Morgunblaðið - 07.01.1994, Blaðsíða 21

MORGUNBLAÐIÐ FÖSTUDAGUR 7. JANÚAR 1994
21
3.500 fermetra nýbygging við Fjórðungssjúkrahúsið boðin út í mars
Heildarkostnaður við full-
búna byggingu um 450 millj.
Húsið verður þrjár hæðir auk tveggja kjailara
NYBYGGING við Fjórðungssjúkrahúsið á Akureyri verður vænt-
anlega boðin út í mars næstkomandi, en undirbúningur vegna
fyrirhugaðra framkvæmda og hönnun byggingarinnar stendur
nú yfir. Byggingin verður á þremur hæðum auk kjallara og
neðri kjallara, samtals allt að 3.500 fermetrar að stærð, og er
kostnaður áætlaður allt að 450 milljónir króna.
Ingi Björnsson, framkvæmda- una gætu því hafist í sumarbyijun.
stjóri Fjórðungssjúkrahússins a
Akureyri, sagði að á fundi með
samstarfsnefnd um opinberar
framkvæmdir í fyrradag hefði verið
samþykkt að halda áfram hönn-
unarvinnu og að bjóða verkið út í
mars. Framkvæmdir við bygging-
Nýbyggingin verður sunnan
gamla spítalans samhliða honum
og verður á þremur hæðum auk
kjallara og einnig verður svokall-
aður neðri kjallari undir bygging-
unni að hluta. Samtals verður þessi
bygging á bilinu 3.000 til 3.500
Góðtemplarareglan á íslandi 110 ára
Afmælisins minnst með
dagskrá á Akureyri
110 ÁR eru liðin frá stofnun
fyrstu Góðtemplarastúkunnar á
íslandi næstkomandi mánudag,
10. janúar, og verður afmælisins
minnst með dagskrá á Akureyri.
Það var stúkan ísafold nr. 1 sem
þá var stofnuð af 12 hugsjónamönn-
um sem komu saman í húsi Frið-
bjarnar Steinssonar, „Friðbjarnar-
húsi“, en Friðbjörn var óþreytandi í
bindindisbaráttunni upp frá því og
allt til dauðadags.
Góðtemplarareglan breiddist út
um allt land með ótrúlegum hraða
og á tímabilinu 1924 til 1927 var
hún fjölmennust, með rúmlega 11
þúsund félagsmenn. Höfuðáhersia er
nú lögð á forvarnastarf og heimsókn-
ir í skóla hafa verið stærsta verkefni
hennar á yfirstandandi starfsári.
Afmælisins minnst
í tilefni afmælisins verður hátíð-
arguðsþjónusta í Akureyrarkirkju
sunnudaginn 9. janúar kl. 14. Þar
mun stórtemplar sr. Björn Jónsson á
Akranesi predika. Opinn barnastúku-
fundur verður haldinn kl. 16 í Odd-
eyrarskóla þar sem kynnt verður
starf barnastúknanna og skemmtiat-
riði flutt í umsjá Áma Norðfjörðs
og Jóns Guðbergssonar. Um kvöldið
kl. 20.30 verður almennur opinn
fundur á Varðborg, félagsheimili
templara, þar sem afmælisins verður
minnst. Hilmar Jónsson fyrrverandi
stórtemplar, Sigmundur Sigfússon
og Vigdís Steinþórsdóttir hjúkrunar-
fræðingur flytja ávörp og fjalla um
þá sívaxandi vá sem neysla áfengis
og annarra vímuefna veldur, ekki
sist meðal æskufólks. í lokin verða
almennar umræður.
Á afmælisdaginn, mánudaginn 10.
janúár, munu félagar úr fram-
kvæmdanefnd Stórstúku íslands
heimsækja skólana í bænum og ræða
við nemendur um farsæla framtíð —
án áfengis.
SJALFSVORN
FYRIR KONUR
Nútíma kerfi sem virkar á götunni.
Innritun stendur yfir í síma 68 36 00.
mSÍkHEILSUHÆKT
Mörkin 8 v/Suöurlandsbraut, 108 Reykjavík.
DAGTIMAR
fermetrar að stærð eftir því hversu
stór neðri kjallarinn verður.
Fyrri áfanga lokið 1997
Áætlað er að húsið kosti fullbúið
400 til 450 milljónir króna. Á fjár-
lögum þessa árs eru 30 milljónir
til þessa verks, en framkvæmdafé
tveggja síðustu ára hefur verið
geymt þannig að til ráðstöfunar
nú eru 94 milljónir króna. Fyrri
áfangi verksins er uppsteypa á
húsinu, frágangur að utan og ein
hæð fullbúin þar sem verður barna-
deild. Kostnaður við þennan áfanga
er áætlaður um 250 milljónir króna
og gert ráð fyrir að honum verði
lokið árið 1997.
Barnadeildin verður á þriðju hæð
nýbyggingarinnar, fæðingar- og
kvensjúkdómadeild á annarri hæð
og á þeirri fyrstu verður bæklunar-
og augnlækningadeild. Á svokall-
aðri 0 hæð verður aðstaða til
sjúkraþjálfunar, meinafræðideild
og rannsóknardeild. Við fyrirhug-
aða flutninga deilda í nýbygging-
una fá lyflækninga- og handlækn-
ingadeildir aukið rými auk þess sem
aðstaða ýmissa annarra deilda
batnar.
„Ég tel að þessi nýbygging leysi
vel allan okkar húsnæðisvanda og
málum verði vel fyrir komið þegar
verkinu verður lokið,“ sagði Ingi
Björnsson.
Fjölskyldu-
sýning á Góð-
verkunum
TVÆR sýningar verða á nýja
gamanleiknum Góðverkin kalla!
— átakasaga um helgina, önnur
á laugardagskvöld og hin á
sunnudagseftirmiðdag kl. 15.
Gamanleikurinn var sérstaklega
skrifaður fyrir Leikfélag Akureyrar
til sýninga í myrkasta skammdeg-
inu, en þöfundarnir eru þrír Þingey-
ingar, Ármann Guðmundsson, Sæv-
ar Sigurgeirsson og Þorgeir
Tryggvason. Þeir eru einnig höf-
undar laga og söngtexta í sýning-
unni.
Fjórar sýningar voru á gaman-
leiknum milli jóla og nýárs og var
uppselt á þær allar. Sýningin er
sannkölluð fjölskyldusýning og þess
vegna brugðið á það ráð að hafa
eftirmiðdagssýningu næsta sunnu-
dag til að gefa öllu kynslóðum í
fjölskyldunni tækifæri til að sækja
sýninguna saman.
Mj ólkur framleiðsla
hafin á Merkigili
Ytri-Tjörnum, EyjaQarðarsveit.
MJÓLKURFRAMLEIÐSLA er nú hafín að Merkigili í Eyjafjarðar-
sveit að nýju eftir nokkurt hlé, en býlið varð landsfrægt á sínum
tíma þegar þrír ungir menn, tveir bændur og einn kjötiðnaðarmað-
ur stofnuðu þar félagsbúið Þrist, sem hafði þegar mest var samtals
470 þúsund lítra fullvirðisrétt.
Benedikt Hjaltason hefur nú selt
jörðina Merkigil og stundar kúabú-
skap á Hrafnagili eins og hann gerði
áður en til félagsbúsins var stofnað.
Þegar hann var spurður hvað hefði
orðið þess valdandi að Þristur var
lagður niður sagði Benedikt að sam-
staða hefði ekki tekist með þessum
þremur aðilum og því hafí ekki verið
grundvöllur fyrir áframhaldandi
rekstri.
Einnig hafi skuldir verið mjög
miklar og reksturinn því verið mjög
erfiður. Hann taldi þó að ef sam-
komulag hefði haldist hefði rekstur
búsins átt að ganga upp með þetta
háan fuilvirðisrétt.
Hjónin sem nú hafa byijað búskap
á Merkigili heita Axel Yngvason og
Karolína Birna Snorradóttir. Þau
bjuggu áður á Ási 11 í Kelduhverfi í
Norður- Þingeyjarsýslu.
Benjatnín
♦ ♦
HefstlO.jan.
Innritun hafin
Jazzdans er alhliða
þjálfun fyrir allan
líkamann sem veitir þér
líkamlega og andlega
útrás við fjölbreytta
tónlist.Við bjóðum tíma
fyrir alla aldurshópa og
allar tegundir fólks.
Fdiun útrcu og
verum dkapandi
DANSS TÚDÍÓ
sóleyjarA-
- nóSu. {rmf>m b&sta/
Engjateigi 1
Sínuir 687701
og 687801