Morgunblaðið - 24.06.1994, Blaðsíða 7

MORGUNBLAÐIÐ
FÖSTUDAGUR 24. JÚNÍ 1994 7
FRÉTTIR
Hreiður
hreinsuð
tvisvar
NÆR ALLT heiðargæsavarp
hefur verið lagt í rúst, að mati
Kára Kristjánssonar landvarðar,
eftir meintan eggjaþjófnað í
Herðubreiðarfriðlandi og segir
hann augljóst að tjón af þessum
völdum sé mjög mikið. Lögregl-
an á Húsavík staðfesti að kæra
hafi verið lögð fram af Náttúru-
verndarráði vegna hins meinta
eggjaþjófnaðar, en rannsókn
málsins er ekki að fullu lokið.
Kári Kristjánsson sagði í
samtali við Morgunblaðið að um
hrein skemmdarverk væri að
ræða. Gróður og jarðmyndanir
hafi orðið fyrir skemmdum
vegna utanvegaaksturs og
hreiður verið hreinsuð tvisvar.
Hann telur líklegt að allt varp
ársins sé meira og minna farið
út um þúfur. Nokkur egg hafi
þó orðið eftir sem orpin hafa
verið eftir að „þjófamir“ fóru
með ránshendi um miðjan maí.
Lögreglan á Húsavík hefur
hafíð rannsókn á meintum þjófn-
aði eggjanna og gróðurspjöllum
vegna utanvegaaksturs. Hún
segir of fljótt að fullyrða um lykt-
ir málsins, en játningar liggja
ekki fyrir í þessu máli.
Hreinlætisaðstað-
an á þjóðhátíð á
Þingvöllum
Kostnaður
tæpar 12
milljónir
LANGAR biðraðir mynduðust
við salernin á þjóðhátíðarsvæð-
inu á Þingvöllum 17. júní síðast-
liðinn. Garðafell hf. sá um hrein-
lætisaðstöðuna en gengið var til
samninga við það að undan-
gengnu útboði. Tilboðið hljóðaði
upp á kr. 11.789.838 og var
næst lægst. í Morgunblaðinu sl.
sunnudag var haft eftir Steini
Lárussyni framkvæmdastjóra
þjóðhátíðarnefndar að mikil
umferð fólks, hesta, fornbíla,
strætisvagna og fleiri ökutækja
á svæðinu hafi valdið því að
bílarnir, sem áttu að tæma sal-
ernin, komust ekki leiðar sinr.ar.
Steinn sagði að í upphafi hafi
verið ráðgert að nota fjóra bíla
til að tæma salernin en þeir
hafi reynst of fáir. Var þá kallað
eftir liðsauka, tveimur bílum,
sem aldrei komust til Þingvalla.
Guðmundur Pálsson verkstjóri
hjá Garðafelli hf. tekur undir
skýringar þjóðhátíðarnefndar en
vill að öðru leyti ekki tjá sig um
málið.
7,5 millj-
ónirtil
sumarvinnu
BÆJARRÁÐ Hafnarfj'irðar
hefur samþykkt 7,5 milljón
króna aukafjárveitingu vegna
sumarstarfa ungmenna á aldrin-
um 17 til 20 ára.
Að sögn Magnúsar Jóns
Árnasonar bæjarstjóra, eru
þetta um 60 ungmenni sem
verða ráðin með tilkomu þessar-
ar fjárveitingar. Unnið verður
næstu sjö vikurnar eða út júlí-
mánuð, við gerð göngustíga,
gróðusetningu og hleðslur auk
annarra verkefna sem til falla.
Morgunblaðið/Magnús
Lítið tjón varð
er olíubíll valt
Hólmavík. Morgunblaðið.
BETUR fór en á horfðist þegar
olíubíll með 30 þúsund lítrum af
gasolíu valt við bæinn Hvítuhlíð í
Bitrufirði á Ströndum síðastliðinn
föstudag. Talið er að nokkur
hundruð lítrar af gasolíu hafi
runnið úr tönkum bílsins áður en
hægt var að dæla úr þeim en frá
veltunni var skýrt í Morgunblaðinu
sl. sunnudag. Olían rann öll út í
jarðveginn en heilbrigðisfulltrúi
Vestfjarða hefur ákveðið að ekki
þurfi að skipta um jarðveg eins
og hugmyndir voru uppi um. Þar
spilar inn í að gasolía gufar hratt
upp. Ökumaður bílsins slapp að
mestu ómeiddur en stýrishús bíls-
ins var talsvert skemmt. Að öðru
leyti var bíllinn í góðu ástandi og
eftir að olíunni hafði verið dælt
úr bílnum var hann reistur við og
honum ekið til Reykjavíkur.
Nýjung fyrir þá sem vilja fá sér farsíma til
að nota á kvöldin, um nætur og um helgar
Ódýrara - öryggisins vegna!
Þeir sem vilja nota farsímann í frítíma sínum, s.s. á
kvöldin og um helgar og sem öryggistæki, býðst nú
að greiða lægra stofn- og ársfjórðungsgjald fyrir
farsímanotkun.
Mínútugjaldið er það sama og um venjulegan farsíma
væri að ræða, frá kl. 18.00-08.00 alla virka daga og
um helgar. Utan þessa tíma er greitt þrefalt gjald fyrir
hverja mínútu.
Farsíminn kemur að góðum notum í frítímanum sem
öryggistæki, í sumarbústaðinn, í veiðiferðina, í
hjólhýsið og fjallaferðina.
Þú færð nánari upplýsingar hjá Pósti og síma og hjá
öðrum söluaðilum farsíma.
Lægra stofngjald
kr. 2.490.-
Lægra afnotagjald
kr. 498. -/ársfjórðungslega
FARSÍMAKERH
PÓSTSOGSÍMA
PÓSTUR OG SÍMI