Morgunblaðið - 24.06.1994, Page 9
MORGUNBLAÐIÐ
FÖSTUDAGUR 24. JÚNÍ 1994 9
FRÉTTIR
íslenskir tvíburar leika í stórmyndinni Steinaldarmönnunum
Morgunblaðið/Sigurður Jónsson
TVÍBURARNIR brugðu sér í veiðiferð á dögunum með föður sínum, og halda hér stoltir á fiskinum
sem veiddist í ferðinni.
Lærðum margt um
galdra kvikmyndanna
Bam-Bam eins og hann lítur út á
auglýsingaspjaldi kvikmyndarinn-
ar, ásamt hundinum Dino.
STÓRMYNDIN Steinaldarmennirnir
var frumsýnd í Bandaríkjunum 27.
maí síðastliðinn, og hafði þegar síð-
ast fréttist aflað aðstandendum sín-
um um 100 milljóna dollara i tekjur,
eða tæplega sjö milljarða íslenskra
króna. Auk myndarinnar hefur verið
steypt á markaðinn öllum þeim vam-
ingi sem nöfnum tjáir að nefna í
tengslum við persónur hennar; bol-
um, húfum, leikföngum, brúðum,
myndabókum, litabókum, tímaritum,
smákökum, umbúðum um matvæli,
sælgæti og ótal mörgu fleira. Andlit
íslenskra tvíbura prýða bæði mynd-
ina og söluvarninginn, en bræðurnir
Hlynur og Marínó Sigurðssynir leika
í sameiningu hlutverk Bam-Bams í
Steinaldarmönnum, en hann er fóst-
ursonur Barneys (Rick Moranis) og
Bettyar (Rosie O’Donnell), vinahjóna
Freds (John Goodman) og Vilmu
Flintstones (Elizabeth Perkins).
Feimnislegir prakkarar
Universal-kvikmyndaverið stend-
ur að baki myndinni sem byggð er
á heimskunnum teiknimyndum tví-
eykisins William Hanna og Joseph
Barbera, sem hafa meðal annars
verið sýndar hérlendis og þykja orðið
sígildar. Tvíburarnir komu í nokk-
urra vikna frí til íslands 16. júní sl.
ásamt foreldrum sínum og systrum,
og verða viðstaddir sérstaka forsýn-
ingu myndarinnar 3. júlí næstkom-
andi, en frumsýning verður 22. júlí
í Háskólabíói og Bíóhöllinni.
Strákarnir eru sex ára gamlir og
hafa greinitega ekki látið umstangið
og athyglina stíga sér til höfuðs;
þeir er miklir prakkarar en þó stutt
í feimnina. Tíminn hefur liðið hratt
við gerð myndarinnar, því Marínó
heldur helst að upptökur hafi staðið
yfir í 12 daga en í raun vörðu þeir
ásamt móður sinni, Ágústu Hreins-
dóttur, hárgreiðslumeistara, þremur
og hálfum mánuði í tökur seinasta
sumar, auk þess sem fáein atriði
voru tekin upp í mars sl. Systur
þeirra bræðra, Sandra Ósk og íris,
voru einnig ráðnar til starfa sem
aukaleikarar í kvikmyndinni. „Okkur
leiddist aldrei og allir voru skemmti-
legir og góðir við okkur. Við lærðum
líka heilmargt um galdrana sem
hægt er að gera með tökuvélinni,“
segir Marínó.
Fólkið er raunverulegt
Bam-Bam er frumskógarbarn sem
hefur alist upp með dýrum, og Betty
og Barney ættleiða drenginn og
reyna að siða hann til. Það eina sem
Bam-Bam segir er einmitt „Bam-
Bam“, en Barney reynir allt hvað
hann getur til að fá hann til að segja
„pabbi“. Bam-Bam sveiflar kylfu og
öskrar eins og dýrin og er, eins og
segir í kynningu með myndinni,
„sterkasta barn hérna megin við
Júragarðinn". Strákarnir hafa séð
Steinaldarmennina þrívegis og segja
lokaatriðið í mestu uppáhaldi hjá
sér, enda æsispennandi, en það sé
hins vegarTeyndarmál. „Það er líka
frábært þegar Fred fer að leika ból-
ing og þurrkar hendurnar áður með
því að láta frosk blása á þær,“ segir
Hlynur.
Steinaldarmennirnir eru uppi á
„tæknivæddri“ steinöld og í kvik-
myndinni þjóna dýr hlutverkum
flestra þeirra tækninýjunga og heim-
ilistækja sem við þekkjum í dag.
Þannig er sorpkvörnin gráðugt svín
og sláttuvélin er risavaxið krabbadýr
sem slær grasið með klónum. „Dýrin
eru búin til en fólkið er raunveru-
legt,“ segir Marínó. „Það var hins
vegar ekkert erfitt að ímynda sér
að þau dýr væru lifandi." Endur-
skapa þurfti heim teiknimyndanna
að fullu og sérhanna alla skartgripi,
búninga, húsbúnað og ytri umgjörð
aðra. Innitökur fóru að mestu fram
í risavaxinni skemmu þar sem heim-
ili steinaldarmannanna voru reist, en
útitökur fóru annars vegar
fram í þjóðgarðinum Vasqu-
es Rocks í Santa Clarita-
dalnum, þar sem sérkenni-
legar klettamyndanir er að
finna og hins vegar ofan í
stórri gijótnámu.
Skuldbundnir að leika í
• framhaldsmyndum
Ágústa segir að drengjun-
um hafi aldrei fundist sem
þeir væru við vinnu, allt
hafi verið eins og samfelldur
leikur og þegar annar þeirra
fann til þreytu var kallað á
hinn. Marínó og Hlynur voru
valdir úr hópi fleiri hundruð
tvíbura eftir opið forval, og
segir Ágústa að fjölskyldan
hafi farið frekar af forvitni
en í von um að strákarnir
fengju vinnu. Rúmlega tveir
mánuðir liðu áður en endanlega var
valið, en leikstjóri myndarinnar,
Brian Levant, sagði þeim að loknum
tökum að hann hefði verið harðá-
kveðinn í að ráða strákana eftir að
hann sá þá fyrst. -
Fjölskyldan ætlaði sér að semja
sjálf um kaup og kjör, en uppgötv-
aði fljótt að heillavænlegra væri að
ráða umboðsmann til þeirra verka.
„Tvíburamir eru skuldbundnir til að
leika í tveimur framhaldsmyndum,
ef af verður, því óvíst er að John
Goodman kæri sig um að leika Fred
áfram. En þeir eru komnir með tærn-
ar í dyragættina á kvikmyndaheim-
inum, og fái þeir fleiri tilboð munum
við skoða þau vandlega en með hag
og hamingju þeirra í huga fyrst og
fremst," segir Sigurður Ómar Sig-
urðsson, tölyunarfræðingur og faðir
strákanna. Ágústa tekur undir þetta
og kveðst ekki vilja svipta tvíburana
jarðsambandi. „Meðan þeir hafa
gaman af þessu er allt í lagi, og við
hefðum í raun leyft þeim að vera í
myndinni án borgunar, vegna þess
hversu skemmtileg reynsla þetta
ævintýri var fyrir alla fjölskylduna.
Boðskapur myndarinnar er raunar
sá, að vináttan sé miklu meira virði
en peningar.“
Þriggja rétta
kvöldverður W —Q istoranl c— r>i Suðurlandsbraut 14,' sími 811844.
kr. 990
Landspítalinn
Starf lyfjafræðinga
hefur sparað tugi
milljóna króna árlega
LYFJAFRÆÐINGAR
geta gert sjúklingum
lífið þægilegra og
sparað sjúkrahúsunum
mikla peninga með
starfi sínu þar. Undan-
farin tvö ár hefur verið
reynt nýtt fyrirkomu-
lag á Landsspítalanum
þar sem lyfjafræðingur
hefur tekið þátt í deild-
arstarfi á tveimur
deildum sjúkrahússins,
þar á meðal farið
stofuganga. Það hefur
gefið góða raun að
sögn Rannveigar
Gunnarsdóttur, yfir-
lyfjafræðings á
Landsspítalanum en hún undirbjó
þann hluta norrænu lyfjafræðiráð-
stefnunnar í Háskólabíói á dögun-
um, sem sneri að sjúkrahúsum.
„Á Landsspítalanum hefur apó-
tekið sparað stórar upphæðir með
því að gera hagstæðari samninga
um lyfjakaup,“ sagði Rannveig í
samtali við Morgunblaðið. Arið
1992 byijuðu svo lyfjafræðingar á
Landsspítalanum að bandarískri og
breskri fyrirmynd að taka aukinn
þátt í deildarstarfi, þar á meðal að
fara stofuganga, á tveimur deild-
um. Síðan þeir hófu það starf hafa
verðmæti lyfjabirgða þessara
deilda minnkað um 75% og fyrning-
ar eru sama og engar
að sögn Rannveigar.
Sparnaður alls þessa
er tugir milljóna króna
á ári.
„Það, sem við erum
í raun að gera er að
nýta menntun lyfja-
fræðinganna. Við
þekkjum lyfin og vit-
um hvaða lyf eru til.
Það er einnig auðveld-
ara fyrir okkur að
fylgja eftir reglum ly-
fjaneí'ndar,“ sagði
Rannveig. Lyfjafræð-
ingarnir á Landsspíta-
lanum útbúa árlega
lyfjalista og takmarka
þannig þau lyf, sem eru til í apótek-
inu með tilheyrandi sparnaði í
birgðahaldi. „Állt byggist þetta
auðvitað á góðri samvinnu við
lækna og hjúkrunarfræðinga,"
bætti Rannveig við.
Hún sagði að aðrir spítalar en
Landsspítalinn væru nú að fara að
taka upp þetta kerfi og til dæmis
væri undirbúningur í Borgarspítal-
anum kominn vel á veg. Þótt í þessu
fælist til lengri tíma litið mikill
sparnaður þá þyrfti fjármagn til
að koma þessu í framkvæmd. „Að-
alatriðið er samt að með þessari
aðferð bætum við lyfjameðferð
sjúklinga,“ sagði Rannveig að lok-
um.
Fólk er alltaf
að vinna
íGullnámunni:
45 milljomr
Dagana 16. til 22. júní voru
samtals 45.651.261 kr. greiddar út
í happdrættisvélum um allt land.
Petta voru bæði veglegir Silfurpottar
og fjöldinn allur af öðrum vinningum.
Silfurpottar í vikunni:
Dags. Staöur: Upphæð kr.:
16. júní Mónakó 178.638
19. júní Háspenna, Hafnarstræti... 370.293
22. júní Mónakó 251.169
22. júní Kaffi Milanó 59.904
22. júní Mamma Rósa, Kópavogi.. 53.569
22. júní Keisarinn 84.917
22. júní Mamma Rósa, Kópavogi.. 52.771
Staða Gullpottsins 23. júní, kl. 12:00
var 7.695.040 krónur.
Silfurpottarnir byrja alltaf f 50.000 kr. og Gullpottarnir f 2.000.000 kr.
og hækka síöan jafnt og þétt þar til þeir detta.
Rannveig
Gunnarsdóttir