.
Öfugt við trú Kristjáns er ég
hlynntur ábyrgri nýtingu hvala-
stofna. En sú skoðun mín hefur
engin áhrif haft á fréttir sem ég
hef skrifað fyrir Morgunblaðið og
Ríkisútvarpið um þróun hvalamála,
og um viðhorf Bandaríkjamanna og
annarra í þeim efnum. Fréttamenn
eiga að segja frá öllum hliðum
mála, án tillits til persónulegra við-
horfa. íjölmiáill, sem flytur einung-
is fréttir sem samrýmast einka-
hagsmunum ákveðinna hluthafa,
ávinnur sér ekki traust lesenda.
Breyting Tímans úr flokksblaði
í almennt dagblað hefur dregist úr
hömlu. Vonandi tekst þeim sem
stjóma blaðinu það vandaverk að
umskapa blaðið á trúverðugan hátt.
Þar eð ákvörðun um ritstjóra og
fréttastefnu Tímans virðist undir-
orpin einkahagsmunum ákveðinna
hluthafa, dreg ég umsókn mína til
baka.“
i
>
i
\
i
i