Morgunblaðið - 07.01.1994, Blaðsíða 25

24
MORGUNBLAÐIÐ FÖSTUDAGUR 7. JANÚAR 1994
MORGUNBLAÐIÐ FOSTUDAGUR 7. JANÚAR 1994
25

Útgefandi
Framkvæmdastjóri
Ritstjórar
Fulltrúar ritstjóra
Fréttastjórar
Ritstjórnarfulltrúi
Árvakur h.f., Reykjavík
Haraldur Sveinsson.
Matthías Johannessen,
Styrmir Gunnarsson.
Björn Jóhannsson,
Árni Jörgensen.
Freysteinn Jóhannsson,
Magnús Finnsson,
Sigtryggur Sigtryggsson,
Ágúst Ingi Jónsson.
Björn Vignir Sigurpálsson.
Kringlan 1, 103 Reykjavík. Símar: Skiptiborð 691100. Auglýsingar:
691111. Áskriftir 691122. Áskriftargjald 1400 kr. með vsk. á mánuði
innanlands. í lausasölu 125 kr. með vsk. eintakið.
FJARHAGSAÆTLUN REYKJAVIKURBORGAR ARIÐ 1994 LOGÐ FRAM
Fjölskyldan á ári
fj ölskyldunnar
Fjölskyldan skipar oft fyrir-
ferðarmikinn sess í ræðum
ráðamanna þegar mikið liggur
við, endu eru flestir sammála
um, að fjölskyldan sé homsteinn
samfélags okkar og það sem
okkur sem einstaklinga skiptir
mestu máli.
Árið 1994 er að frumkvæði
Sameinuðu þjóðanna kallað „Ár
fjölskyldunnar“ og nú býðst því
kjörið tækifæri til að íhuga hver
sé í raun staða fjölskyldunnar í
íslensku samfélagi í dag. Er hún
jafn traust og við kysum helst
eða er nauðsynlegt að styrkja
hana?
Því miður er ekki þannig búið
um hnútana að myndun fjöl-
skyldu sé hagkvæmur valkostur
fyrir ungt fólk. Það getur kostað
ungt fólk tugi þúsunda á mán-
uði ef það kýs hefðbundna sam-
búð og giftingu þegar það byrjar
að eignast böm í stað þess að
búa formlega séð hvort í sínu
lagi sem sjálfstæðir einstakling-
ar.
Sem dæmi má nefna að fólk
í sambúð eða gift hjón eiga mun
erfiðara með að fá dagvist fyrir
böm sín en einstæðir foreldrar.
Þau njóta ekki heldur sömu nið-
urgreiðslna á dagvistarrými eða
hjá dagmæðmm og einstæðir
foreldrar.
Auðvitað er sjálfsagt og eðli-
legt að skapa einstæðum foreldr-
um viðunandi aðstæður til þess
að framfleyta sér og sínum m.a.
með dagvist barna. En það getur
hins vegar ekki talist eðlilegt að
ungu fólki sé beinlínis refsað
fjárhagslega fyrir að kjósa hefð-
bundið sambúðarform. Því miður
er það staðreynd að fjölmörg ung
hjón kjósa fremur að skrá sig
hvort í sínu lagi en saman af
hagkvæmnisástæðum. Þeir sem
kjósa að spila ekki á kerfið með
rangri skráningu hjúskapar-
stöðu verða hins vegar að sætta
sig við mun dýrari valkosti þegar
kemur að dagvist, lægri barna-
bætur, lægri bamabótaauka, oft
lægri námslán og lengri bið eftir
stúdentagörðum.
Allt stuðlar þetta að því, að
barneignir verða til að margt
ungt fólk kýs fremur að hefja
blekkingarleik við kerfið en
mynda fjölskyldu á eðlilegan
hátt. Þannig er smám saman
grafið undan stöðu fjölskyldunn-
ar. Auðvitað kýs þó meirihluti
ungs fólks sem betur fer ennþá
hefðbundna fjölskyldumyndun
þrátt fyrir að það eigi erfítt með
að sætta sig við mismunun af
þessu tagi.
Það hlýtur að vera verðugt
verkefni stjórnmálamanna á ári
Ijölskyldunnar að reyna að koma
til móts við þennan stóra hóp
og styrkja þannig undirstöður
fjölskyldunnar í íslensku samfé-
lagi. Áuðvitað á markmið slíkra
aðgerða ekki að vera að gera
einstæðum foreldmm erfíðara
fyrir heldur þvert á móti að létta
róðurinn hjá hefðbundnum
kjamafjölskyldum og þá ekki
síst í dagvistarmálum.
Fyrir síðustu borgarstjórnar-
kosningar, sem fram fóru vorið
1990, lýstu sjálfstæðismenn því
yfír að þeim mæðmm, sem vildu
hætta að vinna til að geta ein-
beitt sér að öllu leyti að uppeldi
bama sinna, yrði greidd ákveðin
þóknun. Rökin vom þau að slík-
ar greiðslur gætu jafnvel verið
hagkvæmari fyrir skattgreið-
endur en dýr niðurgreiðsla á
dagvistarrými, auk þess sem það
væri mjög gott fyrir ung böm
að njóta náinnar aðhlynningar
móður í lengri tíma en sem nem-
ur sex mánaða fæðingarorlofi.
Þetta vom athyglisverðar
hugmyndir og mæltust mjög vel
fyrir meðal almennings. í síðasta
mánuði var svo útfærsla hug-
myndanna ákveðin. Ætlar
Reykjavíkurborg að greiða þeim
foreldrum tveggja og hálfs til
fjögurra og hálfs árs gamalla
barna, sem sannanlega njóta
ekki niðurgreiddrar dagvistar,
sex þúsund krónur á mánuði.
Líklega verða slíkar aðgerðir
ekki til að margir foreldrar kjósi
að dvelja lengur heima méð
bömum sínum en ella. Þær geta
þó orðið til að létta róðurinn hjá
þeim fjölskyldum, sem ekki hafa
fengið inni með börn sín í niður-
greiddri dagvist, og ber að líta
á þær sem jákvætt skref í átt
að fjölbreyttari valkostum fyrir
fjölskyldufólk. Hin langa bið eft-
ir dagvistarrými er líklega eitt-
hvert mesta áhyggjuefni ungs
fólks í dag og bíða sveitarfélag-
anna mikil verkefni í þeim efn-
um. Má spyrja hvort ekki þurfi
nýja hugsun í dagvistarmálum,
þannig að horfíð verði frá þeim
rándým leikskólaplássum, sem
kerfíð byggist á í dag, og reynt
verði í staðinn að finna ódýrari
lausnir sem nýtast mun fleirum.
En málefni fjölskyldunnar
snúa ekki bara að sveitarfélög-
um. Löggjafa- og framkvæmda-
valdið gæti einnig gert margt
fyrir hina íslensku íjölskyldu.
Frá og með áramótum emm við
hluti af sameiginlegu Evrópsku
efnahagssvæði og eiga Islend-
ingar því rétt á að setjast að í
og njóta sömu réttinda og heima-
menn í sextán öðmm Evrópu-
ríkjum. Ef Island á að vera æski-
legur valkostur fyrir ungt fjöl-
skyldufólk í framtíðinni verður
auðvitað að búa þannig um hnút-
ana, að Qölskyldumyndun sé
ekki ungu fólki þungbærari hér
á landi en annars staðar.
Morgunblaðið/Sverrir
Málin rædd
SVEINN Andri Sveinsson, Árni Sigfússon og Guðrún
Ogmundsdóttir.
Borgarstjórinn
MARKÚS Om Antonsson borgarstjóri á fundinum í gær.
Slegið á létta strengi
SIGURJÓN Pétursson og Július Hafstein slá á létta
strengi.
Atvinnulausir hafi forgang
í RÆÐU Markúsar Arnar Antonssonar borgarsljóra við fyrri um-
ræðu fjárhagsáætlunar á fundi borgarstjórnar i gær vék hann sérstak-
lega að aðgerðum borgarinnar gegn atvinnuleysi. Áhersla hafi verið
Iögð á að halda óbreyttum framkvæmdum á vegum borgarinnar
undanfarin tvö ár og hafa rúmlega níu milljarðar verið veittir til
margvíslegra framkvæmda síðastliðin þijú ár. Sagði hann að sérstak-
ar aðgerðir væm í undirbúningi til að tryggja atvinnulausum for-
gang að störfum við ýmis verkefni. Verið gæti að vinnutími yrði stytt-
ur þannig að fleiri hefðu atvinnu.
_________________________________ Fram kom í máli borgarstjóra að
á undanförnum tveimur árum hafi
höfuðáhersla verið lögð á að halda
framkvæmdum á vegum borgarinnar
óbreyttum og draga með þeim hætti
úr þeim samdrætti sem gætt hefði
í Reykjavík. „Undanfarin þrjú ár
hefur tekist að veita samanlagt rösk-
lega níu milljarða króna til margvís-
legra framkvæmda á vegum borgar-
sjóðs og fyrirtækja borgarinnar,"
sagði Markús. Þetta hafí tekist
vegna sterkrar fjárhagsstöðu borg-
arinnar, sagði hann, og með lántöku
sem borgarstjórn hafi einróma tekið
ákvörðun um.
Borgin vill
Hitt húsið
VIÐRÆÐUR um hugsanleg kaup
Reykjavíkurborgar á „Hinu hús-
inu“ áður Þórskaffi hafa staðið
yfir við eiganda hússin sem er
Landsbanki íslands án þess að
samningar hafi tekist. Þá hafa eig-
endur Reiðhallarinnar i Víðidal
boðið Reykjavíkurborg höllina til
kaups og er málið til skoðunar hjá
Iþrótta- og tómstundaráði, sem
hefur Reiðhöllina nú á leigu.
Sagði borgarstjóri í ræðu sinni á
fundi borgarstjómar í gær, að
Reykjavíkurborg hefði húsnæðið á
leigu. Þar færi fram umfangsmikil
starfsemi á vegum íþrótta- og tó'm-
stundaráðs í samvinnu við fjölmarga
aðila. Þar er einnig rekin upplýs-
ingamiðstöð fyrir ungt fólk í sam-
vinnu við menntamálaráðuneytið.
Þaðan hefur einnig verið stjómað
ýmsum námskeiðum og aðgerðum á
vegum íþrótta- og tómstundaráðs í
atvinnumálum ungs fólks.
Sagði Markús að ef samningar
tækjust ekki kæmi til álita að leita
að öðm hentugu húsnæði fyrir hluta
þeirrar starfsemi sem rekin hefur
verið í húsinu.
Lagt sitt af mörkum
Borgin hafi því lagt sitt af mörk-
um til að milda þá erfiðleika sem
við sé að etja í íslensku efnahags-
og avinnulífi. Um það hafi allir borg-
arfulltrúar verið sammála og því
ætti ekki að koma á óvart að borgar-
sjóður hafí aukið skuldir sínar. „Nú
hafa hins vegar skapast skilyrði til
þess í kjölfar samninga ríkisstjórnar-
innar og aðila vinnumarkaðarins að
draga verulega úr framkvæmdaum-
svifum borgarinnar og komast þann-
ig hjá umtalsverðri aukningu skulda
borgarsjóðs," sagði Markús.
Forgangur
Sagði hann að áætluð lækkun til
framkvæmda yrði ekki til þess að
störfum fækkaði þegar á heiidina
væri litið, þar sem í undirbúningi
væru sérstakar aðgerðir á vegum
borgarinnar til að tryggja atvinnu-
lausu fólki forgang að störfum við
margvísleg verkefni. Þar með yrði
gætt meiri jöfnuðar en unnt væri
að gera með almennum framlögum
til framkvæmda. „Það má vera að
vinnutími kunni að styttast ogtekjur
minnka hjá einhveijum, sem hafa
vinnu, en í staðinn verður unnt að
veita fleirum einhverja úrlausn við
tiltekin störf,“ sagði borgarstjóri.
Sértæk úrræði
Síðar í ræðu sinni vék borgar-
stjóri enn að atvinnumálum og sagði
það vekja furðu að átak sem borgin
hefur staðið fyrir skuli falla í skugg-
ann í þjóðfélagsumræðunni. Sá
árangur sem nýlega hefði náðst í
vaxtamálum vekti vonir um að at-
vinnulífið rétti nokkuð úr kútnum.
Því sé rétt að borgin beini aðgerðum
að nokkru leyti frá almennum að-
gerðum og að sértækum úrræðum í
atvinnumálum.
í ljós hafi komið að almennar að-
gerðir svo sem óskilyrt framlög til
framkvæmda, sem boðin eru út, virð-
ist fremur styrkja stöðu þeirra sem
hafa vinnu en hafi síður í för með
sér fíölgun starfa. Þá þurfi að auka
stuðning við ungt fólk á aldrinum
16 til 25 ára en það sé sá aldurshóp-
ur meðal atvinnulausra sem geldur
oft lítillar skólagöngu eða takmark-
aðrar starfsreynslu og á því á bratt-
ann að sækja þegar þrengist um á
vinnumarkaði. Loks verður að fjölga
úrræðum sem hægt er að sníða að
þörfum einstakra hópa fólks á at-
vinnuleysisskrá til dæmis með hlið-
sjón af aldri, menntun, starfsreynslu
og efnahag, þar sem atvinnuleysi er
ekki lengur bundið við tiltölulega fáa
hópa fólks, sem eigi margt sameigin-
legt. eins og menn áttu að venjast
til skamms tíma.
Aukafjárveiting og samráð
í máli borgarstjóra kom fram að
í fjárhagsáætlun væri ekki gert ráð
fyrir framlagi til að standa straum
af kostnaði vegna sérstakra ráðstaf-
ana í atvinnumálum, en að unnið
væri að undirbúningi tillagna um
fjölgun starfa og margvíslegum öðr-
um úrræðum í þágu atvinnulausra.
Verða endanlegar tillögur um stuðn-
ingsaðgerðir og sérstök átaksverk-
efni lögð fram um mánaðamótin fe-
brúar/mars. „Jafnframt er þá gert
ráð fyrir að kostnaðinum verði mætt
með sérstakri aukafjárveitingu og
heimild til öflunar lánsfjár ef með
þarf,“ sagði Markús. „Leitað verður
álits fjölmargra aðila við mótun til-
lagnanna og samráð haft við fulltrúa
atvinnurekenda og launþega á reyk-
vískum vinnumarkaði."
Sagði hann að forráðamenn Dags-
brúnar hefðu þegar haft frumkvæði
að viðræðum um þetta efni og í fram-
haldi hafi formanni og framkvæmda-
stjóra atvinnumálanefndar verið fal-
ið að taka þátt í umræðunum ásamt
framkvæmdastjóra Aflvaka Reykja-
víkur hf.
Framlög til Sinfóníu
og listaskóla rædd
BORGARYFIRVÖLD hafa samþykkt að taka upp viðræður við ríkið
um framlög borgarinnar til Sinfóníhljómsveitar íslands, framhaldsnáms
í tónlistarskólum og til reksturs Myndlista- og handíðaskóla íslands.
I ræðu Markúsar Arnar Antons-
sonar borgarstjóra við fyrstu umræðu
um fíárhagsáætlun Reykjavíkurborg-
ar árið 1994, kom fram að samþykkt
hafí verið að taka upp viðræður við
hlutaðeigandi ráðuneyti um útgjöld
borgarinnar vegna Sinfóníuhljóm-
sveitar Islands. Borgarsjóði sé gert
að greiða 18% af rekstrarkostnaði
hljómsveitarinnar og Seltjarnames
greiðir 1%. Þegar lögin hafí verið
sett var reiknað með að fleiri sveitar-
félög yrðu aðilar að rekstrinum en
svo hafí ekki orðið. Framlag borgar-
sjóðs í ár er áætlað 32,5 millj.
Sagði borgarstjóri, að vegna spam-
aðarráðstafana í ríkisrekstri sem leitt
hafí til aukins álags á þjónustu borg-
arinnar og hærri kostnað borgarsjóð
var samþykkt að taka upp viðræður
við ráðuneytin. Rétt þyki að draga
úr þeim útgjöldum sem borgarsjóði
hefur verið gert að standa undir með
ríkissjóði. Nær það einnig til kostnað-
ar vegna framhaldsnáms í tónskólum
og vegna reksturs Myndista- og
handíðaskóla íslands sem Reykjavík
er einu sveitarfélaga gert að taka
þátt í.
Reykskynjarar nema illa glóðareld
Safnhúsið sagt eld-
fimt þrátt fyrir hert-
ar öryggisráðstafanir
í NIÐURSTÖÐU könnunar öryggismiðstöðvar Securitas, vegna bruna
í Þjóðminjasafninu sl. miðvikudag, segir m.a. að reykskynjarar í Þjóð-
minjasafninu séu jónískir og nemi því ekki glóðarbruna á borð við
þann sem upp kom í safninu jafn skjótt og þar til gerðir reykskynjar-
ar, að sögn Guðmundar Magnússonar þjóðminjavarðar. Hann segir
einnig að nýjar og hertar reglur um auknar öryggisráðstafanir vegna
viðgerða í safninu hafi verið undirritaðar í gær en segir jafnframt
að núverandi húsnæði Þjóðminjasafnsins henti ekki til varðveislu þjóð-
argersema. Ekkert öryggiskerfi breyti þeirri staðreynd að húsnæðið
sé afar eldfimt. Ekki náðist í framkvæmdastjóra Securitas í gær.
Guðmundur Magnússon segir að í
niðurstöðu könnunar Securitas komi
meðal annars í ljós að reykskynjarar
í safninu séu svokallaðir jónískir
skynjarar sem ekki skynji glóðareld.
Til að svo megi verða þurfi að setja
upp „optíska" skynjara. Hann segir
jafnframt að reglur um öryggisráð-
stafanir vegna vinnu við safnið hafi
verið hertar til muna. Einnig hafi
slökkviliðsstjóra verið skrifað bréf í
gær þar sem óskað er eftir beinteng-
ingu við slökkvistöðina sem fyrst.
Þjóðminjavörður bendir hins vegar á
að safnhúsið við Suðurgötu henti ekki
til varðveislu þjóðminja. Húsið sé
hvorki vel byggt né vel skipulagt og
samræmist ekki öryggiskröfum nú-
tímans. Ef eldur kvikni muni hann
ná hraðri útbreiðslu sama hversu
fljótt yrði við brugðist, t.d. séu loft-
stokkar úr tré. „Það er ekki veijandi
að geyma þjóðardýrgripi við slíkar
aðstæður," segir Guðmundur. Hann
segir að auki að háskólaráð hafi í
sumar samþykkt þann möguleika að
byggja 3.000 mz húsnæði á lóðinni
milli Þjóðarbókhlöðunnar og Hótels
Sögu og væri mun skynsamlegra að
fíytja safnið þangað í húsnæði sem
samrýmdist nútíma öryggiskröfum
og staðsetja skrifstofur og geymslu-
húsnæði núverandi safnhúsi.
Sautjan ára piltur
eigandi sprengju-
eftirlíkingarinnar
SAUTJÁN ára piltur hefur gengist við því að hafa átt eftirlíkingu
sprengju sem fannst í símaklefa við Landsímahúsið í Reykjavík á
þriðjudag. Eins og greint hefur verið frá í Morgunblaðinu var eftir-
líkingunni eytt með þar til gerðu vélmenni.
Að sögn lögreglu sagðist piltinum
svo frá að hann hefði dundað við
að líma saman plaströr, sett járn-
plötu á milli og vírþræði og álpappír
á endana. Þetta hefði hann sett í
kassa og ætlað að hrekkja kunn-
ingja sinn en ekki að valda neinum
ótta hjá öðrum. Hann hringdi í kunn-
ingjann þar sem hann var staddur
í Kirkjustræti, náði ekki sambandi
en dvaldist aðeins í símklefanum.
Síðan ákvað hann að labba heim til
kunningjans og vekja hánn upp en
tókst ekki. Þar áttaði hann sig á
því að hann hafði gleymt kassanum
í símaklefanum en áræddi ekki að
fara til baka að sækja hann og fór
fótgangandi heim til sín.
Síðar um nóttina var tilkynnt um
sprengju í Landsímahúsinu. Hennar
var leitað innandyra en án árang-
urs. Það var síðan á þriðjudagsmorg-
un sem tilkynnt var um sprengju í
símaklefanum.
Böndin bárust að umræddum pilti
vegna ábendinga um nóttina og
hann viðurkenndi síðan að hafa átt
kassann.
Endumienntmumiám
í sjávarútvegsfræðum
NAM í sjávarútvegsfræðum á
vegum Endurmenntunarstofnun-
ar Háskóla íslands hófst í gær
og eru nemendur 26 talsins hvað-
anæva af Iandinu. Þetta er í
fyrsta sinn sem nám af þessu
tagi fer fram á vegum Endur-
menntunarstofnunar. Sveinbjörn
Björnsson rektor Háskóla ís-
lands sagði við setningu nám-
skeiðsins að kennsla í þessari
undirstöðuatvinnugrein hefði
verið vanrækt hérlendis. Háskól-
inn væri hins vegar að feta sig
inn á þessa braut og auk náms
í sjávarútvegsfræðum stæði fyrir
dyrum meistaranám í sjávarút-
vegsgreinum við Háskóla ís-
lands.
Sveinbjörn sagði að Háskóli ís-
lands væri í raun tveir skólar, ann-
ars vegar dagskólinn og hins vegar
Endurmenntunarstofnunin þar sem
fímm þúsund nemendur sæktu
nám. Hann sagði að mörgum þætti
það skemmtilegra viðfangsefni að
kenna nemendum sem sækja nám
á vegum Endurmenntunarstofnun-
ar. Þeir nemendur kæmu með
reynslu úr atvinnulífinu með sér inn
í skólann og væru kröfuharðari
hvað varðaði kennsluna. Sveinbjörn
sagði að það hefði verið orðað við
sig að sjávarútvegsfræðin hefðu
verið vanrækt í íslensku skólakerfí
og kvaðst taka undir það. Þótt Fisk-
vinnsluskólinn hafí farið vel af stað
hafi hann ekki staðið undir þeim
væntingum sem gerðar hafi verið
til hans og sama gildi um Stýri-
mannaskólann og Vélskólann.
„Háskóli íslands hefur heldur
ekki sinnt þessum greinum eins og
hann hefði átt að gera en við höfum
þó reynt að feta okkur inn á þessa
braut,“ sagði Sveinbjörn.
Meistaranám
Hann sagði að auk náms í sjávar-
útvegsfræðum við Endurmenntun-
arstofnun væri á döfinni að hleypa
af stokkunum meistaranámi í sjáv-
Morgunblaðið/Kristinn
I upphafi skólaárs
SVEINBJÖRN Björnsson háskólarektor ávarpar nemendur í sjávarút-
vegsfræðum við setningu námsins í Tæknigarði í gær.
arútvegsgreinum sem yrði í sam-
vinnu margra deilda innan Háskól-
ans. Námið væri hugsað t.a.m. fyr-
ir lögfræðinga sem vildu kynna sér
sjávarrétt eða sérfræðinga á öðrum
sviðum sem vildu kynna sér mál-
efni tengd sjávarútvegi. Einnig yrði
mögulegt að blanda saman fleiri
en einni grein í námi sínu.
Markmið náms í sjávarútvegs-
fræðum er að sameina fræðilega
og hagnýta þekkingu á þessu sviði
og að miðla nýjustu aðferðum, hug-
myndum og rannsóknamiðurstöð-
um. Námið tekur eitt ár og miðast
skipulag þess við að fólk utan af
landi geti stundað það með vinnu
sinni. Kennt verður þijá daga í
senn, fímmtudaga til og með laug-
ardaga einu sinni til tvisvar í mán-
uði. Alls verða kenndar 330
kennslustundir og samsvarar námið
12,5 einingum í námi á háskóla-
stigi. Námið er ætlað stjórnendum
í íslenskum sjávarútvegsfyrirtækj-
um, einkum þeim sem hafa lokið
háskóla- eða tækniskólaprófi en
hentar þó öllum sem hafa góða al-
menna menntun og starfsreynslu í
íslenskum sjávarútvegi. Þáttöku-
gjald í náminu er 190 þúsund kr.
Boðið verður upp á fjórtán nám-
skeið og lýkur námi með prófí í
hveiju námskeiði. Meðal námskeiða
er rekstrarhagfræði og fjármála-
stjómun, fískihagfræði og fram-
leiðslustjórnun í fiskiðnaði, Gæða-
stjórnun og efna- og örverufræði
svo fátt eitt sé nefnt.
Gjöf til
flugniinja-
safnsins
STJÓRN Félags íslenskra at-
vinnuflugmanna hefur fært
Flugminjasafni Egils Ólafs-
sonar bónda á Hnjóti í Örlygs-
höfn 100 þúsund kr. að gjöf.
Gjöfin er án skilyrða en félag-
ið nefnir að það vildi gjaman
sjá hana stuðla að uppbyggingu
flugskýlisins sem stóð i Vatna-
görðum í Reykjavík. Flugskýlið
er óuppsett á Hnjóti en fyrirhug-
að er að koma flugminjasafninu
fyrir í því í framtíðinni.
Um embætti héraðs- -
dýralæknis í Mýrasýslu
eftir Rúnar Gíslason
Fimmtudaginn 23. desember sl.
segir Morgunblaðið frá því að Hall-
dór Blöndal landbúnaðarráðherra
hafi veitt undirrituðum stöðu héraðs-
dýralæknis í Mýrasýsluumdæmi. í
greininni er ekki að öllu leyti farið
rétt með staðreyndir. Þar segir:
„Þorri bænda í héraðinu skrifaði
undir áskorun til ráðherra að ráða
annan umsækjanda, Gunnar Gauta
Gunnarsson, sem starfað hefur með
fráfarandi héraðsdýralækni og leyst
hann af undanfarin tíu ár...“ Rétt
er að Sverrir Markússon hefur gegnt
störfum héraðsdýralæknis í Mýra-
sýsluumdæmi í um tuttugu ár. Gunn-
ar Gauti hefur leyst hann af í sumar-
leyfum og verið settur með honum
á sláturtíð undanfarin ár.
Árið 1989 tók til starfa þriggja
manna nefnd landbúnaðarráðuneyt-
isins, sem leggur mat á umsóknir til
héraðsdýralæknisembætta. Nefndin
starfar eftir reglum, sem Steingrím-
ur J. Sigfússon setti. í henni sitja
fulltrúar ráðherra, yfirdýrala'knis og
Dýralæknafélags Islands. Ráðherra
hefur undantekningalaust farið eftir
mati nefndarinnar jafnvel þó að
stundum hafi litlu munað á umsækj-
endum. Fullyrðing Klemensar Hall-
'tötmrn m tm •
því að ráðherra viki frá punktakerf-
„Möguleikar mínir til
að afla mér nauðsyn-
legs trúnaðartrausts á
skömmum tíma eru litl-
ir orðnir.“
inu vegna eindreginna óska heima-
manna er röng.
í Tímanum 18. desember og í DV
tveim dögum síðar er gefið I skyn
að pólitík hafi ráðið miklu urn skipun
mína. Ég bendi Morgunblaðinu á að
leita upplýsinga hjá landbúnaðar-
ráðuneytinu um hvort stjórnmála-
menn hafi gengið minna erinda eða
jafnvel annarra umsækjenda í þessu
máli. Ég er yfirlýstur sjálfstæðis-
maður og tel mig ekki þurfa að fara
leynt með það.
Umsóknarfrestur um starf héraðs-
dýralæknis í Mýrasýsluumdæmi
rann út 16. nóvember. Þá um kvöld-
ið hafði Gunnar Örn Guðmundsson
héraðsdýralæknir á Hvanneyri sam-
band við mig. Daginn eftir hittumst
við og buðum Gunnari Gauta að
vera með okkur. Hann -sá sér það
ekki fært. Ég gerði Gunnari Erni
strax ljóst, að áhugi minn á embætt-
inu væri alfarið bundinn því að þeir
félagarnir vildu hafa samstarf við
teStkíSMLéli*
draga umsókn mína til baka. Or
varð að ég lét umsóknina standa,
enda fóru hugmyndir okkar Gunnars
Arnar um þriggja manna samvinn-
upraxís í Borgarfjarðar: og Mýra-
sýsluumdæmum saman. í þeirri sam-
vinnu skyldu menn standa sem jafn-
astir án tilþts til þess hvort þeir
væru héraðsdýralæknar eða sjálf-
stætt starfandi.
Síðan leið mánuður þar til emb-
ættið var veitt. Þann tíma notuðu
ákafir stuðningsmenn Gunnars
Gauta Gunnarssonar til undirskrifta-
söfnunar í héraðinu. Vikuna eftir
veitinguna notuðu-þeir til opinberra
mótmæla.
Möguleikar mínir til að afla mér
nauðsynlegs trúnaðartrausts á
skömmum tíma eru litlir orðnir. Ég
gef lítið fyrir orð og frekari kynni
af mönnum sem í einni setningu
leggja áherslu á að þeir hafi ekkert
á móti persónu og störfum Rúnars
Gíslasonar en segja svo í þeirri næstu
að hann hafi fengið pólitíska stöðu-
veitingu. Starfí héraðsdýralæknis í
Mýrasýslu hef ég sagt lausu.
Gunnari Erni Guðmundssyni, hér-
aðsdýralækni á Hvanneyri, þakka
ég góðar samstarfsviðræður um leið
og ég harma að niðurstaðan varð
þessi.
■ -:á' ' ú. % k-EJVilM'ltsái:*.k:é *
Höfúndur cr héraðsdýralæknir.