Morgunblaðið - 19.05.1994, Síða 52

52 FIMMTUDAGUR 19. MAÍ 1994
MORGUNBLAÐIÐ
ÍÞRÓTTIR
KNATTSPYRNA / LANDSLIÐIÐ
Morgunblaðið/Þorkell
Rúnar Kristinsson til vinstri leikur 39. landsleik sinn í kvöld og er landsleikjahæst-
ur í íslenska hópnum. Hilmar Björnsson er eini nýliðinn.
Morgunblaðið/Þorkell
Sigurður Jónsson og Kristján Jónsson klæðast landsliðsbúningnum í 30. sinn.
Hér gera þeir að gamni sínu áður en þeir héldu á æfingu í gær.
Uð sem sigrar Brasilíu og
Uruguay hlýtur að vera gott
Sigurður fyrir-
liði í fyrsta sinn
IÞROTTIR FATLAÐRA
■ FORSALA á leikinn heldur
áfram í dag í Eymundsson Kringl-
unni, Sportvöruversluninni
Spörtu á Laugaveginum og á
Laugardalsvelli frá kl. 11.00.
Miðaverð fyrir fullorðna í stúku er
1.300 krónur og 900 krónur í stæði.
Böm 16 ára og yngri greiða 300 kr.
■ LEIKURINN hefst kl. 20, en
Bossanova-bandið mun skapa
samba-stemmningu fyrir leikinn
eða frá kl. 19.00.
■ LARS Gerner frá Danmörku
verður dómari, en línuverðir verða
Ari Þórðarson og Gísli Björgvins-
son. Aðstoðardómari er Guðmund-
ur Stefán Maríason.
■ RÚNAR Kristinsson úr KR er
leikjahæstur þeirra sem leika gegn
Bólivíu í kvöld með 38 landsleiki.
Þorvaldur Orlygsson kemur næst-
ur með 31 leik. Hilmar Björnsson
er eini nýliðinn í hópnum.
■ KRISTJÁN Jónsson lék með
liði sínu, Bodö/Glimt, í norsku
deildinni gegn Bjarna Sigurðssyni
og félögum í Brann um síðustu
helgi og tapaði 4:0. „Það verður
að segjast eins og er að þeir voru
miklu betri hjá Brann. Okkur hefur
gengið illa það sem af er tímabil-
inu, en það er mikið sem býr i lið-
inu og of snemmt að örvænta,"
sagði Kristján.
■ BÓLIVIUMENN komu til
landsins um miðjan dag í gær og
æfðu á Laugardalsveili í gær-
kvöldi. Liðið býr á Hótel Sögu og
heldur utan strax í fyrramálið.
■ ÍSLENSKA liðið æfði á
Tungubakkavelli í Mosfellsbæ í
gær og horfði síðan á úrslitaleikinn
í Evrópukeppninni milli AC Milan
og Barcelona. í dag kl. 10.30 verð-
ur svo æft á Valbjarnarvelli.
segirÁsgeir Elíasson, landsliðsþjálfari, um leikinn gegn Bólivíu í kvöld
ÍÞRÓTTASAMBAND Fatlaðra hélt upp á 15 ára afmælið í fyrrakvöld og við það tækifæri var afreksskjöldur ÍF, sem
er æðsta viðurkenning Sambandsins, afhentur fjórum íþróttamönnum fyrir glæstan árangur á liðnum árum. Þetta er í
fyrsta sinn, sem afreksskjöldurinn er veittur, en verðlaunahafarnir eru á myndinni með Ólafi Jenssyni, formanni ÍF.
Frá vinstri: Geir Sverrisson, Sigrún Huld Hrafnsdóttir, Ólafur Jensson, Haukur Gunnarsson og Ólafur Eiríksson. Auk
þess fengu sjö manns gullmerki ÍF; Hörður Barðdal, Ölöf Ríkharðsdóttir, Erlingur Jóhannsson, Jóhann R. Agústsson,
Elsa Stefánsdóttir, Ólafur Ólafsson og Ellert B. Schram.
ÁSGEIR Eiíasson, landsliðsþjálf-
ari, segir að leikurinn gegn
Bólivíu á Laugardalsvelli kl. 20
í kvöld leggist vel í sig, eins og
reyndar allir aðrir leikir. „Ég
veit nú ósköp lítið um þetta lið,
nánast ekkert. Lið sem kemst í
úrslitakeppni HM og sigrar
Brasilíu og Uruguay í riðla-
keppninni hlýtur að vera gott,“
sagði Ásgeir.
JW
Asgeir sagðist reikna með að
Bólivíumenn væru mjög flinkir
og fljótir eins og önnur lið frá Suður-
Ameríku. „Við reynum að spila okk-
ar leik og þurfum að passa okkur á
þríhyrningsspili þeirra.
Menn mega ekki standa og horfa
á boltann, það þarf að vinna vel og
loka svæðum. Við höfum áður spilað
gegn þjóð frá Súður-Ameríku og því
ætti ekkert að koma okkur á óvart
í leik þeirra.“
Hann sagði að það yrði að koma
í ljós hvernig leikurinn spilaðist í
upphafí. „Ég mun vera tilbúinn að
breyta og reyna að bæta ef ástæða
þykir, en byrja með leikaðferðina
4-3-3. Ég hef það á tilfinningunni
að Bólivía leiki með þijá menn í vörn,
fímm á miðjunni og tvo frammi,
3-5-2.“
Reiknar þú með að leyfa öllum
varamönnunum að spreyta sig?
„Það væri auðvitað skemmtilegast
ef hægt væri að nota alla. En það
verður bara að koma í ljós, það fer
alveg eftir því hverning leikurinn
þróast. Aðalmálið er að þessi leikur
verði góð æfing fyrir liðið og það
væri ekki verra að ná hagstæðum
úrslitum."
Ásgeir sagði að landsliðsmennirnir
væru flestir í góðri æfingu og þessir
þrír æfmgaleikir sem liðið hefur leik-
ið að undanfömu væri góður undir-
búningur.
„Strákarnir sem leika hér heima
eru að vísu að hefja keppnistímabilið
og því kannski ekki komnir í sitt
besta leikform á grasi. En miðað við
aðstæður þá getur ástand þeirra lík-
amlega varla verið betra. Þeir eru
allir tilbúnir í slaginn og gera örugg-
lega sitt besta,“ sagði Ásgeir.
Afreksmenn heiðraðir
SIGURÐUR Jónsson verðurfyr-
irliði íslenska landsliðsins í
fyrsta sinn f kvöld. „Það er alltaf
viss heiður að vera valinn fyrir-
liði landsliðsins. Ég er þó ekki
viss um að það breyti einhverju
í sambandi við leik minn. Hingað
til hef ég reynt að kalla og hvetja
menn sem mest og það geri ég
áfram þrátt fyrir fyrirliðaband-
ið,“ sagði fyrirliðinn.
Sigurður sagði að landslið Bólivíu
væri hálfgert spurningamerki.
„Við vitum ekkert um þetta lið, ann-
að en að það var aðeins einu stigi á
eftir Brasilíu i undankeppni HM. Það
segir okkur einfaldlega það, að liðið
er mjög gott. Við hugsum þennan
æfingaleik eins og aðra sem góðan
undirbúning fyrir komandi átök.
Þessi leikur verður erfiður, en við
gemm okkar besta. Það er góður
andi í liðinu og menn hlakkar til að
fá tækifæri að takast á við þetta
verkefni. Ég held að þetta geti orðið
skemmtilegur leikur á að horfa og
veðurútlit er gott. Ég vil hvetja alla
til að koma og styðja við bakið á
okkur og sjá þetta lið, sem leikur
opnunarleik heimsmeistarakeppn-
innar í Bandaríkjunum gegn heims-
meistumm Þjóðveija 17. júní. Þetta
er líka fyrsti alvömleikur sumars-
ins,“ sagði fyrirliðinn sem leikur 30.
landsleik sinn.
Morgunblaðið/Kristinn
Bólivíumenn á Laugardalsvelli
LANDSLIÐ Bólivíu verður fyrst liða frá Suður-Ameríku til að leika á íslandi.
Hópurinn kom til landsins í gær og æfði á aðalleikvanginum í Laugardal í
gærkvöldi, þar sem landsleikurinn verður í kvöld.
Byrjunarlið íslands
Ásgeir Elíasson, landsliðsþjálfari, tilkynnti byrjunarlið sitt í gærkvöldi. Birkir
TCristinsson verður í marki, Rúnar Kristinsson hægri bakvörður, Sigursteinn
Gíslason vinstri bakvörður, en Kristján Jónsson og Izudin Daði Dervic miðverð-
ir. Á miðjunni verða Arnar Grétarsson, Sigurður Jónsson og Þorvaldur Örlygs-
son. Haraldur Ingólfsson verður á vinstri kanti og Eyjólfur Sverrisson og
Amar Gunnlaugsson framheijar. Varamenn verða því Kristján Finnbogason,
Þormóður Egilsson, Hilmar Björnsson, Ólafur Kristjánsson og Bjarki Gunn-
laugsson.